勝記酒家 (已結業)

星期六的晚上駱克道十分寧靜，想不到一到勝記打開電梯門，全場滿座，人聲鼎沸。幸好已一早訂位食晚飯，不然真的要等位。雖然勝記，或前身兜記，以烤乳豬專門店為名，但友人不太愛吃乳豬，即使當晚見到懷舊醬烤豬只須半價198即可享用半隻都只好放棄。友人口味比較清淡，幸好勝記亦有不少小菜選擇。叫了一點小菜加炒飯晚膳。當晚可能真係客人太多，侍應有點應接不暇，顯得有點手忙腳亂。瑤柱蛋白炒飯比小菜先上，有點怪怪的。不過平心而論，飯的確炒得不錯，絲苗米有米香，炸瑤柱碎蛋白翠肉瓜粒配上炒得乾身有鑊氣白飯，單食炒飯都覺得不錯。一碟炒飯可分到七至八碗，份量很足。乾隆醉雞與坊間一般醉雞沒有多大分別，雞件略肥，紹興酒香味滲入嫩滑雞肉中，作為前菜令人胃口大開。薑蔥美國桶蠔煲美國桶蠔體型碩大，上粉略炸再回鑊用薑蔥爆香，新鮮熱辣鮮甜爆汁，薑蔥亦香嫩可口。濃湯海皇雜菜煲雜菜有好幾款，有菜心、生菜、小棠菜、西蘭花，雜菜上的海皇亦有帶子、蝦仁、魷魚，材料多樣又豐富，份量亦很多。勝記晚飯小菜味道水準以上，份量亦很豪氣，可以多約朋友前來晚膳。

一連幾天吃了新派菜，fusion多國菜。 今天想吃回傳統的中菜。 星期六的晚上去了銅鑼灣行街順便提早吃晚飯。 想起朋友提過灣仔有間酒家有古法懷舊乳豬吃。 今晚只得兩大一小， 想簡簡單單吃幾個中式小菜。星期六晚上的灣仔和平日放工大有不同。 街上寧靜不少。這間酒家前身是兜記食乳豬出名。時間尚早，已經有很多家庭食客坐陣。 很多像老街坊的樣子，似乎口碑不俗。有很多時令海鮮可供選擇，喜歡美酒嘅朋友亦有兩三版drink list滿足一下。薑蔥美國桶蠔煲$168桶蠔超大隻。泡过油之後用薑蔥爆炒得很香很惹味。 蠔肉煮得剛剛好沒有縮水， 肥美鮮嫩!紅燒乳鴿$38 紅燒乳鴿皮脆肉嫩，阿仔極速自己k.o. 左一隻。 乳鴿size唔算bb，38蚊隻絕對超值，燒臘檔都唔止依個價錢。另外，我們叫了"古法咕嚕肉$118"。 有驚喜這是全晚最讚的傳統菜式。 選用的腩排大小肥瘦適中， 炸得外脆內軟， 炸粉薄薄的一層， 不似得有些酒家厚厚炸漿裏面又多肥肉。 酸甜汁味道中和不會過酸或過甜，亦掛得出色，不多不少剛剛好包著咕嚕肉。 可見大廚功夫了得。老爸很喜歡咕嚕肉這道菜， 今晚試過之後一定要帶他來嚐一下。海味粉絲雜菜煲$88

是晚帶住爸媽去左勝記酒家食晚飯😎撘lift上去既時候發現幾架lift既人都係去勝記酒家 頗受歡迎呢 上到去更發現坐無虛席 員工都忙到分身乏術🙇🏻睇黎哩間酒樓真係幾有名未黎之前同爸媽講左勝記最出名係乳豬 所以佢地睇都唔睇的menu就話要食乳豬😛其實都理解全場爆滿忙到踢晒腳可能要等一段時間 其實都係等左半個鐘度d食物就一次過送晒上黎 較我想像中快好多！懷舊醬燒乳豬 $198首先上黎既係醬燒乳豬 其實冇諗過份量都唔算少😃乳豬送上台係熱辣辣 層皮烤得香脆可口 肉質鮮嫩 肥瘦適中 因為乳豬要有少少肥先好食架嘛😄3個人每人至少分到3-4舊 食完都飽左一半 建議大家記住拎個食物盒打包個乳豬頭回家 我見好多人都有咁做呢菊花五蛇羹 $88哩個係媽媽想食話一定要點的 好吧 唔食蛇既我都捨命陪君子😝話就話一人份量 但可以分到四碗咁多呢 個羮好足料 由幅圖可以得知成碗都係料黎架 我食到既有肉 有菇 有粉絲 薑絲 食落就好大陣菊花味同薑味 唔知係咪為左僻左陣腥味呢🙇🏻anyway 味道係唔錯既😁啫啫雞堡 $128哩個係老豆叫既 送上台既時候熱辣辣仲見到d油滾滾下咁味道好香呢😃雞算係嫩滑 亦都好入味 仲有幾舊豬潤

呢排食得西餐同埋日本野多，口痕痕想食下中菜。朋友知我鍾意食乳豬，專登帶我去試下呢間灣仔既燒乳豬。期待左兩日，終於去左食啦！平時絕對唔會讚酒樓D花生小食好食，但係呢個小食真係唔錯，全部新鮮夠脆口，唔會有油膩味或者腍身，夠香口，唔錯！乳豬半隻$199，呢個真係超開心既一句話。半隻乳豬有大約13丶14舊左右乳豬，脆卜卜熱辣辣，真係好鬼開心。乳豬唔肥不如唔好食啦係咪先？但係瘦肉方面都要有番D先夠平衝。呢個乳豬就真係唔錯，肥瘦適中，好香口。配埋乳豬醬，正呀。不過呢，兩個人想KO半隻乳豬真係有D大諗頭，好明顯係食唔哂要打包豉油皇鵝腸呢D打冷野真係麻甩佬最愛，鵝腸夠脆身爽口，加埋爽口既芽菜真係幾開胃。而且加埋酒樓自製既辣椒油，幾香下！勝記小炒皇去親任何小炒打冷或者酒樓，一定要食下佢地既小炒王。因為用得佢地自己個名，一定要貨真價實先夠膽拎上台面。呢個小炒皇真係夠哂豐富，表面切絲炸既係芋頭絲同埋白飯魚仔，蓋住左帶子丶鮮蝦同埋蝦乾，真係勁惹味！而且加左黃椒同埋菜去炒，成個口感更加豐富，真心正野！送飯一流！食埋個紫米露，夠哂飽！飲飽食醉，完滿既一餐！

要數香港的地道美食，除了一衆街頭小食之外，相信香港特色燒味也應佔一席位吧？！燒味除了濃香惹味外，還是以前香港人喜慶歡聚不能少的一道菜式，正如俗語所謂，有朋自遠方來，斬料加餸，當中的"斬料"大都泛指燒味，取其方便即買即吃，但又不失大體，而當中又以化皮乳豬最為矜貴，一般只在飲宴才會享用。近年有好幾間中式酒家都以馳名即燒乳豬作招徠，當中水準均有著一定的保證，始終即燒的乳豬熱辣辣脆卜卜，味道一定差不了，筆者今次就來到灣仔區一間新近改名的乳豬專門店重溫一下那滋味。這飯店位於灣仔區一幢商廈的美食樓層之內，前身是一間地道的老牌酒家，一樣都以即燒乳豬馳名，最近改名後據聞班底相約，店內裝修亦沒有太大的改變，乘透明子彈電梯直上三樓，一開門已見到傳統牌匾般的招牌，沒有富麗堂煌的華麗裝修，勝在整潔乾淨，就像一般的地道中菜館格局，大部分餐桌都以圓枱為主，方便店家調配，餐具​​用上了富含傳統色彩的鯉魚圖案碗碟，滿有懷舊味道。打開餐牌，即見廚藝三十六式的標語，盡道中餐三十六種不同的做法，蠻有氣勢。當中菜式的選擇也頗多，懷舊新派皆有供應，我們當然先點了這裡出名的乳豬作頭盤啦。這裡的乳豬有即燒乳豬和懷舊醬烤豬兩款選擇，

返工成日經過見到呢個大招牌，知道勝記出名食乳豬，老公今晚忽然好想食乳豬，就帶佢來試試。乳豬可以半隻咁叫，其實我覺得2個人叫半隻都唔會覺得太多。除左乳豬其他小菜都係一百幾十蚊，價錢合理。首先來就係醬烤乳豬，雖然半隻但份量唔算好多，加上我老公係食肉獸，KO半隻豬絕對無難度。乳豬外皮香脆，肥瘦均勻，咬落肉質嫩口，肉味濃帶點咸香味，就算乜醬都唔點都好好味，2個人邊食邊飲啤酒，好快已經清曬，個豬頭我地都唔浪費，打包回家煲粥，正！👍🏻小菜我地只點左2款，西蘭花帶子，新鮮蔬菜一定好味，帶子亦都好大粒，咬落口感覺肥美。最後點左另一招牌菜乾炒粉絲，雖然聽落平平凡凡，但粉絲可以炒到就乾身，絕對考廚師功夫，加上蝦乾及碎肉、蛋絲，食落多重〇感，味道都做得不錯，好夠味，成個菜好有特色。

懷舊的中式酒樓還保持著高水準的，在香港已經買少見少了，但是年長一輩的人，老是喜歡有這些格局的酒樓，吃起來才見舒服自在。今天，父約了我和我的姨婆吃飯，當然也要遷就一下她老人家的口味，來到灣仔勝記，爸請她吃的是中菜。近期這店的大特價-懷舊酱烤豬，父點了半隻（$198），吃乳豬最怕只得吃塊皮，與買塊豬皮來炸無什麽分别。這酒樓的，是皮與肉斬件奉上，有皮有肉感覺到無咁熱氣和飽肚，香脆無比，肉不會太肥，不會吃到滿口油而影響食慾。我甚喜吃蠔，今晚也點了薑葱焗筒蠔，大過隻匙羹之筒蠔，一打開蓋香氣撲鼻，是送酒佳品。與老人家吃飯，她問這裡有没有魚頭吃，我看了餐牌，這店居然還有家鄉豉椒蒸大魚頭，正合年長一輩的家庭口味。總括來說，去得懷舊店吃，環境裝修一定是以往的，没有吸睛的装修和浪漫的氣氛，來吃的是水準和口味，價值不算太貴，碟頭也比想像的大，這店確是三代同堂聚會的首選。

勝記以前個名叫兜記，仲係兜記的時候我都已經食過，得知佢改左名，專程黎睇下佢個馳名乳豬質素有無變先餐廳其實裝修同以前一樣無變到，連餐具都一樣，依然用緊印有「兜記」兩字的濕紙巾，可能唔想浪費用埋先再印新，暫時黎講，唔同的只係換左個名叫「勝記」再望一望MENU，以我記憶，都係同以前一樣，SIGNATURE的乳豬依然係度，亦都有唔少廚師推介，由一般小菜到珍貴的食材都有提供，依不同的預算去落單吧蝦乾魚肚浸高山菜 ($98)蝦乾同魚肚質素上乘，蝦乾夠大隻，完全的一隻唔會甩頭甩尾，魚肚夠厚身，由於有蝦乾同魚肚，湯都變得鮮甜，可以飲用唔好浪費蒜蓉粉絲蒸大元貝 ($48/隻)兩個人食中菜其實有一定的難度，碟頭大唔可以叫得太多食物，好彩呢度既蒸元貝係續隻叫，咁我地就可以一人一隻，有大量蒜蓉配襯，粉絲放底，粉絲吸晒大元貝的精華同蒜的香，份量再多都食得晒，大元貝已經離殼輕易食用，整個組合相輔相成，缺一不可勝記即燒乳豬 - 1/4隻 ($193)今日再黎的目的就係為左乳豬，好彩呢度有得叫1/4隻，2個人食都還可以，淺綠色的小包子依然咁軟熟，連有少少乳豬肉一齊上，唔會淨係食乳豬皮咁DRY，放上小包子度一齊食，一軟

朋友們剛剛旅遊回港，第一時間想食中菜，他們特別想食乳豬，相信兜記不陌生，原來店改名「勝記」，雖然兜記不在，但味道依然美味勝記即燒乳豬 1/4隻 $193即燒乳豬是必食之選，上碟熱辣辣，皮脆零脂肪，原來師父已經切走脂肪，只剩下脆卜卜皮和肉，肉可點上乳豬醬放上包皮一起食，軟棉棉包同皮脆乳豬有強烈對比，非常可口！薑蔥大蓮鮑魚煲 $228煲內有四隻鮮鮑魚，侍應好細心幫我分好每人一碟。鮑魚新鮮沒有怪味，煮得剛好加上薑蔥醬汁幾惹味京香陳醋骨 $118陳醋骨肉質軟屬，味道酸酸甜甜最適合送飯．Menu

昨晚我約咗兩個舊同學聚舊，我哋都好鍾意食中菜，於是去咗一間叫勝記酒家食晚飯。勝記即燒乳豬$150(例)一上到枱已經聞到香噴噴， 乳豬外皮色澤金黃，食落脆卜卜得嚟又夠鬆化，一片肥 夾著一片瘦，夠甘香，鮮嫩嘅肉質味道鮮甜，配合得非常可口，皆因佢係即燒上枱，口感與別不同。大連鮑魚$58×3 體積真不少，鮮甜味十足，口感夠淋甜，軟軟滑滑，製作嘅時間控制得剛剛好，不溫不火，同等嘅價錢，別家未必食得到有咁嘅水準。粟米魚肚羹$108 新鮮嘅粟米粒零舍清甜，爽脆多汁，優質嘅魚肚食材，柔軟嫩滑，柔韌又好咬口， 膠質豐富，大廚嘅手藝非常到家。

昨晚我帶婆婆去食晚飯，老人家就最鍾意食中菜啦，同事介紹咗呢間勝記酒家，佢話質素唔差，價錢又實惠， 咁我就即管去試下。金牌炸子雞$148 講得金牌，果然有水準，外皮炸得脆卜卜，一啲都唔會乾硬，油份充足，脆口又鬆化，當你一啖咬落去時，雞肉嘅香充滿在你口腔，外脆內軟，肉質鮮嫩，肉汁豐富，一流嘅手藝，冇得輸。瑤柱蛋白炒飯$88 一絲絲嘅瑤柱，味道夠濃郁，鮮味非常，配上滑溜溜嘅蛋白，清新怡人，每一顆飯粒都被一層蛋白包裹著，圓潤飽滿，飯身夠爽口，我婆婆入廚幾十年，都畀佢滿分，我們兩婆孫食得好開心，愉快地渡過這一晚。

假日到灣仔區探望長輩，指定動作︰之後一齊食晚飯，而且一定要食中菜! 佢地揀左勝記酒家，話經常嚟飲午茶，而且新張酬賓，晚飯全單有九折。三個人叫左幾樣嘢食，全部都係長輩揀，佢地鍾意濃味，OK，我聽候安排~【胡椒豬肚湯$108】好大碗，一人都有兩至三碗。睇顏色就已經知道好夠味，鹹菜、支竹、豬肚份量都好多，仲大大件，鹹菜啲鹹味都滾晒去個湯度。但胡椒味略嫌唔多夠，可以再落多啲，會更好味。湯入面冇白果，但加左唔少青芹，添一份芳香風味，唔錯。【椒鹽豆腐粒＄48】雖然係小食，但份量好多，外皮炸得薄脆，豆腐仍然保持嫩滑，有濃郁豆香。【懷舊醬烤豬半隻＄198】呢度嘅招牌菜，做特價，我見枱枱都有叫，一隻先係$368，我哋叫左半隻。豬係BB豬，睇個頭就知佢好細隻。外皮烤到超脆，入口鬆化，色澤均勻。裏面肉質嫩滑，滿滿油脂。【椒鹽鮮魷＄118】一上枱就聞到好香，大家都好快咁夾嚟食。炸得好乾身，食完個碟底都冇乜油。鮮魷魚用椒鹽炮製，仲加左粒粒蒜粒，好惹味，送飯一流。【濃湯海皇雜菜煲＄108】一大鍋，全晚最清淡嘅一道菜，但佢係「濃湯」! 濃底有啲魚味同海鮮味，呈奶白色，好好飲。海鮮有蝦、魷魚，魚塊幾大幾滑。雜菜好多款

近日得知係灣仔附近有間好老字號酒樓的小菜好好食，所以今晚就前來一試下。醬烤豬（198）：依到最出名既菜式之一當然就係醬烤豬，用上特別的醬汁搽上乳豬再用燒爐燒製，所以特別入味。食落乳豬皮不但甘香鬆脆，唔會太濃，加上乳豬唔會太肥，食落唔會有太油的口感，肉與皮之間夾著醬汁的甜味，非常醒胃。龍皇太子羹（108）：這個羹用了豆腐，青豆，蛋花，蝦肉，帶子去製成，飲落唔會漿口，羹與羹之間保留海鮮的鮮味，再者師父用上古式湯羹製作，所以好岩一家大細去品嚐。燒汁牛仔柳（125）：用上正宗A5和牛去製作，所以牛柳非常軟滑，入口即溶，加上炒得合時唔會將牛肉老化，而且份量亦都十分多，實在係必叫。蛋白薑米蟹飯（168）：將花蟹放係薑米上，加上花鵰酒，再用籠仔去蒸製，所以食落的薑米會有濃烈的花蟹味，而花蟹亦都吸收了薑汁的味道，絕對係女士補身的食品。銀山鎮江骨118: 用上沙煲去炆烤，所以食落的鎮江骨非常軟滑，加上用上黑糯米醋去醃製，豬骨除了入晒味外，還外以去除豬肉的豬味。總括來說，這裡有著舊式酒家風味，食品又高質，非常岩大家與家人一齊來食飯慶祝。

😍懷舊茶樓真係keep到水準 超正👍🏻👍🏻👍🏻前身係兜記酒家，而家轉左名叫做勝記酒家，水準依然咁好。 🍲龍皇太子羹（$108） 龍灣太紙巾其實係海鮮羹，裏面有嫩滑嘅豆腐，仲有蝦仁、蔬菜、和雞蛋絲，配搭很好，調味得宜，味道不錯！ 🐷懷舊醬烤豬🔥 （$198/半隻） 前身兜記酒家都係以烤豬出名，今日來到，烤豬做緊優惠，當然要試吓啦！ 從店員口中得知，烤豬是即叫即效的，非常細心。烤豬上碟時切成一隻豬的形狀，非常可愛。 烤豬切成一件件，看上來色澤非常美觀，熱辣辣的，外皮還是甘香鬆脆，吃上來肉質嫩滑，配上那個燒烤醬吃非常美味！ 🐽銀山鎮江骨（$118） 鎮江骨是用砂鍋上的， 上桌時仍是咋渣聲，非常給正吸睛。一件件鎮江骨嫩滑美味，香甜味美，非常開胃！ 🐄燒汁爆牛仔柳（$128） 牛仔粒肉質香嫩，味道可口，牛味香濃，真是無可挑剔，絕對推介！ 🐟家鄉陳皮煎魚腸（$88） 魚腸煎蛋是朋友點的，喜歡那魚腸洗得非常乾淨，配在煎蛋上味道一流。 🥗啫啫雜菜煲（$78） 雜菜煲內有菜心、西蘭花、白菜，配合蝦乾，豬肉碎、和蝦醬一起炒成，

早一陣子流行吃燒豬、原來這個熱潮還沒退去、今晚跟家人到勝記吃乳豬、七時後已經坐無虚席。懷舊醬烤豬 $198烤得熱烘烘的乳豬皮脆、肉質嫩滑。雖然是乳豬、但卻啖啖肉、四個人share都夠食。啫啫雜菜煲 $88有芥蘭、西蘭花、菜心等的雜菜煲滾熱辣送上、啫啫肉碎醬好濃夠惹味。金牌拆肉泥鯭粥 $98第一次食泥鯭粥、一直以為會有泥腥味、亦因很怕有魚骨、甚少食魚粥。豈料這個泥鯭粥很鮮甜、亦沒有魚骨、粥亦煮得綿滑、很美味。