利寶閣 (已結業)

有時去酒樓餐廳叫小菜，好多樣嘢都想叫，但得我同M佬兩個人，都唔叫得多，如果想一次過食好多款，小菜放題就啱晒！嚟到銅鑼灣嘅利寶閣嘆呢個兩小時高級粵菜放題，有超過50款食物，由晚上6時至晚上10時，入單起計兩小時。星期一至四，成人HK$238 ，小童HK$119；星期五、六、日同假日，成人HK$258，小童HK$129，附加茶芥同加一服務費。即刻試試。極上佛跳牆每位成人都會附送極上佛跳牆，一打開嗰蓋就聞到好香雞味。湯頭煲到奶白色，仲有原隻鮑魚、花膠、海參同雞肉，非常足料，一啲都唔馬虎。食落好膠口，好滋潤呀！上湯大虎蝦配天使麵每位成人仲有一隻大虎蝦，都幾大隻㗎，厚肉鮮甜，天使麵吸晒啲蝦味，好香呀！北京片皮鴨北京片皮鴨會不定時出爐，新鮮焗起，有專人片皮，都係仼食㗎！皮脆肉嫩，好Juicy，再配埋爽口青瓜、香口蔥絲同秘製片皮鴨醬，正！大家仲可以喺點菜紙點嘢食，要幾多叫幾多，份量啱啱好，可以食到好多款式！必食推介鍾意食海鮮嘅朋友，一定可以叫椒鹽蝦同埋避風塘炒蟹，海蝦同鞋都非常新鮮，鮮甜美味。除此之外，仲有酸菜魚、水煮魚、黃金蝦同薑蔥炒蟹！涼清酒浸海蝦同蒜拍小黃瓜都好惹味，開胃一流。炸鍾意食茄子嘅朋

今日去左尖沙咀食飯，女朋友突然間想飲茶，本身諗住去食卡通主題點心店，突然間見到有間酒樓做緊點心放題，任點任食好抵食。我地去左啦！中午黎到好多人，相信個個都比佢既優惠吸引住。我地見到點心menu選擇都有好多，蒸點煎炸點甜品主食樣樣都有。我地咩都叫左啲試下啦！蒸點有好多都係大路食物，有蝦餃燒賣鳳爪等等，又有蒸包。女朋友見到北海道抹茶包，即刻話要食。主食有叉燒煎蛋飯、炒麵、粥等。食物即叫即整，熱辣辣，無將貸就價。煎包好軟熟，煎炸點唔會油膩仲脆口。

今日放假同媽咪去左尖沙咀飲茶。最近利寶閣推出左點心放題，可以任叫任食點心，最岩我口味啦！今日黎到餐廳，人客非常多，相信好多人都好鐘意依個形式啊！我地入座後，馬上點菜啦！放題形式黎講，質素唔算太差，選擇都算多。蒸點、煎焗點、腸粉類、甜品、主食等等，都有多款選擇，我地咩都叫左黎試下。我好鐘意叉燒蛋飯，叉燒厚切好肥美，入口肉嫩唔乾身，煎蛋有蛋漿最驚喜。蒸點心即叫即蒸，仲熱辣辣架！蒸焗點都叫左好多，咸水角春卷等等，唔會好油膩。

位於尖沙咀The One 17樓的利寶閣，係一間中菜粵菜館，午市設有點心放題，每位低至$148起，就可享用50多款南北小菜、廚房小食、燒味涼菜、粉麵點心及甜點等等，即叫即做，任點任食，選擇好多元化呢餐廳裝修瑰麗堂皇，更可飽覽尖沙咀景色～每位成人都可獲贈花膠灌湯餃及原隻鮑魚酥各一份，好闊綽～灌湯餃大大隻，內餡有鮮什菌及海鮮，加埋滋補養顏花膠，用料毫不馬虎。原隻鮑魚爽口彈牙，配上超鬆脆撻底，味道都幾夾晶瑩鮮蝦餃，百花燒賣皇食點心又點少得蝦餃同燒賣，兩款都大大粒！蝦餃晶螢通透，外皮都幾有嚼口，內裡有不少爽口彈牙嘅鮮蝦肉。燒賣嘅豬肉同蝦肉比例均勻，充滿肉香上湯鮮竹卷鮮竹卷被清甜湯底浸著，腐竹外皮頗滑溜，裡面係滿滿的雜菜同豬肉餡，好好食呢流心榴槤炸彈，荔蓉蜂巢帶子，香煎韭菜魚餅韭菜魚餅入口好彈牙，滿有韭菜香！荔蓉蜂巢帶子裡面係鹹香芋頭蓉，好香口呢！流心榴槤炸彈口感QQ的好煙韌，仲有唔少榴槤蓉醬添叉燒、鮮蝦、香茜牛肉腸粉腸粉一口一件，小巧迷你，唔會塞飽肚浪費左quota～叉燒鹹香美味，鮮蝦則係原隻爽口彈牙嘅鮮蝦，牛肉就有陣陣芫荽香，各有特色楊州炒飯金黃色的楊州炒飯外表好吸引，米飯粒粒分明，好夠鑊氣

中式點心由細到大都十分喜歡，但真係去飲茶時，想樣都叫就真係好少，一來想吃嘅點心都係頂點類型多，就算可以食到嘅分量選擇都唔多，但今次同朋友去這裡，居然有呢個點心放題，一個價錢可以享受這裡五十多款南北小菜、燒味涼菜、廚房小食、粉麵點心及甜點，咁計同平時飲茶嘅價錢享受點心放題！當然二話不說即時選了這個點心放題，店員就給了一疊放題點心紙，有六大類別，真係樣樣都非常吸引，當然頂點選項就係必然選擇嘅鮮蝦餃，燒賣皇，出來大大隻絕對唔會因為是任點而有改變，除此之外點呢個餐時，每人還有一份十分有口感嘅原隻鮑魚酥同有花膠嘅灌湯餃，夠晒真材實料！而腸份嘅原隻鮮蝦腸份，同珍珠帶子腸份，都十分軟滑好味！大排檔小食亦有超軟熟嘅豬腳薑！沙田雞粥配豉油王炒麵，就係一個絕配，軟綿綿嘅粥底加嫩滑嘅雞肉，加埋超級煙韌彈牙嘅炒麵，正！而份量係按人作為標準，所以可按喜好落單！喜歡吃榴槤就必推炸榴酥，外面香脆，入口榴槤肉超香濃！還有榴槤布甸，入口榴槤味道濃郁香滑，必食！而黑金咸蛋皇流沙包，外面軟熟內裡充滿了咸蛋黃嘅流沙，十分好味！就算豉汁蒸排骨，都係一樣咁好味！好味嘅點心又可以再點，最緊要食得到，同唔好浪費！最後就係主攻甜品，入

媽咪回鄉渡假兩星期，返到香港就話好掛住尖沙咀飲茶，講起去飲茶必定會食到各式各樣嘅精美點心，不過想要食晒所有點心都會幾貴，好彩家陣有D洒家都有推出點心任食放題，都係俾一個價錢就可以任食簡值超值，是日同媽咪、朋友去咗尖沙咀The one利寶閣。呢度午市點心放題，而且惠顧點心放題每位客人都會贈送原隻鮑魚酥同花膠灌湯餃各一份，真係相當有驚喜！點心放題紙上已有多款粉麵點心、燒味、涼菜、廚房小食同甜品提供，夠晒豐富。先點左多款點心一同品嚐，唔少得有晶瑩鮮蝦餃、百花燒賣皇、時菜牛肉球同醬皇蒸鳳爪呢D必吃點心用料十足，全部即叫即做保証食到熱辣辣嘅精美點心。接住有不同口味的腸粉，點了原隻鮮蝦腸、叉燒腸同香茜牛肉腸粉三款口味，又食到啖啖香滑腸粉。輪到有每人限定原隻鮑魚酥同花膠灌湯餃賣相十足，鮑魚肉質鮮嫩爽彈配上香脆酥皮撻口感十足，灌湯餃夠晒足料滿口鮮甜湯汁又食到花膠香滑。又繼續食下其他不同點心，我就點左暗然銷魂飯，同時食到佢招牌叉燒，燒得香脆肉嫩啖啖肉汁配埋飯一齊食最正。估唔到小食有蒜香雞中翼食夠晒惹味，不知不覺已食咗多款美味點心。終於第二個胃出動了，食埋最後招牌甜品，十勝紅豆雪糕脆麻花，淨係睇賣相已經賞

源源不絕的北京片皮鴨、主角係每位都有一盅極上佛跳牆和上湯焗大虎蝦天使麵還有即叫即製的燒乳鴿、安格斯牛河、芝士白花球宮保蝦仁、水煮牛肉、黃金蝦、椒鹽蝦、薑蔥炒蟹、避風塘炒蟹、蛋白杏仁茶、楊枝甘露等等.這個兩小時高級粵菜放題 依家做緊優惠逢星期一至四 $238/位逢星期五、六、日及假期 $258/位星期三更優惠價後再有八折

尖沙咀海景任食高級粵菜放題（‼️價錢同餐牌可以睇睇圖先）（‼️餐牌ig唔夠位放)(‼️網上有團購會平d）.是日呢間係尖沙咀theone17樓一出電梯 😎個海景其實幾鬼靚既（可睇圖）👍🏻呢間出品全部 細細份 可以凶狠狂點1-2舊真係可以試哂咁多野食 唔會食唔哂🤔呢間出品算慢 所有野即整有d寫明要20-30分鐘.野食太多簡單講講 就算一入座 先上 每人一份 迷你佛跳牆 同 大虎蝦天使麵⭐️迷你佛跳牆 👍🏻鮑魚瑤柱海參咩都有 個湯夠甜⭐️大虎蝦天使麵 👍🏻蝦夠大 彈牙👎🏻下面 麵軟 唔好食哂 會好飽.👍🏻北京片皮鴨 皮脆 厚身👍🏻鐵板谷飼牛柳 冇咩調味 純煎香 肉軟👍🏻蜜汁䐁肉叉燒 有酒香 半肥 香甜👍🏻石燒乳鴿 任食呢個貴 回本野👍🏻鮑汁鳳爪 夠入味 冇牙婆都食到👍🏻金錢肚👍🏻胡椒豬肚👍🏻迷你炒麵 脆身 細細份.👌🏻避風塘炒蟹 炒得好香 勁多蟹膏 但肉唔多👌🏻迷你軟殼蟹蓋 個蓋唔係軟既 但味道ok👌🏻咕嚕肉👌🏻干炒安格斯牛河.甜品呢間都唔錯👍🏻蛋白杏仁茶 係你面前即煮 有蛋白絲 滑 下面小粉👍🏻芒果布甸 入面多果肉 大舊芒果 甜👌🏻紅豆冰 原粒 起沙紅豆冰 細飲管飲唔到🤦🏻‍♀️榴槤布甸 冇晒.🤣白灼

點心午市放題All-You-Can-Eat Dim Sum Lunch (HK$168 during weekends) Rating: 3/5 ⭐點心粉絲就可以去試下啦，居高臨下，坐窗邊位仲有無敵大海景。星期六﹑日及假日午市上午11時至下午4時，利寶閣推出2小時任食中菜，超過五十幾款即叫即做﹐每位額外送原隻鮑魚酥及花膠灌湯餃，整體食物質素合理。Dim Sum fans can go to try it out, if you sit by the window and you will have an incredible sea view. On Saturdays, Sundays and holidays, from 11 am to 4 pm, Star of Canton Restaurant launches 2 hours of all you can eaf dim sum lunch. More than 50 items are available for you to choose from. You will also be abke to enjoy an

踏入食大閘蟹嘅季節到大閘蟹專門店買完返屋企又要蒸又要洗無意間發現到呢間中式放題大閘蟹任食片皮鴨飲食好吸引兩樣我都好中意食一個收費每人包左一隻蠔皇7頭鮑魚一盅螺頭燉湯大閘蟹片皮鴨甜品任食當中甜品菜單好多選擇抵當晚都有8成滿差唔多個個都係放題.張張枱都見到大閘蟹首先開頭梗係狂擦蟹...隻隻都爆膏..勁香好好味..鍾意大閘蟹高嘅不能錯過片皮鴨熱辣辣..有皮又有肉好平均鮑魚好淋好入味..比教細隻燉湯就鮮甜..甜品就普普通通當晚戰績係個人食左12隻蟹其他數唔到好滿足

愛玩小生在 iPlayHK 網站介紹香港飲茶之選，通常都是大路什麼蓮香樓之類，但今次就唔同，比媽咪發現原來飲茶都有Buffet！呢個新體驗，真係要寫下食評分享一下！酒樓坐位不算太多，周末中午Buffet 要等位等半個鐘，算可接受呀！點心Buffet 包括有蒸點、包點、甜點等等！ 酒樓的龍井夠鮮爽滑口，不會像其他綠茶般傷胃，值得一飲！酒樓為每位食客送上原仔鮑魚仔蛋撻，鮑魚汁豐富，好有咬口，唔錯呀！精選推薦有芝麻流心奶皇包、榴槤炸物、香脆雞翼！芝麻流心奶皇包墨黑的外皮，入口有淡淡的芝麻香味，咬落有爆醬的流心奶皇，奶味夠香，蛋皇粒又多，愈食愈上癮！榴槤炸物愛玩小生最喜歡就吃榴槤，酒樓的榴槤炸物相當有驚喜！兩款炸物都是有流心榴槤醬，而且味道不會太濃，不會食完口臭呀！最緊要是不會太膩，食完再食!香脆雞翼點心跟其他酒樓味道差不多，反而小菜香脆雞翼就好值得一提啦！即叫即炸，雞翼外脆內滑，炸得剛剛好，不會太乾和油膩！另外，酒樓可以一邊飲茶，一邊歡賞尖沙咀和維港全景，周末飲茶好去處之選！

屋企人食飯圍埋一齊，多數揀中菜。家陣係食蟹嘅好時候，就試下呢一間。先嚟少少嘅‘小食’先。片皮鴨呢個要出去排隊攞嘅，由於唔係重點，食一小碟先。椒鹽蝦、黃金蝦、燒味、芝士百花球、迷你軟殼蟹蓋樣樣都試下，但又提下自己，留肚呀！花膠響螺雞湯每一碗都足料就知個湯好入味。蟹、蟹同埋都係蟹全晚最興奮嘅時刻。分別有三種煮法：清蒸、雞油花雕蒸、油鹽焗。有幾隻係勁多膏呀！鍾意食蟹嘅，嚟呢度一定滿載而歸。飽飽之後，仲有熱熱薑茶，正呀！

朋友話想食下點心放題，咁就搵左呢間黎試下，坐享維港景色，環境亦非常亮麗優雅，感覺舒適。午市放題先送原隻鮑魚酥，鮑魚都幾大隻，都算彈牙入味，偏凍既，個酥就暖既幾酥脆。再送花膠灌湯餃，花膠無腥味有口感，個灌湯餃都幾大舊，入面充滿湯汁，鮮蝦爽口。晶瑩鮮蝦餃同鮮蝦水晶餃都係必嗌既，晶瑩剔透，皮薄涵靚，新鮮爽口，好食到都唔記得相機食先。百花燒賣皇都係值得嗌，新鮮熱辣辣，幾有咬口，如果鐘意食鵪鶉蛋都可以試下鵪鶉蛋燒賣。腸粉既皮還可以，偏薄，最好食係原隻鮮蝦腸，啲蝦好爽口。仲有唔少得既係炸點，燒汁木魚釀茄子、香煎韮菜魚餅同春卷都好值得推介，新鮮熱辣辣，茄子整得好入味，魚餅同韮菜都幾夾，比預期好食，春卷皮薄又脆，值得一試。仲有醬皇蒸鳳爪，個醬汁都幾濃郁，如果鳳爪可以整淋啲就更好。

今次晚飯放題，最吸引我既當然係奄仔蟹，片皮鴨同花膠湯😍中式放題，最好就係以點心紙形式落單，兩小時任點任食，可以按照自己喜愛既份量填(位)數，服務生會安排送上。片皮鴨就以自助方式排隊攞，出鴨既時間都算頻密，唯每人拿取既份量沒有特別安排，若果遇上前面食客拿取半隻鴨，後面排隊的又要等下隻鴨出爐了，這方面有待改善。花膠響螺湯每人一盎，熱辣辣，好足料，好好味，飲完都feel到個口有少少膠住左😋🤩重頭戲奄仔蟹🦀，可以試齊3種煮法：清蒸/雞油花雕蒸/油鹽焗。依家真係時令季節，d蟹真係爆晒膏，食到對手套都變左黃黃橙橙色。d膏好甘香，蟹肉又滿滿的，配埋陳醋食一流👍小妹最愛油鹽焗，咸咸地，味道更香🤤服務生仲會準備薑茶，飲完可以refill，好暖胃哦！鍾意食蟹同中菜既朋友仔，可以一試

係yahoo買左團購，任食大閘蟹，片皮鴨，甜品。鮑魚同燉湯係每人一客。片皮鴨唔錯，幾好味，好多時都有鴨脾食，大閘蟹味道亦都唔錯，但個籠係有蟑螂，蟑螂，蟑螂，因為好重要，所以要講3次，仲要係個籠到行黎行黎，同職員講冇反應lol，仲收走個籠，我以為剩係得我地係咁，點知隔離枱都咁lol。隔離個枱仲要係2隻，不過經理會同人say sorry,呢d不良恐怖的經歷，以後都唔會再食呢間野仲有呢到雖然話任食，但食得兩個鐘，員工人數又唔多，叫野永遠要等好耐先有人應機。所以唔抵食。