利寶閣 (已結業)

尖沙嘴用餐價錢一向都比較貴，但可能由於The One 的競爭比較激烈，所以很多餐廳都提供優惠利寶閣場內的佈置都算豪華精緻。用膳工具也很有皇家的感覺，為我帶來幾好的第一印象。同時，我們坐的座位是望海的，可說是飽覽維多利亞海港的景色。我們剛坐下來的時間是大約8時，甚至可以見到幻彩詠香江呢。第一道菜是金腿鍋貼明蝦，蝦的味道非常鮮甜，而中間的salad 吃起來讓人覺得很清新健康。第二道菜是乳。這個乳豬可以說是餐廳的招牌，皮薄而且非常鬆脆，肉也非常嫩滑，可以說是皮薄餡靚。唯一美中不足的就是味道有點太鹹。第三道菜是魚翅煲雞。服務員很貼心地幫我們將這個這個翅分好。味道也算幾好，但也跟其他中式酒樓的翅吃起來沒什麼分別，不算太特別，就是都算幾有鮮味。第四道菜就是鮑魚非常柔滑而且富有彈性，鮮味十足，值得一試。鮑汁再配以白飯，簡直一流。我覺得這間餐廳也幾好。部長非常友善和貼心，服務態度一流，最後好給我們送甜品呢！

初一周圍都無開, 除咗d大集團之外, 其他好多都無開; 初一例牌屋企節目去睇戲, 係The One睇完戲, 好彩唔洗周圍走因為利寶閣有開(多謝利寶閣員工嘅犧牲), 睇完可以直接上去食晚飯~新年自己比較鍾意食中菜同d意頭菜式~叫咗:1) 撈起$388: 新加坡開年嘅特式, 大家起筷前一齊撈撈撈, 象徵撈得起~ 材料有三文魚刺身, 柚子, 紅蘿蔔絲, 咸菜, 粉絲, 脆脆~ 有個酸汁可以撈黎一齊食, 但我比較鍾意食原味~ 價錢雖然比較貴(因其實材料成本唔貴), 但都開心餐廳為新年增加呢個餸, 等大家一齊撈開開心心攞個意頭~2) 燒腩仔$108: 好脆好味~3) 美極中蝦$188: 4隻蝦算大隻, 新鮮, 煑得好好味~ 大家都食到笑哈哈~4) 啫啫生菜煲$88: 一直想食但唔係周圍有, menu無寫, 點知見到隔離枱有, 所以即刻叫, 同啱哂攞個意頭生財生財~ 煑得好香, 生菜好大塊~5) 荷香極品醬帶子炒飯$128: 無荷葉飯所以叫咗呢個, 可以炒得再香口d~6) 例湯發財蠔豉蓮藕湯$128: 超搞笑最後先黎, 但都幾多碗, 起碼有8碗~最後, 好開心佢地送湯水, 紅豆沙湯圓啱哂我口味,

相隔一星期後, 同友人K再聚飲茶, 由於他們是傳統中國人家庭週日不會選擇中菜以外的食物, 友人K這天想試一下他經常去的茶樓以外的茶樓問有否可以推介, 想起以下的這間在農曆年時飲過茶記得點心都幾好, 這裡的下午茶時間是由下午兩點開始, 剛剛好我放工慢行過來的時間, 下午茶的優惠是什麼? 就是大, 中, 小點一律$17.80,但茶位每人$13就無得優惠了, 不過星期日就只是多加一蚊即$14:00有辣有唔辣! 不過當日友人K因為出門時間誤差, 到達茶樓時已經是兩點九, 距離LAST ORDER 時間15:30 剩餘45分鐘時間試比較緊迫一點囉, 7個人一張大枱, 挺舒適的環境, 上點心速度都算快, 服務態度一般啦!當日點了四樣不是點心的, 有招牌蜜汁义燒一份,数過有8件, 豬梅頭是高質素的, 醃味也很正確, 义燒色紅得來也自然, 搽蜜糖也只是簿簿的一層, 如果原價是$98(細)$128(例)但下午茶時間價則是$68即$8.50/件都咪話唔貴, 唔知道如果午市叫一份細义燒係咪都係8件呢? !另一個是杭州玉骨 $52 這個也是8-9粒炸排骨, 伴碟的有幾條醃嘅醬油辣蘿蔔按井字形疊高, 炸排骨用黑

今天第一次在The One 利寶閣飲茶，點了兩隻脆皮蝦餃，最初以為有什麼特色，其實原來只是把蝦餃皮炸脆，口感就似食炸春卷一樣！幸好是還保存了少數肉汁，可以說是中式份子料理！舊酒新瓶。其他點心尚可接受。蟹籽燒賣皇是較有水準之作，用料足，有冬菇、豬肉和蝦肉，份量融和，所以咬口唔錯！環境比I-square 店遜色！

因為某銀行的「最紅」優惠, 這個週日來到尖沙咀 The ONE 的利寶閣「飲茶」。二人來到, 被安排到遠離主餐區的一個位置, 除了倍添寧靜和私人空間外, 更可享有維港景緻, 是個增值位。點心選擇中以炸蝦餃 (每粒$10, 兩粒起) 最為吸引到「檸茶」的注意, 這並不是平日於酒樓內常見的「筍尖鮮蝦餃」或「沙律明蝦角」, 外層相當香脆, 內層仍然保持傳統蝦餃的濕潤感和鮮味, 上面灑上「金沙」, 增添惹味, 無論味覺和口感上也帶來全新感受, 實屬驚喜。

尖沙咀的食店一向百花齊放，各國美饌盡情地爭艷鬥麗，令傳統中菜館在區內一度買少見少。不過自 The One、iSquare 等大型商場開幕之後，不少集團式經營的中菜館終於成功地重新攻入尖沙咀，其中利寶閣也是當中的一份子。近期跟家人來過The One 利寶閣兩次飯局，發現食物的水準的確不俗，餐廳還擁有無敵靚景，唯一不足之處是服務仍有改善的空間。   堂弄脆皮乳豬, 4/5聽說這裡的堂弄脆皮乳豬是必食之選，我們當然不會錯過。單單看份量，這道招牌菜一點都不欺場。脆皮乳豬果然名副其實皮薄鬆脆，肉質嫰滑。豬肉在燒烤之前，經已特別用海鮮醬和其他調味料醃製，因此吃時無需再多加醬汁，方便又美味。   美味㰖菜骨, 4/5小食當中，特別喜歡這裡的美味㰖菜骨。小排骨用了蒜子和蜜糖醃好，再配以㰖菜烹調，味道甜蜜之餘又略帶點㰖菜的鹹香，送飯一流。   竹笙榆耳百合翠玉瓜, 3.5/5一輪肉類菜式之後，是時候點一些清淡的素菜來中和一下。竹笙、百合和翠玉瓜向來味道匹配，加入較為少吃的榆耳後，菜式便更有嚼勁。   飄香荷葉飯, 3.5/5最後出場還有飄香荷葉飯。飯做到粒粒分明，口感不錯。但荷葉味和醬汁稍嫌略淡

第一次來利寶閣，參加朋友婚宴，場地幾靚，海景view都好正，但覺得朋友選擇這裡辦婚宴真的中伏了，忍不住要寫出來給大家看！婚宴食物一向預了不會怎麼好吃，但當晚的燕窩𡙡僅用肉碎和蛋白來燉，只要微微的腥鹹味，是我吃過那麼多次燕窩𡙡之中，最差的一次！用料差也欠缺誠意囉！炸蟹拑完全看不到有蟹肉、瑤柱無味、大海斑也鮮味欠奉...雖然脆皮雞味道較好，但份量少得可憐...我覺得酒樓的用材實在不佳，需要檢討！但真正最令人不滿的是服務態度，全晚侍應姐姐零笑容、把口上了鎖一樣...眼見其他枱都有分餸服務，姐姐卻任我們這枱自生自滅，直到有朋友忍不住開口要求像其他枱一樣分餸，她才肯動手！茶水欠奉已是小問題，上魚時，同桌有賓客要求要魚背肉，姐姐一句︰「分好後你自己揀！」賓客傻眼，再問︰「先把背肉分給我不可以嗎？」姐姐居然黑面扮聽不到，我覺得這樣不太禮貌...到臨完場我站了起來，準備要走，姐姐一邊在收杯碟，突然在後側一手撥開我的手臂來收杯碟，雖然不是碰撞，但她事先不說「借過」，推開我之後也沒說對不起，我覺得她的態度真的有問題！我不知道其他侍應服務是否同樣差劣，但這位姐姐的工作態度真的很有問題，酒樓日後應該小心選擇和

今朝十一點就同媽咪黎到呢度飲茶, 所以無人, 我地係第一台呢度飲茶坐得好舒服, 個view都算吾錯, 加上無咩人, 所以吾會話好嘈, 正!!!P.S. 個X.O.漿腸粉太多啦, 兩個人食就真係食吾到!

妹妹同妹夫兩口子在這裡食了一頓豐富的晚餐後,食店贈送他們第日來飲茶,一人送一隻鮑魚燒賣,即是有幾多人來就送幾多隻.訂了中午12點半,這個時間準時到可以坐玻璃窗位.坐近玻璃窗位的確可以飽覽到海景,但因有些高樓大廈擋住,視野上有少少失色.環境方面沒多大留意,因我的注意力全集中在傻BB身上(妹妹話BB已經一歲幾,以後唔可以叫她BB啦!),不過這裡唔會好嘈雜,見兩家親家說話都輕輕鬆鬆.我們將點叫食物的責任交給妹夫,沒多久點心隨隨而上,娥姐蒸粉果~~酥皮叉燒包~~小籠包~~芒果海鮮卷~~腸粉~~皇帝餃~~杏仁茶等等,還有幾款,不過忘記了名稱,但這裡的點心,水準唔錯而且賣相幾好.最後主角~~鮑魚燒賣出場,起初以為是燒賣入面的餡料有鮑魚,原來是原隻鮑魚仔放在燒賣上面鮑魚仔炆得幾入味而且夠淋,而燒賣出奇的好味,豬肉及蝦味道均勻,我反而喜歡燒賣多過鮑魚,後來見到餐牌每隻燒賣鮑魚要20大元,妹妹的老爺話這個價錢唔算太貴.這裡飲茶食點心也不錯,但下次有機會反而想去iSquare嗰間試吓

年初二，一家人去食晚飯兼睇煙花！一萬大圓找數換來，五流食物，十流招待一肚氣！！！！先講食物，味道還可，份量少，每度菜要等半小時加三吹四請。炒飯炒麵冷冰冰，好似煮好放咗一日兼無保溫！再講服務，服務員都唔知那一度菜來了，那一度未來，或者在枱上是那一度菜。到煙花開始，在後面的客一湧上前，在前排的反而看不到。服務員懶得理，對我的投訴，知吾以對及只叫mic, 另一個自己看埋一份，佐埋一份。幸得一位食客大聲投訴，才可保觀景。甜品煮煮吓去咗另一枱，完全唔organize。老媽不高興，走去質問一番換來講唔通的理由，令入怒上加怒。一句講哂-唔可以再差+以後唔會再幫親！

I called to make reservation of 10, she confirmed my booking, and then said "你上嚟都要等架喇" so wats the point of having a booking system?just tried my luck and see if I'd get window seat, the reception went "個個都要窗口位，我地邊度有咁多張檯呀？"excuse me?! wats the manner?

上到17樓的利寶閣飲茶, 一開lip門, 俾個海景搞到心花怒放tim如願地坐窗口的位置, 十分之開心, 這裡不算很大, 只有廿張枱左右, 如果人多的話, 等位可能要等好耐, 不過可能新開張啦, 只係等兩張就有得坐食物味道唔錯, 例如個蕃茄魚湯浸白菜, 整得好好味, 魚湯唔會好腥, 因為落左薑一齊煮, 湯又好甜! 點心之中仲有一個沙律醬鮮蝦炸春卷, 春卷入面真係full of 沙律醬的, 脹卜卜咁, 除了鮮甜的蝦肉之外, 仲有唔會酸的芒果肉, 味道好可口更值得讚係侍應的服務幾親切, 反應都幾快, 會有賓至如歸的感覺, 此處不失為一個嘆茶的好地方呢