勝利小廚 (已結業)

剛剛去完東華三院羅裕積小學的聖誕聯歡會觀賞小朋友表演、探羅主任和書記姐姐，到合一堂探望李主任後，便準備往附近吃東西，但合一堂附近是沒有食肆，所以便要到再遠些的地方吃。剛剛想起小時候在勝利道有間吃海南雞飯吃，於是便去吃吃。我叫了一個海南雞米線，改雞脾加六元，但因為佢的海南雞米線只售三十四元，覺得很抵，所以便叫這個吧！不錯，Ｄ雞好滑，唯米線比較淋，爽些就更加好！服務很好呀，不像其他人話得很差呀！下次我會和媽媽來的！

今日三點幾，走到勝利道，食海南雞飯。不需排隊，正這裡的海南雞飯，去了骨，啖啖肉，雖然雞味不太重，但可以接受，不過我總喜歡食脾，所以雞肉都幾滑；曾經食過雞胸肉，的確比較”鞋”，唔夠滑，所以寧可加多六蚊，食脾位 (以前五蚊咋！)。油飯都係一貫嘅水準，油不太多，我覺得適中，香味足而不太油膩，不錯。最好味嘅，當然係佢哋自家製嘅”雞醬”，少少酸，少少辣，好好味，又開胃，飯都可以食多兩啖。$48 (如果唔揀脾或翼，只需$42) 一個餐，仲包一個湯或飲品，抵食。但係對於其他小炒，就真係不敢恭維，不單油太多，太肥膩，仲有一陣油噎味，不可接受

其實間嘢咁細都知道唔慌會坐得舒服，仲要排大隊，更係想你食完嗱嗱聲好走啦。老實講，$$ 佢唔係十分便宜，又聽聞呢間嘢D服務態度唔掂，行過都見到D店員黑口黑面。原本冇諗過入去，正所謂君子不立危牆，冇理由明知會受氣都去幫襯㗎嘛，right ?最衰係我呀妹好中意食佢哋個海南雞飯，搞到我經常要去買外賣點知買外賣都唔好得去邊，會用D極端唔友善嘅目光打量我...... 喂，我已經怕鬼咗你唔堂食，仲想我點呀。平心而論，佢個雞飯同豬髀飯又真係幾好食嘅。鹵水豬髀十分入味，感覺唔肥膩，加上鹹菜，需然飯比較硬身，但係我likey，真係一絕 至於海南雞飯，因為係我呀妹嘅，so 我冇食，不過佢話如果冇咗個汁，呢個飯就冇晒靈魂喎。 haahaaaa所以各位brothers and sisters, 唔想受氣但又想食雞飯，最好買外賣去第二度食。

算是第一次在旺角下班. 下班後, 首個任務不是回家休息, 而是找個好地方, explore一下旺角有什麼好野食. 是日, 第一時間, 便想起多年前, 好友特登帶我去食的一間海南雞飯. 用模糊的記憶想一想. 地點就在勝利道. 到現在依然是座不虛席的勝利小廚.一個人食, 可惜不能多吃幾味. 想叫碟油菜但因為胃口有限而不敢叫. 所以, 只能食佢地馳名的海南雞飯.這兒賣的, 是泰式的去骨海南雞飯. 飯底, 雞油夠香. 黃飯啖啖有味, 最好的就是不肥膩. 而雞肉, 好好彩的因為我碟雞夠滑. 皮雖然不夠爽口但有雞油的配襯, 份外的有雞味. 滑皮嫩雞, 點一點南洋人愛用的黑油. 甜甜口, 嘴滑滑, 這就是海南雞飯的好味道.吃飽後回家, 新上任總要適應期, 希望慢慢會安穩下來吧.

已有2年沒到這裡吃海南雞，以往在太平道住時總是常常叫外賣，是夜很掛念，決定來這裡懷緬一下過去~ 大約晚上8時到達，想不到已不見了以往長長的人龍，更立刻有位！坐下來叫了半隻去骨海南雞、一個油飯、店員推介的蒜香忌廉浸娃娃菜及咕嚕肉。海南雞 - 去了骨的實在很討我歡心，因為能夠專心的品嚐味道及質感。雞的質感是保留了以往的嫩滑，可是以往的香味減退了... 只能每次都點附上的汁醬來填被這個不足~ 油飯 - 看上去顏色依舊吸引，可是一口入口便知龍與鳳！完全沒有油飯應有的香味，我跟吃白飯有甚麼分別呢﹖蒜香忌廉浸娃娃菜 - 初初吃時或許被海南雞的醬料味道蓋過了，要多吃幾口才吃到這個味道~ 其實味道真的不錯，淡淡的忌廉味不會蓋過娃娃菜的味道，但吃到最後的時候開始有點膩，或許是忌廉的緣故吧~ 這個4人吃的一試也不錯，因為很少地方會有這個菜式~ 咕嚕肉 - 肉被厚厚的粉包著，完全不脆，相信不是即叫即做的，最難受的是有千年油的味道！ 這個千萬不要試~ 其實這裡的價格也不比出面的便宜，地段也不算方便，經過是次之後，應該會有一段時間不會再來，不過這裡曾經出名，難度真的出名後水準便會下降﹖希望這裡能保持以往的水平便

來得不合時：吃過午餐不到兩三小時，又再陪家人吃他們遲來的午飯。於是滿桌食物，都只能淺嚐其中幾種。海南雞：這幾年胃口早被各路過江龍寵壞，難免覺得這裡的出品皮不夠薄、肉不夠嫩滑。蠔仔煎蛋：蠔仔夠多夠大夠味，不過蛋的質地實在無法令人不想起麥當勞，對啦，就是早餐那種用蛋漿做出來的蛋，除了表面薄薄一層外，整體可說沒有煎的感覺。鍋貼小棠菜：是日全家至愛；外皮煎得極香脆，裏面蝦膠釀得滿滿，卻不過度結實，還滲著煎蝦獨有香味，伴甜酸醬吃，甚佳。其餘青咖哩飯、牛腩炒麵、牛肉湯河雖然太飽未能親自品嚐，不過，根據家人現場反應，應該滿意。

是晚要上堂, 之前就匆匆晚飯. 上次吃了日本野, 這次就吃回這店. 當然, 已經吃過這店不少次, 但記得上次來吃已經是好多年前, 因為實在受不了那種服務態度, 幸好這次來已不見了從前那喝罵人的店員, 不過門前的人龍也不見了. 兩個人吃, 就一人一碟飯, 再加$2就有杯野飲.海南雞飯 $42: 6分, 飯粒不夠油香, 味道是幾寡, 但就幾乾身. 雞肉扁實, 不夠嫩滑. 不是用黑豉油, 而是用上普通豉油, 奇怪.泰國滷水鴨肉飯 $42: 6分, 鴨肉的質感還算不俗, 滷水是幾入味的, 不過就嫌滷水味不夠豐富.簡簡單單吃一餐, 不用受氣的話, 是可接受的.

okok,好耐無嚟食過,專程嚟開餐!都係獨孤一味,至愛海南雞飯啲湯同以前一樣熱辣辣,好飲.但係啲雞就無以前咁好食."行"咗.無乜油水,份量仲少咗...雖然食得飽,但係可能因為"今時唔同往日",此一時,彼一時;心裡若有所失...

平日不常光顧這裡，因為這裡晚上常常也很多客人，吃得很趕的，通常也來這裡外賣海南雞就算了。是日和家人吃一個很早的晚餐，想太早的話這裡應該不太多人的，就來到這裡了。大概六點果然沒什麼人，只有一兩檯客人，可以坐低慢慢吃啦。我們三個人，叫了半隻去骨的海南雞，再加一個小菜，就已經吃得很飽了。去骨海南雞再適合我這些懶人，哈，這裡的海南雞肉質很滑，脂肪不算很多，不過肉味就差了一點點。油飯就不太行了，沒什麼香味而且飯煮得很稔，我不太喜歡呢。醬汁有辣醬和黑醬油，辣醬很好很惹味，但黑醬油感覺太稀，而且甜味不太夠。另外的小菜我們叫了雜菌炒肥牛，份量很多，三個人也吃不完~ 感覺穫氣夠炒得好惹味，雜菌味道夠清和肥牛配在一起幾好，當然不是用上很好的肥牛，幾多脂肪的，但也算不錯的了。三個人吃得飽飽，服務沒什麼大問題，可能還早吧，建議大家不要在最繁忙的時間來啦。

我是一名在何文田上學的學生,中午放飯經常到勝利道搵食,勝利道有眾多食店亦同時有大量寵物店,怕狗的人應避之 !言歸正傳,該日我與同學(一行3人)到勝利道的勝利小廚用膳,一入門口就得到熱情的招呼,獲安排在一張四人枱我們點了海南雞飯和魚香茄子飯,由於海南雞飯是同學的,所以我沒有吃我的魚香茄子飯使我十分滿意!此魚香茄子沒有加入咸魚,不會像其他餐廳的魚香茄子吃到一塊塊的咸魚,所以沒有吃到特別咸的咸魚,使整道魚香茄子味道均一!它的茄子十分念,易入口!整碗魚香茄子十分薏味,送飯一流!飲品凍檸茶則一般

很久沒有來勝利小廚食飯了,因以前很人山人海要等好耐,但噚晚9點幾去到可以即刻入座,2個人叫了半隻有骨海南雞................啲雞冇哂雞味,得返啲鹵水味,全靠嗰2碟酸辣醬同豉油補鑊京都骨..............................一般餐廳啲味道,冇乜驚喜什菜煲..............................材料算OK,啲菜都幾好味(全晚得呢嗰食得吓)怪唔之得唔使排隊啦,啲食品真係差咗好多,相信短時間內唔會有下次

一行六人上咗個friend屋企聚一聚，玩一玩，當然要嗌嘢食啦，有人話平安夜食咗pizza，又食咗炸雞，好彩個friend屋企外賣紙款式夠多，見到依間款式多，就鎖定目標，全權由最喜歡食嘅friend發板。唔係好耐外賣就到，一路食住外賣，一路睇住Avater，別有一番風味。至於是晚嘅嘢食如下： 麻辣鳳爪 - 比正宗泰式鋪仲要辣，鳳爪爽口，還有好多紅蘿蔔絲、洋蔥絲，食落就更加清爽，唔會太油膩！ 金沙骨 - 略為遜色，味道係可以，不過佢唔係一條條骨，只係切成細件，令到成件事唔開心！ 炒貴刁 - 炒得夠乾身！只係微辣，醒胃，D餸夠多！ 蒜蓉炒芥蘭 and 蒜蓉炒生菜 - 好夠蒜蓉香味，外賣D菜都仍然翠綠，仍然爽口，抵讚！ 炸蝦餅 - 有三塊，偏向細塊，總算彈牙，不過凍咗，熱身好D。 碳燒豬頸肉肉飯 - 豬頸肉切得夠薄身，還有少少脆口！ 海南雞飯 - 無骨，啖啖肉，雖然個飯好似有雞油，但實際唔覺有雞油的香味，失望！小插曲：本身嗌咗個鹹魚雞粒炒飯，點知嚟咗個麻婆豆腐，唔想浪費時間換嚟換去就接受咗，好彩都幾好食，送飯唔錯，當加餸！西方節日食泰式嘢，特別的聖誕節！

上個星期打算同屋企人出黎食個晚飯, 知道呢度都幾好食, 咪黎試下囉........點知, 原來係要超受氣既, 有無攪錯呀????一坐低order既時候, d侍應已經黑口黑面架啦, 我都算啦, 忍!!! (特別係一個中性打扮既女侍應) 點知跟住個侍應係個counter拎豉油汁既時候, 失手跌左d豉油汁, 彈到我成件衫後而, 同頭髮都係.....哇.....點知居然連一句sorry, 對唔住都無, 只係拎卷廁紙俾我自己抹, 好似當無問題甘樣, 一d表示都無, 講真, 如果我唔係同我屋企人一齊去, 我一定同佢理論!總括, 原來當我想寫呢個食評既時候, 我以為只係我甘唔好彩撞岩d侍應m到, 先黑口黑面, or我自己燥啦, 點知原來已經有甘多食家post上黎話呢間野既services好有問題, 仲要點名話個中性女侍應!!!唉.....我好想話俾佢地知, 今時今日甘既服務態度真係唔得囉, 我真係奉獻大家唔好去, 抵制一下呢d甘既餐廳

要食到好味嘅海南雞飯其實真的不容易！我係旺角附近工作，但對上嗰次嚟呢度食都已經差不多一年多前了！今晚心血來潮好想食海南雞飯，一於再去試一試。晚上六時多，都已經坐滿八成。叫了一個雞飯和一個鴨飯套餐Share！海南雞飯 - 雞肉都算幾滑，又有雞味！唔會太肥，好味道！雞飯都好味道，唔會太油，讚！鴨飯 - 啖啖肉，D汁都好好味！ 見到Openrice有咁多人話這裡的服務唔好，唔知係唔係我好彩，並没有遇到不如意的服務！

真係唔知點解佢可以生存到???d食物我只可以話係唔係太難食!!!但係一定唔會係好食law!!! 環境就一定唔會坐得舒服架喇!!! 最最最過份就係果個女樓面(其實我都唔sure 佢男定女) , 佢果d態度真係香港人嘅恥辱!!. 我諗佢應該係老闆d人,如果唔係無理由唔炒佢law!!!!總之以後唔會去!!!