六公館

營業中

休息中

今年生日，男朋友帶我來到海港城吃fusion中菜。餐廳坐享維多利亞港270度景致，美景五光十色，令人陶醉。餐廳座位寬闊，裝潢很有格調，聽着悠揚的音樂，心情也放鬆下來，準備好好享受晚餐。桂花烏龍$28烏龍茶入口清醇，散發淡淡桂花香。前菜-龍眼蜜生煎金蠔$218賣相極精美，金蠔飽滿，蠔味十足，是簡單出色之作。湯-天子蘭花膠海螺竹絲雞$238燉湯極為清甜，花膠綿滑，瑤柱鮮甜。鴛鴦蝦球$298蝦球有兩種吃法，芥末醬蝦球令人精神為之一振，非常開胃。令一款炸蝦球用上了鹹蛋黃起沙，配上彈牙蝦肉，口感及味道豐富。岩鹽羊肚菌生焗三黃雞$298平日不愛吃雞皮的我也要吃！雞皮香脆，吸收了羊肚菌的味道！配上芝麻，味道更香。雞肉去骨，充滿肉汁。秋葵芥末炒牛柳粒$298牛柳粒是7成熟，留住了牛肉的鮮味及肉汁。配上芥茉秋葵，清新之餘又可解膩。侍應服務周到有禮，主動添茶及收碟，令人賓至如歸。

Made booking like two weeks in adavance for this popular dim sum place at weekend. Saw few reviews complaining about the service, but turned out not that bad. As for food, no huge surprise, but really worthy a pent for the beautiful harbour view.

來香港旅遊的遊客都知香港的維多利亞港夜景非常美麗，是必到的景點，所以我每逢有親友到港旅遊，我一定帶他們欣賞，最好就係有地方邊食邊欣賞夜景，維港附近都有不少食店可以看到維港，但我比較喜歡六公館，因為那兒可以坐在維港旁用餐，直接看到景色和感受到維港吹來的海風。今天就和來港探我的朋友一起去享受一下！東風毫香片 ，深色那杯就是香片，茶味清香，濃淡適中。杭州胎菊 ，淺色的是胎菊，菊花明目清熱，每一口都能聞到幽香的菊花味。懷舊鳳梨咕嚕肉 ，咕嚕肉沾上粉漿炸至金黃色，打返個酸甜獻汁，個獻汁酸甜度做得很好，甜中帶微酸，咕嚕肉質鮮嫩，配埋新鮮菠蘿，十分美味。竹笙蟹皇羹 ，蟹皇香甜，竹笙爽口，湯底濃郁清甜。鴛鴦蝦球 有2種味道，蝦好大隻，將蝦球沾上粉漿炸至脆口，再將蝦回穫用咸蛋黃炒均勻，咸香味濃郁。另一味道是加上沙律醬，微微酸帶甜味，蝦外層酥脆，蝦肉爽口，2種味道都好好味！花雕醉鴿 d花雕好香，醉鴿大部分已去骨，鴿肉鮮嫩，吸收左花雕的香味，食後令人齒頰留香。頭抽金不換生煎走地雞(半隻) ，先將新鮮的雞煎香，再用頭抽和金不換煮，雞肉鮮嫩入味有口感。桂花蟹肉炒新竹米粉：材料有肉絲、蟹肉、蛋、芹菜、芽菜等，新竹

早幾日同事介紹我同男朋友去海港城一間中餐廳食，聽聞氣氛好好又有情調間唔中食一兩餐好既，係必須的!! 我地揸車去，泊到海港城停車埸最入既位置，扶手梯一落就見到間餐廳，好方便ar~ 餐廳用落地玻璃，對住個海食飯，傾下計，非常寫意，出面仲有幾張枱可以出去飲酒傾計，又可以影相原來「六公館」係主打fusions既中國菜，依度既菜式好多都係出面冇見過的，而且做到色香味俱全，加上環境氣氛都好好，好高級嘅享受前菜叫咗鮮柚子鱈埸蟹腳柚子甜甜地帶小小酸味，好開胃，加上新鮮蟹腳夠鮮甜，而且起曬肉食起黎更加方便天子蘭花膠海螺竹絲雞好足料嘅燉湯，湯底鮮甜無味精， 下面瘡有個火一直熱住， 可以慢慢飲慢慢歎，花膠夠厚身，煲得好林鴛鴦蝦球一邊蝦球用咗芥末醬，另一邊係加咗蛋黃上去炸嘅蝦球， 兩邊都各有特色 芥末醬嘅味道控制得啱啱好，雖然成個蝦球都有芥末醬不過又唔會咸， 我自己就比較鍾意蛋黃嗰款，外面食到好香嘅蛋黃味，中間係大大隻又爽口嘅蝦肉頭抽金不換生煎走地雞有半隻雞份量，起曬骨，啖啖肉非常方便 色澤望落比較深，不過食落唔會好重味，雞肉嫩滑，加埋金不換落去炒，香氣撲鼻**松茸羊肚菌海膽燴飯見呢個飯上枱嘅時候，我哋有啲擔

自從海港城開闢佐新既地域之後，個人真係黎尖沙咀多佐好多，因為自己好鐘意望海，而海景餐廳就正正係我既心頭好。喺新既區域裡面，大部分既餐廳都會伴隨著一個無敵既煙花維港景，基本上係望住呢個景都已經可以飽哂，望下天望下海愛下呆，又可以過一日啦。而我自己就特別鐘意六公館，皆因佢既食物質素高，環境夠舒適，而那個維港景更是無敵。可能佢既價錢會比一般既中菜館貴一點點，但細想一下，可能五星級酒店都比唔到呢個景，呢個裝修比我，呢度就絕對值回票價，正所謂性價比，就係咁解。乘著電梯，落到最底，便可見六公館的入口。左邊是晚飯區，右邊是閑聊吹水Happy Hour區。兩邊既環境都好靚好有Mood，昏暗既環境，令客人就算多喝兩杯，面泛酒紅，亦都唔會太明顯。中間有一扇門，可以比客人出外呼吸一下，也可以更加無阻隔地欣賞維港既景色。打開餐牌，特別推介的菜式有7款，另外都有一本厚厚既餐牌，基本上唸得到既菜色都可以喺度搵得到。茶既款式方面都幾多元化，並唔止我地一般茶樓飲得到既鐵觀音，或是香片普洱，佢地亦有比較特別既杭州胎菊，黃金蕎麥，瑰荔堂煌，同埋桂花烏龍，當然價錢亦都比較貴一點點，每位$30，但那份新派感，絕對值得我地一試

香港搵到睇維港景式既餐廳唔少，係依到仲可以飽覽270度維港海景 六公館一直都係一直想去既餐廳 收藏名單之一，裝修高貴有格調配合埋咁浪漫舒服既環境，除左可以同另一半黎，一家大細黎都係個唔錯既選擇。餐廳位於海港城碼頭個邊，但要用再前一條電梯落去先係餐廳位置。我個陣都搵唔到打左比餐廳問，佢會好耐心咁問你係邊再教你行👍🏻餐廳主打新派粵菜，用料精緻考究水牛奶龍蝦球$298入口滑溜溜的水牛奶包住龍蝦肉，加上蔥花調香，水牛奶流到喉嚨再慢慢散發出龍蝦的鮮味香煎中式澳洲和牛柳$328酸酸甜甜的醬汁配上和牛柳，好奢侈既享受，香濃既牛味微微煎香中間粉嫩，生熟程度岩岩好，有入口溶化既感覺，牛味濃郁突出龍井熏太爺雞$288想食好耐既四大名菜之一，特別嫩滑既生黃雞以鹵水醃製再加入龍井煙熏，當係你食雞肉既時候同時會食到陣陣茶香斑片肉鬆脆米魚湯泡飯$248斑片， 貨真價實 的 石斑 魚湯幼滑香濃，實在既太白色，飯粒吸盡湯既精華，建議脆米係食既時候先落，咁就可以保持口感

無意間係Ig見到朋友係六公館打卡，當時俾黑金蝦餃所吸引，今次想借阿媽生日帶阿媽食餐好嘅，阿媽平時對食嘢也好有要求，嘴好刁.今次帶阿媽來試菜很興奮，由於唔係週末，早一日可以訂到位，18:00-20:00兩個鐘限時用餐.提早10分鐘到餐廳話想要靠窗位置，啲服務員話三個星期前已經俾客訂曬.感嘆香港人食餐飯都要咁博！算啦，佢哋安排嘅檯都可以見到夜景唔算差.之前有做過功課，⚠️啲人話水要收錢（仲要88蚊）一隻水80幾蚊我真係接受唔到，我地一坐低啲服務員捧一隻水過來好似捧紅酒咁，我話唔要，要茶，阿媽揀左桂花烏龍，我第一次飲，個茶有種淡淡的桂花香，個茶湯就無平時啲烏龍茶咁濃，拿捏岩岩好.我地揀左，松茸羊肚菌海膽燴飯288元（我超鍾意食海膽）阿媽對松茸有興趣，點都要個主食！好期待！飯一端上來我聞到仲有松露的味道，好興奮！飯質便軟，粒粒分明，份量不多，兩個人岩岩好.第二道. 五香黑鱈魚件（5件）398 鱈魚塊係長條型 炸過再淋上醬汁（偏鹹甜口味）一上菜，服務員好貼心叫我地唔好整個擺入口，好熱，於是用筷子夾開再品嚐！鱈魚肉質緊實，配飯一流！個人覺得價錢偏貴！阿媽話想叫個清單啲我地見到另一份菜單有‘花膠彈蝦乾

慶祝節日，每次都會為選擇餐廳而傷神，而海運大廈延伸出去的新翼最近有多間可以眺望維港景色的新餐廳，每間都各具特色，相當吸引。今次為咗慶祝傳統中國節日，當然要食中國菜！六公館的最大特色是餐廳有平台花園位置，可以走出去和朋友喝杯酒談談心，有空的時候和朋友來happy hour確實不錯!食物方面確實是花多眼亂，經過店員的專業推介，以下幾度菜式都值得一試。<鮮柚子鱈場蟹腳 $188>先來個頗有日式風味的前菜。這款前菜看似簡單，但味道清新，鱈場蟹腳口感柔軔，咬下去時清甜的肉汁微微綻放，而柚子酸甜開胃，越吃越喜歡，確實令人更期待接下來的菜式！<鴛鴦蝦球 $298>吃過很滿意的前菜後，鴛鴦蝦球是我另一款感到非常滿意的菜式！稱得上鴛鴦蝦球，當然有兩種味道，一種是芒果醬，另一種是超人氣的黃金鹹蛋黃醬！我最愛的當然是鹹蛋黃醬，一入口已經感受到陣陣鹹香，非常美味。蝦球相當大隻，難以一口吃掉，真是令人難忘的菜式!另一款芒果醬味味道偏甜，與咸蛋醬形成對比，朋友就很喜歡甜的口味。<蜜汁黑豚叉燒 $288>黑豚叉燒肉質柔軟，但略嫌未夠火喉，如果有燶邊會更有口感。<

香港的維多利亞港景色舉世聞名，堪稱為世界三大夜景之一，在品嘗美食的同時，能欣賞維港的美景，可說是賞心悅事，上星期日我就來到位於海港城的六公館看著維港夜景吃大餐。餐廳裝修以60年代摩登香港作藍本，打造成為時尚卻帶懷舊情懷的新派中菜館，充滿型格格調之餘卻又散發著優雅古韻。全透明的落地玻璃窗加上戶外用餐空間，坐擁維港景致，入夜後兩岸的高樓大廈紛紛亮燈，互相輝映的迷人夜景盡入眼簾。座位寬敞舒適，燈光昏黃，良辰美景伴身旁，氛圍浪漫得讓人陶醉。就連餐具擺設份外古雅，極具中華文化風格。餐牌主打新舊融合的新派中國菜，選擇極度多元化，跳出傳統框框。八味金磚豆腐 $118豆腐炸至色澤金黃，一口一個，賣相有如小金磚。豆腐表層香脆，內裡有如鮮奶般的滑溜，配合撒在外層的調味料，讓豆腐變得份外惹味。竹笙蟹皇羹 $198橙黃色的湯頭濃滑厚身卻不膩口，以蟹肉和蟹膏作材料，帶出蟹本身的鮮味。一喝就知這碗湯羹是真材實料，差不多每口都嚐到蟹肉，充斥鮮甜無比的味道。椰子咸桔燉鮮鮑魚 $138湯頭清澈沒甚麼浮油，而且調味比較輕手，喝得出沒加味精，原汁原味。用料十足，裡面真的有原隻鮮鮑魚，鮑魚口感緊緻彈牙，滿足口腹之欲，啖啖鮮味

媽咪難得喺平日day off，即刻book位全家人來嚐六公館（媽咪想食好耐啦，之前聽親戚推薦）大家都第一次來食......好期待哦～～Family Day❤️.我們點了菊普茶，清甜順喉。環境高級很舒服，員工態度誠懇用心，幾次有疑問時，都有看似較高級的senior來解疑，侍應也會笑著來添茶。.用餐中途見到麥美恩跟媽媽入黎食很想合照，不過不打擾人用餐了～～.主要想試招牌類點心.牛味香濃、黑椒味突出表皮金黃，口感十分酥脆大推.麵包好鬆軟，牛油皮酥脆叉燒不俗，肉質軟。推薦！.炸網做得脆，滿滿嘅蝦肉。鵝肝味欠奉，無絲毫鵝肝香氣，蝦有鹽嘅鹹味。似普通蝦春卷.好奇漏放咗鵝肝？其實有放，不過係好薄好薄嘅一片，可能溶咗喺入面食唔出。.蝦餃做得好味，夠乾身。全黑外皮特別，味道食落跟一般蝦餃一樣。.黑蒜味香濃豬肉份量多，入面餡料好足，好滿足.花枝其實即係墨魚丸嘅口感，煙韌彈牙。腸粉底煎香。但整體水準普通，不夠突出，沒甚驚喜。.炸鮮奶香甜creamy，外皮非常脆可以沾砂糖吃。推薦.頭先份點心完全食唔到鵝肝味，所以即刻推薦我哋試佢哋嘅煎鵝肝！.以佢嘅價錢，好抵食，鵝肝又大又厚。冰糖燴梨香甜清新，夾着鵝肝食可以解膩

六公館的環境和食物一流，值得一試😋地點在尖沙咀海旁，所以可以一覽無遺地見到海景食品的品質真的好好味所以常常滿坐，一定要訂位才可。鴛鴦蝦球好好味、有鹹蛋味同埋蛋黃醬味嘅蝦球好香脆的蝦球，蝦的食物材料新鮮，而且鹹蛋味與蛋黃醬味很夾。必㸃菜色龍井熏太爺雞： 這茶薰雞，雞肉很滑，有煙薰的茶葉味，十分滿意，必點菜色蒸魚柳好滑，個汁好有海皇羹的感覺。大家可以試一下，好味！松茸羊肚菌海膽炒飯，感覺有新鮮感，海膽飯也不錯👍🏻最後朋友們比個驚喜我！個甜點好特別又好味道😋

生日飯之選！精緻中菜+無敵海景如果主人公喜歡吃中菜或者美美環境，一定會喜歡這間餐廳！無論是眼球或相機，百分百信心會滿意😎餐廳主打中菜，但食材配搭和煮法上都有fusion做法，很有有新鮮感，而且賣相精緻，食材新鮮高質，物有所值！來過2次後的綜合推介：🐠蘇薑蟹肉蒸斑球 - 斑塊和蟹肉都很新鮮，鮮甜肉滑，斑球很大塊，就連旁邊的蟹肉都超多，足料好飽肚！🐣龍井熏太爺雞 - 雞很滑！雞很滑！雞很滑！真的邊吃邊聽了3次，皮脆肉入味，加上淡淡龍井茶葉香，又夾又好味🍤鴛鴦蝦球 - 一碟有兩種做法，分別是鹹蛋黃和芥末味各3粒，口感彈牙又惹味🥘松茸羊肚菌海膽燴飯 - 燴飯有香濃菌味，加上鮮甜海膽，無得輸～🍮甜品方面某幾款需要等20-30分鐘，想吃記得預早落單啦😉 另外環境、服務、270度室內外無敵維港海景，加起來就是💯生日飯👍🏻

友人D👧🏾終於去完兩個幾月(?😂)嘅grad trip番嚟啦！我地見面第一餐就去咗食六公館，平時我都好少去食呢種有靚景有裝修有格調嘅中菜館呢😛.全餐最impressive嘅係鴛鴦蝦球同茉莉花茶奶凍！.🦐鴛鴦蝦球一客有芒果醬同黃金咸蛋黃炸蝦球各三件。蝦好大隻，蝦肉非常爽彈，正！唔係見到menu寫芒果醬，我會一直以為係蜜糖芥末醬嚟😂因為食落都淨係食到芥末味🙈但都係好食嘅。黃金咸蛋黃就更加冇得輸，好味！.🥛茉莉花茶味意式奶凍都值得一試。奶凍好幼滑，奶味香濃。香濃奶味之中，食落夾雜淡淡茉莉花茶味，令到整體奶凍食落多份清新嘅味道，幾特別。因為本身奶凍嘅奶味真係好濃，所以雖然杯奶凍係茶杯咁嘅size、望落唔太大杯，但2個人share作飯後甜品食就啱啱好呢。.🐮48小時慢煮牛肋骨食落肉質真係非常非常非常嫩滑！細心望就發現牛肉上面脂肪比例好高、分佈好密，真係好肥😂所以一份牛肋骨雖然只係起到十塊肉左右上嚟，但我地2個人食都食唔完，因為食一兩塊就已經覺得幾溜🙈建議有4個人或以上先叫🙈除左點附上嘅醬汁食，我覺得沾啲鹽食仲正😚.🐷叉燒都係呢到招牌菜式之一。叉燒肉質鬆軟，我地忍唔住一定要叫番一人一碗白飯🍚蜜汁叉

六公館一直在我的口袋名單內，是夜終於有機會來邊嚐美食邊欣賞醉人的維港夜景。餐廳在海港城 OTE 1樓，沿扶手電梯向下就看到 HEXA 六公館的招牌。餐廳環境古韻雅緻又不失浪漫情調，無論是聚餐或是約會都很適合💕 這裡坐擁270度維港海景，全落地玻璃環境開揚，將維港景色盡收眼簾入座後店員先奉上餐前小吃醃酸菜，淡淡的麻香滲入口腔，酸酸辣辣的很開胃。另外我們也開了一壺杭州胎菊，用上花蕾初開的嫩芽，茶身色澤通透金黃，細細品嘗，入口醇甜柔和，帶花蜜清香。來一壺上品的菊花茶可以為秋日解解燥呢首次到訪，主要點了餐廳的推薦菜式。前菜是帶點 Fushion 味道的鮮柚子鱈場蟹腳已細心的將鱈場蟹腳拆肉，入口啖啖肉～ 加上清甜柚子、日本青瓜和花生碎，爽脆的口感和隨之而來的蟹肉鮮甜，簡簡單單就能引導出食材本身的美味另一款前菜是龍眼蜜生煎金蠔，賣相非常精緻，晶瑩金黃很是討喜。飽滿圓潤的金蠔保留了蠔的柔軟質感，一口咬下去是澎湃的肥美甘香～秋意綿綿當然要來個滋潤湯品，不意外又是我最愛的杏汁花膠川貝菜膽燉白肺。平常在家很難喝到這道工序多又繁瑣的養顏靚湯，所以在中菜廳看到就會必點吶～ 這碗熱騰騰的杏汁白肺湯濃郁香滑，用料