利寶閣 (已結業)

今晚放工之後塔地鐵去尖沙咀The One shopping,行完街之後見肚餓就諗住即刻係商場食飯解決咩。利寶閣係The One 17樓非常方便, 係UG2 大堂塔Lift直上就到。今日係星期四7點去食客人較少，可以即刻安排入座。餐廳佈置非常華麗，入座後亦可以一品食飯一路欣賞香港維港和高樓大廈的景色入座後經理即刻拎左個餐牌同酸菜過黎。酸菜非常惹味可口，令人更肚餓同期待晚餐。利寶閣必食之選一定係招牌佛跳牆配叉燒飯，佛跳牆十分清甜而且足料，有鮑魚、鳳爪、花膠、螺頭.... 叉燒亦非常入味安格斯牛柳好細嫩，欖角骨亦夠晒惹味。鍾意中菜人士必選如果較重口味既可以試下南乳素齋煲，南乳味非常足最後亦有送上西米露同脆麻花，非常適合做飯後甜品

今日做個乖乖女，專登去到尖沙咀同媽媽食飯。呢間利寶閣位於The One的17樓，餐廳唔算好大，一個長方型睇晒，夜眺尖沙咀夜景，地理環境都唔錯。利寶閣1998年起，用了20年的時間及經驗，成為鮑魚美饌的專家。餐廳最近推緊呢Set靚湯叉燒飯套餐，午市個湯為豐料老火湯、晚市就提供原盅佛跳牆。我同媽媽見到好多枱都有叫，而且唔需要叫人頭份量，所以我們叫左一Set試下。原盅佛跳牆的料除左夠多外，仲非常豪華！除了有雞肉雞腳外，仲有鮑魚、海參、魚翅、花膠、瑤柱、花菇及蹄根。個湯飲落好香好夠味，加上個湯夠晒熱辣辣，大家不妨試試。個餐的另一個Hightlight係呢個谷飼豚肉叉燒飯！睇落平平無奇的叉燒、煎蛋、菜心，但媽咪話食到「以前的味道」？！首先個叉燒醬油落左蜜糖，所以食落甜甜地，味道好香。而且個醬油係自己落，所以份量可以跟據自己的口味而落幾多。叉燒方面，唔似一般市面上的叉燒飯切開一小塊，而係兩大大大塊上。媽咪話佢以為食的叉燒都係咁。加上叉燒厚切上，口感十足做到啖啖肉的感覺。叉燒的肉質適中，唔會太乾，同時又有油香。聽到個名已經感到好正的大澳生啫唐生菜，職員會係食客的面前將生的唐生茶放入一個勁熱辣辣的窩入

月頭聽阿蘇在電台節目大玩派訪問利寶閣話事人，原來利寶閣已經20年了。節目當中，阿蘇大讚特讚個經典叉燒煎蛋飯，適逢廿周年，酒樓更推出午市價廿蚊有得食。午市，我邊有時間走去食呀? 但係又真係好想去食，唯有晚市走去食。今晚趁 Honey 做完 facial，就上嚟The One 利寶閣，都頗多人，莫非和我一樣慕名而來? 嘩! 啲水晶燈好有氣派啊!仲有海景位添 (雖然我哋對唔正)。茶杯、碗、碟都好講究，好精美。普洱茶非常香淳。酸菜都幾好食，唔太酸，但非常開胃。睇菜牌見到一個例牌谷飼豚肉叉燒價錢係$128，而一個佛跳牆就係$148，之不過，一個優惠餐 “谷飼豚肉叉燒 + 佛跳醬” 只係$188，識食梗係食優惠餐啦。再叫多兩個小菜就夠食喇。【谷飼豚肉叉燒飯】這個絕對係經典。記得我細細個時，媽子間唔中會叫我去樓下街市買餐叉燒斬料加送，嗰陣時，有叉燒食係好幸福。依家人大咗，想食叉燒時，多數去太興或美心，總覺得比唔上細個嗰陣食嗰啲。今晚食到這個叉燒，感覺番咗嚟，好好食，又腍又香。另外，就係有隻太陽蛋跟埋個叉燒飯，係煎到燶邊嗰種，即係阿蘇成日在煮餸節目時提到一隻煎蛋必需要達到的水準。我就覺得，除咗個蛋邊

第一次在the one 17樓品嚐中菜同時又欣賞夜景，利寶閣的餐具幾別緻。Menu 有不少經濟套餐，就試下這個叉燒蛋飯+佛跳牆 $188茶芥 $18/位、小食$18碟，硬食收費都幾貴，無辦法在尖沙咀。原盅佛跳牆第一時間上檯，隨後就是叉燒蛋飯。佛跳牆有鮑魚、魚翅、遼蔘仔、花膠、瑤柱等湯味清甜，不算油，不是味精湯。叉燒蛋飯令我想起「食神」電影，太陽蛋配叉燒飯一流！先將太陽蛋與飯伴均，叉燒2大舊沒有切細片，不過叉燒肉腍鬆化，相當美味。香辣爆蝦球 $98這裡部分小菜可選大或小size，二人選細份量就可以。蝦球算是爽口，而配菜是豆角，又跟小食一樣。雙果咕嚕肉 $88 （小）雙果原來是腰果、合桃，不過不夠脆而咕嚕肉太多肥肉不適合我額外一提，人手非常不足，全場只有1個帶位、1個落單、2個執野，而且上菜也較慢。

今日男朋友話要帶我同屋企人食特別既中餐心諗中餐會幾特別呢原來特別在可以望住海景食飯平時要望到個咁靚既景多數都要去西餐廳先享受到估唔到今日食中餐都同樣嘆到靚景心情非常興奮很美麗的尖沙咀一出升降機就見到呢張海報見到有湯有飯價錢可接受就叫左一套試下佛跳牆既湯料非常豐富正如海報上所講魚翅都唔少鮑魚都大過5蚊銀仔架！😻湯料好出味 所以啲湯既味道都非常濃郁飲完個口仲好似有層精華包住咁添再加埋呢個「叉燒飯」本身就睇 覺得啲肉好似有少少肥估唔到食落係另一回事！竟然一啲都肥好易咬而且唔痴牙真係唔可以淨係睇表面呢！蓑肝草龍躉骨湯煲左湯既瘦肉雖然唔滑但好入味架超大條龍躉骨啊!煲得好夠時間,個湯好足料，飲落好濃味，仲有陣魚鮮味。而且好大盤，有成10碗咁多！正☺帶子賽螃蟹🦀🦀侍應仲教落加啲醋更加似蟹味撈飯食一流!!帶子加蟹籽，食落口感豐富！加了醋後，d鮮味更突出！唔錯！😗上湯龍蝦伊麵龍蝦肉質鮮甜而且非常有咬口！好大隻龍蝦，食得好滋味！伊麵好好味，上湯汁整得幾好味！😛今晚食得開心好飽之餘又滿足

帶屋企人去食飯，梗係要揀一間質素好既中菜酒樓食，等佢地食得開心d啦！知道the one 呢間利寶閣分店環境夠哂靚，始終做開婚宴場，裝潢一定夠哂華麗高尚，配上大大既水晶燈，金碧輝煌。17樓高對住靚靚既維港夜景，真係加哂分！😍😍屋企人都話好高尚呀！坐底左，好nice既職員已經為我地倒茶又同我地介紹一下個餐牌。而家做緊個優惠：原盅佛跳牆 配 谷飼豚肉叉燒飯 $188. 咁都幾抵喎！平時叫一盅佛跳牆都好貴，要百幾蚊。見佢咁多料，都幾吸引，所以一於叫黎食喇！好快就黎到喇！😋一大碗既：谷飼豚肉叉燒飯 🍛賣相都幾靚，有隻太陽蛋係飯上面，我地決定將蛋黃整開去撈勻成個飯食！😋粒粒米飯都有蛋黃同豉油味。 然後有兩大舊豚肉叉燒，啖啖肉。😍呢兩舊既叉燒同平時食既有唔同，谷飼既豚肉，食落肉質好嫩，帶有少少既脂肪。咬落多汁不鞋口。加上有少少蜜汁味，食落甜甜地，好好味！🐖有驚喜。貴價足料佛跳牆🥘材料有：鮑魚，魚翅，遼參，瑤柱，花菰，蹄根😍唔好睇個盅好似好細咁，4個人都分到大半碗。個湯夠足料，所以味道好濃好正，仲好有鮮味！魚翅好大塊😍呢個湯質素真係幾好。一d都唔求其👍🎖上湯龍蝦伊麵😀好大碟！成隻龍蝦上，都幾大隻。所以

利寶閣用白色和紫色作為主題顏色加上閃令令水晶吊燈, 裝修高雅大方! 而且可以欣賞到維港無敵海景, 環境一流! 前菜 $18未點菜, 餐廳就送上了一碟前菜, 味道不錯.谷飼豚肉叉燒飯 配 原盅佛跳牆 $188佛跳牆相當足料! 材料包括有魚翅、鮑魚、遼參、花膠、瑤柱、花菇、蹄根、響螺、雞腳及豬肉!!味道清甜燉湯味道清甜, 不油膩, 清而不淡, 調味剛好不過鹹! 魚翅、鮑魚、響螺彈牙鮮味, 花膠、蹄根、遼參口感嫩滑, 充滿骨膠原! 品嚐後感覺滋補養顏!谷飼豚肉叉燒飯大大碟! 叉燒高質, 肉嫩多汁, 味道適中, 以極厚切方式呈上!太陽蛋煎得剛好, 蛋黃超流心, 蛋味香濃!不得不提, 附設既醬油膏, 質地濃厚, 味道像甜豉油, 撈飯食一流!這個叉燒飯相信可以比美食神的黯然銷魂飯!蒜片和牛粒 $98牛味非常濃郁, 嫩滑多汁, 真係有入口即溶既感覺! 意想不到的美味! 超讚! 非常推介!八味豆腐 $58真正做到外脆內嫩, 非常惹味! 份量好多, 十分喜歡! 宮庭茄子 $55係魚香茄子既粒粒版本! 茄子炸至挺身, 不油膩, 好味道!利寶閣環境一流, 食物質素高, 價錢合理! 非常推介利寶閣! 下次會再

在尖沙咀The One的（利寶閣）用膳，可有君臨天下之感，180度維港璀燦景色， 箇中感受，無法言喻。谷飼豚肉叉燒飯，配原盅佛跳牆，優惠價只需$188。原盅佛跳牆湯料極豐富，有整塊魚翅、鮑魚、花膠、雞腳等，燉湯湯底極清甜，不似煲湯的(黏結)口感，還可滋補一番疲倦身軀。谷飼豚肉叉燒飯加荷包蛋，厚切叉燒肉軟腍，入口帶蜜香味。彩糖安格斯牛柳粒$108（小），牛柳肉質軟腍牛味香濃，本人極欣賞(利寶閣)主動提供小份或大份，可讓客人多幾款菜式。三色椒蒸龍躉頭腩$98（小），蒸熟時間恰好, 豆豉味提昇魚肉鮮味，且肉身嫩滑 。用餐後附送綠豆沙糖水，可消暑去膩也可清清熱氣。

前幾日老媽子喺屋企群組send咗幾幅相嚟，係佢啲雀友去利寶閣晚飯嘅相，就係咁話好想去食仲先斬後奏book埋枱，睇嚟佢雀友應該讚到唔食唔得咁。一上到17樓打開𨋢門就係寬敞光猛嘅環境，樓低好高，幾盞亮麗水晶燈。窗外係尖沙咀夜景，枱亦有排到密密麻麻，坐得幾舒服。打開餐牌，傳統中菜當然有啦，燕窩鮑魚魚翅海鮮齊晒，比較特色嘅都唔少，例如【明太子賽螃蟹】、【蛋黃醬脆皮石班粒】。不過我地睇咗係兩個優惠價嘅set。【谷飼豚肉叉燒飯配原盅佛跳牆 原價$256 優惠價$188】原盅佛跳牆 - 材料好豐富，有齊鮑魚、遼參、魚翅、花膠、瑤柱、花菰、蹄根。先飲啖靚湯，睇落真係好清差不多完全冇油，餐牌標註【本集團食品不添加味精少鹽少油】應該不假。雖然係咁，但飲落都鮮味濃郁，相當不錯。鮑魚、遼參都好爽彈。花膠就啱晒老媽子美顏，魚翅亦都唔少，都真係足料架。谷飼豚肉叉燒飯 - 完全係《食神》中嘅黯然銷魂飯！叉燒肥咗少少，勝在口感非常軟腍，咬落真係唔係好相信佢係叉燒嚟，好邪惡但真係好食，成隻荷包蛋撈飯食，又滑又有蛋香，再大大啖叉燒，好滿足。啱晒平時鍾意食燒味飯嘅老豆。特別優惠【上湯龍蝦伊麵(1隻)+燒汁脆皮雞(半隻) $

7月12日晚上與朋友一起來吃飯，服務態度已很惡劣，冇想到連食物衞生質素也差到極點，點了洒家既"幸福滿溢"甜品併盤，等候時間要30分鐘以上，好不容易等到後，遞给我們的竟然是一隻連大排檔也唔會用既上菜碟，周邊都有破損，與部長投訴，竟然說是㕑師收左工，心急找一隻碟來，說没有什麼大問題，另一名部長走過來看態度也是很差，覺得我們只是想取消唔要，他們沒什麼問題，還說:已幫你們取消了，還想怎樣! 一間有品牌集團式的洒家，態度可以這麼差，還用這樣劣質破爛既碗碟也覺得沒問題，真的差、差、極差，以後也叫朋友不用光顧👎👎👎👎

利寶閣 — 高雅大方的名字，位於尖沙咀The One商埸17樓全層，樓底極高，除了普通晚飯，設酒席晚宴也蠻具氣派。中層景觀開揚，享尖沙咀城市景，遠處還能觀看到部分維多利亞港景色。谷飼豚肉叉燒飯 配 原盅佛跳牆 ($188): 叉燒殊不簡單，採用谷飼豚肉，肉嫩多汁，還以極厚切方式呈上，相信比食神的黯然叉燒飯好食! 佛跳牆燉湯有翅、花膠、雞腳及豬肉，每盅也相當足料，味道清甜，相信不含味精。晚市優惠孖寶 — 上湯原隻龍蝦伊麵 配 燒汁脆皮雞半隻 ($338): 龍蝦非常新鮮，肉質爽而彈口，味道也當然鮮甜。伊麵較幼，上湯夠清甜，味道適中。燒汁脆皮雞色澤均勻，賣相吸引，皮脆肉嫩，肉汁澎湃。雙果咕嚕肉 ($88/小): 小份也足夠三人享用，店方採用黑豚肉，即使在炒炸後，內裡依然是粉嫩幼滑，肉味也香，甜酸汁調味亦得宜。最後奉送南瓜西米露，夾雜大量南瓜蓉，非常足料，香甜但又不膩，飯後吃一流。

話說女皇的父親係星爺嘅頭號忠粉，對佢每套戲都十足熟識，而食呢方面當然唔少得傳說中嘅黯然銷魂飯。今晚去到尖沙咀 the one嘅利寶閣，唔係利家係利寶閣可能酒樓有做開婚宴，所以餐具方面都帶有氣派，場中華麗嘅水晶吊燈同羅馬式天花，可惜我無影到相。呢碟小食承為$18，但味道唔錯，富川香味又唔太辣，口感爽脆，可能肚餓，我一人已食咗大半碟這次的目的就係想一試呢個餐，原盅佛跳牆加谷飼豚肉叉燒蛋飯，先講講個湯，有魚翅，鮑魚，雞腳，響螺，花膠，用料足湯味即濃郁又不油膩，火喉十足無錯一上桌外父相當興奮咁，黯然銷魂飯呀真係小可愛。但唔好意思個蛋黃比我整穿左，除左叉燒肥廋適中之外，最掋讚就係佢嘅叉燒醬，濃郁蜜咀，有少少似媽蜜味。當然唔夠食要追加，就係後面碟醬。鹽焗海南雞，食落味道有啲似沙姜雞，當然個皮係帶有特色，如果師傅可以為它研製個醬汁做配搭就更值加分。最後送上海帶綠豆沙，水準比起有名嘅糖水店好得多。

很久沒跟媽媽外出吃飯，主要因為媽媽病了一段時間，我見媽媽恢復食慾，當然第一時間帶她吃好東西吧，昨晚我就帶媽媽去利寶閣吃晚飯，一解她多日「口淡淡」之苦。先來一盅原盅佛跳牆補一補，這裡選用了許多好食材，隨便一撈湯盅都有好料，鮑魚，魚翅，花膠，海蔘，雞肉，應有盡有，一陣香氣撲鼻而來，讓人忍不住想大快朵頤。湯頭琥珀色澤，不像一般佛跳牆油膩，清而不淡，醇而不過鹹，海參的口感非常的嫩彈，吸飽了湯汁更是美味。鮑魚，雞肉的鮮美通通在裡面融合在一起，花膠軟彈好咬，魚翅彈牙，其美味要嚐過才知曉。在利寶閣門口擺放了某名人推介谷飼豚肉叉燒飯，我想試試是否真的好吃，所以叫了一碗試試看。由於我太粗魯，還未用筷子刺穿蛋黃已經被我震破，飯粒挺身而分明，配上鹹鹹甜甜的醬油吃獨具風味。叉燒都以新鮮的谷飼豚烤，未吃已經聞到其蜜香。谷飼豚叉燒肉質比一般的鬆軟，不失彈牙嚼勁，肉汁香濃，且切得超大塊，挺有厚度，帶點脆口的叉燒外層，實在一絕，稱得上銷魂的叉燒。久病初癒的媽媽還是想吃點濕潤的湯飯，故點選鮮茄魚湯海皇泡飯，令人亮眼的一道泡飯。 店員一打開蓋子，色彩繽紛的蕃茄粒，菜粒及冬菇粒影入眼簾，鮮茄魚湯湯底鮮味十足。撇開蔬菜配料，

環境食物都一流，服務態度則恐怖。午市飲茶（除了服務態度）幾次都不錯，推介點心有：懷舊灌湯餃週末的蝦多士脆皮蝦餃蝦餃蓮藕餅（我平時對蓮藕餅興趣不大，但也覺得這裡的藕餅好好食。）腸粉普洱茶亦不錯，但是⋯⋯侍應們大部份的面口都非常之難看，尤其是穿黑色制服較為「高級」的侍應，全部都黑口黑面，好像得罪了他們整家。反而穿白色制服的男性侍應都比較有禮貌。為了要吃這裡的點心，就要看看面色了吧。真的沒有完美的餐廳，是嗎？

一早已移民到外國的舅父回港, 約了媽媽到THE ONE飲茶。而當天沒有人理會的我, 因實在不想在家捱杯麵, 所以跟了媽媽一齊出去晚飯~只為了食的我, 跟媽媽一起到了利寶閣, 比想像中小的酒樓, 但可以看到維港的境色, 確實不錯!價錢比平常的貴$20-$30, 於此地段是可接受範圍~前菜($18)一坐下就送上了一碟醃青豆作前錢, 比花生更有心意!而且味道都不錯, 等食物來期間我差不多清光了套餐: 谷飼豚似叉燒飯 配 原盅佛跳牆 ($188)谷飼豚肉叉燒飯大大碟, 有我最愛的太陽蛋跟兩大件叉燒, 賣相不錯!太陽蛋煎得剛好, 而叉燒亦高質, 爽滑得來味道適中, 不會因為過咸而食不到豚肉香。而佛跳牆則以想不到地足料, 鮑參翅肚都齊全, 超級好味呢!彩塘安格斯牛柳粒(小) ($108)份量剛好夠我們3人食!牛柳粒比平時在酒樓食到的不同, 真的充滿牛肉味又不會韌另外配菜都不少, 除了三色椒, 更有蓮藕跟菇呢~欖仁蟹肉桂花炒瑤柱 ($128)之前每一樣我都超欣賞, 但這個真的要吐糟一下! 真的是圖文不符文字中的瑤柱跟圖片中的大量瑤柱都是假的, 只有超少瑤柱!蟹肉比瑤柱更少, 要找一段時間才找到, 而