北京樓 (形點 I)

營業中

休息中

今晚同主子去元朗北京樓食飯, 因為有信用卡優惠而且又想食片皮鴨, 所以就揀左呢度, 我地叫左賽螃蟹, 呢碟餸秒速就到我枱面, 整體唔差, 不過就油左啲, 配以醋來食, 味道好似大閘蟹, 第二度餸係楊柳萵苣絲, 我地好喜歡食呢度餸, 因為好爽甜,而且唔多地方有得食, 用薑汁煮, 味道好夾, 之後就係小籠包, 一籠6隻, 不過包法就有啲參差, 有兩隻未夾已經想穿, 有湯匙才力保不失, 賣相差啲, 幸好仍有內在美, 肉汁鮮甜, 才可令這名菜拎回少許分數, 最後出場亦都係等在大半個鐘既片皮鴨, 平時有兩人負責切, 今晚只得一人, 所以可能咁就耐左啲啦…半隻夠兩人食, 新鮮烤熟, 所以都好香, 加埋配菜來食, 味道不過不失.

和家人到北京樓吃二人餐加片皮鴨 整個晚餐有雞有豬有鴨有蟹有魚！現在北京樓可以訂位，不用再係門口排得甘辛苦喜歡在北京樓吃的其中一個原因，是我喜歡吃佢的前菜，甜甜酸酸的餐碟也很有東方特色二人餐的飲品是檸檬柚子蜜花鵰雞，冷吃，酒香味好重👍🏻，雞肉都挺滑這個大蔥豬肉，豬肉係甜的，又好重大蔥味，我覺得成甜個味道不太夾，同埋不夠熱呢個蟹肉就好正了，一咬開出哂煙，蟹鉗好大舊，好彈牙這個羹，少鹽、多菜、多蛋白，很健康入面還有好多魚肉，追求健康人士可選呢個蟲草花好鮮。整個菜都好有水份，這碟菜很鮮豔。令人胃口大開我等左好耐的片皮鴨，黎北京樓都係為左佢❤️鴨片好脆好熱，一咬開，好多油滲出來，旁邊仲有砂糖同大蔥，包住皮吃，好味甜品是楊枝甘露，好濃芒果味👍🏻👍🏻

在安排做節時，選擇了下午五時四十五分的首輪訂座，雖然時間早了一點，但訂位限制方面較有彈性，不須預先付訂金及可於入座後才選擇合適套餐。開放式廚房，讓我們理解廚師的辛勞!入座後店員奉上三碟一樣的小食。因為是家庭聚餐，便集中研究套餐系列。最後選了十二位用的五福臨門，有前菜，主菜及甜品。糟香酒醉雞有酒香味，雞件非常滑。花醋小排骨甜酸味不太濃烈，肥瘦適中，肉質腍身。茉莉花燻素鵝金黃色小卷、賣相佳、有燻味，好味!江南燻鯧魚要享受香燻味，可慢慢咀嚼燻魚。海蜇頭有新意的海蜇頭，不是一條條的海蜇，形狀像朶花，口感更爽。烤北京填鴨烤鴨皮脆肉腍，鴨味濃!薄餅透薄軟身，每一塊薄餅都有一層紙相隔，方便夾起。將薄餅連同烤鴨、加入醬汁、蔥及其他配料包起來或單吃鴨肉都好味。我特意選了較肥美的部份吃，好好味!高郵鹹蛋蝦球賣相美而且飽滿，蝦球啖啖肉，鹹香味適中，翠玉瓜夠爽身，好味!三鮮海皇燕窩羮材料豐富、是清淡燕窩羮。一邊喝湯，一邊跟家人談天說地，忘記了拍照!大紅袍松子雙黃花魚雙黃花魚除了炸得漂亮之外，紅色獻汁放到黃花魚上就正如菜式名稱一樣，有一件紅色的大衣披在魚身上。魚肉滑，獻汁較酸，一點也不油膩!翡翠海參鮑魚(六隻)

今晚四女一男去到元朗，因為平時成日食西餐今晚突然想食中菜，Yoho好多中餐選擇，星期日真係好多人，間間餐廳都要等位，但最後選擇北京樓，因為有片皮鴨餐廳點菜後10分鐘內就會送到台上，確實快得黎又有水準，真心快靚正，仲叫左雲呑雞不過吾記得影相🙈

之前曾經你試過一次，感覺麻麻，較少點心選取，這次再來嘗試，除了看見中午有套餐外，亦都多了粵式點心，感覺不錯雞絲粉皮：粉皮十分滑配以幼幼的青瓜絲和麻醬，也有雞絲在內，吃下去是味道不錯，可能由於不是雪到很凍，反而口感剛好，分量亦適中小籠包：這個也不能挑剔，皮薄餡滿滿的，咬下去連湯一起吃鮑汁鳳爪，這個也值得推介，鮑汁不會炆至油膩膩而鳳爪也吸收到這個味道，鳳爪吃到雞味，感覺不似雪藏鳳爪欖菜炒飯：這個也較想像中份量為多，炒飯爽爽的，味道也剛好總括來說，今次在光顧感覺較上次開業是為佳，多了點心的選擇，下次會再來

依排某銀行信用卡做緊套餐價六折優惠～～梗係要試下平時人均都差唔多三百既北京樓套餐價$798包兩個前菜，五個送，一個羹再加兩個迷你冰皮，未計加一同茶費，小食費因為唔係碟碟送都有影相，同埋好多時候食左一半先記得影，份量係好足夠起碼五至六人食都一定飽肚海蜇頭好爽已經有d 接近硬身，味道得少少酸調味再加番少少辣應該會惹味d醬蹄片無影相，有成六薄片，少少酸辣，唔會覺得好肥，反而味道層次豐富d,好好食海皇燕窩羹，食唔到燕窩。。。d 料無乜。。味道好普通茶樹菇煎魚方 本身有四舊，張相已經食左一舊，依道菜係成個套餐除左片皮鴨 既第二好食，味道唔會好濃，魚質感都好滑，但應該係急凍魚，所以都無乜魚味炒蝦球，每舊蝦都好大舊，口感都好爽硬身，味道鹹左少少，係成個套餐第三好食翡翠苗 d 苗好老身。。。好似食緊草終於到重頭戲片皮鴨都係一貫甘好食，同埋塊餅片真係夠薄身又唔係痴埋哂仲有小籠包無影到相，四個一籠～～皮薄餡靚上面甘多野其實已經食到好飽，因為我地只係三個人黎食。。。所以好多野都食剩左冰皮無食到拎走～～就係平時美心迷你兩粒裝，我地係芒果味，唔知係隨機定fix 左味道三個人計哂埋單係九百幾，如果六個人食人均大約

到過北京樓很多次，寫北京樓的食評還是第一次。今次沒有片皮鴨，沒有松子魚，只點了幾樣小菜。干扁四季豆是我最喜歡的菜式之一，這次炒得很有鑊氣，肉碎和四季豆都炒很乾身，很香口，味道亦恰到好處，不會太鹹，算是我吃過最好吃的干扁四季豆。👍🏻四季炒和菜戴帽也是我喜歡的菜式之一，它的名字很特別，用包片皮鴨的麼麼包著吃，吸收了他多餘的油分，減去油膩的感覺。每籠附有六片麼麼，份量剛剛好。用麼麼包着和菜和煎蛋一起吃。最後當然少不了必吃的小籠包，熱騰騰的小籠包沾著醋吃，倍添鮮味，一口吃下，滿口都是湯汁，非常滿足。

同屋企人食飯所以簡一間中式餐廳我地叫左個六人餐（晚市）今日星期日 ，所以一早訂左位去到好多人排隊咁就直覺認為都唔差點知......☹️個扁皮鴨好肥個皮又唔熱凍住食，d油太多唔好食☹️然後個炸小黃魚，有d腥同過分炸☹️個西蘭花海參好咸☹️甜品楊枝甘露得個甜字正常既係炒麵，雞湯最好係個壺菊花茶，頭盤同小籠包，夠汁，皮都夠薄賣單二千四唔係好值😰但都有咁多人排隊🤗🤗🤗元朗真係無野食咩？家上海都好食丫🤔🤔

在元朗大型商場，除了一般荼樓外，北京樓都進迬這裡。之前已來過，但以套餐為主，今次發現多了以點心主題，選舉多了也証明餐廳不段求變、迎合大眾的精神。今次叫了京式叉燒包、蝦餃同埋欖菜肉碎炒飯。 整體味道唔錯，最重要熱辣辣香噴噴，如果同廣東酒樓相比就不過不失，畢竟以小菜為主打，但也值得支持！

之前嚟北京樓食過三次，都係人數比較多，覺得唔錯，環境闊落，食物有質素，今次諗住同老友歎吓茶，見到有2人套餐，$298幾抵，於是試試。醉雞素鵝，味道麻麻，素鵝太腍，醉雞又冇乜酒味。小籠包一般，上檯時見得兩件，有少少失望。蟲草花炒小豆苗都一般，冇驚喜。鹹蛋黃蝦仁唔錯，蝦肉爽口，大大隻，炸得好鬆脆。見套餐份量不足，我地都意猶未盡，追加一籠蝦餃，普通酒樓質素。三鮮手打麵就幾清新，有雞肉同蝦。總結黎講，一大班人食會好啲，可以叫埋填鴨，兩個人叫得唔盡情，可能套餐價差少少，散叫好好多。

形點北京樓也是我的飯堂🥢可惜晚上光顧，由入坐起計每枱只有90分鐘進餐，其實120分鐘較好，皆因烤北京填鴨都需時40分鐘製作，所以每次若決定吃，入坐後即落單，邊吃其他食品，邊和至愛親朋聊天，邊等愛吃的片皮鴨🤩「烤北京填鴨」和「乾炸小黃魚」是我的飛佛：1.北京填鴨(半隻)$160，皮脆肉嫩，香氣撲鼻，每吃自家包的一件，即用又薄又軟身又熱的嬤嬤皮，包着香脆的鴨皮和鮮嫩的肉質，再和青瓜條、紅菜頭條、海鮮醬融和，美味得滿嘴甘香，滋味無比😋👍🏼2.乾炸小黃魚$58(2條起)，每次必叫，外脆內嫩又大條。坊間也有弄得不錯的，但未必有這個size，好味推介😋👍🏼3.松葉炸🦀鉗$58(2隻起)，比一般的蟹鉗大，真材實料， 上桌時熱騰騰，弄得香口彈牙，好味推介😋👍🏼溫馨提示：AE指定的白金咭2-3人有6折，所以吃得更開懷🥂和抵🙌🏼還有一點，我盡量會在星期一至五光顧，皆因星期六/日很多人、很繁忙，烤鴨或其他出品可能有偏差

美心旗下的北京樓, 以往通常去金鐘、荃灣或旺角其中旺角那一間印象中水準較參差, 去過一次也沒再去過朋友在元朗上班, 多次提起這間北京樓對比起其他分店是水準較高的但因為元朗實在頗遠, 終於還是上星期才約到友人一起吃因為今次人少(3女1男), 最後只點了一個四人餐($780加一)再散叫了炸饅頭和叉子鬆餅四人餐部分:兩小碟 (胡同老館涼拌醬蹄、雞絲粉皮)中規中矩, 涼拌夠爽脆夠香口, 粉皮口感可以, 但略嫌醬汁只是顏色似麻醬, 實質是帶酸的醬(形容不出來)川揚乾燒蝦球這道不錯, 就美心一貫水準的大蝦球+一個酸酸甜甜辣辣的汁 花膠翡翠龍鳳羹就…美心一貫水準 烤北京填鴨 (半隻)鴨真心有比我想像中好吃, 比不少京菜館都好吃, 肉和皮都OK(在香港對鴨也不能要求太多), 偏濃味用來包的皮每塊都夠熱夠軟身, 連邊邊位都無乾, 加分  松子菊花魚這道菜令我無比後悔叫套餐, 粉和魚肉的比例是3:7, 不知道在吃什麼 上湯時蔬OK, 大酒樓水準 淮揚灌湯小籠包比預期好, 點心水準, 但起碼比我前日在旺角樂天皇朝吃的好 香芒楊枝甘露(無感想) 散叫部分:炸饅頭:叉子鬆餅: 比預期差一點點, 肉鬆感覺上炒太過

好耐好耐冇食填鴨喇! 端午節晚上終於有人陪我食喇！去親街都食西餐日本野，今次一於還原基本步，食下中式野先...哈哈哈今晚兩個人叫咗4個餸，好夠飽！京城芙蓉賽螃蟹 $118大大碟，滑劣劣，有水嫩嘅蛋白香。如果可以好似細個食嗰款賽螃蟹咁，放隻生蛋黃撈埋就更加美味！可惜而家再搵唔返一間餐廳會咁樣做喇，因為大家都要保障返自己餐廳嘅食物衛生安全。四川擔擔麵 $50足料嘅一碗擔擔麵，無論係花生，肉碎抑或係佢個芝麻香都好夠，食完個麵仲會忍唔住想飲晒啲湯tim! 順帶一提，店員好貼心咁主動問我地洗唔洗另上辣汁，因為都會幾辣。雖然依稀之前食過嘅經驗，記得嗰種辣係承受到嘅，但係都欣然接受店員嘅好意，畢竟辣汁另上嘅話，我地可以自由調較自己想食嘅辣/濃/油度吖嘛😌淮揚灌湯小籠包（6隻） $48值得一讚嘅係個小籠包，皮薄又多汁，其實一啲都唔會差過鼎泰豐，熱辣辣將成粒小籠包放入口，係口度爆汁個下真係好幸福! 烤北京填鴨 (半隻) $160重點黎喇! 隻鴨滿滿油花加上薄薄嘅皮，係時候為自己DIY 個餡餅食喇！一塊皮加上兩塊鴨，三種配料再加埋佢特製嘅醬汁，滿滿餡料先至係大滿足🤤食過好幾間唔同嘅北京樓，我覺得元朗嘅北京

你要有無窮的忍耐力加耐性再加上可供糟蹋的大量青春，才好光顧YOHO的北京樓。餐廳輪籌是正常不過的事，但眼見餐廳內有大量空置枱，而籌號卻長時間沒有人叫號入座。向門口的阿姐反映情況，所得的反應是冷漠一句: 唔夠人手。我說我見到有好幾張二人枱已經執好枱有十幾分鐘，但一直沒有人叫二人籌入座。這個阿姐的回應更是一絕，她說: 十幾分鐘唔係好耐啫！我頭也不回，也沒有下一句，走了！YOHO這寶號永不光顧，因為我的時間太寶貴了，也絕對沒有多餘青春去等！

今天與友人相約玩遊戲機，因此先到他家樓下的北京樓先吃一頓飯。這裏環境寬敞，設有開放式廚房，但空氣流通，不覺得油氣味。楊柳萵苣絲萵苣絲清爽可口，鮮甜無比，當真是開胃。淮揚灌湯小籠包小籠包一向是最好的點心，實在不能不吃。這裏的份量不算很多，一口一顆。皮薄餡香，肉汁蠻多的。紅色的外皮是紅菜汁所做的。糟香酒醉雞醉雞也是頗吸引的，少少入口即溶的口感。花雕酒味香濃，香氣搶鼻而來。總括而言，價錢是比一般的中菜飯店是貴的，但相比食物質素及環境，是合理的。