冬蔭公公 (已結業)

今日去坑口店晚餐，叫左一個泰國冬陰功湯米粉加雞扒$42+ $14 （雞扒）！黎到見到碗麵得一舊雞扒，以為睇錯、因為以前食開有2-3 舊！我就問職員，是不是雞扒只得一舊佢話係！好唔緊要！以後唔會幫襯收我$14一個餸！得一舊😡

好耐冇食過呢間啦，朋友又話想食所以兩丁友走咗入去呢間野。晚餐時段唔算太多人，入到去店員就帶咗我哋去坐低。我揀咗好耐，最後見到馳名兩個字所以叫咗個馳名海南雞飯，有雞，油飯，三個醬汁，同一個湯。雞幾滑，冇乜味道，即係雞冇雞味，所以一定要點醬汁，但我覺得其實點左醬汁都麻麻地好食。雞嘅份量都唔夠餸一個飯。油飯冇乜雞味，總之好普通。海南雞飯成個餐都好普通，冇話好難食，但又唔見得好好食，完全唔明點會係馳名呢？下次唔會再食馳名海南雞飯

新開張時吃過他們的外賣豬手飯, 因不是所有分店都有, 味道+肉質都像泰國吃到的, 覺得很不錯,第二次吃的外賣, 質素開始下降, 豬手飯肉質很硬, 鳳爪沙拉很淡, 只有海南雞飯可以, 但都是雞胸頭尾部份,可能是外賣關係昨晚第三次吃堂食, 質素下降到已不太能接受, 豬手飯肉質一樣很硬加今次豬手汁有焦味, 好像是煮壞了, 送的薄餅也是丁熱的, 跟坑口店吃的不同(有個亞裔師傅做餅)服務態度友善,但食物質素有待改善. 

見唔洗等位就入左去、員工態度差，野食又貴又難食、上黎既炸蟹鉗係凍既 ，咖哩豬扒仲衰過茶記。加野飲又貴。成間野不能知謂以後唔會再黎呢間垃圾。唔怪得長期有空位....

今晚OT放工返到坑口已經差不多九點, 去左屋企附近既冬蔭公公食dinner。呢度有粉麵、泰國海南雞飯、撈檬等等...如果人少少/自己一個人而又想食泰國菜, 都係一個選擇。因為呢度既菜款/份量都以一人份量為主。先ORDER左個冬蔭公公推介既米線【泰國冬蔭海鮮米線】HK$69材料包括大蝦,蟹柳,魷魚鬚,龍蝦丸、鮑魚片、青口。米線滑而彈牙, 湯底可以自選大中小辣, 我就揀左中辣, 湯底味道微酸而辣辣地, 愈食愈開胃。魷魚鬚好爽口; 鮑魚片、青口keep到鮮甜味, 蟹柳好林, 索左個湯底味; 不過隻蝦既肉質煤, 沒有爽口感。【馬來沙爹串燒(牛)】HK$48/3支燒後亦唔會乾身, 保持到肉汁, 再點沙爹食, 幾惹味~

踏入初夏，又係炎熱的季節，胃口麻麻，最適宜食D開胃食品。今天三人行，各人都叫了一碗湯粉。正值下午茶時段，價錢亦很相宜。40元就有交易，可選二款配料，粉底很足，還包一杯基本飲品。在區內算是不錯，很滿足。

將軍澳坑口呢邊的商場愈來愈多食肆😋 搵野食都好方便又多選擇。放假黎開呢頭行下，唔知食咩都會揀冬蔭公公。鐘意食泰國菜，之前都黎食過幾次，水準都一直keep到招牌冬蔭公公logo👍🏼 雖然店內多客人好忙，不過店員態度都好nice，好快落order上菜識食一定叫公公拼盤套餐（ $136 ）可以試到唔同款式的小食，仲送兩杯特飲抵食每次必叫的龍眼冰，清甜冰涼，仲有好多粒龍眼肉，好解暑！朋友就點了紅豆椰汁冰。天氣悶熱無乜胃口，叫生蝦刺身食一流好辣好惹味～真係辣得過癮，又係會食唔停，個醬汁都係精華。主菜叫左個例牌海南雞，好鮮嫩～而且個汁又係酸酸甜甜咁好惹味。另外叫左個同樣是黎到必點的油鬆餅，加左10蚊配咖哩點黎食一流好香口，一份都夠兩個分黎食。淨係為左油鬆餅都值得再黎encore 哈哈！

第二次黎冬蔭公公食晚餐，念念不忘佢嘅泰式鳳爪，所以趁住佢晚市冇乜人，立即入嚟食番個一人晚餐。本身想再食佢個冬陰公米線，但係睇到Menu上邊有咖喱飯又有啲心動，於是就試吓新野啦！為咗泰式鳳爪而黎，點知今次嘅泰式鳳爪就實在係有啲失手啦！估計係放喺雪櫃太耐，啲鳳爪直頭係係凍結嘅狀態，咬落去啲雪味真係牙都痺埋而新嘗試嘅黃咖喱豬扒，反而係一個新驚喜！成個餐咖喱同埋飯係分開嘅，所以鍾意撈住食或者分開食都可以自己決定，仲附上一碗中湯熱辣辣！黃咖喱唔辣仲有少少甜，啱晒鍾意食香口惹味又怕辣嘅人，呢度嘅黃咖喱好香好濃，撈落飯食真心正到爆！而且豬扒一啲都唔縮水，大大塊！不過食嘅時候就會有少少論盡，好驚咬塊豬扒嘅時候，會拍一聲跌咗落啲咖喱度彈到周身都係😆唯獨店面嘅環境需要少少改善，可能係附近裝修嘅關係，衛生環境有少少影響，食飯嘅時候不斷有烏蠅飛來飛去，有少少倒胃口

今日路過呢間泰國餐廳，見佢個環境都相當唔錯，揭吓餐牌發覺仲要非常抵食添，所以就入去試下喇。泰式酸辣鳳爪，以套餐加十蚊嚟講，個份量都算多，都有成四五隻，鳳爪味道偏酸，啱哂鍾意食酸嘢嘅我，墊底嗰啲生菜同洋蔥都相當新鮮，食完啲鳳爪都忍唔住食埋佢地。素菜春捲，春捲嘅外皮炸到脆卜卜，裏面嘅餡料多到密質質，點埋佢個酸魚露就可以中和油炸後嘅滯膩感啦。生蝦刺身，啲蝦隻隻都好大隻，攤番開有成半隻手板咁長，食得出肉質極到新鮮，因為嗰陣鮮甜嘅味道，唔新鮮嘅生蝦係無可能做到，點少少酸辣汁，再夾埋佢塊生蒜片同埋辣椒一齊食，就係至正宗嘅享受喇。海南雞飯，首先飲啖湯先，個味道啱啱好，仲隱約飲得出少少肉骨嘅香味，啲雞肉夠哂嫩滑，不過如果啲雞味再濃一啲相信會更加好。特別喜歡佢嗰三個醬汁都夠哂多，而個黑豉油簡直係靈魂啊，鹹甜平衡得嚟仲有好香嘅酒味， 個薑蓉就比起其他餐廳嗰啲海南雞少油，入口冇咁油膩，啱哂我呢啲怕肥嘅妹豬。冬陰功湯檬粉，配料方面揀咗辣豬肉碎，手撕雞，炸魚腐同埋金菇，檬粉一放低已經椰香撲鼻，舀啖湯試下先，唔，係好正宗嘅冬陰功味，再撈勻埋啲辣豬肉碎，再辣多三分，正。手撕雞嘅份量相當豐富，我食哂啲檬粉都仲有手撕雞

行過好多次都未試過入去食！難得今日早左過黎就一於入去試下啦下晝6點幾店面都未算多客人 可以自己隨便坐於是就揾左個面牆位諗住自閉食叫左原隻黃花魚＋冬蔭公米線，個湯底酸酸甜甜好醒位，最正係條魚，炸到酥脆香口，肉質都好嫩滑，真係自己一個人食哂成條魚都完全冇問題啊！另外再加半客泰式鳳爪，半客份量夠兩個人食啊！晚餐時段一個炸魚米線set再加鳳爪都係一百左右，抵啊！不過因為冇叫餐飲，所以會有少少口乾，如果職員姐姐記得俾杯水就好喇

作為無飯主婦，經常都要找找屋企附近有什麼美食，這天突然想要吃泰國菜，就來到冬陰公公。價錢相當合理，選擇也非常之多，也有泰式邊爐。首先點了個豬頸肉撈檬，豬頸肉燒得香，加上醬汁，酸酸地非常開胃，味道不錯。另外點了個小食，牛串燒，不得不讚這裏的燒物做得相當出色，牛肉多汁，不像坊間般燒得又乾又鞋，而且份量十足，牛肉也不韌，好味。另一個主食點了海南雞飯，油飯很香，雞肉也嫩滑，單看賣相也很吸引。相信這裏會成為我的飯堂之一。

這裡算是午餐飯堂之一，來過無數次，每次必點“海南雞飯”+“青咖哩”最近餐牌轉了，多了些不同配搭，今次除點了“青咖哩”，還試了他們的“豬手飯”。這麼喜歡“青咖哩”的原因就是它比黃咖哩更香更辣，有陣陣香葉氣味，會讓你不自覺地吃多了飯而且外面不是隨處可以吃到。另外“豬手飯”只屬一般， 沒有淋滑口感，酸菜亦欠奉，就算加了半隻蛋，亦無助加分飲品選擇亦算多，隨了一般檸茶，檸水，奶茶，咖啡。還有很多冷熱特飲，當然要額外收費。

這星期工作太辛苦了... 到了星期三已挨不住了... 所以為慰勞自己，理應食餐好既!早來早享受，6:30pm收工，去食個early dinner~ 當時約只有3-4枱客，不用等，直入坐低便可~環境:乾淨新正, 仲有卡位坐, 幾舒服~燒豬頸肉沙律(半份) $48:這個頭盤, 好開胃呢~~~ 酸酸辣辣好正~~~~份量很多, 半份都足夠2-3人食~ 豬頸肉薄且很入味, 有燒過的脆邊, 很有口感~好味到全清呢~~~~不過因為我不嗜辣, 所以對我來說還是有點辣, 我叫了一杯飲品, 中和一下, 食數口酸辣又飲一口甜, 很滋味~!馬沙拉咖喱原隻羊膝飯 $92:以原隻羊膝來說, 價錢算便宜呢~份量也很多, 男生胃量也應該捧著肚子說飽~   平日聽咖喱, 接觸最多為紅黃青咖喱~見到這個為「馬沙拉」~ 特意了解一下是什麼.... 「馬沙拉」是印度最具代表性的咖喱，是由多種香料混合而成的。難怪吃起上來, 多種香味, 咁惹味啦! ~咖喱醬很多, 建議可以多叫一個薄餅, 用來沾醬吃, 應該也很好吃, 那便可以一個菜變兩款吃法, 很划算~~ 哈哈~ 羊肉不騷, 味道不重, 沾咖喱醬很配, 若能再淋一點更好~P.S

又到星期日同屋企人出街食飯，落到街花多眼亂唔知食乜好，經過冬陰公公見到大排長龍，就知一定有好嘢食啦等咗大概15分鐘就入到為入面裝修都幾光猛座位亦都舒適餐牌上邊有各式各樣嘅泰式食物，顏色非常鮮艷，非常吸引屋企人無飯不歡，就叫咗個泰式海南雞飯雞肉好嫩滑，食落有口感，飯充滿着雞油香味食極都唔夠原條桂花魚配白飯桂花魚煎封過，肉汁得以保存，一篤落去魚身都算結實，配上魚身上嘅醬汁酸酸甜甜好開胃，而且魚嘅size都大條成家人食就啱晒啦

今晚為咗慶祝好友轉新工作環境兼食開年飯，一於反傳統，唔食中國菜，轉食泰國餐！打開餐牌，選擇困難症又發作，有好多美食都想食！但冬蔭公公個餐牌幫到我呀，有某些美食可以選擇半份或一份，真的太好啦，體貼到我哋為食鬼嘅口福，真的比十個叻叻你哋呀！有半份叫之下，我選擇咗一個半份嘅冬蔭公湯，除了半份可選擇之外，連辣度都可以自己選擇，因為我好友不能食得太辣，所以我哋揀咗BB辣！其實半份都可以分到三碗呀，又足料，還有兩隻大蝦食，正！除了冬蔭公湯有半份叫之外，連木瓜沙律都有半份呀，少少辣，木瓜絲又爽口，食得開心！叫咗個海南雞飯食，碗薑黃飯都幾大碗！隻雞都好滑身，不會像其他地方啲雞咁鞋口，最喜歡連墊底啲花生同蘿蔔絲都好脆囗！叫咗三串牛肉沙嗲，平時啲沙嗲係薄片上，但冬蔭公公係厚切牛肉粒上枱，最重要係容易入口，不會𡁻唔到，掂食咗咁多肉，當然要食番個蔬菜煲啦，好健康，清新有油酥餅食，可以另叫咖喱汁點，夠惹味！叫咗杯青檸梳打水飲，涼透心！除了食物美味之外，服務人員態度都值得一讚！