六公館

營業中

休息中

講到慶祝節日，很多時都會推介身邊的朋友到這裡，到那裡。然而今天以後，它變成了首選。海港城的觀景台開放以後，多了不同的餐廳進駐，而它們的賣點就是”海景”。六公館享有地利，餐廳坐擁維港景緻，不論室內室外都是”風景位”。餐廳裝修同樣夠特色，時尚帶點古韻的設計，從而帶出餐廳的賣點：新舊融合的新派中國菜。杏汁花膠川貝菜膽燉白肺 $128結合花膠，川貝，豬肺的燉湯，用料十足。杏汁味道不過火，燉湯比平時飲的湯稠一點，但非常滋潤。龍井熏太爺雞 $288打開煲蓋再放入炒過的龍井茶葉薰香，沒想到龍井茶葉也有這個用法，而且帶出的效果有驚喜，其實感覺有點似紫菜碎，感覺香口。而雞則用上本地的新鮮雞，口感嫩滑，難怪這道招牌菜幾乎在每一枱都有。脆皮燒腩仔 $168雖然知道餐廳的蜜汁黑豚叉燒比較出名，但因為本身喜歡吃燒腩仔，所以最終還是選了它。精緻的脆皮燒腩仔貴精不貴多，它的脆皮絕對一試難忘。每一件燒腩仔都是”一口”的大小，這個比例入口就剛剛好。水牛奶龍蝦球 $298將龍蝦球混入水牛奶中一起炒，再將龍蝦還原呈現眼前。如果你有吃過賽螃蟹，其實口感近似，一樣是香滑口感，爽彈的龍蝦肉有牛奶香。斑片肉鬆脆米魚湯泡飯 $248

出左糧決定請屋企人食餐好既！於是揀左最近人氣好高既六公館，聽朋友講係高級中菜，仲可以對住靚景食飯，真係要帶埋家人黎見識下！一入到餐廳已經俾個裝修驚豔到，真係好靚好豪華！服務員公安排我地坐既位對住海景，特別有feel,未開始食我屋企人已經好興奮啦！前菜點左龍眼蜜生煎金蠔蜜餞過既金蠔食落香甜，加埋蔥絲，口感一流鴛鴦蝦球呢個係我既最愛，芒果沙律醬蝦球配黃金蝦球！蝦球大粒肉質爽 芒果醬酸酸甜甜好開胃而黃金蝦球 外脆內熱 蝦金炸到香脆沾滿咸蛋黃 相當好食頭抽金不換生煎走地雞用頭抽炒香走地雞，入味之餘肉質嫩滑。欖菜榣柱菜頭炒飯炒飯好似好簡單既一道菜，但要炒到好食一d都唔容易！炒飯粒粒分明，仲加左欖菜調味，配埋榣柱，菜頭，食落咸咸香香，好正！總括黎講，食物水準相當高，環境一流！屋企人好滿意啊！

六公館主打fushion菜，每道睇起黎傳統既粵菜都會加入創新既元素，令到每道菜都與別不同！最重要既係，餐廳位置可以飽覽維港夜景，裝修設計都相當有氣派，氣氛好好！因為爸爸鍾意食海鮮，我特突點左一人一碗椰子咸桔燉鮑魚飲起黎椰子清甜 咸桔味亦唔會話太搶 加埋原粒鮑魚 好滿足啊 拍蒜炒津菜心呢個菜心炒得好出色 好入味 加上大量既拍蒜令成個菜更惹味香煎中式澳洲和牛柳雖然份量唔算太多 不過勝在用料靚 牛柳肉味濃加埋秘製酸甜醬汁 開胃醒神！桂花蟹肉炒新竹米粉有別於一般炒米粉 佢好足料口感豐富落左大量既鮮甜蟹肉 加埋芝麻，乾蒜，韭黃一齊炒香，香口得黎又唔會乾真真！六公館既定價雖然有d貴，但佢既食物質數，環境同服務係一流，所以係物超所值！最重要係見到屋企人食到咁開心，自己都覺得好幸福好有成功感啊！

我係海港城fans ,每星期總會嚟 Ocean Terminal 行下LCX，睇下香港嘅日落。今日約咗好姊妹嘆美食睇靚香港，海港城的「六公館」我已經想去好耐，今日終於可以一嘗心願。從電梯向下落就係“六公館”了，嘩~很美的景色啊～前排天氣唔係太好，今日天公造美，睇到維港好清楚啊～未開始食飯睇景就已經怡人。我哋兩位貴氣的女子究竟可以食d咩呢～打開餐牌，天啊～樣樣都咁好食點揀呀～平時冇選擇困難今日突然有呢個毛病。好啦～前菜就點你啦～龍眼蜜生煎金蠔$218－每隻金蠔都好飽滿，煎得好甘香， 龍眼蜜帶出微微嘅甜香，好好味呀～鴛鴦蝦球$298 － 鴛鴦蝦球 ，炸的外脆也內脆，點解內脆，因為蝦身好脆口彈牙，蝦肉滿口都係，而且仲炸到唔太油膩，很好~再配上蛋黃醬超好食，醬汁帶出酸甜味，令炸蝦球更惹味可口。秋葵芥末炒牛柳粒$248 － 軟淋淋的牛柳粒， 肉質 柔軟無比，帶點紮實，像練好一身肌肉的溫暖男，而且仲keep到有肉汁，好正呀～ 驚喜來了秋葵深深包圍著芥末的味道， 咀嚼時爆出陣陣刺激的芥辣香味， 清新中帶點辛辣味，好過癮，令人分分鐘在回味。黑虎掌野菌紅燒豆腐$208 － 黑虎掌野菌好爽脆彈牙，很入味但

第一次到訪，已感覺環境舒適，觀景開陽，服務員也招呼周到，令人有賓至如歸的感覺。睇👀餐牌上所提供的茶品除了一般的普洱、香片，還有幾款特別的茶款選了玫瑰加荔枝紅茶，入口芬芳和清新餡料豐富，可能要配合淡味的外皮所以餡料偏咸，不過味道尚可外觀頗有時代感，驟然一望，彷似油畫，可惜味道同普通蝦餃並無太分別，不過值得一讚系中間個粒黑蒜，味道有點酸酸尾尾，入口溶化㚈皮軟、中層脆、內裡花枝彈口，還配合粟米粒同紅羅白粒，天造之合味道偏甜，桃膠也太淋，有點兒失望黑蒜燒賣也令人喜愛，黑蒜的味道偏咸，差點以為食緊魚子醬

一嚟到呢間維港海旁嘅餐廳，映入眼簾嘅絕對係室外嘅靚景天色漸暗，望住呢個景色食飯，真係好舒適閒暇餐廳室內嘅設計主要用淡紫色，好清雅座位有圓檯有方檯，設計方便一家人或者同公司同事嚟食，整體感覺好整潔舒服店員幫我哋沖好一壺水滾茶靚嘅鐵觀音第一道上嘅菜係鴛鴦蝦球，分别係芒果沙律醬沾蝦球同埋黃金鹹蛋黃蝦球芒果味道好清新，加上芝麻，沾滿大大隻蝦球，size比起一般中菜館食嘅還要大隻蝦肉新鮮，爽口彈牙另外仲有一直好heat嘅黃金蝦球，鹹蛋黃醬均勻地沾滿蝦肉，薄薄嘅一層彷彿係披上咗龍袍外層香脆可口，入面嘅蝦肉嫩滑，呢個配搭真係百吃不膩牛肋骨嘅肉好靚，雪花同肉夾雜，十分有口感望落去啲肉帶微紅，係慢煮過嘅樣子食落牛味甚濃，肉汁豐富係口入面蕩漾，牛肉咬落鬆化唔韌，確係慢煮過嘅功力就咁食調味已經好夠，有少少洋蔥粒，青紅椒粒同芝麻，碟上仲有滿有芝麻香，甜甜哋嘅燒汁，同埋粗海鹽供調味上湯浸住嘅新鮮椰菜苗，清甜下飯，吃再多嘅肉都唔怕雞湯入面仲有養生嘅杞子同鮮茨實，萬綠叢中一點紅白，色澤好悅目，開胃美味壓軸登場嘅係蒸煮班塊，大大塊嘅班球極度新鮮，肉質彈牙，魚肉雪白厚身，係新鮮剖好嘅東星班先有嘅味道店員幫我哋切開好一塊

※本文以用餐當日的環境、服務和食物質素為準，口味亦因人而異，文章只作參考之用。-去過一次Hexa食晚餐後便發現愛上它了！Hexa光看餐廳名稱可能會誤以為係一間西餐廳，但其實佢主打食中菜，部分菜式更融合了一些特別的新元素配搭，中午更有點心供應。另外最吸引小妹的必定係露天位置的海港景色，白天看海看藍天白雲、黃昏看日落，餐廳更設有酒吧，可以一面小喝一杯，一面欣賞美景，環境佔優，這地方真的很好，侍應的服務態度也值得一讚。瑰荔堂煌 $30/位入口很清幽的玫塊荔枝茶，剛好可以解解飽滯感。天子蘭花膠海螺竹絲雞 $238原盅上枱的雞湯，入面有瑤柱、竹絲雞、花膠和海螺等，用料很足！雞湯燉得很透徹，完全不覺油膩，飲落很鮮味，花膠又大片，久違了家人的老火湯，這盅雞湯讓我很回味。蜜汁黑豚叉燒 $288來食中菜忍唔住叫左佢地既蜜汁黑豚叉燒試下，每一件叉燒掃上蜜汁後的樣子令人胃口大開。邊邊位還帶點點焦香，肉質亦非常鬆化，半肥瘦肉質咀嚼中的味道好邪惡，沒半點乾柴的情況出現，就算凍左都好食。八味金磚豆腐 $118之前有係其他餐廳食過呢種豆腐，好鍾意其外皮炸至薄薄一層再灑上味粉，咬落皮脆，裡頭的豆腐滑不溜口，惹味非常，

在香港這個多元的城市，我們能夠輕易享受世界各地的美食，然而中菜在香港人心目中仍佔有重要地位。位處尖沙咀的六公館坐擁維港美景，餐廳設計融滙中西文化的氣息與活力。菜式方面在傳統與創新中取得平衡，並融入本土特色，充份表現香港獨有的一面。我們在黃昏時分到達，可以看到夕陽在維港隨隨落下，船隻在兩岸之間航行，眼前境像就活像一幅活生生的明信片。東風毫香片（@$28）👍👍👍👍香片的花香味清淡優雅，一面呷茶，一面欣賞外面景色，真是嘗心樂事。前菜 (complimentary)鮮柚子鱈場蟹腳（$188）👍👍👍👍👍我們先點了一個鮮柚子鱈場蟹腳作為前菜，鱈場蟹腳已預先起肉並混入新鮮柚子肉、青瓜絲、果仁碎等，並加上一個甜甜酸酸的醬汁，味道清新怡人，酸甜的味道亦令人胃口大開。椰子咸桔燉鮮鮑魚（$138）👍👍👍👍👍我看著餐牌，看到「椰子咸桔燉鮮鮑魚」就引發了我的好奇心，這個湯料的組合比較少見，所以決定一試。原盅的燉湯用石腊微火保持温度，材料方面有一隻鮮鮑魚、原粒元貝，椰子、肉粒和少許咸桔。我嚐第一口湯時，先嚐到椰子的甜味，還有湯的肉香和元貝的鮮甜，繼而散發出淡淡的咸桔味，喝完後，喉嚨感到一種很滋潤的感覺。水牛奶龍蝦

尖沙咀的六公館跟朋友相約到尖沙咀的六公館吃晚餐。我之前未試過來六公館吃晚餐的，但經過這餐之後，我在想：「下次我應該會帶男朋友來這裏吃晚餐」，因為我個人認為六公館的食物賣相不錯，雖然每一碟的份量都不算多，但六公館的食物的味道真心很不錯。所以這一次是朋友帶我來吃，下次我便帶我男朋友來吃。但想提一句話，就是六公館的價錢一點都不便宜。因為我和朋友埋單，再除以每個人要比的錢，都要幾百元一個人，覺得有點兒貴，不過六公館的食物又真是幾好吃，所以個人認為都算是值得的。其中，有幾道菜 ，我覺得比較好味 。就是鵝肝。六公館的鵝肝，吃下去入口即溶。起初還以為會有點腥味的，怎知一點腥味都沒有。另外，還叫了蠔。六公館的蠔，很惹味。蠔的外層還掛着醬汁。吃下去有鮮味。木瓜甜品都可以。甜度剛剛好。

朋友就嚟飛返英國讀書，趁佢留喺香港最後一晚，我揀左間摩登中菜館同朋友食晚飯，因為始終佢過左英國之後除左去唐人街之外，唔會有太多機會食到中菜。今次係我第二次嚟到六公館，而我提出一起去呢間摩登中菜館之後，朋友立刻贊成。六公館既裝潢幾靚，分室內同戶外位置，戶外更加可以無遮掩地睇到維港海景。首先飲左杯cocktail，六公館既cocktail 玩味十足，尤其係喺個名方面，我呢杯PTBF ($148) ，有whisky同玉桂粉，飲落算易入口。蜜汁黑豚叉燒 ($288)，基本上而家香港既摩登中菜館都好著重叉燒，六公館既叉燒食落都尚算鬆化。鴛鴦蝦球 ($298)，蝦球好大隻，總共有六隻，鴛鴦既意思係三隻芒果醬蝦球，加上三隻近期大熱既鹹蛋黃蝦球。我自己喜歡鹹蛋黃蝦球，咬落爽口彈牙，鹹蛋黃亦都甘香。鮮薑蟹肉星蒸斑球 ($368) ，店內另一招牌菜，蟹肉爽滑，而斑球既肉質鬆軟嫩滑得嚟亦不失質感。松茸羊肚菌海膽燴飯 ($288) ，喺中菜館見到海膽有點驚訝，但我見好多枱客人都有order，所以我同朋友都有叫。燴飯幾入味，羊肚菌爽口，海膽都算甘潤。整體嚟講，朋友話滿意今晚一齊食既晚飯，而且六公館可以望到靚既海

生活上，知己朋友好重要，可以分享，可以傾訴，可以瘋癲，今日就約咗幾個好姊出嚟敘舊，大家一黎都有幾年冇見，不過唔係見得多就代表感情好，我哋幾個冇見反而有個份情喺度，有一位就提議去六公館，我哋一口答應，她負責book枱，我哋準時七點到，已經坐滿七成人，冇book枱都未必入到，而且我哋嗰個仲要係海景位，海景加美食，正我地叫左幾度小菜，每個也很岀色，個前菜柚子手撕雞做得很好，甜甜酸酸好開胃，我們無所不談，配上美麗既夜景，很舒服，原來可以岀户外飲杯酒，不過掛上了三号氣球，所以不能外岀。另一位朋友很貼心，已安排店員餐後送岀生日甜點，正是我和另一位的生日月，甜品甜度適中，石頭既外表，豆腐嘅質地，很好吃。感恩，在這個香港也有一份兒時情在身邊，大家雖各有各忙，有自己既生活，但也不忘舊日，愛你們！

俗語有謂望天打卦，有呆等天意的意思，帶點貶義，但筆者覺得有時可以望望天看看海，發夢放空一下，也不失是人生的一件樂事，但試問忙碌的都市裡，又有幾多個地方可以讓人們享受這奢侈的一刻呢？！於尖沙咀海傍海港城內的新觀景台附近，筆者最近就來到一間坐擁270度維港景致的新派中菜，餐廳設計時尚中帶著60-70年代的古典韻味，由自動電梯徐徐而下已有幾位店員等侯迎接客人，盡顯氣派。以墨綠色雲石為主調，兩邊餐飲區以中間的開放式酒吧為間隔，古銅青金的裝飾更是顯出古雅；倘大的落地玻璃窗讓廣闊壯麗的夜景映入眼簾，空間感亦大增，而且座位寬闊舒適，中西合璧的風格加上昏暗柔和的燈光，讓人不自覺沉醉於懷舊悠閒的氣氛當中，格調醉人。餐廳主打新舊融合的中國菜，於傳統烹調與創意之中擦出新火花，帶來了不同的餐飲體驗。餐牌內除了有多款特色Fusion菜，當然少不了鮑參翅肚、前菜湯品、海鮮肉類、燒味菜蔬、麵飯和甜品等，選擇繁多，定價高檔，但以此環境質素，配上店員專業熱誠的款待，當然不會有投訴。沙薑手撕雞，原本想一試這裡的招牌菜龍井熏太爺雞，但因用饍當天原來早已沽清，唯有點來一客手撕雞頂一下癮。沙薑手撕雞賣相特別，撈上沙薑醬的雞肉絲

桂花烏龍：清新的桂花香氣，配上消滯的烏龍味。點心選擇種類算是多樣化，而且每個名字看起來很好吃的樣子。金網鵝肝蝦卷：外皮非常鬆脆，以蝦卷來說水平屬中上，但是鵝肝味欠奉，基本上完全沒有找到蹤影，問了職員，但他不太清楚，我也不好意思為難他。伴碟的炸米粉絲完全不脆口，非常韌，大概是回潮了。雖然本來就沒太多顧客會吃伴碟的 ，但對於這個格局和價位的地方，我期望伴碟的質數應該也要提高，因為一件美食講求整體賣相、香氣、味道，當中也包括伴碟配菜質素。和牛黑椒酥：黑椒味略掩蓋了牛肉味，但外皮非常鬆化，整體不錯。竹炭流沙包：流沙效果不錯，香但算不上特別，份量較細。胡椒灌湯餃：皮薄而滑，餡料很足。我心目中的正宗灌湯餃是灌湯，不是浸湯，但這個味真的不錯，輕輕的胡椒味，剛剛好，反正現今基本上很難找到正宗蒸籠上的灌湯餃了。總括而言，東西味道都不錯，服務很好，環境一流。 可是這個價位，我對於食物質素的要求也相對提高，因此不特別推薦其食物。但是如果為了享受環境和服務，這裏的確是一個好選擇。

做完單大project，慰勞下班同事，任佢地揀餐廳，搵左海運大廈呢間六公館飲茶，貪佢環境夠舒服。門口唔算顯眼，行到走廊盡頭再扶手梯落一層，見到個招牌，維港海岸線盡入眼簾。餐廳裝修別緻，景觀怡人，氣氛不像一般酒樓，比較時尚。點心較具特色，賣相味道俱佳。黑金蝦餃賣相獨特，黑色外皮塑上金漆，外表滿分，然而味道只是一般。味道並不比傳統蝦餃優秀；最好味是中間粒黑蒜。松茸羊肚菌海膽燴飯海膽鮮味，炒飯火候及調味恰到好處，乾身不油膩。廚師功架表露無遺。雪山叉燒包外皮鬆脆配多汁叉燒涵，經典配搭。餐廳整體環境及食物質素較高，適宜特別慶祝場合。