影片
電話號碼
27919887
開飯介紹
酒家座落設計獨特又搶眼的紅屋建築，自設魚缸供應活海鮮，二樓有多間海景貴賓房，與親朋聚會、舉辦生日壽宴也合適。
繼續閱讀
獎項殊榮
米芝蓮一星餐廳 (2015-18)
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
相關文章
食評 (212)
每次入西貢必做既事一定係食海鮮，絕不能空肚而回.ᐟ 屋企人對海鮮都有啲要求，今次食完「勝記海鮮酒家」都讚不絕口👍🏻 原來勝記曾連續4年榮獲米芝蓮一星🌟 以新鮮海鮮及特別烹飪方法炮製菜式，只有呢度先食到既獨特風味😍，真係勁正.ᐟ 勝記空間寬敞，坐擁整座建築物超有氣勢😎 裝潢古色古香，流露典雅中式氛圍，餐廳更設有多間帶有露台既獨立VIP貴賓房，私隱度夠高，聽講好多名人都會黎捧場🤭❝ 小食拼盤 ❞即日起至2025年2月28日，follow 勝記 @singkeesk 即送小食拼盤一份❗️拼盤包左兩款小食：避風塘脆金磚﹑西貢墨魚餅，兩款都係必食招牌小食🌟 脆皮豆腐炸至外脆內軟，入口非常滑溜，搭配避風塘做法非常惹味.ᐟ 墨魚餅更有驚喜😍 帶有墨魚粒同馬蹄，入口彈牙同時帶有清脆口感👍🏻❝ 涼拌蟶子皇 ❞平時蟶子多數都係熱食，今次試下餐廳既涼拌做法😍 由於製作需時，想食既朋友記得提早一日預訂❇️ 蟶子肉嫩肥厚，份量超多，灼熟後再加入特製醬汁調味，味道酸酸甜甜，清新開胃😋 ❝ 椒鹽鮮鮑魚 ❞推介必食🌟 鮑魚一定要食椒鹽先夠惹味🤤 鮑魚新鮮彈牙，用左一層薄薄既椒鹽炸漿包住，微脆焦香，再添上炸蒜，大有驚喜❗️❝ 生焗啤酒尿蝦 ❞原個大煲新鮮熱辣辣送上🔥 非常霸氣✨ 瀬尿蝦size超巨型，目測有6至7吋咁長，食落啖啖肉😍 以啤酒浸透瀬尿蝦，每啖都充滿酒香，再用薑蔥胡椒生焗，令人回味無窮😋❝ 糟池汁龍蝦配脆米粉 ❞推介必點🌟 唔想食龍蝦伊麵咁悶，可以試下勝記既泰式食法.ᐟ 原隻龍蝦份量十足🦞 肉質爽彈，以泰式糟池汁調味好有特色，味道似係紅咖哩味道帶有椰香🥘 濃郁惹味.ᐟ 另外脆米粉同樣出色，炸得酥脆可口，入口輕盈，沾上糟池汁更加香口🤤❝ 自家製糕點 ❞最後餐廳送上兩件糕點😍 桂花糕賣相好靚，而益力多糕都係第一次食，估唔到咁好味，真係有驚喜✨
繼續閱讀
到西貢，大多數人也喜歡在市中心附近覓食，而我自己反而比較喜歡偏僻少少嘅市場街；在那邊有很多咖啡店，還有一些有特色嘅小餐廳，比在市中心那邊遊客區更加吸引。但如一大班朋友到來，小店就感覺有點狹窄，那六福菜館 或 勝記海鮮酒家就會顯得比較適合。上星期日假期，約了一班朋友到勝記聚餐，而菜單則由其中一位友人事先預訂，平均每位不用壹仟元，都算抵食。未人齊，一於食住友人由澳門帶回來的手信「最香」，杏仁餅咬落有杏仁粒及帶有濃郁的杏仁味，香脆可口，真係食過返唔到轉頭，難怪近年會越來越出名，據說現在還要限量購買。第一味上場的係「香煎手打墨魚餅」，表面煎至金黃微脆，食落爽口Q彈帶墨魚香，可按個人喜好配上酸甜醬一齊食，我自己就比較喜歡淨食。第二味係「花雕酒醉瀨尿蝦」，友人事前已要求食店煎開蝦殼，所以食落更加方便，而且蝦肉能更加入味，肉質鮮甜嫩滑，花雕與蝦肉配合得天衣無縫，非常美味，食落別有一番風味。(記得事先預訂)入口鮮甜又香滑的「蕃茄薯仔木瓜煲魚湯」，湯底色澤奶白，木瓜及薯仔已煲至幾近完全溶解，令湯底味道更加香濃；因木瓜含豐富蛋白質、氨基酸及維他命，有滋潤開胃又健脾的功效；可惜每人得一碗，有少少唔多夠喉。😅椒鹽鮮鮑魚～鮑魚表皮炸至金黃酥脆，肉質鮮嫩Q彈，形成外脆內軟的口感，好吃；原來鮑魚殼黏貼在底座上，難怪造型可以這麼特別。酒糟粉絲蒸鮮元貝～平日多食蒜蓉粉絲蒸的版本，今次試試新口味，改以紅酒糟代替；紅酒糟擁有天然的紅色光澤，帶有獨特的酒香和微酸，也能引出食物的甜味，配上肥厚鮮嫩的元貝，又怎會不好吃；據說紅麴有消食活血 及 健脾燥胃等功效，是推介必吃之一。泰式糟池龍蝦 伴 脆米粉～龍蝦啖啖肉，肉質緊實有彈性，配上微辣又惹味的泰式咖哩汁，非常出色；脆米粉吸收了香濃的咖哩汁，什為吸引，但記得一定要多汁。酥香肉脆的「蜜糖芥末山楂骨」，食落油脂豐盛，配上酸甜惹味的蜜糖芥末醬汁，非常好吃，一口一粒啱啱好，如果送酒應該也非常適合。收斂咗少許霸氣的「馬拉盞啫啫芥蘭」，不但沒有那麼嗆鼻，味道也沒有怎樣降低；鮮甜翠綠嘅芥蘭，令人忍不住多吃幾條。外形和楊州炒飯很相似的「勝記至尊炒飯」，飯炒得乾身及粒粒分明；而偏辣又惹味的「泰風味肉碎炒飯」，愛吃辣的友人什是喜歡；不吃得辣的我，以兩溝形式配合，反而覺得比單吃更加出色。甜品有「勝記」自家製晶瑩剔透的桂花糕和清甜爽口的益力多糕，兩款甜度適中，作為飯後甜品，也頗為理想。食物水準非常出色，而且大部分菜式也有其獨特風格，是少有肯研發新口味的食店，值得大家一試！而因部份碟頭比較大，建議人多及事先預留菜式。#勝記海鮮酒家Address : 西貢西貢大街33-39號地舖Tel : 27919887
繼續閱讀
《勝記海鮮酒家 - 西貢》西貢一向都出名食海鮮🦞不過食邊間其實都有講究架，有朋友有好野食😆今次成班朋友一齊去左勝記食海，如果唔係有人帶都唔識黎，聽講年中都有不少達官貴人同名人黎食飯架😉真係威威子🤩我地十個人一共叫左9樣野，份量剛剛好仲有甜品食添😋攬住個肚番屋企呀💁🏻♀️香煎手打墨魚餅第一道菜係傳統嘅手打墨魚餅，作為開胃前菜最啱不過💪🏻墨魚餅煎得香口，入面食到粒粒彈牙嘅墨魚肉，點泰式辣醬最適合💁🏻♀️蕃茄薯仔木瓜煲魚湯飲完即刻覺得好滋潤既魚湯，我平時好怕木瓜陣味的，但呢個蕃茄薯仔木瓜魚湯唔會飲得到嗰陣木瓜嘅澀味，暖笠笠飲完成身都好舒服😌💁🏻♀️酒糟粉絲蒸鮮元貝第一次食呢一個配搭嘅蒸元貝，首先係佢有一陣紅酒嘅清香，一打開個蓋嘅時候就已經聞到嗰陣新鮮嘅海鮮味，粉絲吸晒酒糟嘅香氣同埋元貝嘅甜，配埋上面隻蒜蓉真係好惹味💁🏻♀️椒鹽鮮鮑魚椒鹽鮮魷就成日都有機會食，但係用椒鹽嘅方式製作鮮鮑魚真係比較少食得咁奢侈😆入口彈牙，而且擺盤好靚，用嚟打卡一流啦😍同埋椒鹽嘅味道同鮮鮑魚其實好合拍，咩都唔使點就已經夠晒鮮味💁🏻♀️龍吐珠XO醬炒海斑球原條魚脆炸咁樣上，一魚兩食，入面嘅魚肉用嚟炒斑球，而出面嘅魚皮同魚骨炸到勁香脆，成條魚都可以用嚟食㗎😋 XO醬炒斑球微微帶辣，炒得好香好惹味😙不過我就更加喜歡脆炸嘅外皮，同埋我本身就鍾意食魚期魚骨嘅位置，真係好好食呀，呢一道菜一定要多人先至食得晒💁🏻♀️泰式糟池龍蝦 伴 脆米粉本身冇諗過有龍蝦食㗎，但係呢一個龍蝦就真係不得不提👍🏻佢用咗泰式方法去製作個醬汁，有啲似食泰式黃咖喱嗰種感覺，新鮮嘅龍蝦肉好鮮甜而且肉質嫩嫩滑，起咗肉之後配埋脆米粉再淋上佢個泰式辣汁真係好惹味，另外有個神仙食法😼就係叫碗白飯再拎嗰啲龍蝦汁嚟拌飯啦💁🏻♀️蜜糖芥末山楂骨呢一個山楂骨味道冇平時咕嚕肉咁甜，隱約會食到山楂嘅甜味，而上面蜜糖煮成嘅醬汁形成一層脆皮包裹住個排骨，酸酸甜甜好惹味💁🏻♀️薑汁炒芥蘭呢一道菜睇落好簡單，但係其實佢係用咗好多心機去製作，芥蘭係挑選過最嫩最翠綠嘅部份製作，再用上薑汁煮成嘅高湯浸泡，薑汁嘅味道帶出咗芥蘭嘅甜味，而且咬落好香嫩，完全唔會有渣💁🏻♀️泰風味肉碎炒飯呢一個肉碎炒飯食落都幾辣咼，有啲似泰式平時食嗰隻炒飯，食得出好有鑊氣同埋有不同香料嘅味道，雖然辣辣地，但係會令人一啖接着一啖不停咁樣食，所以最後成個飯都比我哋清晒😂曳曳曳好犀利👍🏻💁🏻♀️自家製糕點食到好飽，但係最尾都要有甜點嘅，甜品係勝記自家製作嘅桂花糕同埋益力多糕，食落唔會好甜，桂花糕清清地帶有少少蜜糖嘅香氣，益力多糕平時真係冇乜機會食到，聽講係呢一度好受歡迎嘅甜點之一，以後嚟西貢想食海鮮又多一個選擇啦
繼續閱讀
對於我哋呢啲都市人嚟講，週末約埋朋友一齊入西貢食吓海鮮，飲杯咖啡，影相打卡，大概已是不錯的節目。上一次食過六福，今云試試區內另一間名店，勝記海鮮酒家。慵懶既筆者，當然又係跟大隊行事，有人先預先寫好菜單，準備得妥妥當當。人齊開飯！打頭陣的香煎手打墨魚餅，質感十分彈牙，鮮味十足，有人喜歡吃原汁原味，但我覺得沾些少甜甜酸酸的雞醬會更加好吃。之後是整餐我最欣賞的花雕醉瀨尿蝦，肉質鮮嫩爽口，酒香恰到好處，沒有搶去瀨尿蝦的風頭，很讚！在這類地方想喝湯，真的不用花巧，呢度大把雜魚，簡簡單單的番茄木瓜煲魚湯，家常味道，已肯定鮮甜到一個點。椒鹽鮮鮑魚是這兒的名物，又點可以錯過。鮑魚披上薄薄的黃金外衣，咬落香脆而內裡仍是十分軟腍，吃起來也夠惹味。接著來的酒糟粉絲蒸大元貝，紅酒糟也真是比較罕見，色澤誘人，其酒香亦昇華了整件事，結合粉絲，以及火侯恰到好處的元貝，呢道菜都幾有趣。最後一道海鮮菜色，乃泰式糟池龍蝦伴脆米粉，估唔到竟然在此吃到泰式風味！澳洲龍蝦肉多，質素不用置疑，當然識飲識食既朋友都會知道，墊底炸得酥脆的米粉從不是配角，自行注入泰式咖喱汁，果真不錯。萬料不及，海鮮以外的菜色都咁精彩，如這道蜜糖芥末生楂骨，入口鬆脆，芥末沒有太搶，用上新鮮生楂，味道天然，我要連吃幾件才收手。馬拉盞啫啫芥蘭，香口惹味，比起就咁炒個菜，吸引太多。單尾的兩款炒飯，為照顧不同口味的朋友，有辣有唔辣，個人必定投辣既泰風味肉碎炒飯一票。桂花糕清新，益力多糕原來是勝記多年來的名物，唔怪得知咁有水準。
繼續閱讀
位於香港的東面的西貢，是一個享受行山、小島遊、天后誕廟會等的勝地，假如懂得在西貢覓食，配合加分的特色購物，西貢的一天遊經常是我和朋友愜意和滿足的旅程！十二月風和日麗的星期天，以西貢「勝記」作為第一站，肯定是 Sure Win 的一天！第一道 Sure Win 是香煎手打墨魚餅，光是香氣和金黃色澤已夠誘人。繼而感受鬆彈和墨魚鮮香，簡直沒有不愛的理由。第二道 Sure Win 是花雕酒醉瀨尿蝦，一般只在晚餐時段供應，假如中午用餐，必須提前預訂。從小便愛吃瀨尿蝦，對於瀨尿蝦獨有的鮮甜細嫩最是欣賞。花雕酒醉瀨尿蝦為瀨尿蝦添上恰好的酒香與層次，又能將瀨尿蝦原有優點保存，帶出齒頰留香的滋味！吃過花雕酒醉瀨尿蝦，是時候來一碗醒胃清甜潤的蕃茄薯仔木瓜煲魚湯。椒鹽鮮鮑魚也是「勝記」的 Sure Win 之選！將大連鮮鮑魚以椒鹽方式烹調，外層微脆焦香，內裡彈牙可口，呈現鮑魚過癮的一面。海鮮要新鮮，但怎樣將優點帶出，亦是一大重點！別出心裁的酒糟粉絲蒸鮮元貝，把一貫蒜蓉踢走，換上自家用心製作的酒糟，無論元貝或粉絲，均沾上香香甜甜的健康風味，相信唯獨 「勝記」方能體驗得到的 Sure Win。當吸收力極強的脆米粉遇上香而不濃的泰式糟池汁，吃前必定要添多多、再多多汁。這道正是泰式糟池龍蝦伴脆米粉，先嚐當中的龍蝦，雖然是採用甚有泰式風味的醬汁 (只是辣度稍輕)，可龍蝦鮮味沒有被掩蓋，整體做到鮮而惹味、層次豐富，總覺得大廚往往是要向難度挑戰。隨後的脆米粉，當然是嚐汁的極致階段，Sure Win 的策略是大大啖、勇敢地吃著，汁不夠再添，肥留侍明天再算，哈哈！之前吃過墨魚、瀨尿蝦、鮑魚、元貝和龍蝦，接近尾聲來點肉肉。雖然「勝記」以海鮮馳名，不過面前的蜜糖芥末山楂骨絕不遜色，且不失自家風格，單是採用新鮮山渣烹調，已是誠意的表現。一咬彈牙緊緻的肉質，以輕描淡寫的蜜糖與芥末來點綴，且慢....... 還得搭上一片薄脆享用，感受 Sure Win 的口感層次！馬拉盞啫啫芥蘭來沒有那種嗆鼻的霸氣，反而溫柔的味道叫人舒暢，尤其肉碎做得很好吃，與芥蘭同吃來得剛剛好！原來一早想吃飯是吃到好飯的預感，以前未試過「勝記」的勝記至尊炒飯，原來是小小辣、多多香的惹味、讓人十分回味，下回必定要Encore 這 Sure Win 炒飯！甜品要有「勝記」自家製桂花糕和益力多糕，這才叫 Sure Win。喜歡「勝記」菜式有著細水長流的味道，耐吃、且百吃不嫌。所以每次到西貢均沒有空肚而回的借口，非常滿足及 Sure Win 的 「勝記」！
繼續閱讀