力寶軒

營業中

休息中

力寶軒相約朋友去金鍾飲個靚茶,餐廳位於港島金鐘金鐘道89號力寶中心地下,餐廳裝修簡約,有綠色元素擺設,落地大玻璃設計,環境光猛,餐廳主打廣東潮州菜,午市有點心供應,服務員招呼到位。煎蘿蔔糕煎蘿蔔糕有四件,厚身,微鹹,蘿蔔糕面鋪有櫻花蝦,蘿蔔糕煎得夠燶脆,口感有很多蘿蔔絲,食落好香口。叉燒包叉燒包一共有三個,叉燒汁夠香濃,叉燒肥瘦比例均勻,微鹹,微甜,雪白的包身食落口感軟綿,一個好高質的叉燒包。炸芋絲春卷芋絲春卷炸到金黃色,外皮脆卜卜,餡內芋絲香噴噴,再點埋喼汁更好味。羅漢齋粉果瞓到眼內有芹菜,紅蘿蔔,木耳和菇菌,材料豐富,有多種口味和口感,點小小辣椒醬好惹味。

好耐都無出去金鐘飲茶，可能以前喺金鐘做時成日都會去力寶軒飲茶。呢日仍然在職嘅舊同事約我食晏，都係約返去力寶軒，令我感覺即刻好似要一陣同佢趕返公司咁😆 《滷蛋滑豆腐 $78》滷汁入味，份量亦多，豆腐滑溜吸汁，蛋皮帶點煙韌，兩樣都好入味。《水晶包4件 💲48》 呢款甜品好少可以喺出面食到了，而我又好中意食，所以必點。有年蓉同豆沙餡，唔會好甜，煙韌易入口。《馬蹄片豆爽 💲35》潮州糖水嚟講必食呢個。微甜香滑，有開邊綠豆同埋馬蹄粒。《潮洲魚蛋粉 💲68》看似普通，但同一般嘅麵檔味道同口感又唔同。魚蛋好爽彈，河粉麵條晶瑩，滑溜唔易散斷，湯底亦唔會死鹹，幾大碗一碗夠兩人share。飲茶嚟講，兩個人呢個份量係十分之飽。有茶芥$26/位；餐前小食有話梅潮州花生$28。

呢日陪老豆去金鐘睇展覽☕️佢話想飲茶，近近哋去力寶中心間#力寶軒襯lunch time peaked hour前就嚟唔使等位同人迫～ 🥜$28/前菜 🫖$24/菜位 🥟《 灌湯小籠包 💲48 》 皮唔厚肉香甜，湯汁籽香濃，我prefer唔加醋，原汁原味～ 🥕《 煎蘿蔔糕 💲48 》 好足蘿蔔肉，加咗啲櫻花蝦幾香～ 🐟《 倉魚片粥 $68 》第一次食倉魚片粥，倉魚肉好滑，份量都幾多，而且粥嘅湯底好鮮甜～🍡《 水晶包4件 💲48 》兩件蓮蓉，兩件豆沙，水晶皮煙煙韌韌，呢個一定要趁熱食，更加香軟甜糯～

今日和同事在金鐘工作完畢去飲茶，初次來到這家力寶軒，裝修大氣。店員安排給我們的座位位於落地窗前，自然光線加上望出去有些綠色植物，頗舒服。這家酒家保留不少潮州特色，前菜也充滿潮式風味，有鹹酸菜或者梅子烚花生。潮州粉果$48潮州粉果，餡料豐富，大量的沙葛好爽口，加上唐芹，好香。叉燒包$48叉燒包做得不錯，叉燒充滿洋蔥香氣，肥瘦適中，叉燒份量亦多，不會只有醬汁。煎蘿蔔糕$48蘿蔔糕做得很精緻，蘿蔔糕煎得金黃香脆，上面還灑上了櫻花蝦，香氣撲鼻，配上特製的辣醬，零舍惹味。潮州魚蛋粉$68這碗看上去平凡的魚蛋粉，食落非常好吃。很多的方魚片令湯底好香及清甜，不會死鹹。河粉夠薄夠滑。魚蛋係正宗潮州魚蛋，好爽滑，還有帶麻油香氣。炸魚片亦爽口，魚味濃。

力寶軒都開左好多年喇, 話哂係金鐘商業區內既grade A寫字樓, 所以價錢都唔平。仲有難得有大檯坐到咁多人, 唔少office 要大圍檯食飯/ business lunch 都會去果道食.有晚食食下飯, 突然發現有隻好細既曱由仔係檯面。即刻同waiter講, 個waiter 只係掃走左隻曱由仔, 就無再有任何表示…. ……厲害!!!!!!!!!!!!!!佩服!!!!!!!!!!!正所謂有圖有真相! 請大家觀看下圖為證….!

提早幫朋友慶祝生日 揀咗嚟力寶軒飲茶我哋喺附近番工咁耐都係第1次嚟食店員服務態度好 特別係上菜嘅戴眼鏡姨姨每次上菜都好好笑容 🤗2個人唔知點解叫咗咁多嘢食🦑沙嗲蒸土魷好爽 唔會煮得好老唔使怕韌用薯仔粒墊底 唔同平時用蘿蔔口感幾得意🐷香芋豉味蒸排骨份量唔細 有埋陳村粉 夠晒飽肚肉嫩幾嫩滑🐤豉汁蒸鳳爪微辣 我哋2個至愛最鍾意啜腳趾🤣🐖叉燒包新鮮熱辣 包夠晒鬆軟 唔會癡住個咀啖啖都食到叉燒 蘿蔔絲酥餅炸得夠脆口 食到佢一層層酥皮入面再有一絲絲蘿蔔酥皮底仲有好多芝麻好有咬感 唔覺油膩蘿蔔糕面頭有好多蝦米配咗辣椒醬 食蘿蔔糕嘅精髓食落咬到粒粒蘿蔔 幾爽甜🍜魚蛋日本手打稻庭麵有魚蛋魚片 麵質彈牙湯底幾濃

中午時間在金鐘想食點心，同朋友傾吓偈，可以嚟力寶軒，呢度比較闊落，環境不算嘈吵。翡翠帶子餃（三件） $78 帶子好大隻，上面有香脆蟹籽，好清甜，下面隻餃都好好味煙鴨胸鹹水角（三件） $68鹹水角食得多，煙鴨胸餡第一次試，味道出奇地，而且鹹水角外脆內軟，炸得剛剛好，非常推介灌湯小籠包（三件）$48小籠包充滿湯汁，皮薄餡靚，值得一試炸奶皇包（三件） $48感覺似有流沙餡嘅炸饅頭，香脆海蜇手撕雞 $108海蜇份量多，脆卜卜好好食香煎蠔烙 $168跟大排檔食嘅蠔餅不一樣，呢款係蠔烙，唔係行脆卜卜路線，粉漿底比較多，軟腍腍的另加茶芥$26一位，小食$28一碟

♨️呢間餐廳定位正宗廣東菜 環境好靚 裝修有氣氛 好適合同朋友或者家人一齊聚餐🏡==============================𝐅𝐨𝐨𝐝 𝐋𝐢𝐬𝐭📌晚市鮮魚孖寶 🔹金山檸檬蒸馬友魚 魚肉鮮嫩 配上少少蒸魚豉油 味道簡直一流💯🔹翡翠百合明蝦球 唔知擺盤精美🦋蝦仁鮮嫩 百合清香而且口感清爽👏🏻一口咬落去滿足感爆棚🫡🔹潮州蠔餅 去中菜館點少得食炸蠔餅🫡呢個蠔餅口感似台式蚵仔煎🦪蛋皮嘅酥脆感 配上微微煎香嘅蠔仔 咬落去嗰種淡淡嘅鹹香 根本停唔到落嚟🤣==============================服務方面 侍應有禮貌反應快👍🏻叫餐都唔需要等太耐 整體嚟講 力寶軒真係一個唔錯嘅選擇💯無論係食點心定係主菜 都值得一試💁🏻‍♀️

中午去到金鐘，諗住試一試力寶軒飲茶食飯，聽人講得多，今次都係第一次，入到去服務員態度很好，很快要找到一個舒適的位置坐低，諗住簡單嗌幾個點心，點知點心好有特色，例如帶子海皇餃，面頭有帶子，入面有鮮蝦，外皮綠色，感覺已經很清新，食落很鮮味。上海小籠包也是滿滿的湯汁，鮮嫩的豬肉，極鮮甜。我鍾意食炸嘢，就買咗炸奶皇包和煙鴨胸鹹水角，果然冇失望，奶皇包外脆內軟，仲要流心，不過記得攤凍少少先食，一啖咬落去其味冇比。另外鹹水角也很驚喜，外皮唔會好厚，非常多餡料，滿滿的一口就是滿足。另外點了一個小食手撕雞配海蜇，又好香嘅麻油味，海蜇爽脆而且細長，唔會碎碎的。好似食冷麵一樣的感覺。再加咗一個煎蠔餅，超多蠔仔🦪，有蛋的脆邊也有蠔仔的軟心。非常配合，一啖一口，非常可口。以為簡單的一個午餐，原來都可以有意外的驚喜，下次真係想再試吓其他點心。

🕰️Dining Time: 8:15-9:15pmGrand spacious restaurant with good services, quite suitable for big families gatherings.🐟 Congee with Sliced Pomfret（倉魚片粥）$68Cute to have pomfret as ingredient in congee; surprisingly meat was firm but smooth, even soaked in soup.🥬 Sauteed Green Kale with Dried Fish（方魚炒芥蘭）$168Green kales were thin for easy chewing; love the ginger sauce on them too.*10% service charge applies.

店名: 力寶軒地址: 金鐘金鐘道89號力寶中心地舖金鐘站B出口，行1分鐘環境: 4/5價錢: 4/5味道: 4/5今次同朋友嚟到金鐘呢間老牌酒樓飲茶，嘆番一盅兩件😚陳皮蒸牛肉球❤️❤️❤️❤️$48牛肉球熱辣辣，咬落口感同味道啱啱好，帶有微微陳皮香😆叉燒包❤️❤️❤️❤️$48食點心點少得叉燒包‼️新鮮出爐熱辣辣蒸好，包身咬落十分鬆軟，入邊叉燒嘅份量好足，醬料甜甜地，整體好好食😋煎蘿蔔糕❤️❤️❤️❤️$48蘿蔔糕用料十足，面頭佈滿蝦皮，入口有陣陣蘿蔔香，煎至外脆內軟😗蒸粉果❤️❤️❤️❤️$48粉果皮軟腍又煙靭，唔似出邊嘅會太硬，入面有咬口，仲有粒粒蝦米🦐餐前小食❤️❤️❤️❤️$28茶位❤️❤️❤️❤️$26/位

星期五晚想食啲潮州嘢，諗起上次同屋企人嚟過呢度幾好食，所以就兩個人都嚟食。坐低先送上4杯功夫茶，別具心思。前菜嘅花生好好食，仲配咗話梅，好香口。兩個人簡單點，叫咗一個菜，一個餸同兩碗粥。個菜係沙爹炒玉蘭。玉蘭即係芥蘭，煮得都幾軟硬適中。配上濃味嘅沙爹牛肉，配飯會啱啲。不過我哋叫咗粥。我哋一人叫一碗，一個係蠔仔肉碎粥，一個係瑤柱肉碎粥。$68 一碗都幾抵食。另外一碟係黃色花支片，簡簡單單好香口。餐牌仲有好多唔同嘢食，同場有好多一家大細。

Lunch 落公司食團餐價錢應該唔平不過唔洗我比錢滷水拼盤做得唔錯滷水味香但又唔會過咸鵝片嫩滑唔靭但唔肥鵝掌唔算難拆肉豬頭肉唔柴爽口炸蘿蔔絲外脆內嫩而且外乾內潤口感層次豐富個皮既酥脆又有芝麻香個餡夠入味又冇苦味黑蒜時蔬不過不失都爽口冇煮到老左個黑蒜就係黑蒜咁 冇乜特別蒸沙巴斑肉質實淨 魚味足熟鼓油冇過咸整體整得唔錯川椒雞都唔錯但啲炸珍珠葉就好食過啲雞啲葉又脆又香但啲雞碎濕濕咁話柴唔柴 話嫩唔嫩咁味道重重地餸飯食都ok既但又唔算好特別咁

平時飲茶都係普通茶樓較少去潮州茶樓飲茶酒樓位置喺地鐵站一出隔離好方便門面亦都非常之有格調高級一開咗枱之後侍應就會上啲功夫茶同行朋友好鍾意飲茶嘅一飲就話係好飲飲茶當然要叫返啲香港人飲茶一定要叫嘅點心碟碟上台都係新鮮整起特別係燒賣一擺上枱啲煙仲好明顯春卷亦都好脆口叉燒包熱得來，入邊啲叉燒都係軟腍腍特別一提粒燒賣價錢係比其他茶樓嘅燒賣貴不過我覺得係抵嘅因為一咬入邊呢已經有兩隻蝦而且蝦咬落去係爽口所以大家都可以試一試另外特別叫咗個潮州炒麵其實我未食過睇落去都好似普通不過又覺得幾鮮味

喺金鐘想食抵食又好味既潮州中菜館，一定係力寶軒👍🏻平時多數嚟飲茶，今次有機會試到佢哋既晚餐🥰☑️潮式煎蠔烙 $168Pan-fried Scrambled Egg with Baby Oyster in Chiuchow Style✴️食潮州菜一定要食蠔烙，用料丁足，雞蛋同薯粉比例係8:2，比例好好，蠔仔又好新鮮鮮甜又多😋鮮魚孖寶 優惠價 Special Price $3881️⃣金山檸檬蒸馬友魚Steamed Threadlin Fish with Lemon✴️馬友精道剛剛好，魚肉非常滑溜，配埋切到好幼嘅檸檬絲一齊食就更正😋2️⃣翡翠百合明蝦球Sautéed Prawn with Lily Bulb✴️每件蝦球都好大隻，亦都非常爽口彈牙，配埋爽甜嘅荷蘭豆，非常好食👍🏻