加東 (已結業)

之前食過old town...睇雜誌至知原來係姊妹店....是日請左半日下午假，辦點事，剛在銅鑼灣，就上去睇下有無下午茶~都係四十幾蚊，好抵啊~話說唔係好肚餓，叫個喇沙，睇下水準如何!泥到份量同預期差不多，好香噴噴，未食都覺好味!配料好足夠，米線唔係好淋...簡直就是好!~辣度係椰味較重，好適合香港人口味!覺得食完係滿足既，可能大家覺得四十幾蚊食個喇沙貴，但勝在環境清靜，唔催人走!覺得服務亦不錯，值得推介一下!

Top 3 Singapore-styled Hainan Chicken Rice in Hong Kong.  Katong is part of the Old Town (Central, The Loop, 11/F) restaurant family.  No fuss service.  Well known also got its Laksa (with cockles).  The satay here is also legit but could always do with more gravy.  Singaporeans dining here should not expect comparable similarities i(subjective) n tastes to the top choices back home.  This will do and is, in my books, satisfying.

已計劃嚟緊聖誕節與同事去新加坡玩返幾天, 未出發先興奮, 皆因成日諗住食乜好嘢, 首選當然是我最愛的喇沙。還要等多兩個多月, 先在港進行一場預賽, 四處尋找喇沙的風味, 第一站就約埋陪我旅行的同事來到加東。餐店是樓上舖, 走進中心升降機門前, 已見貼了一大張廣告, 的確這裏食肆雲集, 落力宣傳一下是必要的。一出升降機門便看到紅泥磚的牆身掛了多幅油畫及介紹餐店的報導, 還有黑色的木板招牌刻上紅色的店名, 高高掛上門口正中央。甫進內裏, 環境光猛, 牆身鑲了多塊色彩繽紛的假百葉窗, 亦掛了數幅新加坡風景和美食的手繪畫, 還配上古式的油燈盞、古銅色花形吊扇和鮮黃色的椅子, 裝潢很有特色, 色彩豐富, 滿有朝氣。餐店主要分兩邊, 一邊設有七至八張四人枱, 配上膠椅座和一排梳化座; 另一邊設有一張四人圓枱, 還有數張二至四人枱, 地方不算大, 但骨子企理。一坐下, 店員便隨即送上清水和餐具, 杯子和碗子都印上紅公雞圖案, 懷舊亦有特色。馬上細閱印了菜式相片的大餐牌, 主要分為前菜、海鮮類、飯麵、蔬菜、廚師推介, 當然不少得喇沙和海南雞。還有兩張套餐的小餐牌, 商討一輪後, 大家都決意點3-4人的

早前朋友去新加坡旅行, 回來之後不停跟我分享新加坡美食, 搞到我都想試下新加坡菜, 於是就去咗銅鑼灣新的一家專門食新加坡菜的餐廳坐低後就見到有個promo, like katong fb page就可以得到一份蝦片, 當然也要來一客啦蝦片很夠味, 而且好脆好好味, 大家記得一定要like呀~新加坡少不了就是肉骨茶, 其實我從未食過肉骨茶, 今次是第一次食肉骨茶配料原來有豆卜, 油炸鬼....湯有濃郁的藥料味, 味濃但湯清, 不會覺得很膩, 肉質很嫩, 不會像煲湯肉海南雞同樣是新加坡必食之選, 肉質嫩滑, 而且全部無骨, 每口啖啖肉, 醬汁也非常惹味馬拉盞通菜非常夠味, 有d偏鹹串燒有雞,牛,豬選擇, 可以選擇自己喜歡的肉類, 沙嗲味不夠, 肉質還ok喇沙海鮮炒麵比較少見, 喇沙汁非常濃郁, 帶有椰奶香味, 但麵不夠脆, 好硬><兩個人圍返每人$250左右, 都唔算貴

今次首次跟她食晚飯，大家也很健談，有無窮無盡的話題！  所以，我們由入座到離開都花上兩小時！大家也很盡興！ 我們走到位於祟光隔離的商業大廈一間樓上星馬菜餐廳 <加東> 食晚飯！原來這間餐廳由圓方搬往銅鑼灣， 地點很方便！這裡原用其裝潢！富有色彩及特色！ 我們入座後，靚女店員隨即給我們兩杯水先解渴！ 餐牌上圖文並茂，供應星馬菜為主，價錢合理！ 我建議先點飲品，見到飲品餐牌竟然有椰青，便嚷著要椰青！  大大個椰青，一於兩人 share 吧！ 椰青 $38入口涼浸浸又清甜，  發覺食完辣食物，可把辣味全沖進喉嚨似的，  辣的感覺全消！ 蝦片只要 Like 餐廳 Facebook，便可獲贈一客蝦片！實在驚喜！ 蝦片香脆可口，滋味得令人食完一塊又一塊！ 招牌海南雞 (例牌) $98例牌的份量恰好兩位女生的食量！ 雞肉嫩滑可口，醬汁提味不少！另配有辣醬及薑蓉，更添風味！   如此有水準，  果然是招牌菜色，不消兩小時便清碟！ 配油飯 +$18以雞油煮製，飯粒油潤有光澤，亦富有薑的辛香！ 令人很開胃！飯粒軟熟帶飯香！ 沙嗲串燒 $68 (豬雞各三串

香港人向來識飲識食，所以不論甚麼地方、甚麼國家的菜式，都有捧場客。早前從網上發現，銅鑼灣開咗間以星馬菜作主打的餐廳，名字叫《加東》，據說店子前身位於圓方，一直是間人氣食店，深受食客歡迎，尤其是店裡幾款招牌菜式，如海南雞飯、參峇醬燒魔鬼魚、黑胡椒炒蟹、新加坡喇沙等，就更加是食客的心水之選。講真，地道星馬菜在香港並不易吃到，見這間《加東》風評不俗，反正已很久沒吃肉骨茶，就一於來這裡嘗新。餐廳位於銅鑼灣澳門逸園中心 15 樓，原來有不少日式料理同酒吧亦進駐了這幢食廈，由串燒、居酒屋、壽司以至懷石料理等一應俱全。或許是時間尚早，所以來到時見店裡食客不多，趁人潮未至，入座後決定先在餐廳裡行一 round，四周八八。店子裝潢雖然比想像中簡約，但看起來不失美感，尤其是牆身上的百頁窗裝飾和玻璃窗子，色彩繽紛艷麗，為餐廳添上朝氣和活力。由於知道只要讚好餐廳網頁，就可以免費獲贈蝦片一客，所以當然沒有錯過這優惠。原來這客獲送贈的炸蝦片，分量也不少，而且食落既香脆又不油膩，用來作為餐前小吃或零食止口痕，一流。食物方面，如果大家唔想動腦筋的話，其實餐廳有個三至四人的 Special Dinner Set 供應，

秋高氣爽真係特別岩食星馬菜，所以又去左食————————————————————#肉骨茶（$88/細）留意返新加坡同馬來西亞既肉骨茶☕️係唔一樣，馬來西亞既藥材味係會重好多，新加坡既就重胡椒味。加東其實係食新加坡菜，而呢個88蚊既細肉骨茶其實都唔細架☝🏻️，可以飲到4碗，每碗都有肉骨食，足料而且有heat住🔥，口味適中冇過濃過淡，用左原粒蒜頭連皮去煲，唔會過辛。配料油炸鬼份量都少，吸哂湯底精華好味。好味指數：7/10#參峇醬燒魔鬼魚（$118）唔係原條上，參峇醬有d似沙嗲，但再重味d。食第1啖時覺得有少少乾👅，但食多2啖反而覺得越食越香口，係唔錯既零食，不過食魔鬼魚🐟做零食好似有d奢侈好味指數：7/10#新加坡喇沙（$88）好特別有出面好少食到既獅奄！仲有蝦🍤、蛋、豆卜、魚片、芽菜🌾大路野，湯底重椰味但冇蓋過蝦味，拎到平衡。麵係米線，好吸湯所以最好快d食好味指數：8/10#新加坡炒貴刁（$88）好大隻蝦😂而且仲有好多隻，88蚊咁大碟貴刁黎講都算抵食。最特別係入面竟然有臘腸！呢個貴刁係「參參」，兩種麵Mix埋一齊炒，d料同喇沙差唔多，整體色香味俱全，安全過關好味指數：7.5/10另外仲飲左椰

主打馬來西亞菜, 店內裝修就如新淨版大排檔一樣。五顏六色地磚、掛畫、油燈等，均模坊著馬來西亞的排檔格局。此店地方雖不大，但是感覺令人舒服。先點了朋友最喜歡串燒（鷄、牛、豬）$78雖然未能燒出炭火的火喉，但內裡的肉質保持柔軟。以豬肉燒得最好吃，滿載肉香。而伴碟的沙爹醬亦應記一功，香而不辣有助將肉類提味。小食併盤 $88魚餅bite size 小小辣帶有香茅味。蝦球內藏原隻蝦，爽口非常、素春卷則最一般。招牌炒蘿蔔糕 $78最主要以星加波出名的黑甜豉油作調味，再加入蛋花和蔥花。蘿蔔糕口感較粉，沒有炒得太過油膩。味道甜中帶咸，又香又惹味。澱粉控小妹真是可以一個人KO 它。參峇炒通菜 $68通菜是十分百搭的蔬菜，無論以蝦醬、蒜蓉、腐乳等來炒也無失手。而以參峇醬入饌反而未吃過。它的味道非常咸香有如蝦醬一樣濃味。而且加入辣椒令它更加香口。海南鷄 $98黃油嫩肉，無渣但香味較弱。甜豉油味道略苦，反而點小小蒜蓉提味已經足夠。蘋果雪梨水 $28杯內有1/4個煲到散開雪梨肉，而且有些果肉巳經煲到熔曬。果然真材實料。非常解喝、清潤也不太甜。椰青 $38

兩個辣妹又出動了。今次我到過新加坡後，有點懷念新加坡的美食，例如魔鬼魚呀、咖哩、炒貴刁、椰青等。看到銅鑼灣有此家餐便提議朋友到這。我倆都是眼闊肚窄的女孩，很多食物都想試所以便叫滿了一枱食物。叫了炒貴刁、魔鬼魚、參峇炒通菜、黑胡椒檸檬雞煲、牛油酥餅配咖哩汁。看到在Facebook讚好便有免費蝦餅送，我倆便二話不說讚好。味道就像平時的蝦片零食。作飯前小吃不錯喔！炒貴刁有鑊氣，味道夠。特別之處是它由兩種麵條炒成，分別是油麵和河粉炒成，裏面還加了些洋蔥，使整個麵的口感更豐富。材料有蛋、蝦、蠔仔、魚片和甜甜的臘腸，味道多層次。魔鬼魚小小的，兩個人來吃份量便剛好。上面的醬是不錯的，但如果要與新加坡地道的相比，會略嫌沒有烤得夠焦的燒烤風味。 但醬汁味道是不錯的，好像有花生醬的味道。參峇炒通菜是配上辣椒來炒，味道夠，最重要是通菜夠新鮮。不錯！黑胡椒檸檬雞煲味道我廷喜歡的，紅椒青椒再配上酸酸的檸檬，黑椒配上檸檬想不到會可以相配！雞肉真的很嫩，伴些花生碎，東南亞風味十足。牛油酥餅配咖哩汁也是我喜愛的其中一道菜之一。牛油酥餅必須趁熱吃，否則會偏硬。配上咖哩汁十分惹味，咖哩汁味香濃，裏面有椰汁香。飲品方面朋友

去到銅鑼灣，見到有位阿姐係Sogo附近舉起牌子，牌上貼滿餐廳的報導，更標明了味道正宗既喇沙，所以與他就上去食個晚飯嚕。.約七時去到人流不多，座位間頗寬闊的，寧捨舒適。周圍的外牆係用上七彩的木紋窗框圖案堆砌而成，感覺特別呢。.餐牌有分前菜、廚師推介、蔬菜海鮮、招牌喇沙、飯麵等，仲有一個3-4人既套餐選擇 $308。而家讚好餐廳專頁，仲可以有免費蝦片一客呢。.蜂蜜雪梨 $28先黎杯蜂蜜雪梨，裡頭有半個雪梨，味道清甜，很滋潤呢。.新加坡肉骨茶 (細) $88這裡的肉骨茶藥材的味道較輕，是較易入口，仍會嚐到點醇厚的味道；而且肉骨煮得腍很入口，材料還有冬菇和豆卜，整體還不賴。.可配搭肉骨茶同食的油炸鬼和醬汁。.海南雞喇沙 $98喇沙係小妹近來既至愛，但黎得呢度又想食埋海南雞，不過兩個人始終食唔到咁多，剛好餐廳有供應海南雞喇沙，咁就可以試晒兩樣喇。喇沙既賣相好似頗不錯啊，驟眼睇湯底既顏色味道應該唔錯吧!? 而且料都不少，有豆卜、半隻熟蛋及幾件海南雞。先呷一口湯底，湯底味道濃稠，帶有甜甜的椰香和鮮味，味道易入口又惹味：麵條質感彈牙，掛湯力不錯，還有至愛那吸收了湯汁的豆卜，真係好好味! 雖然當中的海南

秋意乍現,但仍然十分炎熱。炎熱既天氣令我好想食星馬菜!!!!!今日同左男朋友去銅鑼灣既加東。一黎到覺得呢到既環境佈置好舒服,見到個MENU就ORDER左幾款野食:招牌海南雞例牌都已經好大碟,啖啖肉而且雞味濃郁,配以3種不同既醬汁都食出雞既鮮味。牛油酥餅酥餅好香牛油味,配埋咖哩汁,香辣帶一點甜,令人好開胃!!!!讚!!!串燒沙嗲呢到既串燒完全係值得一試,我地嗌左豬牛雞,所有既串燒燒得岩岩好,外表焦香,肉質好JUICY,帶一點香甜味道,再加埋佢地既沙嗲,味道更勝一籌!!!!參峇醬燒魔鬼魚一上碟已經覺得燒得剛剛好,魔鬼魚魚肉好滑,再同參峇醬,有小小薑末同小小香料,好惹味。新加坡蠔煎用料十足,大大粒蠔肉佈滿成個蠔煎,蛋漿蛋味濃郁,食落好軟滑完全唔係炸到好硬,連男朋友覺得好好味,食左一大半!!!!呢到既野食都有點驚喜,下次會再去食過!!!!!

午膳時間約了友人在銅鑼灣吃飯，試了一間主打星馬菜的餐廳「加東」。餐廳裝潢星馬味道不重，但亦算有特色，如以不同顏色的木製百葉窗砌成一幅特色牆。午市的餐牌以小報型式印製，定價由七十餘元起。想選擇多一點，也可參閱大餐牌上的美饌，彈性更大。二人同行，最後在午市餐牌選了一份餐，另散點其他美食。 沙爹豬肉串是惹味小食，串燒很多時有一個通病是食感乾硬，這兒的串燒不但沒有此問題，反而肉串腍身，燒烤風味又足。唯一美中不足的是配上的沙爹汁食溫過凍，或許剛從雪櫃拿出來備用，這點需要留意一下。 海南雞飯拼新加坡特色喇沙是餐廳推介的午餐，海南雞已去骨，肉質嫩口，雞香亦不錯，配上的油飯不算太膩囗，香口度中等。跟餐的新加坡特色喇沙應是迷你份量，主角湯汁椰香足，甜美味佳，配上的米粉煙韌，掛上湯汁特別好吃。喇沙配料有海蝦、魚片、豆卜、雞蛋等，以小小一碗麵來說也算相當豐富。 肉骨茶是傳統星洲美食，亦是筆者喜愛的地道美饌之一。有不少人不愛肉骨茶，因其藥材味重，但亦正正是這味道，才贏得筆者歡心。菜式以瓦煲盛載，並以明火加熱保溫，香煙源源不絕地散放出來。就口味而言，個人覺得藥材味道淡了一點，但排骨用料佳，腍身入味是菜式可取之

是晚放工後剛閒逛完Sogo，正在軒尼詩道漫無目的搵食之際，偶然見到街頭亞姐舉牌介紹呢間餐廳，心諗「一試無妨！」，於是就上去睇下「是龍定是蟲」！餐廳位於Sogo附近既商業大廈15樓，面積唔算太大，由於枱與枱之間都有一段距離，所以全場只有約三十個坐位，整體格局喺香港呢個串金尺土既地方真係好少見。當晚雖然只係得兩個人，但佢地驚我地「唔夠位擺野食」，好大方俾左張四人枱，即使講秘密都唔駛就住就住，細細聲驚死隔離聽到啦！椰青 ($38) 及凍薏米水 ($28): 椰青大大個非常多水！三十幾蚊有個咁大既椰青而唔係「得個殼」既椰王，重要咁大個咁多肉添真係非常少見！薏米水方面，即使叫左少冰整體口感亦都唔算太甜，而且薏米亦都煲到好腍非常之易入口，正！新加坡喇沙 ($88): 湯底非常正宗，少少辣之餘又食得出有淡淡既椰奶味道，滲晒入豆卜同埋芽菜之後一口咬落去既口感真係一流！材料方面亦都誠意十足，冇諗過竟然有成三四隻手指尾咁長既大蝦添，正！招牌海南雞 (例牌) ($98): 絕對係必食之選。坦白講收得呢個價錢都估到係冰鮮雞，真係要讚個廚師居然可以泡製到佢一D雪味都冇。「雞有雞味」呢D老土野唔講喇，但最值得「l