勝記酒家 (已結業)

今天豆丁之父在灣仔工作，全家就在這邊晚餐。豆丁之父提前告知位置及時間，不過自己跟豆丁提前來到灣仔，先去附近的MTR特惠站，嘟一嘟平二蚊。晚市剛開始，大量位置可供選擇。就座後，在等待豆丁之父期間，就要開始鞕策豆丁學習。  勝記即燒乳豬（例）　　燒乳豬是這裡的撚手菜，怎能錯過。因為一家只三口，先點例牌一份。　即燒乳豬來到了！雖然没有烤全豬那麼震撼，但每片乳豬皮的色澤平均，厚薄一致，上枱時也不失體面。　並非一般酒樓，隨便抓几件拼湊成一碟例牌。　豆丁看到乳豬皮，馬上雙眼發光，嚷著要這燒豬皮。可是豆丁只要脆身豬皮，不要下方的乳豬肉。噢，豆丁開始有吃貨的潛質！　脆脆燒豬皮才是精髓所在。乳豬肉，自己嚐。可是，總不能把所有脆豬皮都讓給豆丁，而委屈自己，也要嚐一嚐靚乳豬。脆脆豬皮，只見薄薄一層的皮下脂肪，油份在烤的過程中溶化了吧。沾上帶甜的海鮮柱喉醬，在口中咬呀咬，聽到清脆之聲。     金牌拆肉泥鯭粥  泥鯭粥是明星的宵夜／夜宵。通常明星唱夜場，一定要空肚出場，才可維持靚靚的身形和一流的唱功。所以在表演過後，肚子餓了，就會聯群結隊去搵食。當時，泥鯭粥就是餐枱上常見的美食。今晚，就是初嚐泥鯭粥了。　為了

臨近中秋,  當然同家人去街做節啦, 我地就去左灣仔食中菜做節菜遠炒牛肉, presentation 好靚, 菜心放低, 牛肉放面, 好似酒樓咁講究賣相, 你這間餐廳做到, 菜炒得好清好綠，菜夠嫩，牛肉快炒所以唔老，重好香。火喉控制得好好!韭黃瑤柱羹, 韭黃瑤柱鮑參肚羹就更豐盛了,內有瑤柱、海參、冬菇、腐竹、金華火腿、花膠絲，每一口都吃得到料的感覺很過癮，因加了些許韭黃，因此氣味更香濃。蟶子皇, 粉絲夾雜鮮鼓油加蟶子蒸後的鮮味，粉絲軟腍入味，蟶子彈牙，蒜蓉味滲入蟶子內。薑葱南非鮑魚1隻$88, 一向都覺得煮鮑魚好多程序，要刷洗乾淨，再要除內臟起外殻，在鮑魚面上開十字花花，所以今次要假手於人，周圍的薑葱好入味，好爽脆，鮑魚彈牙新鮮，個蠔油醬好鮮。

自問一向都幾中意食中菜，今日到左傳統嘅中菜館，當然就要食巧手嘅中式小菜。香噴噴嘅例牌燒乳豬，皮脆肉嫩，脂肪唔多，食完都無油膩嘅感覺。將熱騰騰嘅包點夾上一片脆乳豬，甚有飽足嘅感覺。翡翠珊瑚蚌蝦球亦甚具功架，將西芹抄得爽口而帶有甜味，海鮮亦帶有彈牙嘅口感，尤其平時好少食到嘅珊瑚蚌，絕對值得品嚐。而薑蔥蠔煲用料唔需要複雜，簡單嘅香蔥、薑片、加上大大隻嘅桶蠔就已經足夠。蠔隻無任何雜質，緊緊鎖上醬汁，非常美味。

最近小咗接男朋友收工今日終於得閒一齊收工食飯！近近地就係附近搵咗間中菜飯有時都幾中意叫餸食飯咖環境幾闊落，侍應好熱情主動推介呢到拿手即燒乳豬！青瓜伴海蜇先叫個前菜，我地兩個都好中意食海蜇青瓜手拍好入味，爽口清甜海蜇厚身，用上嘅係海蜇頭肉質偏厚，入味得嚟又夠彈牙唔會硬勝記小炒皇小炒皇好豐富！岩哂送飯食材料用上大量海味有蝦乾，蝦米，魚乾仔，魚肉同帶子等加上腰果，菜莆同韮菜爆香，非常香口口感有層次，而且爽口唔油膩師傅炒得好夠鑊氣，各種海味加埋有香濃嘅海鮮甘香味！勝記即燒乳豬（例）嚟到勝記又點少得乳豬！呢到好特別，會配上蒸薄餅夾住一齊食乳豬皮金黃香脆，卜卜脆的皮帶有小小肥令到味道更加甘香，加上薄餅一齊食，減小油膩感！濃湯海皇什菜煲清清地叫咗個菜食什菜煲海皇一啲都唔hea，有蝦仁有帶子有瑤柱湯底真係幾濃，有鮮甜嘅海鮮味有粉絲感，粉絲同菜都吸咗湯底嘅香非常適合中合一下味濃嘅其他菜式！整體味道好唔錯，店員服務很好會主動介紹菜式，好有舊式中菜館嘅人情味！

和長輩們吃飯, 當然都要找一找他們的口味, 今次就在灣仔勝記酒家食過晚飯 來自外地的長輩回來香港探我們, 當然都要找一個舒適一點的地方食飯傾計, 見到好多也是一家大細來吃 這裏的燒豬那麼出名, 當然就要叫個勝記即燒乳豬 ¼ 隻 (HKD193), 果然是即燒乳豬, 乳豬皮脆香口, 而燒肉都非常入味不鞋口, 另外跟一個薄餐, 這個薄餐帶點甜味, 再配上他們的秘製乳豬醬汁, 正~ 乾隆醉雞 (小) HKD58, 未上桌已經聞到陣陣桂雕酒香味, 而且雞肉非常嫩滑甜美, 走未完完全全與雞肉合而為一, 未食先醉了 這個銀山鎮江骨 (HKD118)非常有驚喜, 店員幫我們打開石紙, 見到熱氣滾滾, 而且鎮江骨大大舊, 酸甜味十足之餘肉質也非常鬆化, 好快就已經畀我們聽得一乾二淨了. 最後就叫個大連鮑魚 (HKD232/ 4隻) , 這個用炸的方式來製作這個鮑魚, 惹味脆口十足, 加上鮑魚都非常有口感肉又厚, 好味呢~

因為之前成日食日本野,突然有人同朋友講話好想食番中餐於是佢就介紹我食呢間中菜,因為好高質黎到勝記就一定要食佢既燒乳豬啦,佢地既招牌黎咼叫左半隻乳豬乳豬大大塊,超脆皮,拆晒骨去晒油脂,所以食落唔會好油膩燒味叫左叉燒同燒鵝叉燒叫左半肥瘦,非常爽口,又夠腍叉燒汁帶微甜,而且燒到鎖住哂啲汁燒鵝同樣燒得好腍,而且唔鞋口一入到餐廳個時已經聞到啲煲仔味勁香於是都要叫番啲煲仔食薑蔥海斑頭腩煲一上枱熱辣辣,魚都好多件魚肉好鮮,好有咬口薑蔥味好惹味薑蔥美國桶蠔煲美國桶蠔不嬲都有隻,呢個都唔例外足足有成個碗咁大食起黎好juicy,又有蠔肉既鮮味最後仲有糖水送係紅豆沙,超足料,紅豆勁多又起哂沙

星期六一家大小過海食晚飯，經朋友講介紹呢間小菜質素高，價錢合理，即管試吓！店內環境舒適，服務員招呼周到，小菜真的有水準，尤其是他們的燒味，真的值得一試，樓下還有代客泊車，非常方便！

由從前的兜記，到現今易名後的勝記酒家，分別都不大，裝潢依然，風味亦依然。烤豬乃必點之選，現特惠價只售$198/半隻 或 $368/全隻，據說是店方招牌之作，眼看每檯食客均有點選。懷舊醬烤豬 ($198): $200餘元能享受半隻烤豬，不枉此行。乳豬皮脆，肉與脂肪比例適中，幼嫩之餘亦不會過於油膩!金牌燒鵝皇 ($128/例牌): 鵝香而肉質嫩軟腍多汁，為燒味中之上品。紅酒燴牛尾煲 ($108): 大大件牛尾，肉量蠻不少，即使自己到超市買也要花費五六十元，還未計紅酒和其他配料，因此$108絕對抵食。原鍋上枱香氣十足，個個都話色香味俱全，紅酒汁香，牛件入味，都幾好食。蠔仔粥 ($88): 潮式蠔仔粥非常足料，用上大量蠔仔，令粥底非常鮮甜。雖說是粥，但實是泡飯，必須加胡椒粉才能令其更為鮮香。5-6人食也足夠，相當大鍋。

好耐冇食過中菜，嚟到呢一間勝記酒家，必吃一定係乳豬。乳豬有全隻例牌同埋半隻，例牌都有六大件，配上美味嘅mor mor. 乳豬外皮香脆無比。即使放耐了都依然很脆，特別仔細咁樣刮掉中間過多嘅油脂。唔好以為份量好少，每片乳豬都大概有八cm咁長，而且拆晒骨去晒油脂。椒鹽豆腐亦都係我其中一個好鍾意食嘅小食，唔好睇佢好似好簡單用嘅材料好平，但係我真係試過食椒鹽豆腐係皮還皮，豆腐還豆腐。咦呢度嘅椒鹽豆腐水準高，夾唔散。而且份量多。最欣賞嘅係呢度嘅乾炒牛河，佢哋份量係茶餐廳嘅兩倍，當我見到佢上枱嘅時候我仲以為係食緊一圍嘅份量。吵得鑊氣十足，牛肉多，每一條河粉都均勻咁樣佈滿豉油。最重要係配上乾炒牛河必備辣椒醬，將味道大大提升。真係抵食夾大件。買單＄400內 已經食到好飽，強烈推薦真係要試吓呢度嘅乾炒牛河，雖然冇攞到乜乜星級，但質素同份量絕對有保證。

原本週二晚舊同學聚會約好咗半圍枱去灣仔新店「勝記酒家」食乳豬，點知有幾個都臨時有事唔黎得，結果只剩下小肥同兩位靚女師妹玩小圈子晚聚。冇落場時間o既「勝記」冷氣好足，且間隔開揚通爽。慣性早到o既XO仔埋位當然係要先啤一啤佢啦！大家要留意，大朝日啤酒每支$28，兩支則為特價$42，可慳成$14，即多過一個人o既$13晚市茶芥架。送上啤酒時，姨姨同時亦呈上花生小食俾細佬送酒，認真體貼。樓面o既服務生雖然都比較年長，但上上下下都一樣好客友善，實屬難得。等待小師妹到臨時，小肥師兄先獨自細閱餐牌。當中最有意思就係睇到兩頁有關飲食o既享酒詩句及廚藝三十六式。因深知女伴胃口不大，細佬就揸主意點咗個例牌乳豬、牛肉小食、同招牌炒麵，諗住唔夠食先再追加。勝記即燒乳豬（$150/例）：即燒乳豬紅噹噹，賣相極之吸引。打開蒸籠，粉綠色o既麵包薄片即散出煙霧，夠哂熱辣辣。乳豬皮層一啲肥膏都冇，入口鬆化香脆，連同軟熟o既麵包食，不需多點甜醬已夠美味可口，堅！蒜片牛仔粒（$78）：牛仔粒鬆潤惹味，送酒一流。招牌豉油皇炒麵（$73）：豉油皇炒麵真係可以用勁量級黎形容，因為除咗大碟之外，啲麵仲成座山咁高，好震撼！豉油皇炒麵

酒樓易名後還是第一次光顧易名後馳名的即燒乳豬尤在二人用膳點四份一隻乳豬剛剛好熱騰騰的即燒乳豬上桌已聞到香味乳豬皮燒得鬆脆肉鹹香皮下那層脂肪不多不少充滿脂香配上中式包皮食用相當對味果然名不虛傳的不死名物跟那家米香連鎖酒樓差天共地薑蔥魚頭煲用料新鮮上桌已嗞嗞作響香味四溢魚頭超大個肉質嫩滑追加用鎮江醋炆成的銀山鎮江骨用糖和醋比例剛好酸酸甜甜很下飯最後送上甜湯作結南瓜馬蹄露也𣎴是一般的行貨即燒乳豬確實叫人回味無窮下次有機會再來重拾美味

好友working holiday回來，趁住雙十，食餐中菜洗洗塵。 勝記酒家位於灣仔與銅鑼灣之間，搭巴士／叮叮較地鐵方便。 前名為兜記，在樓下見到兜記招牌，不用怕去錯。 閒日晚上人不算多，我們人不多也有大枱坐，鬆動。 店員很friendly，甫坐下就向我們介紹招牌菜。落單時又會建議份量，讓我們不會叫得太多。 懷舊醬烤豬 $198/半隻 先來個招牌燒豬，有2款可選：醬烤豬及即燒乳豬。 醬烤豬是傳統那款，先搽醬後燒；即燒乳豬則是燒好後連醬汁及餅皮上枱。一致想吃醬烤豬 ，就來半隻。 燒豬外層蠻鬆脆、惹味。肥肉不多，肉也相對較薄。 金牌炸子雞 $148/半隻 每次叫半隻炸子雞都諗起《神探》的劉青雲 金牌炸子雞新鮮熱辣，皮脆肉嫩，半隻很快吃清光。 野菌燒汁一口牛 $128 一口牛上枱，份量比想像中多。牛柳粒很嫩滑，肉味濃郁，配上燒汁炒更開胃。 豉椒炒蟶子皇 $348 原來炒蟶子$232/份（4隻），店員姐姐幫我們落了1份半。 蟶子鮮嫩、彈牙，炒得夠鑊氣，成為另一碟秒殺菜式 XD 蝦籽柚皮 $88 酒家有傳統粵菜 - 蝦籽柚皮，當然不能錯過。 柚皮燘得很軟腍，入口即化，半點苦澀味也

今天是長假期後的工作天，下班後和家人到公司附近晚餐，選了勝記酒家，這裡以乳豬最為出名...即燒乳豬是片皮食用，乳豬皮薄薄的，吃起來很脆，乳豬肉不會太厚，配乳豬醬食用味道一流，而且配合自製中式餅皮吃感覺不會太油膩...炒得很夠火喉，味道酸甜可口，菠蘿特有的清香和配合青椒等食材的色澤，作為咕嚕肉的最佳拍檔最為合適...菜心炒豬肉水準也是不錯，炒得熱辣辣上枱，菜心新鮮爽口，肉片亦很嫩滑美味。飯後酒家還送上足料喳喳，作為晚餐的結尾，實在是委滿足的一餐。

爸爸一向鍾意食中菜，最近有朋友介紹佢去一間酒家食乳豬，於是佢就好快訂咗位，星期日我哋家庭日一齊去試下！呢間酒家喺灣仔，叫勝記，除咗食乳豬之外，仲有其他小菜。首先，先嚟例牌乳豬一份，乳豬皮脆肉嫩，食落一啲都唔膩，果然係食乳豬嘅專門店。除咗乳豬，家姐叫咗兩隻炸乳鴿，脆卜卜，一人一隻用手食，蘸埋淮鹽，即刻令我諗起細個同家姐爭食嘅日子！我仲未夠喉，仲叫多半隻炸子雞，今次真係一個禽畜宴！下一個係每次都會叫嘅咕嚕肉，有麥芽糖，酸甜味啱啱好，肉脆，整體感覺好好！是日牛柳粒特價，估唔到會好稔，又入味，值得推薦比大家。媽咪叫咗一個海鮮雜錦煲，味道鮮甜，粉絲索哂所有湯汁，好正。呢間乳豬專門店果然名不虛傳，大家快啲去試下啦！

這是一間乳豬名店，據說乳豬是非常著名。於是來了一試，餐牌上也見不少懷舊食品🤓。選擇了古法那種乳豬，皮薄，肉不多，的確是專門吃乳豬皮那一種，中間的肥肉也算是不少，乳豬醬比較杰，小小甜香的味道，味道不錯😁。炸子雞亦都非常出色，雞肉鮮嫩多汁，雞皮薄脆😬，沒有什麼油，不會太過肥膩。反而，這兒的蝦子柚皮非常出色，柚皮對我來說，一向也覺得是一種非常之廉宜的食品🤔，但要弄得好就要花功夫。這兒的柚皮，弄得非常之軟林，完全是去到化境那一種，雖然開始味道不濃，但是，柚皮弄得沒有酸味😍，而且軟、化，實屬難得。大斑兩味的西蘭花炒斑球，大大件斑球，啖啖肉，肉質嫩滑，沒魚骨，有些連皮而不肥膩，連我不太吃魚的也喜歡。一口牛柳粒亦都不錯，賣相可能不是最精緻的，但是牛柳非常之鮮嫩，不太老，鑊氣夠盛。鮑魚汁薑蔥撈幼麵，同樣，賣相未必非常精緻，但是將麵條撈起薑蔥，加點兒辣椒油，味道也還是不錯。店內幾名店員服務態度都相當友善，會為你推介店方美食，親切有禮。