函館元祖北海道拉麵

營業中

休息中

聽說之前在這家拉麵店的那個跋扈的女子不在了，終於可以安心光顧！這裡最令我懷念的是它們的地獄拉麵！這次要了中地獄！估不到辣度加強了不少！味道不差，可以征服整碗，但要不斷喝冰茶及整個下巴爆瘡！下次都是要小地獄好了同事點了吉列炸豬扒咖哩飯，咖哩的份量要是能再多一點就好了

工作悶熱，午飯時間到街上逛逛/透透氣，經過海光街一帶，這拉麵🍜店門外有5-6人正在排隊等候入座，心想這餐廳應該還不錯吧！就排隊一試。等了近3分鐘才有職員從店內走到門口查看排隊情況及查問入座人數。又等了3-4分鐘，終於有機會入座。室內環境整潔，牆上掛有不少日本風景畫、特色裝飾擺設，增添氣氛。餐牌選擇亦算多，除了拉麵還有多款定食！以午市套餐為例，只有定食配有小食和味噌湯，拉麵餐卻甚麼都沒有，只有一碗麵，不公平呀～🙈這天點選了「札幌味噌蝦湯拉麵」，湯底有點咸，幸好不算得油，蝦或叉燒只得一隻/一片....實在太少了吧⋯⋯ 蝦欠鮮味，叉燒肥肉不多，但欠味噌湯/調味，配菜（海帶、粟米粒、筍片）份糧及味道正常甚麼沒特別。如果午市不用加一，感覺會合理一點！

今日約了家人吃午餐, 他們建議去鰂魚涌一間日本餐廳。這間日本餐廳內裏裝修簡潔, 感覺頗舒適。老闆是日本男士, 見他親力親為, 親自把食物送到客人桌上, 他還懂得英文和一些廣東話。另外還有兩名女店員, 只知負責招呼我們的女店員不懂中文, 我們要以英文跟她溝通。 但他們均十分有禮。 我們一行五人, 想試不同食物, 家人說這裏拉麵的份量頗多, 所以便點了3個拉麵和1個飯。 另外, 午市點拉麵可以HKD25加小吃, 我們點了1份餃子(3只)和2份炸雞肉塊(共6塊)。 那我們可試到不同食物。三碗拉麵我也有試, 其實每碗麵的份量真的頗多, 麵的軟硬度也很好, 不會太軟, 像在日本吃的一樣, 也有些粟米丶 芽菜丶筍和葱, 只可惜的是日式义燒的份量太少了, 每碗只有一片 還是薄薄的, 真的感到太少了!豬骨拉麵(黑)和(白)都是豬骨湯底, 在外觀上是差不多的, 只是(黑)那碗多加了點類似黑色的醬油/麻油, 使它較香口。 至於濃香味噌拉麵的湯底果然是濃郁的味噌, 我個人較喜歡這個。 餃子普普通通, 沒特別。 而炸雞肉塊較好, 厚厚的雞肉炸得不會太乾。 因我試完那三個拉麵後已很飽, 就沒有吃

鰂魚涌海光街短短一條街都係食肆，上次試星加坡嘢，今次lunch試拉麵。外型同日本果d都幾似。入去坐底後，真係個日本男仕招呼，好攪笑，好彩佢都聽得明我d廣東話。叫咗碗豬骨拉麵（黑），原來黑係代表黑豆豉，都好，就叫咗碗試吓。唔洗點等，好快就上咗菜。1碗麵最緊要係d麵，呢碗拉麵嘅、麵都ok, 好有上年係大阪食拉麵嘅感覺。個黑豆豉湯低好香，唔會咸塊豬軟骨都好煙un易入口，都ok夠厚。本人唔太食蔥，但呢度d蔥都ok幾好味值得繼續幫襯！

先講服務，是可以的，侍應殷勤的，只感覺外籍和大媽侍應說日文有點怪怪已..唔講好過講..小弟的一次寫評論，只因性價比不能接受，價錢平均過百一碗，湯底差過味千，面既質地出前一丁更好，玉子過熟、滑蛋豬扒飯無汁，睇Menu 點野食，我望的餐牌價錢是有期望的，因為追加隻蛋都20蚊、追加叉燒又30咁...點知一出來真的一肚氣，浪費了我肚的空間....平價貴價食物我也沒問題，最重要是性價比=.=（我是捨得付錢吃的人，過千蚊一碗海膽魚子飯也願俾，最重要是好味）希望餐廳看到評論有所改善食物味道、或者這個價錢絕對跟食物不成正比，為何餐廳沒什麼客人是有原因的。

對於一個食公仔麵都係一餐嘅人拉麵唻講我唔太有要求總之個湯好飲麵底爽口唔太肥膩麵還麵湯還湯我覺得幾好晚餐100蚊左右餐廳環境乾淨企理又坐得舒服招呼唔錯 都值得一試同行嘅有人話麻麻 有人就飲哂碗湯

今晚只有9度，一家人慢步經過鰂魚涌找食時，見到一間拉麵店，店外感覺好日本feel再見店內環境乾淨舒適於是便入去試！塩味拉麵這家店的師傅是日本人，他對每位進入店舖內的客人都有打招乎而且態度和譪，我們一家完全感覺到親切！總括這小店，食物好味，而且價錢合理，值得一試！

中午自己食，叫左碗豬骨拉麵 白湯。估佢唔到，中伏！碗麵個湯唔夠熱不突止，個麵太硬(日本人食可能硬d掛！？）,成碗麵只有一片叉燒仲要鞋口既，一抽芽菜(算幾多），幾片筍，that is!粟米冇粒，海帶冇條。湯底味道⋯去超市買包日式拉麵咁上下囉！我問阿姐碗麵係咪無乜餸，佢話係！不過眼見人地果碗都有幾粒粟米同海帶，我話想要海帶，佢話要加錢，好，我加，埋單$83 +$15（海帶）+10% total $108...... 算，唔會再幫襯。

中午12點30準時放飯去到吾洗等位平時都好多人 成日要等位 聽同事講都好耐歷史叫左個午餐特濃豬骨地獄拉麵加左溏心蛋再加細咖哩飯溏心蛋好味湯底一般 偏咸配菜吾係太多叉燒一塊麵軟硬適中麵既份量都好夠咖哩飯就凍左吾夠熱咖哩好明顯係日本即食咖哩呢個質素呢個價錢有少少貴可以有更好選擇 可能叫其他湯底好味d 牛油鹽味？不過可以試一次！

今日下午十二點半揾地方開飯，周圍都無位，見呢間有位就入去試試，叫左個牛肉生姜燒飯$90+10%服務費，好失望，只係一個味道好普通，都有燒汁味嘅，同加左少少沙律嘅牛肉飯，到左大約一點三有其他人等位，職員會主動比單你埋單。個人認為呢個價錢大把選擇，試過就算！

Walked past quarry bay in random so decided to give this shop a try..Regretted so much that I didn't check the reviews here first - every negative review is basically true: 1) unfriendly service attitude, impatient and arrogant waitress 2) pricey - normal ramen cost almost 100hkd3) chaotic order management - my food takes much longer to arrive than those ordered after me4) food quality is just so so - maybe I can cook better with instant ramen bought from Japanese supermarket. Lesson learned - m

一位非黃衣的阿姐語氣及服務態度極差，餐牌所有拉麵寫哂number,但落order時竟然命令客人不要講number。不知道她整啲number嚟做乜。另外問佢叉燒有幾片，佢面帶不屑話全部正常得一片，好似我很無知似的。一片係咪叫正常？唔知係咪佢未喺出面食過拉麵。不單止服務，雖然多了很多飯麺選擇，但食物味道也大不如前。喺宜家咁多拉麵店下已經比下去，再加上呢啲服務。唔知係咪已轉手，但我已把他永遠blacklisted 。

在側魚涌閒逛，想不到甚麼特別想吃，看見這拉麵店便抱著一試的心態入內。看見OpenRice 裏食評都推介牛油鹽味拉麵便點了一客，另再加$25要了一客3粒的八爪魚丸。等待期間，有空看看環境，樓底很高，樓上大概有滲水問題，天花板都在剝落，還看見一點點黑色的霉菌。店內是密封的格局，沒有窗，整間店只開了一把風扇，空氣很不流通，友人對骯髒的空氣很敏感，甫坐下店內便眼睛不適，眼水直流。好不容易等到食物上桌，先來牛油鹽味拉麵。湯底味道很咸，果真是「鹽味」拉麵，就是牛油溶了也沒吃到多大牛油味。拉麵麵質是不錯的，爽口彈牙，條條分明，也很掛湯。拉麵中通常也有半邊蛋和叉燒，這個店也不例外。不知是北海道拉麵的特色，還是這間店的特色，蛋不是溏心蛋，是全熟的，味道還可以，有微微的醬油味。 叉燒則一般，偏瘦，帶微微肉味。然後上的是燒八爪魚丸，這個可不點了，價錢與味道不成正比。同一個味道只要吃的搭多個站到日式超市那燒八爪魚丸，加多幾塊錢多幾粒。不消半小時吃完馬上走，此地不宜久留。

印象中呢間舖已經開咗至少六年，之前的鰂魚涌以拉麵來說，沒有太多的選擇，這店可說是必然之選。從前可說是一位難求，唔早啲出去排隊，根本唔洗旨意食，尤其是佢係冇得訂枱嘅。但其實味道都算好ok，大家當然唔好搵日本嘅舖頭去比較啦！冇得話揀個麵質係軟定硬，但我自己就覺得佢適中囉。個人鍾愛味噌湯底，所以有時都幾獨沽一味😅 有朋友就會偏愛有牛油果種。最抵讚，係佢哋嘅水準好穩定。拉麵嚟講，性價比算好高㗎喇！小食方面，通常都會加炸餃子，套餐可以跟三隻，味道唔錯吖。近排去食，試燒牛舌，坦白說，試了就算。好硬...可能近年的鰂魚涌加開了其他拉麵店，不得不承認，那位懷疑老闆娘的態度變了和藹可親一點，少咗個種「寸寸貢」嘅感覺🙊

幫襯佢多年，裝修後保持水準，有啲新菜式及配搭小食。叫了豬骨及蝦湯拉麵，加炸雞。湯底同麵嘅質地味道都好正，crossover湯底有新意，但豬骨湯味較濃，蓋過了蝦味。鐘情蝦湯味就淨蝦湯麵好啲。炸雞處理唔錯，唔油膩及肉質OK。