冬蔭公公 (已結業)

逛完血拼完護膚品後， 突。然。想。起。你！ 突然食泰式拼盤的心癮起， 好想食泰式拼盤、蝦餅及泰式咖哩！拉著媽媽找了間叫冬蔭公公的泰式菜。 餐廳的環境舒適整潔， 位置好便利，肚子餓的時候又容易找呢！ 被餐單的海南雞飯吸引住！ 就你啦！海南雞飯海南雞飯有驚喜！是黃油雞嗎？雞皮幾近鮮螢光、鮮黃色的雞皮，口感原來沒半點肥膩！雞皮頗爽口啵！又滑又爽脆。雞肉呈極淡的蝦肉杏白色，相信是剛剛好熟。一咬，十分細緻嫩滑的雞肉！沒有嚡口的纖維渣，肉質軟腍細嫩。 雞皮幾近鮮螢光、鮮黃色的雞皮，口感原來沒半點肥膩！雞皮頗爽口啵！又滑又爽脆。隨餐附送的冬瓜湯味道尚可，飲後整晚沒有口乾，相信沒有放味精吧。 冬蔭公公泰式拼盤望住餐牌樣樣都想食，款款都想點，當然只有它能滿足到三心兩意的我們！脆炸蝦餅蝦膠爽口彈牙！香煎大蝦穌香誘人！大蝦肉質爽實，雪白新鮮。尺碼夠大隻，頗有口感。 香燒雞肉串雞肉串頗大串，雞肉燒得香口惹味。 白雲鳳爪酸酸甜甜又帶微微的香辣味，爽脆骨軟的鳳爪當然要使出化骨綿掌！ 泰式香炸春卷春卷含有木耳絲、紅蘿蔔絲、椰菜絲等。春卷外層的脆皮炸得穌香，醮上泰式甜酸醬，再加上清新甜菜蔬的清翠與爽脆。

放工又攰又唔想煮飯，仲要年近歲晚，又要辦年貨，打理家務，清潔，真係唔願去買菜煮飯，唯一，就係出街食飯，解決我和個仔的晚餐，就是去常食的飯堂。平時晚飯時段，都會出現人龍，假日，更加等位要等上半小時。餐牌上的食物都好吸引，見到都流晒口水。青咖哩豬扒飯～香濃咖哩味，咖哩醬汁夠濃郁，啖啖椰奶香，有點辣，豬扒比較薄身，帶點韌、嚡。芋頭粉香，加上醬汁配飯，口感豐富，食慾大增。紅咖哩肉燥飯～香濃夠稠身咖哩，肉燥份量多，又滑又香，不太辣，佐飯一流。

放完一個長假，個人都有些懶惰，想起明天就要返工，真係唔多願意，唔開心的心情，難免提不起勁去街市買餸回家煮餐飯，但有些肚餓，近近地去附近的商場，解決這餐晚飯吧。看到餐廳門口，都有數人在等候入座，餐廳位置在角落位，都有少許偏，要找亦好容易找到的。今晚我地就點了每人一個套餐。海南雞飯，米飯用香料醬汁煮成，香味濃郁，入口糯軟，淨食也好味，雞肉嫰滑，美味配上酸瓜，更添口感。原條黃花魚配飯，黃花魚酥炸，香脆魚皮，魚肉嫰滑，淋上了酸甜醬汁，更增添食慾。

今日響呢頭收工, 隨便搵間餐廳醫肚, 呢間冬蔭公公響其他分店食過, 夠平又OK, 一於再食.要個魚湯檬粉, 加豬頸肉. 魚湯魚味非常濃郁, 鍾意食魚一定鍾意, 飲落唔油, 好似飲魚湯感覺.檬粉幾爽口, 唔會太腍. 豬頸肉夠嫩, 唔洗加錢既配料仲有蘿蔔, 金菇, 最喜歡索晒個魚湯咁食, 好鮮味.加埋炸魚皮, 脆卜卜唔油膩, 夠香口, 浸落D湯度食都好好味.另要左3串雞串燒, 雞肉漲卜卜夠飽滿, 肉質嫩滑唔鞋, 燒得幾香口. 最正係個沙爹汁稔稔地, 可以掛滿串串燒, 唔會太辣, 仲好惹味.

是日孖男友去tea,見冬蔭公公有泰式拼盤加飲品加埋$200，真系好抵食蝦餅好彈牙，串燒亦瀑汁,泰式鳳爪冇雪味春卷足料，juice三款soy任君選擇青檸梳打，不用額外加＄倆個食份量剛好

一個人的晚餐，難得呢邊有泰國嘢食，上網睇到好似係車仔面咁既形式，走黎食下，好多配料送菜選擇，好肚餓既我，咩都想食，叫左五個送，我都覺得有點誇張，有炸雞翼，魚片頭，魚皮餃，鮮冬菇，生菜，魚片頭好彈牙，魚皮餃一點都不腥，炸雞翼剛剛好，好香，好惹味。我叫左清湯底，清清甜甜都幾不錯。天氣寒冷，當然要飲反啲熱飲，叫左杯黑糖薑茶，好溫暖，勁薑，夠甜，凍天飲真的係不錯選擇。另外仲叫了一串小食，燒龍蝦丸，燒物就麻麻地了，不是太香口，好快就凍了，咬落帶點硬，下次可以叫其他食下。

早在九月頭去過這間試過他們的泰菜，質素挺不俗而且價錢不算貴，所以一定要介紹畀大家💁。餐具用上一位泰國大眼仔做標緻可愛萬分，更用上令人易聯想冬陰功的橙色，好聰明的佈局👍。食泰菜梗係飲啲爽口嘢啦！鹹青檸梳打$26味道調教得好唔錯鹹甜適中，如果碎冰可以少D就更加好喇。來到冬陰公公冇理由唔整碗冬陰功湯呀嘛$40(小)🍲，呢度仲可以選擇大，中或BB辣度，今晚同車爸爸食當然要BB辣啦！又估佢唔到喎入口好濃香惹味，酸辣度恰好而且份量亦都好足夠好抵飲呀。泰式蝦餅$48/2件呢度係兩客來的，因為我好鍾意食蝦餅😀。蝦餅炸得酥脆內裏鮮香口彈牙，質素十分之高必食之選呀😋。馬來串燒海中蝦$86/6串🍤，海蝦燒得好香口還吃到輕輕觔咖哩香味，唔係就咁鹽燒，這個煮法我覺得好棧鬼喎。我比較鍾意食粉麵所以揀咗呢個自選東南亞特色湯粉，湯底有三款選擇牛骨清湯，冬陰功湯同埋我揀咗嘅鮮魚湯$38，另外再點自己喜歡的餸料，清清哋揀了雞絲$12，炸支竹$9和豆卜$5共$64，鮮魚湯入口幾鮮甜唔覺有味精，本身湯內已有蘿蔔，金菇菜，芫茜，芽菜及乾蔥等配料，成件事都幾圓滿而且份量仲好足㗎。車爸爸就揀咗佢最鍾意食嘅泰式海南雞飯$68，嘴刁的

這天跟老婆大人同外父，外母吃晚飯一行入商場就見到冬蔭公公就揀佢啦！飲品三人不約而同揀咗鹹青檸梳打，好飲喎唔太甜，有少許鹹味唔錯，不過冰就多咗啲啲。冬蔭公(BB辣)可以自選辣度，啱晒怕辣的我，湯內有不少菇菇還有隻中蝦，味道好香濃小辣啱晒我正呀。酸辣鳳爪/半份，冇骨鳳爪最令人喜歡，味道酸甜不辣啱我呢！泰式蝦餅OK喎，熱辣辣炸起，食落彈牙有蝦味掂呀。燒牛筋丸就一般，沒有驚喜。燒海中蝦就好新鮮，仲要有少少咖哩味好特別架。鲜魚湯粉本身有蘿蔔，金菇，芽菜等配料，然後再好似車仔麵咁自選餸料，每種餸料有唔同價錢，我哋點了豆卜，枝竹，雞絲共要$64，看上似好貴，但係呢碗粉份量夠我哋4人分嚟食呀，而且魚湯更係鮮甜好味，值得值得。海南雞飯轉脾加咗8皮，有齊三色醬同老火例湯，雞肉皮爽肉滑掂呀，油飯對我而言就未夠油潤香口，但十分合健康一族的人仕。

泰國菜是R小姐最愛的一種菜式，因為無辣不歡的她，最愛泰國那種辛辣，香辣的味道，辣味中不會像中國四川那黎帶麻油膩的感覺。泰國菜只要加上數根小辣椒，每道菜也添上靈魂般。在餐牌中發現有自選湯底的粉麵，可以選冬蔭功金邊粉吃，還有一些特色的撈檬系列及海南雞，小妹點了豬扒撈檬及海南雞飯，當然還有冬蔭功。冬蔭湯$40其實在任何一所泰菜也很難有這個價位吧！真的童叟無欺，足料冬蔭公，四十元有兩隻大蝦。冬蔭公湯點了中辣，入口味道辛辣加上湯口順口，辣油帶點嗆喉感，加上青椒辣椒碎，入口會更重辣感。菇類爽口入味，蝦肉爽彈有嚼勁。海南雞飯$68米飯色澤呈黃澄澄，已去骨的海南雞特別方便，三種醬汁最得小妹心是那辣汁，微辣不奪去雞的鮮味，雞肉嫩滑，脂肪不會厚厚一層，入口清爽又帶鮮味。豬扒撈檬$66豬扒有手掌般大，炸過後外層帶微微脆身，入口醃料味不會過濃，豬扒爽口有帶點肉汁，撈檬的醬汁酸辣度合宜，愈吃愈開胃的一道菜。一道接一道菜，我倆已經飽了，泰國菜真的是吃不厭的，每道菜也屬中上，價錢方面也不錯，兩個人才二百多三百

整個月天氣每天都不太好，帶住bb有很多地方都不太方便去，留在商場一樣有越泰菜食。連鎖食店品質有保證，頂多沒太大驚喜，冬蔭公公我覺得還可以，價錢合理，有下次！ 一碗湯粉五十元以下有交易，老公的魚皮餃牛骨清湯，大大碗，幾抵食的。我試了湯頭，覺得沒太多味精，已經好難得了。 媽媽的冬蔭公湯檬，湯頭更正，喝到椰汁香，香茅的酸，辣度可以自己選擇，中辣已經夠噴火了啊！ 我豪少少點了炸軟殼蟹撈檬，蟹意想不到的大隻，除了脆卜卜外，還很多膏呢！撈檬有爆蒜片，原粒花生(但自覺沒花生碎過癮。) 靈魂人物當然是魚露！味道ok，未到驚艷，但合格有餘的。瓶子不易用就是了，出口位太窄，全塞滿，大概大家都直接扭開瓶蓋倒出來吧，所以一如既往的痴立立到一個點。每次吃撈檬魚露都是這樣子，已經變成一種象徵… 泰式特飲是必需的！黑珍珠椰汁，咸檸梳打和紅豆椰汁冰，解渴解辣，不錯！商場來說，質素價錢服務成正比，已經很好了。

本身我吾太好食泰菜 但朋友仔極力推介又平又正好喇順佢意食一次喇我地揀左幾個餸SHARE第一個係豬扒撈檬 一上菜不禁左聲件豬扒超大件 足足有2塊禁多炸過後既豬扒特別香口 個邊位仲幾脆至於湯底酸酸地好開胃 個粉吸收晒D湯汁好惹味除左豬扒撈檬 仲揀左個海南雞飯黑洞怕吾夠飽 要左半邊海南雞+一碗雞油飯雞件肉質嫩滑 最緊要係夠熟完全無血水 本身好怕街外D雞成日吾夠熟隨雞有埋醬俾你點 我最愛甜豉油 同個雞好夾再加埋淡雞油飯 熱辣辣好香口講真禁好食半隻雞食食下好快食晒最後叫左個串燒拼盆過下口癮 其實餐牌有得散叫形式但我貪佢拼盆樣樣有得大滿足大推個燒蝦 肉質爽彈 而且調味吾多可以食到個蝦既鮮甜味仲有豬頸肉都好嫩 炭烤過後更加提升至於個鳳爪就比較岩中意食酸野既朋友食個爪吸收晒個酸汁 食落算開胃禁豐富既一餐都係$100/人 好抵食我己經決定下次黎將軍澳再食佢

🚅🚄🚝My aunt lives in Tseung Kwan OI love the Mtr today Makes this OA new shopping experience And a place to kill time tom yum kungkung is the restaurant My auntie introduceson Boxing Day A fair place to eat hotpot of tom yum soup Whole sea basswith lots and lots of vegetables we also order Thai crisp shrimps 5 pieces 54$Hotpot of whole fish 128$!the fresh lemon ginger TeaIs so special and tasty Even a man loves it wholeheartedly

反工前當然要好好醫好個肚子先，發現呢頭開左間新型既泰國菜，好像車仔麵咁，可以叫自己想要既送食。 肚子餓既我，咩都想食，叫左魚皮餃，炸腐魚，魚片頭，鮮冬菇，魚皮餃幾好食，無魚腥味鮮冬菇好入味，切開左細細粒好易入口，魚片頭不錯，夠彈牙。 我要左魚湯，清清地又少不了魚香味，不錯。 泰國嘢竟然有紅棗杞子茶，熱飲好温暖，好多杞子，紅棗係杯底，甜甜的，幾好飲，又有咬口，好像好補咁食飽飽未夠鐘，坐左係度，餐廳環境都算大幾舒服，順便可以休息下

今日黎坑口搵個朋友食飯，時間尚早，所以就share左黎食。朋友中意食薄餅，所以正餐都揀左黃咖哩雞飯，咁就唔洗另叫咖哩汁（$10）。賣相唔錯，個雞皮脆脆的，肉幾嫩，唔會肥，個咖哩好重椰香味同埋啲薯仔好淋！蝦餅好有咬勁，蝦肉彈牙，配甜辣醬👍🏻仲有個煎蛋薄餅，啲蛋係薄餅入面，如果係酥皮應該會再香啲。份量好多，不過咖哩稍蓋蛋味。個乳酸係木瓜加yakult，唔會好甜，幾好飲。整體來說價錢合理，幾抵食，服務都好好。

2點都未食晏，所以揀左黎冬蔭公公食個飽肚下午茶點左個冬蔭公雞扒米線，湯底酸酸辣辣，非常開胃，椰香味都好濃，米線份量都幾多，雞扒雖然唔係好大塊，但肉質鮮嫩，整體非常唔錯，好滿足!加3蚊有餐飲，$38埋單，下午茶幾抵食