北京樓 (形點 I)

營業中

休息中

剛進駐元朗既北京樓 緊要試下啦 我地晏就去食 叫左不太多野食 而且份量都偏小 食物不是不好食 還可以 只是價錢貴得有點不值 當然環境比一般酒樓舒服 服務還可以啦 茶位當然唔平一位 可能真係睇下大家想要d咩

一行四人，大約12:25pm左右到此食午膳，叫了（1） 炒萵筍，味道好味，但份量細碟（2）蘿蔔絲煎餅，外皮香脆，但蘿蔔絲有苦味（3）小籠包，皮薄多汁，非常出色（4）（一碟忘記了名的炒飯）有魚有菜。 飯粒粒分明，但食落全口好多粉那樣，味道不討好（5）帶子蝦菇炆麵（忘了名字），麵質太軟，好難食服務：食至尾聲，女侍應有禮地問：「要唔要甜品？），我話攞餐牌睇睇，之後回應決定不要。 過多5分鐘左右，又有女侍應問食唔食甜品，我再次回應不要了。 相隔5-10分鐘左右，當細仔放埋最後一堆麵入口不久，有男侍應問可否幫我們收嘢。我原以為只收食物碟，最後居然收剩茶右不是杯和茶壼而已。原本打算坐至1:55pm左右才埋單（因為要等睇戲），但他們已經收剩杯而已，所以不好意思地立刻叫埋單。 當我交出信用咭後，一位女侍應跟外面剛到不久的一群客説：「呢張枱埋單了。」期間，其中一位客人仲問清楚是那張，侍應仲清楚指出是我的那張枱。 如是這，幾名客人站在我的座位後等候着我埋單簽咭。我覺得如果此情況在同集團的美心酒樓是可以接受，但北京樓收得顧客這個價錢，不應給人予被催趕埋單的感覺，我們一行人，前後也只是用了大約一小時用餐而已。

本港有名食府，食物質素有一定水準，可是員工的服務態度則冇水準，令我們有d失望。本人和老公好久冇光顧北京樓，於是決定在此分店午饍，服務員安排一個近開放式廚房附近的位置，我本身怕熱，跟著示意想換一個較涼的位置，她叫我稍等安排，轉來另一位部長级的服務員問我:你想坐邊?我照樣回答:較涼的位置。她又問我:你講邊到較涼?吓反問我?她再說:你過那張枱認為得唔得？於是我們坐離廚房四張枱距離，確是舒服清涼。坐定五分鐘冇人問我們飲乜茶，我也要示意服務員開茶，但轉過頭又是那部長問我們飲乜茶?吓，我又再說一次。心想化悲憤為食量，決定叫了一個二人餐，食物上枱時服務員仍然令人刮目，兩小盅湯居然分兩次來回逐一上枱，幸好食物味道可彌補他們的工作態度，心情也隨之回復開心，但刹那開心好快飛馳，最後上甜品也要講俾三位服務員才可享用。真的死心了，希望你們光顧時不會那麼頂心!

家人喜歡吃扁皮鴨所以特意去試等候時間非常長，建議大家有心理準備至少等侯一小時以上。環境不錯配上開放式廚房，感覺衞生。員工服務態度也很好，值得稱讚👍🏻重點食物方面先說扁皮鴨，吃過很多不同餐廳的扁皮鴨，北京樓用來包著的皮做得挺鬆軟的，但吃下去覺得反而太軟及有點厚。鴨是連肉的，但肉的份量很少，鴨皮是脆的，但配菜略小。總括一般沒有太大驚喜。反而生煎包造得非常出色，強烈建議一定要嘗試。包底煎得剛好是脆的，內𥚃鎖著肉汁很好味。相比在上海吃的還好吃!另外我們還點了三款麵，麵質彈牙湯底也好味👍🏻總括下次還會再來光顧😊

今日一行五人來到這間北京樓同媽媽慶祝生日，七點鐘已很多人排隊！全部菜也是媽媽選擇的北京填鴨個人覺得不錯，因為叫了一隻很多肉跟皮，而且片皮也很好食很有口感另外那些菜也不過不失，蛋黃蝦球我也很喜歡因為一碟有六隻大蝦但雲吞雞我就覺得一般沒有很出色的味道跟普通茶樓的差不多賽螃蟹也很好食味道不錯普通食飯應該也會再去

今晚同家中長老出去食飯，老人家最愛中菜，就同佢地食北京樓。來到北京樓，必點佢的北京填鴨。鴨烤得香脆，沒有皮下，鴨肉厚薄適中，餅皮又軟又熱又薄，連同大蔥青瓜醬汁同吃，非常好味。生煎包，熱哹哹，內裹充滿肉汁。蘿白絲土餅，充滿蘿白絲，香甜爽口，一流。椒香干炸豆腐，鬆脆可口，椒鹽味相當惹味。紅梅子醬烤骨，酸酸甜甜，烤骨肉質軟腍。霸王雞，鬆香辛辣，有點刺激。以AE信用卡埋單有75折，人均消費$150，相當抵食。

元朗新開的北京樓，平日午市都相當爆場。嫩雞燴麵，失望，雞湯味入唔到麵，感覺是普通的陽春麵。生煎包也強差人意，咬開入面無湯汁，個包也煎得不夠香脆 咕嚕肉正常質素，肉質夠霖，酸甜度也不錯麻婆豆腐，豆腐好滑，微辣，花椒味也不錯，可惜味精好重 主菜北京填鴨，十分失望，鴨皮好厚，成碟鴨偏濕唔夠乾身脆身；麵包皮也太厚，而且有些厚薄不平均 Overall 真係質素好一般。如果普通食餐飯ok, 但如果為了北京填鴨來食就唔好喇。

新開張，超多人。週日晚打電話問冇得訂位，要自己來排隊，6點到，等了一個半小時。原來可以用app拿飛排隊，但職員在電話為什麼不提下我。好多老人家等位，職員都唔識主動拿些椅櫈比人坐。我們因為有AE card折扣 ，所以先至來。之前在葵芳北京樓吃過，覺得好吃。但元朗分店食物差一大截，北京填鴨味道很一般，份量也少。雲吞雞分得6碗，雞肉好硬。四季豆還可以，但份量真的很少。留意商場和餐廳冷氣好大，最好帶件外套以免著涼。因此，食物亦好快變涼。

今晚又約咗老豆阿媽去食北京片皮鴨，估計最少要＄2000先埋到單，但係都要去試吓啦，就算唔好食也要試一次，鬼叫我住係樓上啊，食咗唔好食咪下次唔好去囉。啊冇辦法㗎啦。希望老人家會喜歡

是日為了在Yoho Mall換領我至愛的PC狗公仔兼想到新店試吓，所以選了我從未光顧過的北京樓享受晚餐~~~呢度的裝潢都算不錯，小朋友可以坐BB座位~~~茶壺設計感覺唔夠中式，如果用傳統的茶壺感覺襯D~~~賽螃蟹，我個人覺得雖然好食，但好肉蛋白多而唔覺有蟹肉的存在~~~嫩雞煨麵，主要俾昕昕食，每次見到餐牌有呢款食物，我一定會叫俾昕昕，因為佢好喜歡~~~上湯茶樹菇小豆苗，溫室豆苗唔太淋，幾好食~~~雲吞雞湯幾好飲，但雞肉好似唔夠滑~~~主角北京填鴨，皮個肉係分開，我個人喜歡包住皮和肉唔夾其他野食，肉夠軟熟，皮唔太肥，昕昕就喜歡包住肉食，我地食到唔停口，真係飽到不得了~~~四大一細在我沒有認真計算的情況下埋單$801.9，剛好過$800換我至愛的PC狗公仔~~~到我走的時候發現已經有好多人等位，沒想到平日晚上會有好多人來食晚餐~~~之前去咗5日大阪勁擔心換唔到公仔，好在尋晚趕及換到~~~