六公館

營業中

休息中

佢新開咁耐以黎一路都好想試，終於揾到人陪我試，但以為平日唔需要book建議大家都要預早book，好彩我地都有bar位坐，雖然高鄧無咁舒服⋯⋯加上隔離附近好多人係黎飲嘢⋯⋯我哋兩個人好多野都想試下，試咗佢其中一個招牌！頭盤：蟹肉凍salad 蟹肉夠新鮮 調味醬配搭得好有味另外嗌咗個魚，佢嘅軒係熟到似湯更，魚入味，正另外帶咗個帶子，一般般，無乜特別～佢其左個王牌就係太爺雞，係用龍井煙燻！佢攞出嚟嘅時候真係煙燻咁樣擒住嗰蓋～肉質好柔嫩，好特別呀兩個人食到咁多野真係好犀利下次有機會都要一班人黎，聽講佢仲有其他特別菜式

六公館位處於尖沙咀海旁有270度維港景致夜晚食飯係望哂成個維港非常靚除了環境靚食物都唔錯的~黑毛豬蜜汁叉燒黑毛豬肉脂比例平均食落口感極佳鴛鴦蝦球蝦球分別用左兩種醬料整一種係鹹蛋黃 另一種係芒果蝦球一共有六粒 粒粒都好厚肉食落好彈牙芒果味食落好清新 甜甜地估唔到又幾夾而鹹蛋味非常香兩款都好吃龍井熏太爺雞雞肉滑嫩有肉汁 雞味都好濃用龍井熏香 食落仲多左陣茶味同樣是十分推介煎金蠔也非常出色!水牛奶龍蝦球蛋白炒得好滑身食落好creamy!最後便來到甜品~整餐晚餐也很滿足!

喺海港城嗰邊睇完野之後就去食啲嘢，比我搵到有一間對正海景嘅中式餐廳。於是冇訂位就直接入去。價錢都預咗唔平，每人幾舊水係基本。睇海景都抵番。桂花烏龍$30一位桂花味好清新，估唔到兩隻味道溝埋一齊係咁正。同埋可以無限量咁加水！鮮柚子雪場蟹腳$188聽講呢個都係推介菜式，就試吓，好大隻雪場蟹腳，已經混合左係柚子同埋腰果、青瓜沙律之中，味道清新而且多重口感，估唔到呢幾樣野配搭埋一齊都幾match。班片肉鬆脆米魚湯泡飯$248中國都幾鍾意將啲湯同埋啲飯撈埋一齊，呢個泡飯就真係夠晒得意，除咗裏面有冇骨嘅班片之外，仲有可以加上一啲脆米可以擁有雙重口感，而且個湯香味十足，有其他瓜菜就更加健康。水牛奶龍蝦球$298睇個樣好似成條龍蝦咁，但係原來裏面啲龍蝦肉已經同水牛奶混合一齊，水牛奶個質感好似食緊蛋白，有啲牛奶香味，如果鍾意食濕濕地嘅菜一定要試吓啦。內部環境 - 我地好早入所以冇乜人, 去到8點幾已經坐滿哂~  最好訂位.夜晚環境真係好正，仲可以出去草嗰邊影吓相，出去如果平時有食煙又可以食下煙傾吓計，不亦樂乎。

今日嚟咗食六公館，不過唔好彩落雨，室外地方都唔開，環境都冇好天咁靚，仲要冇得影相呀！坐定定睇下餐牌，呢度有好多菜式選擇，最後叫咗香煎鵝肝配冰糖燴梨、樟茶鴨、避風塘炒蟹、松茸羊肚菌海膽燴飯同埋甜品。前菜係香煎鵝肝配冰糖燴梨，賣相好靚，鵝肝估唔到好大舊，2件細1件大、煎得好香，配埋香梨好甜，感覺無咁肥膩！好想再ENCORE，但係好邪惡，唔敢叫！樟茶鴨，都幾香煙薰味，而且肉質唔靭，亦都唔會話死鹹！味道啱啱好~避風塘炒蟹，呢個好夠鑊氣，用咗大量炸蒜同香蔥配蟹，好惹味！啖啖肉，肉質好鮮甜，2個人食一碗都唔係好夠！最後仲食埋啲蔥添~松茸羊肚菌海膽燴飯，飯同海膽呢個組合幾夾！好香濃嘅松茸味，但係略嫌有啲油膩同滯，不過味道真係好好食架！最後期待咗好耐要叫呢個流沙球配雪糕。流沙球姐係雷沙湯丸，但係面頭係黑色再配上金色閃粉，好靚！入面係芝麻味，再加埋旁邊嘅芝麻味雪糕，一凍一熱好刺激！而且雪糕芝麻味好濃～整體黎講，呢度嘅食物好好食，賣相亦非常靚，服務亦都滿分，環境亦較開揚闊落！但係價錢絕對唔平，大家要自己衡量啦~

今日小編同個好耐冇見既朋友食飯，有朋自遠方來 不亦樂乎啦，小編當然不敢怠慢，因為外國朋友喜歡中菜當然要帶佢試d有質素既中菜，見最近captain Nancy都ｏ係呢度擺酒，以為👌🏽啦，所以就book左午飯啦點知，最後頗失望首先，入到reception、見到條仔企ｏ係乜都唔講嘢，笑容欠奉，好似送殯咁，胃口已經差左一半個reception姐姐都好nice帶我地去坐地玻璃近海景既檯、咁都算👌🏽啦一坐低staff問我地咩茶，我話想飲buckwheat佢以為我想嗌酒、真係救命buckwheat係蕎麥茶囉唔該，溫下書至返工啦order幾款點心包括：和牛酥（朋友好like，小編唔食牛肉唔知道），花枝腸粉唔錯，海膽春卷好怪，味道完全唔夾，黑金蝦餃最搵笨，其實係染左黑色既普通蝦餃、極度差！不如一籠普通蝦餃！海膽飯👌🏽，但唔覺得特別出色總括而言：冇下次，價錢貴唔緊要但要值得囉，我外國朋友少食中菜當然已經覺得好好味，但對於一個正宗香港人黎講，呢餐只係翠園陪維港景色only！差！

今曰晚上和honey拍下拖，和他一起試試摩登中菜。海港城的新翼有眾多食肆，然而上次到訪這家六公館，留下深刻印象。這家店裝潢時尚，既有中式設計元素，又不失摩登高雅。最正的是，這兒真正座擁無敵維港海景，可以由餐廳走出平台，與維港無邊際無圍欄近距離接觸。杏汁花膠川貝燉白肺$128這杏汁燉白肺味道十分濃郁！亦是我飲過眾多的豬肺湯中最好的一碗！即使到過文華廳、駿景軒、利苑或欣圖軒，但仍有感這碗杏汁燉白肺是我的心頭好。這奶白色的湯汁鮮甜無比，加上濃厚的杏仁香氣，味道既鮮美，又滑不溜口，沒有半點油膩。加埋大大件爽口的厚身花膠，十分養顏滋潤，正呀！喝罷有點意猶未盡的感覺。蜜汁黑豚叉燒$288這黑豚叉燒真是頂呱呱！可能是我吃過最好吃的叉燒！這叉燒外部燒得焦香，肥瘦得宜，蜜汁豐盈，加上肉質極為軟嫩，又充滿肉汁，黑豚的脂香肉韻在口中猶久不散，真的叫人吃過不停。好正呀！酥薑蟹肉蒸班球$368這班球白滑嫩口，魚味濃郁，又帶一點口感，可見蒸製的時間十分精準。嫩滑的魚肉配艷紅的魚皮，加上琉璃的上湯饌汁，與滑溜的蟹肉，賣相極美。班球遇上蟹肉，真是鮮上加鮮，味道清雅而鮮美，感覺輕盈，是幾適合夏日享用菜式。松茸羊肚菌海膽

今日一行 8日 到 六公館慶祝 我和朋友既生日，我地搵左好多間 食中菜的 但最近最火熱既都係 六公館！裝修得好高級，氣氛亦都好好！係一個生日宴會既好地方！員工先幫地準備好一枝白酒， 再叫了幾個小菜，小菜雖然精美但係份量很少。 一定係 好 精緻！味道適中。 再加上氣氛！直情100分！ 之後我地在外面影相。香港既夜景真係好靚，外面仲要有一大片草地！任食客可以享用享受夜景員工很好 佢地連燈都幫我地打。多謝🙏🏻朋友們令我有一個很快樂既生日！

同屋企人食飯, 我通常會選擇中菜, 始終較適合, 今次選擇了位於尖沙咀海港城的六公館. 六公館係新派中國菜, 而且坐擁270度維港景色, 一邊食飯, 一邊欣賞風景. 我地選了幾款菜式, 牛肝菌拍薑海鹽蒸東星斑球, 秋葵芥末炒牛柳粒, 龍井熏太爺雞半隻和斑片肉鬆脆米魚湯泡飯. 牛肝菌拍薑海鹽蒸東星斑球. 賣相精緻. 東星斑球色澤雪白, 而且肉質夠厚身, 又夠彈牙, 口感真係特別唔同. 秋葵芥末炒牛柳粒. 這個可以說是中日合壁. 秋葵煮的時間剛好, 入口帶微微脆口, 又唔會太軟身, 芥末味可以再突出多一點就更好味. 牛柳粒肉質夠嫩滑, 唔會覺得乾身和硬. 龍井熏太爺雞半隻. 這個配搭平日較少食到, 所以點來試下. 茶葉會係客人面上灑上. 雞肉相當嫩滑, 控制時間剛剛好, 就咁食已經覺得不錯, 唯獨茶葉味道唔夠明顥. 一口氣食了多款肉類, 所以點了斑片肉鬆脆米魚湯泡飯. 魚湯夠鮮甜, 完全吸收晒所有食材的精華, 飲完完全不會覺得口渴, 又可以滋潤一下喉嚨. 泡飯較清新, 可以起中和作用, 飯中混入魚肉, 夠美味. 對着靚靚海景食飯, 心情也特別愉快.

對住維港景嘆茶食點心簡直是周末最佳活動😆可惜香港飲食業難做 唔做兩輪都唔得連飲茶食點心都限時個半鐘還抬🙄想坐下傾計都唔得😪點心花樣多而且幾特別和牛黑椒酥超推介這款‼️酥皮非常鬆化入口即溶連一向不太喜歡酥物的我都approved!餡料超重黑椒牛肉味 非常香 超好食😋金網鵝肝蝦卷新鮮炸出 熱辣辣又脆卜卜蝦味極濃 網皮超香脆 唯獨食不出鵝肝味🤷🏻‍♀️花枝米網腸粉第一次食墨魚餡的腸粉 又幾有新意喎而且好好食 超彈牙加上有點脆脆夾在中間口感一流擔擔芋頭糕初頭以為係煎芋頭糕配辣醬原來係炒芋頭糕!煮法同味道其實都好似XO醬炒蘿蔔糕但就由蘿蔔變芋頭味如果芋頭糕可以煎一煎再炒會更香口黑金蝦餃賣相靚但其實味道跟普通蝦餃沒分別只是用竹炭做了黑色的餃皮 再掃點金色上去竹炭流沙包同蝦餃一樣 外表變黑但實際是普通流沙包奶皇餡不是太多 只屬一般·除了點心之外亦可以散叫主餐牌的菜式和炒粉麵飯同樣有特色 帶點fusion味道揚州炒米型意粉將揚州炒飯的味道唔配飯轉配米型意粉效果非常好 炒得香之餘不油膩意粉有嚼口 比起飯更好食甜品 - 黑金流沙球配雪糕終於有款黑色得來實際都好出色流沙球口感煙韌似咸水角的質感流心奶皇餡正😍 底

每季出一次bonus, 今次想帶屋企人食得好d！同事介紹尖沙咀呢一間新開嘅摩登中菜，食物同環境都係一流！今次帶爸爸來試吓！行到去LCX盡頭已經擴展好。有好多食肆！落兩層就到！對住呢個景食飯真係一流！餐牌都好靚，好像名貴包包一樣！先開一壺普洱茶，好香濃。有兩碟小前菜，酸菜好好食，爽口又開胃！前菜點了蟹腳柚子沙津，蟹腳好鮮甜，沙律亦都好開胃！柚子好新鮮！粒粒都好飽滿！中間有大量青瓜，好爽身！脆口！估計應該是有機青瓜。鴛鴦蝦球好大隻，有兩款味，芒果沙津和黃金蛋黃蝦，好彈牙肉厚！芒果口味較清新沒那麼膩，比較開胃，沙津醬帶點芒果味幾特別！蜜汁黑豚肉叉燒非常腍又入味！好吃得很！上枱時雲石板還是微熱，能夠保持叉燒嘅溫度。叉燒半肥瘦，好好味！靠窗可以望美景，但內座也很舒適！下次多人的話都會選這裏。

坐落於海港城尾段，面向維多利亞港，六公館的景色絕對一覽無遺！中西日fusion菜，意想不到，花過心思，誠意創意十足！對的時間遇上對的人，是一種幸運。同桌進餐，是一種浪漫，更是一種回憶！鮮柚子雪場蟹腳 $188來一個產前小清新，柚子清涼甜美；蟹肉鮮甜，要注意是有少量碎骨；拌上堅果仁，口感層次進一步；涼拌的醬汁清新微酸，是完美的結合，夏天不能欠缺的開胃前菜！鰹魚柚子小青瓜 $88將平民美食青瓜化身高尚菜式，廚師的刀工絕對功不可沒！小青瓜設成薄片但完整切不斷；鰹魚柚子醬汁浸透青瓜，咬下去清新之中帶點激烈，味蕾享受！鴛鴦蝦球 $298一邊像蛋黃醬的微酸醬汁，令一邊充滿咸蛋香；彈口的蝦球被香濃幼滑的醬汁包裹，美味不可言喻。充滿鹹蛋香的蝦球尤如中式金沙蝦球，鹹香濃郁，奶味香濃的蛋黃醬蝦球醬汁微酸帶點甜，非常開胃！黑毛豬蜜汁叉燒 $288市民最值得推介的菜式！平民美食演繹得高貴優雅，廚師廚藝發揮得淋漓盡致！選用肉脂比例平均的黑毛豬肉，塗上多層蜜汁，味道比普通的叉燒甜一點，但正中我的喜愛👍🏻杏汁花膠川貝菜膽燉白肺 $128主打冇味精湯，杏汁味極濃郁，花膠半溶狀態，令燉湯充滿膠質；無意間滲透着瘦肉的清甜

六公館臨海，景觀一流，天朗氣清有海景陪伴食飯的確係賞心悅目既事，淨係呢個海景，都值得專程黎食飯再加上佢用心去做既點心😋😋 唔知大家分唔分得出用心既點心同一般茶樓既點心，用心既點心皮薄，用料新鮮，咬落有完隻鮮蝦，無肥豬肉再加埋精緻既賣相，係既，呢度啲點心係比出面啲茶樓貴，但就食物質素而言，都值得比貴啲，再加埋個無敵海景！無得輸特別鍾意個黑金蝦餃，黑金色既賣相已經夠吸引，食落仲彈牙，料夠足皮夠薄，碟中間仲有完粒黑蒜伴碟，健康呀仲有比較少餐廳有既炸鮮奶，炸得啱啱好，又脆又香口，食物絕對係用心之作，正！

六公館佢嘅環境，一入去黑黑地。。都幾有feel。。\(//∇//)\d蠔都好肥d汁好濃郁。。包住隻蠔。。我覺得食落去好好食(>^ω^<)手撕雞都唔錯。。。味道同口感都好ok。。。只係細碟左d。。哈。。。唔夠食好滑仲要冇骨，又有薑味。。。(⁎⁍̴̛ᴗ⁍̴̛⁎)鵝肝入口即溶。。。(⁎⁍̴̛ᴗ⁍̴̛⁎)一d腥味都無。。(>^ω^<)我覺得係好食既！炸豆腐好嫩滑。。。個皮 好薄。。。而且又脆。。。入邊嘅豆腐好嫩。。。我好鍾意食呢一碟o(∩_∩)o當紅炸子雞。。。呢個都好食。。。但係如果相比起其他餸，都係其他好食啲因為佢每一碟份量都唔多。。。所以我哋就叫咗個桂花蟹肉炒米。。。都唔錯炒得夠乾身。。。(⁎⁍̴̛ᴗ⁍̴̛⁎)入邊仲有啲真嘅蟹肉。。。甜品就叫左呢個杏汁木瓜燉雪蓮子。(^ ^)杏汁味夠。。。食得出係真係用杏仁磨成汁。。。食完入邊嘅杏汁雪蓮子，仲可以食埋外邊嘅木瓜↖(^ω^)↗另外仲叫咗個布甸。。。賣相已經吸引到我(>^ω^<)因為佢係一個會出煙嘅甜品(*☻-☻*)甜味啱啱好(^^)整體來講，我覺得六公館都幾好食☆*:.｡. o(≧▽≦)o .｡.:*☆只係覺得價錢有

知道呢個商場又開左幾間新食店, 其中呢間以精緻巧手粵菜馳名, 當然要去試下啦昏暗燈方配合典雅中式設計, 入坐率差唔多爆滿, 好彩一早訂好位, 仲可以安排坐到窗邊位, 可以欣賞到維港景色食粵菜, 喜歡用茶, 先開壺普洱(茗茶$28)飲下, 飲落順喉唔會脷嚡, 好舒服!打開餐牌, 由前菜/湯類/肉類/燒味/海鮮/蔬菜/麵飯到甜品都有供應仲有廚師推介香口嘢從來都係我"飛佛, 呢客八味金磚豆腐 ($118)走唔出我法眼! 哈哈.....一客5件炸至金黃色嘅脆皮豆腐整齊排列外皮灑滿惹味調味香料粉, 炸漿絶對薄而香脆; 內裏豆腐嫩滑又保持濕潤, 豆味幾出, 好好味!主菜開始上枱, 肉類代表有呢客懷舊鳯梨咕嚕肉 ($198), 咕嚕肉份量比例唔少, 伴以新鮮菠蘿, 青椒及蔥段, 經典組合重現一客好味嘅咕嚕肉, 除左要做到肉外脆內鬆化, 個醬汁調味都好緊要, 酸甜比例要拿捏得好準, 之前食過有D用白醋黎攞酸味, 食落酸味有點嗆喉, 但度嘅味道就調教得相當唔錯!  每舊肉大細可以一啖放入口, 食得方便!燒味部之選就有呢客龍井燻太爺鷄 ($288/半隻), 以瓦煲盛鷄, 臨食之前侍應再會係客人面前加入龍井

尖沙嘴270度環迥海景餐廳My friend and I went to a restaurant called "HEXA" (六公館) located in Shop OTE 101, G/F, Ocean Terminal, Harbour City, 3-27 Canton Road, Tsim Sha Tsui尖沙咀廣東道3-27號海港城海運大廈地下OTE 101號舖.There is an eye catching well equipped bar at the right hand side of the entrance.Customers can chill and have a couple of drinks on the spacious outdoor terrace garden paved with lush green grass and embrace by unbeatable Panoramic Victoria harbour.The restaurant adopted modern decor with cyber geometric ch