利寶閣 (已結業)

與親友一起午膳，帶我來到The One的利寶閣飲茶. The One就來得多，但位於17/F的利寶閣卻是第一次到來. 店員安排我們坐靠窗的4人圓桌，遠望維港景色，景觀開揚，相當不錯. 酒樓樓底特高，即使客人相當多，環境依然很寧靜，適合客人慢慢嘆茶. 午市有數款特價點心，款款$22.8，也點來試試! 懷舊芝麻卷 ($22.8) 小時候最喜歡到酒樓吃菲林筒，但時代變遷，連這些懷舊點心都消失了. 難得在這裡見到，不得不叫! 芝麻卷甜度適中，亦不會過厚，帶有淡淡的芝麻香，都幾好吃! 濃湯野菌浸腐皮 ($22.8) 熱湯內有不少菇菌以及軟滑腐皮，清新健康. 復古原隻蒸灌湯餃 ($22.8) 平時都是吃不正宗的灌湯餃，即是湯浸餃，但傳統的灌湯餃還是第一次吃到. 灌湯餃內有爽口蝦仁、豬肉等，都幾鮮味. 脆皮蝦餃 ($13/隻) 第一次吃外皮是脆脆的蝦餃，內裡有不少蝦肉，真材實料. 鹹香的脆皮蝦餃值得一吃! 蘿蔔絲酥餅 (大點) 金黃色的蘿蔔絲酥餅外層酥化，內裡是清甜多汁的蘿蔔，熱辣美味!! 水晶鮮蝦菜苗餃 (特點) 菜苗餃外皮幾晶瑩，不過略嫌蒸得過火，外

最近好鍾意去酒樓飲茶，今日又同幾位同事去咗呢到食午餐，原先打算叫點心食，點知見到佢哋出咗一款叉燒飯，見幾抵食又吸引，所以一人一客試試佢個餐係用上谷飼豚肉坶做個叉燒，再送一盎豐料老火湯，塊叉燒厚切好大件，食落蜜味唔算好強，但真係好嫩腍，外層微微焦脆，入面仲勁肉嫩又保持到肉汁，隻蛋係太陽蛋，蛋漿用嚟撈豉油飯好正，仲有2條菜心，份量我覺得剛剛好了今日個湯係木瓜雪耳煲豬肉湯，好清潤夠哂老火，飲落鮮甜，真係好足料

同媽咪食飯食咩？老一輩當然鐘情於中菜，我就同媽咪去左尖沙咀食利寶閣！鐘意餐廳環境夠大夠舒服，環境好！媽咪鐘意飲靚湯，我叫左一個佛跳牆，湯料勁豐富，仲有鮑魚！湯汁濃郁濃香，煲得夠火候又入味！谷飼豚叉燒飯加煎蛋！豚肉入口鬆化夠香口，唔鞋身味道好香濃好滋味！煎蛋有蛋漿最驚喜！順得魚腐煲，魚腐是我最愛啦，每一口都食到湯汁精華，入口爆湯汁夠濃香滋味！媽咪鐘意清淡菜式，賽螃蟹夠簡單，蛋香好滑溜帶咸香！蛋味清清的可以配白飯！

今晚同男朋友去左一間中菜廳，我地去左半個月歐洲地區，好掛住中國菜，特意去左一間之前成日去飲茶的地方食個晚餐！餐廳環境好大好舒服，男朋友負責點餐！谷飼豚肉叉燒飯！叉燒味道極是鬆軟香口，入口鬆化香甜，肉質鮮嫩入味！入口極是吸引，煎蛋半熟蛋漿配上白飯，加上醬油更是美食！佛跳牆第一次飲！湯料好足好濃香，湯唔會好油膩，入口濃香甜美！男朋友平時唔飲湯都好鐘意！賽螃蟹是我最愛！蛋香香滑香嫩，食完覺得皮膚好左滑左蛋香清香，菜式清淡簡單！順得魚腐煲！魚腐好吸湯汁！濃香湯汁配魚腐，入口極是滿足！

平時去開銅鑼灣或上環分店，今次黎尖沙咀利寶閣，原來又唔錯，仲有無敵海景添！3個人share左7樣野，飽到捧住個肚走😂 我超中意呢個蘿蔔絲酥。酥皮整得好香但唔太膩，而且蘿蔔絲切得好幼細，熱辣辣咁超好食！叫左個$68既set, 有個豚肉叉燒飯配老火湯👇🏻個湯比想像中足料，有成條海參喺度，好有住家feel😍🤤仲有個涼瓜豚肉配煎米粉。好脆既米粉餅蘸埋涼瓜豚肉黎食可中和番比較咸既汁，兩者幾夾。總括黎講，利寶閣環境好，食物都唔錯，價錢仲要唔貴！係尖沙咀飲茶既好選擇！

星期三抽到空黎尖沙咀飲個茶，仲要有靚靚海景睇，簡直人生一大樂事！利寶閣唔單止環境靚，其實點心質素都唔錯，仲要比起同區飲茶性價比高好多，所以我間唔時都會黎下👍🏻今次黎比我發現到呢個「谷飼豚肉叉燒配老火湯」既lunch set，兩樣野加埋$68好抵，所以叫左黎試下！黎到份量都唔細，味道ok的，下次可encore！呢個流沙奶皇包超級得意，次次黎都會叫！蝦餃幾薄皮，餡夠大，好食。腸粉做得幾滑啊，而且已經切左一舊舊，方便大家share。雪山叉燒包面頭幾脆，叉燒餡又多，味道唔錯唔會過咸。

同朋友去尖沙咀行街，見到「利寶閣」酒樓推介叉燒飯加佛跳牆，便上去試吓，可以望住個海景食碗叉燒飯，有著十分高檔的感覺。大水晶吊燈，夠氣派，坐得又舒服。望住個海景食飯，非常唔錯。叉燒飯套餐， 有兩款午市同晚市都有不同的選擇叉燒肉質軟淋仲好惹味。食晚飯當然揀佛跳牆加叉燒，佛跳牆有好多湯料，有鮑魚、魚翅、響螺、雞腳等非常鮮甜甘香 翠肉瓜鮮綠夾甜，十分不錯。翠玉瓜炒龍躉片，睇下塊龍躉片幾大塊同埋啖啖肉，就知道有好新鮮，超正南乳雜菜齋煲，非常惹味，冇咁油膩。飯後食埋甜品，腐竹薏米蛋花糖水。餐牌上有好多唔同嘅特別菜式，價錢又不貴，值得推介。

放工同朋友食晚飯，剛好喺上環附近，見就腳就嚟到呢一度。晚市人唔算太多，服務超好，未行到門口已經say hello 晚市小菜特價選擇都幾多，點左呢個唔記得係＄28隻定係＄38隻嘅乳鴿。兩個價錢都好抵，曾經喺其他酒樓都叫過呢啲特價乳鴿食落又鞋口又唔脆，不過我有食乳鴿癮。點樣都試吓先！意想唔到乳鴿即叫即燒香脆外皮配上肉質鮮嫩而且唔會太厚嘅肉，淨係呢一個餸已經覺得好值票價。同朋友一人一隻已經飽飽地。再叫咗個麵食完先發現唔記得影相，仲點左呢個白木耳浸菜苗，本身呢系只有白菜仔可以選擇，但侍應姐姐見我好似唔係好喜歡，所以呢話其實轉菜心仔都得㗎。上枱時咁睇以為係花膠，嘩，原來係爽脆嘅白木耳，白雪雪而且有厚感。食落好爽脆，湯底呢都香濃。其實呢個餸先至講緊＄90左右，相信下次喺呢附近收工一定會再過嚟食。坐定定一人食幾隻乳鴿，真係好正！！附近晚市選擇唔多，估唔到比我發掘左呢間好嘢。

平時放假都好鐘意飲下茶，一盅兩件坐下relax下講到要relax，今次黎the one 呢間利寶閣實在適合不過，望住維多利亞港飲午茶係人生一大享受。而家有個新推岀既暗然銷魂飯谷飼豚肉叉燒飯 ($68) 再送豐料老火湯。 隻蛋超吸引，煎到周身脆卜卜，但入面仲係流心既蛋黃 有2舊大大既叉燒。倒啲秘製甜既黑豉油落舊叉燒同個飯到，果種美味係形容唔到 叉燒燒到好惹味同埋鬆軟，係完全唔乾!!好少食到咁冧既叉燒~ 另外點心都唔錯~ 幾新鮮，咖哩魷魚夠哂入味又彈牙鳳爪都蒸得好冧好惹味~ 另一樣岀眾既食物就係荔蓉蜂巢帶子，岀面食間唔中會有油膱味同澀味，但呢度冇呢個問題不但只，芋蓉味仲要好突岀，餡料豬肉都好新鮮~回味脆麻花，食落好脆好香口，感覺唔會粉。食到既味道主要係蜜糖，微蛋味同芝麻味，唔怕熱氣其實食落都不錯~

難得公司今日放早，就同爹哋媽咪出街食晚飯，佢哋唔想去太嘈既地方，而且唔想坐到咁迫，所以我就揀咗呢到，貪佢有海景，地方又闊落，而且服務比一般酒樓好！都見到海報介紹谷飼豬叉燒加佛跳牆套餐，覺得幾特別就叫嚟試吓，嚟到見到舊叉燒好大嚿，仲以為老人家唔夠牙力會食唔到，點知一咬落去鬆軟嫩滑得過分！！咁大舊咬落去超滿足，而且燒到外皮岩岩好，配有豬油同甜豉油，任君選擇，而隻蛋就煎到脆卜卜，仲係流心嫁！而佛跳牆真係非常足料啦，有鮑魚，螺頭，海參，雞絲翅，雞髀，雞腳，淡湯香到不得了！夠哂補！叫咗個乳豬拼盤，燒得啱啱好，又唔會太鹹，隻雞好滑，滷得好入味！長老都大讚！腿茸奶油津白，睇落平平無奇，但個汁真心好食，有金華火腿既咸香，又有濃濃既奶油，係我杯茶！炒蟹肉又係足料之作！最後仲送咗綠豆沙糖水，服務員態度都好好，碗碟都換得好快，又會過嚟幫手斟茶，一定會再嚟

想喺尖沙咀搵個地方嘆個舒適下午茶，原來好簡單，終於俾我搵到個飲茶好地方！就喺The ONE七樓嘅利寶閣，一入到嚟見到個view已經好正，光線充足好開揚，仲望到海景。一直以為The ONE樓上啲食肆好貴，原來都幾抵食架！星期一至六，12:45前離座或2:00後入座，大、中、小點都係$22.8，茶位$16（星期一至五）或$17（星期六、日或假期）。復古原隻蒸灌湯餃上枱時已經扁晒，入面又冇乜湯汁又少料，好失望。脆皮蝦餃$13一隻蝦餃食得多，脆皮都係第一次食，皮脆得嚟帶點煙韌，仲加左炸蒜，好食喎。荔蓉蜂巢帶子入口已經好香芋頭同蝦米味，一定要食！生磨杏汁蛋白杏汁味夠濃，飲得出真材實料唔係用粉開，仲加埋滑滑蛋白。最貼心係糖另上，可以自己調較甜度，啱晒老人家！谷飼豚肉叉燒飯$68有半熟煎蛋嘅叉燒飯，叉燒切成兩舊，如果切片會食得方便啲。味道唔錯，叉燒彈牙又夠肥美。送豐料老火湯，真係好足料，夠晒濃。食完野店員會同啲熟客傾下計，連我呢啲生客都會過嚟問下意見，之後仲送左碟「回味脆麻花」，我自己一向唔食呢啲野架，但送嘅就梗係試吓。點知一入口，非常鬆化，有蛋香味之餘又唔會太甜，估唔到係咁好食，出面食嗰啲係好實好

好耐冇同老公出尖沙咀找吃喇！行行下TheOne~見肚餓就響附近搵地方食野！結果搵到利寶閣～一出lift 門見到呢張poster好吸引r😋😋結果我叫左呢個原盅佛跳牆餐🤪🤪服務態度好好👍🏻👍🏻👍🏻一坐低已經有野食！呢碟雲耳好好味！辣辣地又吾太酸～結果俾我清左🤣🤣到主角出場了💃🏻💃🏻💃🏻嘩～果然係足唒料🧐🧐🧐🤨🤨🤨$188係勁抵食囉！大家真係要試下😍😍吾係遲d可能轉左餐牌就冇架喇！啲湯嘅味岩岩好，裡面有花膠，鮑魚，響螺，雞腳，魚翅⋯提提大家如果想試最好book定位，留定要呢個餐🧐🧐之後就上呢碗大大谷飼豚肉义燒飯😋😋义燒好淋而滿有肉汁👍🏻👍🏻👍🏻佢重有兩款醬你點黎伴飯食，其中一款係酒樓自家製豉油，好好味，一d都吾咸，重有陣陣薑味添！另一款就係典型嘅點义燒醬汁，不過我覺得可以吾點，因為本身义燒已經好夠味道！另外我地再加多様香辣爆蝦球！熱辣辣上碟，色，香，味有唒😃😃重越食啲辣越出，幾過癮😂😂喜歡食辣嘅朋友不容錯過😉俾埋d餐牌大家參考下☺️☺️行開附近，不妨上去試試😋😋

有朋友從美國回來，特別選了利寶閣，之前並未試過，只在電台宣傳中時常聽到此名，還有食評介紹，本著係尖沙咀The one,差極有限，所以試試。希望可以坐得舒服，食得滿足。食飯人數12大，2細。共14人，都知道多過12人便會逼，但我認為大品牌餐廳，應該應負到，無錯座位係OK,問題在於鄰桌零距離。好嘈囉！食物方面，我們點了$2470套餐及乳鴿，乳鴿乳豬，蒸魚及雞都可以，其他就冇乜印象。但感受至深的是服務就十分差，我家人說除了部長，應該全部都係散工。成班人都係夢境中。來了一度魚腐湯，叫侍應攞碗，佢真係只攞碗冇攞匙，同埋攞得12隻碗，都話我地係14人。埋單時我特別出去柜台結帳，已等了我5分鐘，唔知點解部長竟然攞張單去張台.除咗發夢，都唔知點形容佢地嘅狀態。整體經驗：如果各位想請客，真係不必考慮。如果只想食餐飯，都可以嘅！

真係失望之中的失望！服務差之餘，食品質素亦下降！期間欲叫其中一位穿白色制服的男侍應加水，佢竟然「蔑」我，一面好像不幸與我四目交投要做嘢的樣子，有無攪錯呀！味啫啫唐生菜，煲大菜少得細細幾條，味道又淡，一點也沒有啫啫的香味，唉！（$108的收費，可惜沒有影下照片給大家參考）！另外，一早已order 拔絲萍果當甜品（後上），食到晚上8點半左右，部長同我哋講，「拔絲要等一個鐘喎，你哋仲要唔要？」初頭諗住幾個人傾吓偈，一個鐘都照要，況且從前廚房整伲個甜品係好好食，奈何部長仍話：「拔一個鐘，one hour 喎」，我即時感到佢係想我取消這甜品，就算我話等，到時也未必能提供或做得好，朋友干脆話取消！伲餐明明係生日聚餐，結果食到一肚氣😤！已沒有下次了！祝大家好運！

明明叫“冬淋海南雞”，出左“紅葱頭海南鷄”，以為呢間係d貨不對图既酒樓，點知係出錯單，個女經理重叫我照比錢！話dim一下就唔準換。過份！不再去了，尖沙咀大把好食抵食既地方！