六公館

營業中

休息中

同媽咪慶祝生日,媽咪不嬲鍾意食中菜,咁就不如帶佢去食呢間係尖沙咀出名景靚食物好既六公館啦😊就番媽咪既生理時鐘,要食番個early dinner,由於琴日做野都好忙,好彩朝早食左個full breakfast,下午都係快食左少少野,黎到餐廳都已經好肚餓,叫左個前菜鵝肝,水牛奶龍蝦球,同埋海膽燴飯😆前菜鵝肝其實媽咪就不太好,但係我自己好鍾意,佢配左少少甜味既醬,令鵝肝鮮味更出！水牛奶龍蝦就唔洗講,賣相非常吸引！有龍蝦既頭同尾,中間既肉一早已經拆件,好容易就夾到,而且蛋白,芝士同奶既控制都好好,唔會喧賓奪主搶左龍蝦既風頭！最後海膽燴飯,呢個燴飯真係食到哇哇聲！海膽鮮👍🏻燴飯又入味,夾埋一齊食就滿足,分開食又入味,果然係熱點餐單！入夜同媽味出左去影下相,beautiful😁

好耐無同屋企人出去食番餐好啦知道海港城開左新果邊商場一直都無帶屋企人黎添就係上星期媽媽無煮飯既日子就同左佢黎食嚕依度環境好靚雖然依一日落住大雨但仍然清楚望到出面既景色「杏汁花膠川貝菜膽燉白肺」 $128媽媽話依款湯自己煲要花好多時間去準備材料所以佢見到有得點黎飲即刻都點左，個湯壺下面有火烘住所以唔怕湯好快變凍因為有花膠的關係，個湯變得好有膠質杏汁味道好香又唔苦，好好飲「龍眼蜜生煎生蠔」 $218賣相好靚，生蠔經過煎完後沒有乾身而且佢搽上龍眼蜜黎煎所以煎出黎色澤好靚再整齊咁放係石碟上好似一幅畫咁「鴛鴦蝦球」 $298當朋友知我同屋企人黎食佢即推介依款菜式比我朋友真係無介紹錯的確好惹味而且蝦球每個都好大粒一邊就用芥末醬煮，一邊就用鹹蛋煮好似黃金蝦咁，好好味「秋葵芥末炒牛柳粒」 $248媽媽好鍾意食秋葵所以揀左依個牛柳一啲都唔韌牛的味道可以增添秋葵的味道而且將秋葵切成粒狀，容易入口「黑虎掌野菌紅燒豆腐」 $208黑虎掌野菌我都係第一次食好好味，味道好濃同平時菌類好唔同配埋豆腐一齊煮，味道好夾「松茸羊肚菌海膽燴飯」 $288平時去西餐廳自己好鍾意食意大利飯見到依度有燴飯，梗係即刻點黎食燴飯上面

同屋企長輩食晚飯，當然選擇一間環境好d ge中菜館，朋友介紹下去佐海港城ge 六公館。黎到已經比距ge海景吸引住，飽攬成個維港ge景色，呢d餐廳邊度搵？！我地要佐沙姜手撕雞，手撕雞撕剩肉，方便客人食用，沙姜味好濃郁，唔會好鹹，雞肉無乜雪味，唔錯。脆皮燒腩仔，燒腩仔都係呢度幾出名ge菜式，腩仔燒到表皮脆卜卜，肉質依然鮮嫩。花雕醉鴿，鴿肉好唔錯，好怕食到出面d冷盤乳鴿肉係霉ge，呢度唔會，個花雕味好香。鴛鴦蝦球，蝦球好大隻，啖啖肉，而且一蝦有2個做法，鹹蛋黃味同沙律醬味，我自己就鍾意蛋黃味多d，夠曬濃味。樟茶鴨，鴨肉好滑，而且味道好有煙燻鴨ge感覺，幾特別！黑蒜焗羊架，羊架唔會好so，黑蒜係重點，令到個羊架特別香，特別好味。松茸羊肚菌海膽燴飯，最後叫左個飯，非常名貴食材煮ge燴飯，海膽好鮮甜，好香，而且仲有d羊肚菌ge味，都係好香，好唔錯。點解天氣好熱點左比較清新啲嘅燉雪梨，甜到啱啱好，超喜歡！屋企人都十分滿意ge晚餐，真係唔錯，好食，而且環境又舒服。

同朋友去高級嘅中餐廳食飯，就如約咗喺海港城LCX嗰邊地下，有一間叫六公館嘅中式餐廳，不過佢唔係全部都中式！係有啲fusion而且亦都可以飲酒嘅。桂花烏龍$30 ×2茶位不算便宜，但係至少起碼有得飲嘢，都算係咁。桂花味同埋烏龍味道非常之香，所以價錢都算合理！松茸羊肚菌海膽燴飯$288呢個飯真係不得了，本身諗住中式松茸羊肚菌可能同海膽冇關係九唔搭八，但係原來嗰種香味連埋海膽嘅鮮味相得益彰，簡直係味覺嘅享受！黑蒜焗羊胺 $308除咗飯之外就試吓一啲新奇啲嘅嘢，羊平時食得多，用黑蒜焗就真係第一次聽。黑蒜非常之香脆而且熱辣辣，令到裏面嘅肉都可以保持個熱力！同埋裏面嘅羊大概有七成熟，不過都能夠保持水份，咬落去係非常之鬆化有口感。

去維港旁慶祝生日都係第一次，餐廳係維港隔尼，因為我地係坐出面，所以可以望到整個好靚的維港又有音樂，好chill。雖然係食中菜，但係e個環境就會覺得自己身處係外國。我地叫左4野飲，佢地d名好特別有菊檸氣，DQ，PTGF我地每人叫左杯cocktail，以為會好伏，會有咳藥水味，但冇啊 eg, PTGF, 有vodka的味，比較甜，好岩女仔飲，杯野仲要藍色，好夢幻，呃like一流野食叫左桂花蟹肉炒新竹米粉，薑糖芥蘭，龍井熏太爺雞半隻，蘇薑蟹肉蒸班球，龍眼蜜生煎金蠔所有野食物份量雖然唔多，但好食生蠔只有3隻，但好新鮮，冇腥味薑糖芥蘭有驚喜，菜好爽，唔會好硬，比我地秒殺左班球侍應會幫我地切埋，好好服務，其他餸雖然較細碟，但全部都好新鮮，熱辣辣，好食因為野食係即叫即整，所以會出得比較慢，要耐心等候啊!!

今日男朋友話要帶我去一個好靚嘅地方食飯所以我就充滿期待去到海運中心行到最入再搭扶手天梯落一層就見到呢間餐廳一入到去感受到高貴格調一坐低就見到窗外有看敵嘅維港景色所以一落完單之後就即刻衝出去影相景色真係超靚 講返食物先首先叫咗芥末秋葵牛柳粒真係食到芥末味 所以好開胃牛柳粒嘅脂肪比例都好分明而且一啲都唔un之後就叫咗個松䇯羊肚菌海膽燴飯海膽好新鮮 而且同個飯嘅味道好夾之後仲叫咗個龍井太爺雞個雞好入味而且好鮮嫩總括嚟講呢到如果係慶祝周年紀念真係一流 因為望住日落 食晚飯真係好好feel

今日去咗尖沙咀近期好紅嘅餐廳，大家有估到邊間嗎？就係六公館啦！佢成個感覺好Grand，有一條電梯落去。一坐低，員工就即刻問我地要飲咩茶，原來佢呢度嘅茶都好講究架，有好多唔同嘅種類同埋好出名嘅茶，例如係龍井，我哋就叫咗日本嘅麥茶。佢哋都俾咗一啲好開胃嘅小食俾我哋，好似木耳啊酸菜咁！係相片可以見到，佢哋嘅碗碗碟碟，同埋環境都係非常開揚，餐具亦都係好精緻。我哋叫咗一個酥炸蝦將骨，佢真係入口即溶，我哋同行有四個人，所以佢有六舊到，都係非常舊式到呢個骨好食都係你想會食好多碗飯去送呢碟！由於好耐冇飲過老火湯啦，我哋就叫咗一個鮑魚湯，同埋一個杏仁湯。我除咗落鹽佢哋味道好鹹之外，其他佢啲食材係用得非常非常之新鮮，而且鮑魚湯入邊係真係有鮑魚㗎，佢好貼心嘅位係佢會一路用蠟燭美味嘅熱力令到個碗湯保持係一個好亂嘅狀態，所以客人就算掛住睇出邊嘅景色，掛住傾計而唔記得飲，玩湯都唔會變到凍冰！估唔到佢呢度都有啲類似fusion菜，我哋就叫咗一個海膽紫菜煩到佢一嚟到令到我哋好驚喜係原來真係突然之間可以轉左去日本風到佢啲海膽入口係好鮮甜完全冇腥味，而且佢啲飯係用日本醬油煮過所以佢唔似普通米飯嗰種味道，反而係一粒粒質感好

朋友即將離港往外地生活，決定和他在六公館踐行送別。一覽無盡的維港景色，在這環境下用餐份外寫意。餐廳有多款fusion 中菜，每款都很有特色。先來兩碟前菜，我較為喜歡右邊的木耳，辣辣地很開胃。杭州胎菊清新的口感，帶陣陣的菊花香。欖菜瑤柱菜粒炒飯新鮮即炒，有淡淡瑤柱香，而且蛋白很嫩滑。秋葵芥末炒牛柳粒採用優質的食材，牛柳肉質鬆化，一點也不韌，牛肉味濃，秋葵味道清爽。頭抽金不換炒生煎走地雞(半隻)雞肉已去骨，煎得很香口，非常惹味。

主打新舊融合既新派中菜，菜式好特別，裝橫亦時尚得嚟帶有小小古典味道，同時亦令設吧枱，方便d人可以淨係嚟飲嘢。酒精類都算多選擇，而且有搞鬼既名襯托，另我每杯都想叫嚟一探究竟，好彩有英文可以睇，唔係真係唔知自己叫左乜嚟飲😂菊檸氣，無乜檸味，但滲出淡淡菊花味，幾清新，後尾有酒既餘韻係口中，幾特別既菊花酒水牛奶龍蝦球水牛奶幾滑，佢整到好似布甸質地，龍蝦份量較小，但幾爽彈。松茸羊肚菌海膽燴飯飯粒分明，有點黏，配埋海膽食一流，如果可以加小小紫菜碎我覺得仲好食。茉莉花茶味意式奶凍以為佢送錯，點解橙色咁似芒果😂，原來係有兩層，面層係約1寸厚既茉莉花味似mousse物體，底層係白色奶凍，茉莉花味幾出，加埋滑滑奶凍一齊食又幾好食，旁邊仲有兩粒朱古力脆脆都唔錯，唔係死甜，而且有可可味。

一家十幾人想試六公館好耐，今次終於約齊人去試菜。一邊品嚐著精緻美味菜餚，一邊可以飽覽維港靚景，真是一大享受，而且侍應服務周到和熱情招待，完全物有所值！必試菜式川：味蟶子皇、龍井薰太子爺鷄、樟茶鴨、水牛奶龍蝦球甜品當然不可缺少，茉莉花茶味意式奶凍同流沙球配冰淇淋是我們全部人最愛！

自從海港城擴展左之後開左唔少餐廳。最特別有呢間中菜館，除左佢既野食好食之外，仲有個超級無敵大海景。入面既裝修仲好grand，仲好好feel，邊望住個維港邊食真係好賞心悅目。首先我地嗌左個欖菜瑤柱菜粒炒飯，炒飯一直都好考師傅功夫，因為火喉要把握好好，否則啲飯就會好乾或太濕，呢個炒飯就岩岩好，而且仲有陣陣香味，每粒米軟硬適中，而且欖菜都好好咬口好fresh。跟著就叫左鮮柚子脆皮手撕雞，柚子既酸酸甜甜同手撕雞不謀而合，而且雞皮仲烤到卜卜脆，雞肉夠晒嫩，而且去晒骨，食落好方便，仲係廚師推薦，果然唔錯唔錯最後嗌左碟薑糖芥蘭食落都好好咬口，而且仲keep住菜鮮味，好清新。最緊要有維港海景，特別開胃。

海港城好多唔同嘅餐廳，今次同屋企人食生日飯一定要有氣派又令佢哋開心嘅地方，呢度可以望到全個維多利亞港，店員仲好熱心咁幫我地影相。當晚嘅服務態度都非常之對得住佢嘅價錢，而且食物質素都係上等，果然沒揀錯。鮮柚子鱈埸蟹腳，好鍾意啲道菜酸酸甜甜嘅味道配上青瓜同埋雪場蟹腳，非常開胃。中式嘅衫聽日點可以唔試佢既燒味，蜜汁黑 豚叉燒。肥瘦均勻，味道亦都適中。而且份量都算多，啖啖肉真係好過癮。朋友介紹一定要食佢哋嘅鴛鴦蝦球，我勁鍾意食佢嘅鹹蛋黃味，總共有六粒。但係每一粒都大大隻，再有鹹蛋黃既咸香，必點！見到佢有啲比較冇咁傳統嘅菜式，黑蒜羊架都係大力推介，店員亦會因應我哋嘅人數等我哋使唔使加多，因為一疊只有三件，不過我哋想試多啲餸所以就冇加到。我哋仲叫咗個冷盤，花雕醉乳鴿。酒味非常之香，嫩滑嘅乳鴿肉。松茸羊肚菌海膽燴飯，上網見到好多人都食呢個飯打卡我都唔例外。好濃烈嘅羊肚菌味，非常香濃，配上海膽嘅鮮甜，唔怪得咁多人嘅叫。最後我地點左2款甜品，六公館冰淇淋同腐竹慕絲配山莓啫喱。甜品真係非常之有驚喜無論擺盤同埋味道上，都好有特色。尤其是六公館雪糕旁邊好多唔同嘅雜莓火龍果肉，等等唔同嘅水果再配合燒過嘅crea

暑假差唔多完，所以就捉緊時間同女朋友係尖沙嘴行完街，就去左海港城個邊既六公館，對住個維港食番個有情調既晚餐。餐廳裝修高級有情調，亦都坐滿哂客人，店員服務態度非常良好，而且會細心解釋餐牌上既菜式，真係要俾個like。我地睇完個餐牌後就叫左杏汁花膠川貝菜膽燉白肺 (HKD 128)，陳年花雕蛋白蒸雪場蟹伴法國魚子醬 (每客HKD 328 )，鴛鴦蝦球 (HKD 298)，鮮茨實濃雞湯浸菜苗 (HKD 188)同埋松茸羊肚菌海膽燴飯 (HKD 288)。而甜品我就叫左茉莉花茶味意式奶凍 (HKD 148)。先黎晚係個燉湯，用料非常充足(仲有雞腳添)，飲落去個口感好豐富好厚，杏仁味十足，味道一流。值得一提既係佢既燉盅個花紋好有中國風，好有藝術感。跟住黎既就係雪場蟹，蟹肉非常鮮甜，個蛋白非常滑，個汁略帶酒味，但唔會太濃。個魚子醬同個蛋白非常襯。接著黎既就係個鴛鴦蝦球。個人覺得係呢餐最好味既其中一道菜，而且賣相好靚。蝦本身好鮮甜，而且又大隻，啖啖肉。佢有兩個味道，一個係蛋黃味，另外個個係芝士味。兩個味都好好食，而芝士個個略帶甜味，建議先食蛋黃後食芝士。個菜苗晚濃湯好好味，但一啲都唔咸，好好味，而且

海港城六公館有270度維港景睇，室內外都好正，餐廳設計時尚帶點古韻懷舊味道，好靚，一開始係有d落雨濛濛，之後可以。主打食新舊crossover既中菜。黃金蕎麥茶麥味重，鐘意飲玄米茶既朋友應該鐘意！黃金蕎麥茶 茶位$28一個人頭，枱面有真蘭花好有心思同氣派！杏汁花膠川貝菜膽燉白肺$128杏汁超重，川貝既甘又唔太覺。可能因為仲有菜膽同白肺，所以會有d甜度出現。咁成個湯味道會比較溫和，同有花膠之下有膠膠咁，岩女士，養顏呀！椰子咸桔燉鮮鮑魚 $138而男士可能比較喜歡依個啦！咸少少，陳皮味重，唔好預咸桔好多味，反而椰子味道令成個感覺濃香d，帶領鮑魚提鮮呀！瑤柱發到好大下，燉都嫩嫩地，鮑魚雖少但夠味道！鴛鴦蝦球 $298依個不得了，嚴重懷疑係虎蝦啦！大家無講笑，女士要3啖先食哂一隻！係勁勁勁厚肉，未到爆juicy，但係肉既厚度令整體感覺好滿足！有人話似芥末黃味？沙律醬？芒果味？各人有不同講法！叫嚟食下咪知，嘻，包你話好味呀！另一種咸蛋黃牛油味！我更喜歡依個，但就油少少，傳統d！酥炸香蝦醬骨 $188呵呵，我由一開始話唔想叫依個怕咸，到之後我一個人食左兩件！伍咸就唔咸，但就因為係骨，實有肥油香香。

今日係好朋友生日 一早訂左六公館同佢慶祝 貪佢有無敵靚景任景有8款茶可以揀最後我地揀左杭州胎菊 茶具設計時尚 有別傳統中國風嘅茶具胎菊好耐飲 沖左幾轉都仲好香菊花味小食 酸酸甜甜幾醒胃天子蘭花膠海螺竹絲雞 $238真材實料 一打開蓋見到滿滿嘅湯料花膠好𣺉好厚身 充滿骨膠原竹絲雞食落都唔會鞋口個湯完全係勁滋潤清甜龍眼蜜生煎金蠔 $218煎金蠔好厚身好香口配埋龍眼蜜外甜內鮮口感層次豐富鴛鴦蝦球 $298有6隻大蝦一半係咸蛋黃味咸香嘅外皮令到蝦球更有口感別一半係蛋黃沙拉醬食落有少少酸甜酸甜加上新鮮彈牙嘅蝦球令人流曬口水龍井熏太爺雞 半隻 $288龍井茶葉會係上菜時即席灑上上菜嘅時刻聞到陣陣嘅煙熏味雞肉相當嫩滑 食落有微微嘅煙熏味同茶葉味配搭得好出色而且半隻雞份糧都唔少值得一嚐！松茸羊肚菌海膽燴飯 $288燴飯好香黑松露味有少少濕身食落似意大利飯2排海膽都好新鮮一啖海膽一啖飯簡直一級棒！呢到食物質素好有水準 環境氣氛更加一流 食完飯仲可以係出面望住個海景行下傾吓計 真係好難忘嘅生日飯