冬蔭公公 (已結業)

係將軍澳呢區,呢間冬蔭公公其實都開左好耐喇,所以決定去試下。餐廳內既位置都算幾舒適,唔會太迫,慢慢食都唔會俾人趕。而今次就試下點左"馬沙拉羊膝咖哩"配飯食物非常"足料",個羊膝好大個呀!至於食落既話,羊味係好突出既,之但係肉質略嫌老左少少,有D韌,唔夠鬆軟,可能炆得太耐喇。不過個汁調配得好好,好香而且非常入味,拎黎撈飯岩哂喇而飲品就點左椰汁珍多冰,平時係其他餐廳飲既椰汁系列,多數都係椰汁少,糖分多。但呢到既珍多冰唔錯喎,一飲落口就覺得有好重既椰汁味,好香絕對可以一試

泰國是香港人的至愛旅遊地方，係冇得飛既時候，泰菜基本上真是頂引之選，咁多人鐘意就當然四圍都有，好不好吃又另計啦～呢家位於商場內的冬蔭公公是不錯選擇！！除了泰，還有馬來和印度式，滿足不喎人口味～泰皇燒春雞＄19/半隻呢個我至喜愛的得獎燒雞做特價，吾係吾食下麻～燒得很香口，皮脆，亦很有入味，雞很厚肉，吾好以為咁平，絕對足料！！泰式彈牙蝦餅＄42/2件炸成金黄色的圈圈樣子已經好美味，咬下口真是脆到爆！！中間的蝦滑亦很彈牙，味道吾錯喔！老實講比起九龍城食開嗰啲絕不遜色！泰式醃生蝦＄78/6隻高身碗盛載着碎冰和生蝦，這個有腦的設計我很滿意，因為冰水會流向碗底，蝦便不會沾到溶雪水了。生蝦夠大隻，圓圓碌碌，很新鮮，咬落都好爽口，配上的蒜片和辣椒，好像夠哂香辣，點的生蝦醬也不能忽視，夠酸夠辣，令鮮味的生蝦多了一份泰風情～馬沙拉咖喱原隻羊膝配油鬆餅＄96嘩！！真係原隻，睇下！切出來都分到幾多舊肉喎！！啖啖肉，正！肉質嫩滑，微酥，荅配馬來式的咖喱，和油鬆餅。香蕉乳酸＄26勁大杯，可以豪氣大口喝，吾洗慳住慳住，食完香口炸野和辣野，有杯冰凍沙冰真是爽爆！！飲落還有小小香蕉肉，有點咬口，小沙冰口感，乳酸味都出。

友人今天相約我到冬蔭公公食泰式野，我當然出席。燒魷魚鬚 （$68）：魷魚鬚不但燒得合火候，而且魷魚鬚亦都非常爽口彈牙，唔會因為燒得唔夠火候，而令到魷魚失去本身的海鮮味，此外，由於用了特製醃料醃製，所以食落有很重的醬油味，令人手指大動。海南雞 （$84）：份量不但多，而且雞肉非常嫩滑，雞肉本身與雞皮的脂肪十分圴衡，唔會食到覺得太過油膩，而且點了秘製的海南雞醬，為雞肉增添不少味道。燒海中蝦（$80）：由於蝦肉非常新鮮，就算沒有用任何醃料都可以令蝦肉保留出原有鮮味，加上燒得合時唔會太乾，令到口腔唔會有一陣燒焦的味道，覺實難得。加上蝦頭有好多膏可以食用，為味蕾帶出蝦的鮮甜味。咸青檸疏打（$22）：不但用上陳年咸檸來製造，加上足夠氣的疏打水，令到飲落喉嚨非常舒服，加上青檸亦可以消除口腔的油膩感，係飯後必叫之飲料。

今日下畫突然想食泰式野，所以去左冬蔭公公一試以下食品。海南雞半隻（$84）：賣相非常吸引，雞皮帶著鮮油的黃色，而皮與雞肉之間沒有多餘的油脂，雞肉亦相信係用冷暖方式不停浸下來製作，所以雞肉嫩滑無比，入口除了保留著雞肉的鮮味外，肉質仲非常彈牙，加上新加坡的甜醬油，令到海南雞的味道再度提升。燒海中蝦（$80）：蝦不但大而爽嫩，而且燒得合時，唔會因燒得太耐令到蝦肉乾透，保留到蝦肉的鮮味，加上泰式醬汁來吃，令到海蝦的鮮味再次突出，而且蝦肉本身很新鮮，令到蝦頭既膏都非常惹味。炸魚片頭（$20）：用上新鮮牙帶魚的魚片頭真係彈力驚人，入口除了彈牙外，還食出到很濃郁的魚味，由於魚肉新鮮，所以就算冇用大量醃料製造，都足以令到魚片頭發揮出應有味道。總括而言，這裡的食品製作非常認真同高質，絕對是泰式菜的代表。

要食到泰國茶的地方,最多都係九龍城個D既地方,今次黎到將軍澳,卻發現了一間不錯的連鎖泰式餐廳。食物既選擇都幾多,粉,麵,飯各有特色。最後選擇了寫住"公公限定"的馬沙拉牛腩咖哩。而為了試下不同的特色,便選擇配油鬆餅(大概是印度薄餅)而不配飯。食物賣相非常惹味,份量亦好大份!!咖哩味道以咸為主,略嫌少了一點椰油的香。不過好足料,牛腩有好多,而且炆得夠林,味道還是不錯的而配搭油鬆餅確係唔錯既選擇呀,因為可以大口大口咁直接品嚐咖哩既味道。呢個油鬆餅幾煙韌,口感唔錯,感覺又唔會太油膩唔想食飯既話可以試下配呢個食物份量多,味道不錯,咁樣都係66蚊,而且全日免加一,抵食

Openrice啲食評真係越來越信唔過！呢間嘢食物質素一般都算，衛生情況可以話奇差。燒雞上面一大條鐵絲，咖哩有頭髮，三個碗三個都有污穢未洗淨。未開始食已經無哂胃口。講番味道，咖哩牛腩同薄餅都唔錯，唔太辣，牛腩煮得幾冧，份量適中。個「車仔麵」就唔係好得，除咗麵嘅份量唔少之外真係搵唔度有乜可以讚。魷魚好乾身又無乜味，牛肉得三、四片，又無乜配料，芽菜都得幾條。個燒雞一上台就被我退返去，所以唔知好唔好味，不過真心無胃口試。

話說小妹我已經Grad左，而家做緊full time，錢係多左但休息時間少左。難得今日dayoff，我會好好對待自己。之前係淘大附近溫書，有時都會黎呢間度食，而家搬左我屋企樓下，今日落黎呢度食lunch先！嗱~唔好嚇親，我的確係一個人食咁多嘢(我既食量已經嚇親公司好多同事)不過最後都剩左小小米粉冬蔭公米粉is賣飛佛~($39+$10+$10+$8=67)本身好中意啲配料，有莞茜，粟米，花生同芽菜。個湯底香料好夠，唔會太酸，我有時叫中辣有時大辣，愛辣既一定要叫最辣。米粉好索湯所以我一定叫米粉加料有雞翼尖，雞絲同金菇。雞翼尖係必叫！有5隻，海南雞翼尖既味，好抵食~泰式酸辣鳳爪($48)鳳爪已去骨，酸辣度啱啱好，唔會太辣。呢度會落好多芹菜，蔥，莞茜，我呢位重口味人士既至愛！呢個係我都常食既，所以好推介！杞子紅棗茶($22)講真，呢度既熱飲係偏貴，但好足料，之前係淘大有叫其他嘢飲，飲落都係好夠味。如果有錢又想豪爽既，可以一飲

將軍澳新派食店，既好似譚仔咁可以米粉加配料食，又可以叫下飯或者咖哩類食品，幾適合一家大小同埋口味唔同既朋友一大班去試下。肥柑太叫左BB辣冬蔭功湯加牛筋丸，我就叫左大辣加豆卜，再叫左加底，但估唔到原來呢間店一碗粉麵既分量係好多，睇相已見薯粉係多到出左湯面，一個人食完應該會十足飽，我仲有一碗既加底，真係食完包食滯。(事後真係滯左一日)，食量真係好大既朋友先好叫加底呀。呢度加底畀個碗你自己加，如果有幾個人分既話，一份加底應該畀左兩至三人分，其實人多食又幾抵食架。講番碗薯粉，最重要係個湯，真係香口得黎，又有少少酸辣既冬蔭味，飲落唔覺有味精，食完唔口渴，而配菜分量則較少，而且肉類偏向幾貴下，大家可以叫一碗粉已經等同出面譚仔叫兩碗，不過味道方面我覺得佢地做個冬蔚功做得幾好，下次有機會我會試埋其他湯底。

一心諗住試下個海南雞，無諗過係咁。其實滑係幾滑，不過真係唔係好有雞味，同埋d雞皮好厚，個三個配醬一向都係海南雞既重點，好彩都仲算幾好味！最鍾意橙色個個醬！酸辣度都適中！

食晏咁岩行過，同朋友一人叫左碗粉，個冬蔭公湯酸酸辣辣好開胃！兩餸都係$38，仲好大碗！我點左牛肉魚腐，要讚下個牛肉唔係個d勁肥既肥牛！有厚到又有牛味配料仲有我好喜歡既粟米同花生！令成個粉更滋味！本來諗住走架啦！點知朋友入黎個陣係門口見到個馬來脆雪山係都話要試！出面睇成座山咁！原來入面有d似茶樓既甜薄撐，有花生椰絲個d, 脆脆的，幾可口！

早幾日去完星馬旅行，返到香酒都仲有少少掛住d食物，咁岩行過將中見到原來有間冬蔭公公開左就同個fd入去叫左個拼盤。一黎到已經覺得好happy! 勁大份又好多野食！岩哂我呢d樣樣都想試少少既女仔！好耐無食白雲鳳瓜，酸酸甜甜好開胃！最好味我覺得係個燒蝦串，好鮮好彈！豬頸肉係薄切既，我鍾意打孖咁食，好似有口感d! 不得不讚係佢個2杯飲品！我點左杞子紅棗茶！好足料又唔太甜！朋友個杯黑珍珠椰汁冰仲正！好rich椰奶味！(不過我唔好意思影)

夏天來臨，突然想食些酸酸辣辣的食物，便選了公司附近的“冬陰公公”。來到冬陰公公，當然要試試冬陰公湯啦，所以點了冬陰公湯幼薯粉，再加配炸魚皮、豬頸肉、全隻蜜汁雞翼及魷魚鬚。BB辣的冬陰公湯底酸辣程度剛剛好，而QQ的幼薯粉吸了湯汁食落很香…而配料方面，份量很充足，豬頸用有很多片，爽脆而不肥膩魷魚鬚都可接受，如果是炸的會更好食！另外泰式生蝦也很鮮甜肥美，與醬料perfect match,最後點了公公推介的芒果乳酸，芒果汁配益力多好香甜，涼浸浸飲落很舒服，吃完辣辣的食物飲一口，解辣之餘又透心涼食完真係好滿足！

Went here for a casual lunch because I was visiting friends in TKO.There is another branch in Hang Hau but this one is more spacious.Had the Masala beef and lamb curry, both were strong but not spicy with a sweet aftertaste.The Hainan chicken lacked aroma and the rice was bland.The chicken feet were tasty but the MSG was a bit strong.Drinks:

之前曾經係九龍灣食過一次，令到我念念不忘冬蔭公公的正宗泰式風味！今次去到將軍澳中心竟然巧合地遇上，緊係要再次幫襯啦！首先係泰國牛骨清湯配上辣牛肉碎！湯底牛骨味濃郁得黎十分清甜！加上有乾葱﹑芽菜﹑芫茜等的配料吊味，令到濃底更入味！米粉亦係泰國的出品，比香港人較常食開的東莞米粉更為幼細同爽口，食落口好滿足呀！辣牛肉碎辣味適中，開胃又惹味，一定要order呀！另外蘿蔔吸哂湯的精華，一啖咬落去多汁又夠淋身，鐘意食蘿蔔的人一定會好享受！跟住就到一定要試的泰式馳名海南雞飯啦！雞肉好滑好鮮嫩，一啲都吾會鞋口！啖啖肉呀！油雞飯煮得恰到好處，配埋3款吾到的醬汁，趁熱食超級滿足！隆重推介黄咖喱軟殼蟹！四個字：超-級-好-食！黄咖喱吾太辣，濃濃的咖喱味，帶點creamy的感覺，齋食咖喱汁都停吾到口！加上軟殼蟹size一D都冇欺場，蟹肉彈牙又夠哂鮮甜！跟餐仲有油鬆餅添！好味到差D想打包食淨的咖喱汁番屋企！哈哈哈哈！野食叫左咸檸七，夠凍又大杯！抵飲呀！個杯仲要係泰國style，好正！推介冬蔭公公呀！

今日於popcorn逛街後突然想吃泰國菜，最後決定嘗試位於將軍澳中心的冬陰公公，由於我們到達的時間較早，所以不用等位，但約7時半開始就需要等位了。點了一個拼盆套餐($136)，有泰式什錦拼盆及兩杯飲品。兩位來吃這個拼盆確是滿足，因為拼盆有很多不同款式的小食，有蝦餅，泰式春卷，豬頸肉，酸辣鳳爪，串燒蝦及串燒雞。另外，點了一碗泰國特色湯粉($36)，這碗湯粉湯很濃，米粉不硬亦不粗，滲了湯的味道，好好味！下次再來定必再點！另外，點了咖哩軟殼蟹配油鬆餅($80)，我不能吃辣但也覺得這個咖哩很惹味，再配上油鬆餅點咖哩來吃，很快就把整碗咖哩吃完！如果能吃辣的都可以嘗嘗青咖哩，好像也很吸引呢！