函館元祖北海道拉麵

營業中

休息中

Lunch第一次來到函館，先試飯食，不過不失環境算不錯，幾有日本味道驟眼看餐牌，午市依然係80至100的價位，雖然份量很夠，但味道確實真的很普通，我想這價位應該有更多質素較高的日式餐廳可選擇吧🤔🤔唐揚炸雞定食 $80大大碗飯同椰菜配蛋黃醬沙律椰菜真係好多，食完五件炸雞，食唔曬飯同沙律有小小醃菜配菜同麵豉湯麵豉湯不錯炸雞唔會太乾身，但小小偏油，有點膩，雞夠大件，所以五件真的很夠螺絲粉沙律，呢道我同同事食到都覺得麻麻.午市呢個價錢同質素，個人覺得算偏貴🙈

之前喺鰂魚涌返工成日食呢間日本嘢嘅定食做lunch。今日經過返嚟懷念下，雖然呢度好多人都係食拉麵餃子，但係我都幾鍾意佢哋呢度啲定食。平時成日食吉列豬扒定食啦，牛脷定食啊，生薑豚肉，生薑牛肉都唔錯！有時天氣太熱冇咩胃口我都會食呢個燒牛脷，吱啲檸檬汁好開胃！同埋佢搬啲啲椰菜蛋黃醬做一個沙律。有啲小酸菜醃菜，一碗麵豉湯，一碗白飯。不過留意呢度有下場時間。三點就會close。所以平時開會開晏左就會嚟呢度食但係又唔好太遲呀。

當我還是大學生的時候, 就已經吃過位於交易廣場的札幌元祖北海道拉麵. 時而世易, 她從中環搬到長沙灣, 給人一種越做越頹的感覺. 反而她的姊妹店, 也就是函馆, 至少還能夠在鰂魚涌站得住腳, 原來這又已經十多年了! 懷念的就是她的極上醬油拉麵, 濃厚的醬油湯底 鹹香味重但並不死鹹, 叉燒還是大塊圓頭, 脂肪層極厚的那一種, 味道和口感沒有改變, 年青時的回憶完全返晒嚟.

上次睇完電視介紹鰂魚涌海光街，咁就一於去睇下啦，短短一條街都真係全部係食肆😱見佢外型同日本果啲款好似，咁就入去試下啦，我地夜晚先去所以無咩人，我估計佢都係做office生意入面個啲都係日本人黎，不過識講廣東話既，佢所有定食都有沙律，一碗飯，同前菜仲有味噌湯，所以一定會夠飽，但係無生啤就差左小小😔😔生姜豬肉定食鹽燒牛舌定食吉列豬扒定食拉麵佢個湯底仲有好多野揀，有芝士湯底，姜味湯底，鹽味湯底，辣味，最估唔到係檸檬味湯底😝😝😝

🍜［豬骨拉麵（白）］網上外賣平台 訂單上選擇，初嘗此店，是劉郎初到。甫運抵，送遞師傅有禮。湯麵分上，設計良佳。拉麵精髓，先論湯底，才到麵條。湯底濃郁，富骨膠原口感，與本人家中熬製湯水，味道相近；送遞時刻湯汁仍是滾燙，此誠非必然之作，甚感欣慰。論麵條，本麵選用麵條微曲，亦可算中矩。坊間有所謂「掛湯能力」。此間拉麵掛湯能力非常，反而不佳，因其湯底已是濃郁，致麵條佐伴過多湯汁食用，反令味道過於鹹鮮，是次亦須多番飲用清水熱茶解燃眉之急。最後論配菜。拉麵附粟米，粒粒分明；海帶、甘筍普通。溏心蛋需另付拾伍元正（HKD 15)。流心程度極高，亦富煙熏味道，本地餐廳甚為罕見，本人極力推介。唯一可挑剔湯底叉燒肥膩，不過肥瘦程度因人而異，亦不可由本人妄下定論。本店價格雖非殷實之選，惟性價比甚高，值得捧場。耳聽三分假，下附圖片一則以作參考。

個叔叔個笑容超親切 而且超有禮貌·炒豬肉野菜餐 $90我地見其實好多人食拉麵🤔不過因為我地想食定食就無試拉麵 佢呢個定食都好有誠意 有好多豬肉片😎😎·燒三文魚便當 $100佢係比較健康既便當 無好多調味 但係清清地 幾好味😌😌·#rbyeat#rby鰂魚涌 #rby佐敦 #rby上環·📍鰂魚涌海光街11號地下B舖📍上環禧利街15號地舖📍佐敦官涌街19號地舖

今日午餐去左食之前未試過既函館。🧐我叫左個漢堡排餐，佢個餐包曬前菜、主食、白飯、麵豉湯同綠茶，都幾豐富吓👍🏻。佢個漢堡排都幾厚身，食落去肉質鮮嫩，而且都幾多牛肉汁🤤。佢塊排都燒得唔錯，唔會過熟，可惜冧左 d、唔夠 Crispy 😅。佢仲放左 d 白蘿蔔蓉係塊排上面，兩樣野一齊食會幾 fresh，減少左漢堡排本身比較重油膩既味道😍。整體成個 set 都唔錯，配白飯一流🤩。至於友人個個金味噌蝦湯拉麵就一般般😔。佢味噌味比較重，所以有少少咸😖。而且個蝦味唔算太出，唔知係咪因為味噌味太重。而且個肉都偏肥，加上湯底本身比較油，所以成件事都比較油膩😟。而佢既吉烈炸漢堡扒餐都唔錯，炸得幾香口😗，不過每一塊都唔算厚，所以肉既份量比較少🤨。整體而言，呢一餐正正常常，以 90 蚊一個 full set lunch 黎講，性價都可接受🤔。

有晚去到Qurray Bay，都幾夜，其他鋪頭都唔做生意喇，所以就黎左依度食野。鋪入面有好多日本人係度食飯傾計，仲同個老細傾計，睇黎依間食店都似番日本風味，所以先多日本人捧場。我地叫左一個味噌拉麵同生姜豬肉定食。味噌拉麵: 有好濃厚既Miso味，配埋幼拉麵真係好好味，碗麵好多蔥花同海帶，另外都有燒過既叉燒，幾好食。生姜豬肉定食: 除左有豬肉之外，仲有一半沙律菜，另外加一碗飯，前菜同埋Miso soup。生姜豬肉有好多Onion，加埋Soy sauce炒好入味，送飯一流。另外依間餐廳份量都算幾多，唔錯! 如果夜晚係依度食，我認為都係好選擇，無其他食評講得咁差。

食過無數咁多間拉麵店，本人認為湯底係拉麵既精髓。 今次嘗試了豚肉白拉麵。 湯底顏色呈奶白色，十分吸引。但原來食落同豬骨湯味即食麵味道好相似，又稱唔上濃郁，失望😞。 叉燒半肥瘦，較薄身，只有一塊，味道無咩特別。麵底算係彈牙幼身，我個人覺得有少少鹼水味，份量有點太多。同場加影，明太子豆腐同涼拌菠菜。豆腐texture不是很滑個種，係好實正，重豆味個重。涼拌菠菜食不出有醬油味，感覺好fresh好健康。Overall 來講係有點失望。

今日去到鰂魚涌個邊做野，lunch同事話想食沾麵，於是就OpenRice search左附近一間沾面店，去到發現太多人排隊，時間所限就轉左對面呢間食拉麵。呢間拉麵店都要排但就無咁多人，店亦相對大。出面係好典型日本裝修，而入面既店員都係日本人，要講英文點餐。我地都滿心期待。我叫左鹽牛油拉麵，上面有一舊仔牛油，食落偏咸，加埋牛油又唔覺得香左，坦白講好普通，而且會愈食愈咸，普普通通啦。同事叫左最穩陣既豬骨湯底（黑），我地都以為係黑蒜油，我試左一啖，有d豆豉味，唔算伏，但亦唔特別好食。講真，一個拉麵都要成百蚊，lunch黎講係偏貴，但質素認真麻麻，叉燒得簿簿一塊，所以性價比真係一般。

星期日做完gym 諗住去之前朋友介紹海光街有間幾好食嘅日本野，但去到先發現原來唔開星期日 ：（ 。 咁就求其去條街揾一間睇起上來平平地又好坐嘅餐廳。見到函館個門面都幾靚咁就入左去。 見到佢menu 上面有好多唔同拉面，有芝士湯底，姜味湯底，鹽味，辣味同檸檬味。朋友點左個鹽味個湯底幾up to standard 而且個面質地都好彈牙。可惜我做完gym 好肚餓所以叫左個親子丼，個味道一般一般都算過得去 兩個人賣單200蚊以下算幾抵。下次有機會一點要試試佢d 特色拉面。綜合黎講呢間餐廳算系一間decent 嘅 日式family restaurant。

因為附近嘅餐廳啲隊都好爆，見函館冇乜人排隊，所以揀咗食函館。由於唔想太漏，所以揀咗鹽味拉麵。個湯底除咗鹹味同油，就冇其他可以形容，面底十分普通，唔夠硬身。最後$90 埋單但成碗面得一塊叉燒，一啲都唔抵！

近排連登一個熱門post介紹鰂魚涌劣食函館赫然榜上有名唔少人話佢伏/味道唔好唔知我食嘅係同佢地嘅唔一樣我其實覺得函館嘅拉麵味道唔錯通常去親都係食豬骨蝦湯個人覺得湯底係濃啲 飲得多會溜但味道都幾香幾好味湯底亦軟靭適中今次去食嘅係芝士豬骨湯底我覺得肉同麵份量幾適合自己同事嗌咗個吉列豬扒味道唔知 但賣相還可而且函館last order 10:15但每次就算10:00好唔好意思咁入去老細都係好好笑容咁招呼你坐低亦唔會催亦唔會因爲就收鋪少咗斟茶遞水有人覺得差唔多一百蚊一個麵貴但函館始終近太古坊商廈租金負擔斷估唔輕而且論劣 有新成業 有翠河 有樂林函館喺鰂魚涌 車尾燈都追唔到啦

在外面看見這間拉麵店已經覺得是間很有日本風的餐廳，入內感受更大，周圍的裝修很日式，招呼我們的男店員是日本人，感覺他就是老闆，他以英語和發音不太準的廣東話幫我們下單，其餘的店員都是日本人，因他們之間是以日語溝通。周邊的氣氛都令我有置身日本的感覺。除拉麵外，這裡也有提供定食。點了兩碗濃厚豬骨蝦湯拉麵，一份餃子。餃子是一般日式餃子，沒什麼特別，以為餃子底會有一片薄脆，但這就沒有。濃厚豬骨蝦湯拉麵只有一隻蝦和一片日式叉燒，配菜有粟米丶 芽菜丶筍和葱。 拉麵軟硬適中，不過這碗是蝦湯拉麵，湯頭完全沒有蝦香氣，所謂蝦湯只是有一隻蝦而且，至於叉燒只有一小片，不是厚切也不大片，完全失望，百元的拉麵質素卻如此，失望失望。

周日中午下課後來到鰂魚涌，上星期吃過周月今次就試試對面街的函館，也未看menu就去吃這「元祖」。甫坐下就來一杯溫暖的玄米茶，menu上的拉麵都90元起跳，翻出另一頁還有些定食，其實看到此已知半隻腳陷險境，但還是想吃拉輀。它的拉麵口味很重：地獄、薑、芝士、3.6牛乳等湯底，還有檸檬等選擇，看到都已滿心疑惑那個廚子是否搞混了湯底和飲料所用的食材？眼看唯有海老才算正常，只恨濕疹發作未能法一嚐，如此就埋下我的中伏之途。點了一個薑湯3.6牛乳拉麵，奶白汪洋下只見幾粒粟米、荀、西洋菜浮面，筷子輕翻只有一塊比老麥豬柳強還小的叉燒，是的只有一塊。麵底則是五十嵐那種級數，對的這碗東西索價百元。放進口裡，吃到一種獨特的味道——伏。奶味、薑味混和，真不知鰂魚涌的街坊是否在淪陷當年曾怒殺日本人，數十年後容他們來此報復。而我寧可相信，這餐館曾經易手，畢竟懸掛牆上的各款豬骨拉麵已不復存在，餘下的就是樣樣伏味等你揭開。