凱富菜館 (已結業)

鰂魚涌有好多飯店，今次小編同女朋友就嚟到呢一間潮州菜館食晚飯，今次order左滷水鵝肉、馬友魚、煎蠔餅，同埋蠔仔肉碎湯飯。滷水鵝肉10分入味，滷水整得相當好，馬友魚係經餐廳嘅侍應推介果然好味，蠔餅方面，呢間潮州菜館烹調得相對冇咁油膩，啱晒小編同女朋友，至於蠔仔肉碎湯飯，蠔仔相當新鮮，飯同湯嘅比例亦都配合得10分好，當食完滷水鵝肉、馬友魚，煎蠔餅；呢啲主菜後，食返一碗湯飯可以有去油膩嘅感覺。總括而言呢間潮州菜館亦都令我覺得有愉快嘅體驗，大家不妨試一試啦。

跟8年前的一篇食評很像，這間餐廳對食客不太重視也和尊重。當時是午餐時段也是上班族的高峰期，我和兩個同事去這裡吃飯都已經吃過很多次，一直都不是很好服務，例如排隊等位不按次序讓人客入座，點餐時跟上菜不同，但從沒講句對不起再做過。但今次是特別「難忘」，旁邊一台客有10多人，看上去已經坐了一段時間，叫的是小菜，中午比較少見，我點了午餐5沙茶牛河跟檸檬茶，而同事們點了鹵水類別的單點餐跟湯。最後他們很快上菜了，但我的午餐一直等待，同事的飯湯幾分鐘內上了，我只上了檸檬茶就沒有下文。而旁邊的大台就不斷的上小菜。中途我亦有很客氣的隔10分鐘問一下何時上飯，但換來的是很敷衍的回應：在弄喇，很快。但不見她去跟進。40分鐘後，我忍無可忍跟他們說，不要了，要上班了。最後他們沒有收我的餐錢，而我亦沒有喝那杯茶，他們也沒有表示歉意。其實如果為了做小菜生意，令基本的午餐也做不到，可以早點說要很久，沒必要要趕上班的客人等那麼久。黑名單餐廳首選。

這晚去了朋友家探望初生的嬰兒，在他們家待了2個多小時後，我們才去出去吃晚飯。看到這家有宵夜特區，價錢挺便宜，所以就進去了。我們五位點了滷水拼盤，生炒排骨，魚香茄子煲，馬拉盞炒雜菜。除了滷水拼盤外，其餘三種小菜都包括白飯/白粥，湯各一，我們選了2碗白飯，1碗白粥。每一種食物份量都正常，沒有因為是特價小菜而份量變得很少，食物全都挺好吃，煮得很入味，性價比高。

今日放工諗住早早地食埋飯先返屋企。行行下，見到呢間潮洲飯店好耐無食，於是入去幫襯下先😝由於之前食開，知道碟頭都較大，所以人少少，只係叫左2餸1主食一坐底會先上一碟配菜，通常係淹酸菜或者煮花生，今日係滷豆腐配肉碎😋食潮洲野又點少得滷水食物？滷水拼盤：鵝片+豬耳，附送豆腐。鵝片好嫩、好juice，肥瘦適中，而且味道剛好-入味而唔鹹，好香。豬耳：好彈牙、爽口，而且肉都幾多。不知不覺食左好多骨膠原落肚，但又唔會覺得油同肥😆😆水瓜烙：做得好出色，兩邊都煎得好香脆，內里水瓜好多，食落好juice，濕潤同香脆嘅口感同時並存啊，厲害👍🏻糖醋雙面黃：其實我第一次食，不過幾好味。我發現面原來面簡簡單單咁唔用肉煮都可以咁好食😲可能因為係面食，所以食完好飽😅

鹽焗雞本身係客家菜黎既，要做真正既鹽焗，係要用好多鹽，鋪滿晒隻雞同個鍋黎焗好耐既，所以我覺得，呢到唔係咁做法，因為成本大，而售價低。冇理由蝕做架。最合理既解釋係，佢用鹽醃好隻雞，然後煮熟切好。咸雞同鹽焗雞，我唔咀尖，唔識分，但好唔好味都講得到既，因為呢啲都係個人感受啫。我鍾意佢鹽焗雞唔會太咸，雞肉唔會老，肥係肥咗少少，但呢啲肥皂都唔係廚師想既，唔通肥就唔要咩。邊有得撤回架？跟住伴碟既酸菜呢，頂呱呱呀，酸酸甜甜，好開胃。

夜晚係鰂魚涌，諗住行去太古城食晚飯，沿住英皇道行緊果陣，突然間有間潮州菜館係隔離，心血來潮，於是就入左去食喇😊。其實食潮州小菜，越多人食越好，因為潮州菜份量一向唔細。今日得兩個人食，所以只點左三道菜😔。分別係水瓜烙，鹵水雙拼同糖醋雙面黃。叫完野食，佢地好快就俾左碟前菜，有豆腐粒，菜甫同豬肉粒。本身係潮州人既我，食落已經覺得好有家的味道🥰。野食好快就上枱，水瓜烙好大塊，煎得好脆，蛋味好香，水瓜好夾，唔會好似某d食肆咁煮過龍出哂水，好有水準，抵贊👍🏻。鹵水雙拼可以自己揀食咩，我就叫左鵝片同豬耳。鵝片同豬耳都好夠味，再加埋豆腐，其實依碟應該叫做三拼啦😆。至於糖醋雙面黃，可能我中意食香口野既關係，略嫌個面煎得味夠脆口。不過其實都好好食，好夠風味😋。

係香港，做餐館，你可以有幾堅持？要唔要交租？要唔要出糧？要唔要生存呢？老細突然想去食潮州野，就帶我地黎呢間餐館啦⋯⋯見到餐廳出面，係潮州餐館黎架喎，鋪面都係呀，打冷既菜都有呀⋯⋯但係就多咗啲唔係潮州既菜式囉⋯⋯唉，冇計啦⋯⋯鰂魚涌係咩地方？唔做到大眾化，唔通等「架ge 冷」打救咩⋯⋯我叫咗個咖哩雞排牛排飯咖哩汁呢⋯⋯係香濃既，唔係呀，但有啲油咗少少，啲飯實咗少少，塊薄牛排呢係霖既，冇筋。一般啦⋯⋯厚面皮地夾咗同事一塊滷水腩肉，唔錯喎，始終都係潮州餐館，咁係應該既同事叫咗個 B 餐，但我地食完都未到，追多兩次都搞錯 A 餐，要扣分

放午餐嘅時候，人海茫茫，呢間都易有位，注意人滿嘅時候坐得唔舒服，櫈背貼櫈背，要大家張就下, 但呢度滷水有好香藥材味唔會好咸，好味過好多鹵水舖鵝肉餐-幸運時候會分一d部位幾肉嫩配豆腐，整體唔錯，而咸菜豬肚湯足料又夠白胡椒味，飲完全身熱辣辣

Very pleased with this restaurant which quickly seated our family. They were very polite and provided an English menu. The best dish was the YUK SI CHAO MIN or sliced pork bean sprouts fried noodles. It was perfectly crunchy and tasty. The place is cozy and can be a little crowded, but the staff try to do their best to make you feel comfortable. When the fan was blowing too hard, they turned it off immediately.  

凱富一間老牌的潮州食館，潮州特色餸菜有：反沙芋泥：好食，要早留一客，唔係次次有得食。螄蚶：好鮮味。用鉗，好易開！椒鹽九肚魚：冇骨，啖啖肉。滷水鵝片，鵝亦：好正。蠔仔粥：正氣食品。豉油皇炒麵：味道一般。呢幾樣都好正！一路食潮菜，一路飲紅酒！最佳享受！以前重有一蚊雞，唔知點解，突然間冇咗！計落數，冇咁抵！食螄蚶，仲有個專用鉗提供，幾貼身！大枱得兩三張，細枱就好啲。價錢唔貴，可接受！餐廳冇收開瓶費，正！冇加一，算唔錯啦！

一向奶油包屋企係各成員生日個時都係揀食中菜慶祝今次都係中菜不過係潮州菜咁岩奶油包屋企附近就有間食潮州菜既奶油包一家決定去一試味道入到去見到個環境好平民餐館不過一般食潮州菜都係呢個style唔好講咁多...睇下我叫左咩先首先叫左個雙拼滷水鵝同墨魚而係呢2樣野下面仲有滷水豆腐滷水鵝真係好好好好好食...而墨魚就不過不失之後就叫左奶油包好鍾意食既芋茸香酥鴨下面D炸過既九層塔為佢加分不少而個香酥鴨真係唔錯....啖啖都係芋茸再嚟係一個菜...西芹炒咸肉好多人唔係好鍾意食西芹但奶油包覺得西芹炒左其實幾好食只係美中不足既地方係油左少少最後嚟個係晚市消費滿 $200 可以用$1 換既半只雞雞肉唔係好嫩但不過不失俾$1可以有雞食足可以點奶油包爸爸話凱富菜館唔錯不過下次要食D再潮州D既野先

今日父親節又可以借機會出外試新野啦，本想去鰂魚涌打邊爐的但無位最小等一小時先有得食，為有另作選擇啦⋯⋯行到一間凱富潮州菜館，看見門面上的食物裹有薄殻同司堪食～係潮州人最愛的。我細個都好喜歡食的～就咁～不用等入就坐下點了三餸一湯。有醒胃胡椒豬肚湯咸菜可以咸小小，湯好有胡椒味再黎煎蠔餅，蠔肉細細粒，餅邊好脆加上醬汁真係好好味川椒雞個賣相好吸引，欠了點辣～有進步空間，夾上葉一同食都唔錯。蒜蓉蒸勝瓜～兩樣組合一起真係無得頂，最欣賞係依個～勝瓜本身較為淡，不用加上蒜蓉，小小辣椒絲⋯⋯正整體食物好滿意，環境都舒服，服務都滿意～而且有好多選擇，下次再要試下薄殻同司堪找回童年的回憶。

收工收得夜，連 Lunch 都未食，好想食d辣野刺激一下神經，鰂魚涌夜晚其實都冇乜嘢選擇，行過見到潮州打冷就入去啦。店內冇咩人，話晒都已經10點。啲嘢食就唔貴，一個滷水鵝腎豆腐飯都係五十幾蚊，小炒就6、70。 我見到餐牌上面有司堪，好興奮，二話不說就要一份即上！！ 司堪 $88酸酸辣辣，好味呀！！ 洗得都好乾淨！好開心知道東區都有司堪食，以前要專程去西環食架。 仲要跟生蒜頭，都唔理口臭，即拍幾粒，個人都即係開心返！豉椒炒蜆 $62炒蜆就相對失色，有少少沙，同埋唔入味，好似分開煮再撈埋一碟上咁。 滷水鵝腎豆腐 $55個鵝腎好爽，豆腐如果再入味d就好啦 。無咩驚喜，不過係抵食嘅。餐廳環境幾好，坐得幾舒服，啲阿姐都有講有笑，下次夜晚都會再過嚟宵夜！

北角鲗鱼涌有很多做得一手好吃的小菜館。今天就特意光顧這家潮州飯店。食潮州嘢，怎能不叫潮州鹵水鵝片。鹅片切得比較厚身，咬下嫩而不嚡，啖啖肉，鹵水清香不鹹，好吃。跟着韭菜豬紅，是一款香港人十分喜愛的民間小食之一,亦是自己從小到大很喜歡的食品。豬红爽滑，半病韮菜加埋好味湯底，讃！再来川椒雞。雞炒得嫩滑，味道搶口，配上炸過的辣椒葉迫人香氣，合拍。單尾是：姜汁炒芥蘭，雖然簡單，但要炒出翠綠，帶點酒香的姜氣，殊不容易！兩麵黃：入口香脆可口，麵條吸收了高湯的精華，外酥內軟的口感，不點醋和糖也很好味。

This restaurant was very welcoming and friendly with comfortable, clean seating with beautiful linen tablecloths, a very clean kitchen and dust and grime to be found no where. It was difficult to decipher the English translation on the menus, but fun to figure out as well. The photos help a lot. The food was delicious and very good quality. The steamed rice was fresh and just perfect with a bit of moisture. The beef was tender and juicy. The place was a quiet and peaceful atmosphere with just th