利寶閣 (已結業)

星期六去尖沙咀行街，看戲。因為要去The One買飛看戲，所以順便經過找一找酒樓，食下一盅兩件。入去光顧。下午二時已有下午茶，人流不多。我們點了一個點心拼盤，有燒賣粉果叉燒包小籠包，每樣兩件，但略嫌少了蝦餃。再叫了排骨一碟，也可口一碟鮮竹卷，腐皮很滑脫脫，蝦多士，寫是鳳城蝦多士，不知道真定假，但非常好食，蝦腸粉，焗叉燒包，茄子也好味。

由於今日係舅母生日嘅大日子，所以舅父一早已約好咗我們所有人一齊同舅母食飯慶祝！舅父好有心思話想同舅母表達佢係佢嘅「The One」，所以舅父就特意揀咗尖沙咀The One嘅「利寶閣」擺咗兩圍慶祝！舅父叫咗個百變粵風味宴：堂弄脆皮金豬燒得外皮好香脆，肉質好鬆軟嫩滑，肥瘦均勻，無乜多餘嘅脂肪，再夾埋微甜軟熟嘅薄餅一齊食，完全唔會有好油膩嘅感覺！頭抽煎釀帶子係用爽口彈牙嘅蝦膠夾著鮮味嘅帶子，食落口感非常豐富，味道相當惹味，另外仲有一個炸得好香甜酥脆嘅洋蔥圈舖底！蟹肉冬茸羹嘅味道比較清淡，蟹肉嘅份量亦唔算太多！玉液麒麟蒸龍躉球嘅肉質好嫩滑彈牙，味道好鮮味清香！中山煎焗龍躉頭腩煎得表面好香口，入面嘅肉質就鮮嫩，味道好濃郁惹味！懷舊欖仁百花盞嘅百花係切到好細小嘅蝦粒，加埋欖仁同西芹，用一塊生菜包著嚟食，感覺好爽甜清新！手打魚腐浸菜苗一上碟嗰陣啲魚腐發漲到好似一個網球咁大，但好快就縮到變返一粒普通魚蛋咁細，一咬落去就覺得好似食緊一嚿「發水麵包」咁，一啲質感都無，同埋味道係淡而無味嘅，真係令我們覺得好失望呀！廣州太爺鷄即豉油鷄，味道唔會好鹹，肉質相當鬆軟嫩滑！楊枝甘露椰汁味比較重，但唔係好香濃，而芒果

農曆年初二，無野做，幸好公司傳統可以俾同事選擇返工，然後補假。新年返工，其實都預左無野做，所以開完年拜完神，同事就一齊食晏。去左the One 的17樓的利寶閣，下午時間，人聲鼎沸。大家都黎飲個開年茶，所以只能安排到一張近𨋢門的7人枱。樓底高，格局都開揚。可以望到K11同少少海景。新年食物都係食差不多的點心，不過就改返個好意頭的名。好似發財豬手，步步糕升。可能飲茶人多，所以上菜都頗慢，要催左幾次先上枱。幸好食物質素幾好。豬手雞腳燜得好腍好入味，雞腳膠質都重。腸粉真材實料，件件都切得好均勻。滑嫩的腸粉入面有脆炸豬油網同大蝦，食落脆脆地，蝦又夠𡘙滑，好食。年糕煎得獨立分明，唔會痴住筷子，甜度剛好，我十分鍾意。新年黎講，呢度食物有質素，服務係大時大節都保持得好好，跟單速度都有效率。最重要係價錢唔係太貴，抵讚。

以前都ok,但今日同同事嚟飲茶。一坐下，發現所有碗碟都鋪滿塵。同個待應講，但佢木無表情又咩都唔講，只係繼續拆開筷子套。叫個經理嚟，佢話因為昨晚洗地毯所以D毛飛起晒，話比D水我哋自己沖吓佢。吓？咁都得？食物質素下降，價錢亦高！我不會再來！

食具好污糟、布滿灰塵、食物又好難食其實想比負星，但無得揀，食具唔止污糟，侍應服務又差！好無禮貌！漏左點心，只係減一個人茶錢... 得幾張枱，賣單都咁慢....強烈建議唔好去食！

老友每月聚會, 點知幫襯左間食物極差的食店, 無下次😡😡 最好食既食物景然係投訴後送的甜品😂😂昨晚D翅水汪汪, 全冇味道。無論花膠、海參或鮑魚全部唔淋, 求其撻D杰撻撻既獻汁上去就當搞掂。填鴨冇味兼柴皮。全場得二個無服務態度既伙記。 我地炳完個經理送甜品😡😡三位女仕食左八百個大洋, 不過唔飽既😤😤唔怪之得搵亞蘇做代言人, 啱既因為亞蘇介紹親都係差野😡

又是每月一餐的時候，友人有一張利寶閣京式烤鴨的美食卷，於是我們今次就揀了此店，BOOK了4人，8:00。環境唔算好大，裝潢是西式設計，感覺優雅華麗，如果坐窗邊位一定好正，有無敵夜景。精緻的骨瓷茶具。要了菊花茶及龍井。為京式烤鴨而來，必點這個，於是出示了美食卷，侍應見到張卷話唔用得，因為父親節的關係，但當日只是星期五，而且BOOK果時已經問左可唔可以此美食卷，個人話可以我地先BOOK，之後個侍應即話本身唔可以，今次就照比個優惠我地(黑面樣)-0-....態度極不友善。京式烤鴨的配料:大蔥絲、青瓜絲及甜醬。薄餅皮。京式烤鴨(半隻)。摺埋的薄餅皮太黏身，好難打開。包好了，好耐未食過呀，可惜水準麻麻，鴨片唔夠脆，有點韌，味道普通，不過係免費，都唔太強求了。醬皇蚌片玉帶子，$138，味道太咸了。香檳橙花蝦球，$138，外皮腍左少少，蝦球彈牙，酸酸甜甜幾醒胃。菠蘿咕噜肉，$108，本身鍾意食咕噜肉，不過呢碟咕噜肉味道太酸了。竹笙扒上素，$98，清清地的素菜，味道正常水準。送的甜品，紅豆沙，口感太杰了。環境上，算坐得幾舒服，不過食物水準,一般，而且偏貴，態度有待改善。

「利寶閣」位於尖沙咀The ONE，原址是2006年拆卸的東英大廈，2009年重建完畢後命名為The ONE。這座商廈的17至21樓為高級食肆為主的「空中食府」。 17樓為「利寶閣」、18樓為香港著名女演員劉嘉玲投資的日式餐廳「京旬Kyo Shun」、TAPAGRIA及西班牙菜餐廳Zurriola，19樓為來自東京著名鐵板燒店「海賀」及高級歐陸式餐廳Harlan's，20樓為稻香旗下全新潮粵菜餐廳「迎」，而21樓頂層為Wooloomooloo Steakhouse，提供澳洲菜。「利寶閣」以婚宴酒席出名，平日點心出品也不錯。若要從加拿芬道前往「利寶閣」的話，須先乘電梯到四樓再轉另一部上十幾樓的食肆電梯，由於只有兩部電梯可達13樓以上，所以繁忙人多時要慢慢排隊！場內設計富麗堂皇，佈置典雅高貴，擁有逾19呎的特高樓底，禮堂的水晶吊燈與廳旁波浪型水晶燈飾一脈相連，配以牆上掛有歐陸宮殿式花邊鏡飾及鏡面牆身，深更具醉人氣派。全廳一邊全片玻璃幕牆可以眺望維港優美海景，我們被安排到遠離主餐區的望海座位，這位置除了倍添寧靜和私人空間外，亦可飽覽維多利亞海港的景色，可說是個增值位啊！用膳餐具很有皇家的感覺

未講食肆, 先講吓d激氣嘢, The One個商場真係超黑人憎, 由加拿芬道入, 先要坐電梯, 上到四樓, 跟住行去轉另一部電梯, 再上十幾樓的食肆, 但只有兩部電梯可以上到13樓以上, 由按電梯制, 等咗我15分鐘, 電梯開門, 全滿, 再等十分鐘, 又開門, 九成滿, 點知慢了一步, 被兩個後面來的人衝了入去... 我頂吖!!!!! 真係想打人呀!!!!! 卒之攪咗半個鐘先上到樓... THE!!!! ONE!!!! 黑名單呀!!!!!!!!星期日中午12:45, 先去12樓的東海, 超多人排隊, 心諗... 利寶閣都唔方少人吧... 於是先上20樓的稻香貴價店"迎", 但都係好多人, 要等十多個號碼, 於是落翻17樓睇一睇先.... 哈!!!!!!! 竟然即到即有位... 心諗... 好耐無嚟了, 唔知質素會唔會差咗好多?????? 否則...點會唔使等位呢.... 食咗五百蚊, 但只影了最好味的兩幅相, 其中一幅是美味欖角骨, 好似的柚子蜜排骨的味道, 甜度頗高, 但加了一些豆豉, 份量不多, 但水準上佳, 如果全都是用一字骨就更好了.XO醬煎腸粉, 用類似韓國石鍋飯的鍋, 燒

開業於 The One 的利寶閣地點方便，店內可享維港景緻。如不用用上禮堂後部的長走廊，格局大體四正。場地美中不足之處是餐桌會擺放於電梯旁，賓客出出入入可能有點不便。另外，洗手間附近位置充斥着煙味，需多加留意。食品方面，大體上只算一般，或許筆者對利寶閣有點期望吧！比較出色的菜式是原隻鮑魚伴金錢，鮑魚炆得腍身入味，鮑香亦見結實濃郁。有點失望的菜式是花膠螺頭燉雞湯，味道很鹹；金腿鮮蝦炒飯亦明顯比較濕身。最後祝願一對新人百年好合，永結同心！

你媽媽個爸爸個叔父個兒子個兒子，即是你邊個？表舅父？堂舅父？不理了。這天是這位年紀比我少、輩份比我高的親戚娶妻的大喜日子就是了。假The One 17樓利寶閣宴請二十多席，五時恭候，八時入席是例行公事吧。菜單並沒有很刻意改上一些好意頭或流露愛意幸福的名字，內容大致與普通婚宴菜單相若。為避免與陌生人同席的尷尬，分餸這個安應運而生，可惜在下很不習慣這個安排，原因是無法避開一些不喜吃的東西，而份量也都固定，想多吃一兩件愛吃的是不可能的說。其實我身處的一席都是自家親戚，很想提出不用分吧，但又不想侍應難做。鴻運乳豬全體不知何年開始，婚宴的乳豬眼已轉用了心形LED燈。看是浪漫，但作用好像不大。乳豬肥瘦均勻，皮也夠香脆。配上帶甜薄餅，大大減低乳豬的油膩感，若薄餅熱點會更惹味。如意百合帶子帶子份量出奇地多，平均每人也有2-3粒，而口感也夠爽口，惟鮮味一般。鮮果百花蟹拑蟹拑熱呼呼，剛炸好的東西永遠是最香口。鮮果只有寥寥數粒，充撐場面吧。發財鴛鴦瑤柱脯比平常的瑤柱脯多了一項髮菜卷，用生菜捲住髮菜，其實沒甚麼味道。而侍應將本來完整的瑤柱弄得支離破碎，幸好分得一粒完整。紅燒菜膽鮑翅近年講求保護大自然而推出無

繼續「在港遊走世界」的覓食系列！尖沙咀一向是覓食的好地方，中西日泰想吃什麼都應有盡有，之前「龍少飯局」訪問鄭融已經在 The ONE 的「別府駅前料理」吃日本菜，水準相當不俗，說真這個商場的食肆選擇蠻多，今趟就輪到來吃中菜。「利寶閣」在我公司附近也有分店，它出名吃鮑魚，平日點心出品也不錯，中午會是我們同事吃飯飲茶常去之地。這晚來到「The ONE」的分店和朋友吃吃晚飯，也順道感受一下他們晚飯的功力。「招牌蜜汁豚肉叉燒」(小) $98用上日本豚肉，肉質帶半肥瘦，軟嫩帶焦香，蜜汁調味亦剛剛好。而且叉燒是屬於我喜歡的厚切，吃下去更有口感，配白飯最好！「滋補時果花膠螺頭燉雞湯」(四位) $368現在很多湯水都喜歡下水果一齊燉，滋潤之餘亦可帶出天然的甜味。此湯有花膠、螺頭、雞件，在燉好後在食前十分鐘後加入哈蜜瓜或木瓜同燉，花膠有滋陰的作用，湯頭鮮甜，這晚一大鍋足夠分七至八碗啊。「金榜醬香煎龍蝦扒」(四件) $128 / 件選用美國約一斤的龍蝦，起龍蝦尾後改原件煎香，龍蝦肉爽彈是意料中事，伴炸麵條及荀絲一起吃加強了層次感。特別一提是廚師特別烹調的「金榜醬」，利用蝦米蝦醬沙爹花生等等混合而成，令整體

平時見咁多人排隊上黎食，終於今日有機會黎試下，點知未知好唔好食已經成肚火，飽晒。諗住尖沙咀區既服務會好d，點知仲衰過茶記。未有得食見到隻碟滿晒積，叫待應換過佢，個個都唔肯換，話一陣上菜先換，仲有成個鐘先有得食，想食件蛋糕先都唔敢啦…呢d就係呢間嘢既服務水準，差到無人有，唔會再黎幫襯囉

同事結婚，當然要去恭賀！The one搭𨋢上樓！要慢慢排隊！𨋢口一出已經係迎賓！個位幾窄！個場好靚！不過女仔廁所只得兩格！唔多夠！每席一個侍應！招呼飲品都好勤快！上菜喇！鴻運乳豬全體：夠熱脆皮，唔太肥！XO醬翡翠帶子黃金蚌：唔辣！帶子切得太薄無口感，蔬菜爽口！鮮果百花鳳尾蝦：香口彈牙！點酸甜醬好味！有埋啲沙律，無咁熱氣！發財玉環瑤柱脯：賣相靚，醬汁唔太鹹，生菜爽脆！瑤柱脯大粒，索晒汁！紅燒花膠蟹肉翅：夠熱，蟹肉鮮甜！雖然魚翅爽口，魚翅最好大家都唔鍾意食！原隻六頭鮑魚拌花菇：花菇超大隻，厚肉稔身！鮑魚炆得入味！少許糖心！正！清蒸花尾斑：魚肉唔老，幾滑，火喉處理得幾好！當紅脆皮雞：脆皮好味！金瑤西施豚肉炒飯：太濕身，唔好味！雙菇龍芽炆伊麵：煙韌好味！鮑汁好味！百年好合：足料杰身！唔太甜！好味永結同心：兩款都幾香口！酥皮唔油！合時甜橙：靚橙！食物都係大路囍宴！鮑魚真係唔錯！大家都好盡興！

家庭聚會今次揀咗尖沙咀The One利寶閣坐下看餐牌看見原價每位$888套餐吉品（吉品鮑魚花膠龍蝦餐）正好特價$533兩位起。我們有大人細路共十五人所以決定叫七個餐另加其他東西分來一起吃。頭盤：三小碟~豚肉叉燒、手拍青瓜、葱香海蜇。因為印傭不吃豬所以叉燒轉了煙燻鴨胸。我們也覺得很好吃。正花膠螺頭燉雞湯~湯入口鮮甜，相信是材料好的關係。三十頭吉品鮑魚伴時蔬~當看見侍應推出一煲用瓦煲鮑魚我們真的嘩嘩聲然後逐位上我無諗住會有這樣當煮，用刀叉切開鮑魚連汁入口鮑魚很好吃鮑汁味道很好。金榜醬龍蝦扒~我估計龍蝦扒是整隻龍蝦做的用刀叉切開吃很爽口非常好吃。清蒸東星斑~每位半條我們所以我們有三條魚，我想每條魚約半斤但入口十分鮮甜肉質十分滑吃得出絕對是新鮮劏蒸的時間十分準確剛離骨。（另外每位可從九種小菜選一款）我們選了：松露醬滑蛋蝦仁~蛋炒蛋很香滑蝦爽口加埋松露醬味好吃極了，小朋友不停要求加添。金鈎瑤柱釀玉環~味道也很好可能加了金鈎關係所以比平時吃開的玉環瑤柱甫香。宮爆豚肉粒~十分香帶些辣豚肉粒十分軟滑用來送飯一流。欖菜炒豚肉~四季荳和豚肉家人說十分好吃我因不吃荳所以沒有吃。古法琵琶豆腐~入口有些像炸的老