北京老家 (已搬遷) 新店位置

今晚同屋企人出去慶祝父親節，周圍都好難搵位。 之前阿妹同朋友食過尖沙咀呢間北京老家，讚不絕口，今次一於帶阿爸阿媽試下。可能係大節日，北京老家都係 last moment 先至confirm 我哋有位。我哋冇點套餐，選擇散叫，但係睇完餐牌都唔知點乜嘢好，所以叫經理推介。。。總共點咗8樣餸，其中最推薦嘅係老家柚子魚和烤北京填鴨。條魚好大條，炸得好脆，個汁酸酸甜甜好正，開胃，好餸飯，成碟賣相都好靚，色香味俱全👍北京填鴨一啲都唔肥膩， 鴨肉同鴨皮切得厚薄適中，餅皮夠薄，唔錯👏其餘嘅菜不過不失，唔知係咪節日太多客，唔係太突出， 阿妹話上次好食啲㗎😆

今天帶家人來一趟，枱中央有魚兒在游泳，生動有趣。最出色是一道糟溜魚片，雖然是一道山東名菜，但家人甚是喜愛。魚肉雪白厚身，已去骨，很適合家中長者。肉質嫩滑，帶有淡啖酒香。食北京菜必吃北京填鴨，可惜太肥，沒有太多肉。小籠包是另一必點菜式。大大個小籠包肉質鮮美，肉汁亦很豐富，$68有六個，性價比高。老娘炒飯最大特色是用小米去炒，飯粒大小大約是正常飯粒約1/5。雖然用料簡單(牛肉、豆角)，但炒出來卻很有飯香，口感亦很特別。鐵板牛肉一上枱香味四溢，但最注目還是份量，堆得高高的滿板牛肉夾雜香蔥。味道微辣所以吃起來很惹味，牛肉肉質軟腍鮮嫩，非常不錯。沙鍋雲吞雞由店員分成碗上枱，每碗都有兩粒巨型雲吞，雞湯味道適中不會過鹹。雞肉則是分開上枱，肉質尚算鮮嫩，不過份量就很少。

今日同一班同事去左尖沙咀食飯，黎到呢間好特別既餐廳，呢到既裝修都好有風格。作為片皮鴨粉絲既我就當然叫左一隻食下，呢到既片皮鴨肉比較多，不過肉質都嫩，份量好多，用皮包住個鴨食真係一大享受。小籠包亦係呢到既特色食物，真係皮薄餡靚，好多肉汁，好滋味。我地亦都叫左一個蒜泥白肉食下，不過呢個蒜泥白肉同我平時食既有d唔同，一睇見到好多蒜就真係好開心，但點知白肉就得四片，真係好少，其他都係雞絲粉皮既粉皮。不得不提既就係呢到既甜品---拔絲，呢到都有幾款揀，我地就叫左個拔絲香蕉，外貌概吸引，食落甜絲絲，口感好特別！走既時候仲見到如果坐細枱，張枱係有個魚缸加玻璃，好得意。

朋友生日想吃北京填鴨看見這間好像很傳統網上看評語也不錯於是就訂了枱來慶生這裡的裝飾很古色古香別有一番風味。。。。。。。。。。。。。北京填鴨 (半隻)▸一心來吃鴨，但卻令人有點失望，首先份量很少，感覺不像半隻，皮不夠脆也不夠熱，而且油香欠奉，無乜鴨嘅香味，還好肉質不算嚡，塊餅皮頗厚，充滿麵粉味🤦🏼‍♀️。。。。。。。。。。。。。醉雞▸反而比填鴨更出色，酒味都幾香，但唔會濃到蓋過雞味，雞肉都算幾滑，亦都唔肥👍🏻。。。。。。。。。。。。。素鵝▸同平時嘅唔同，呢款裡面係無餡嘅，不過都好好味，煎得好香脆，亦都唔會話好油👍🏻。。。。。。。。。。。。。小籠包▸皮不夠薄，餡料正常，無特別，亦都唔算特別多湯汁，重點是不夠熱。。。。。。。。。。。。。鵝肝煎餅▸煎餅唔香唔脆，一點味道也沒有，鵝肝少到幾乎找不到，而且也是零味道，真心差到爆👎🏻👎🏻👎🏻 。。。。。。。。。。。。。拔絲蘋果▸賣相好靚，呃like一流，熱食個焦糖皮都幾脆，亦都唔會話勁甜，如果唔係配蘋果應該會更加夾，凍左食就會覺得好甜，所以趁熱食晒去啦😊

尖沙咀都有古色古香的京菜。今日黎到北京老家，一間裝修雅緻的小店！而且地鐵站一出京到，步行時間都慳番！一入店每張枱都有一個金魚缸，幾得意！同場都有不少外國人和日本人，實係比d裝修吸引而黎！麻辣土豆絲爽脆的土豆絲做餐前小食一流，不過麻辣感覺有點淡口，而且比較多油，但份量取勝。素鵝新鮮即炸的素鵝好香口，腐皮感覺十分有層次！小籠包令人出乎預料之外，小店的小籠湯包好有驚喜。首先是小龍湯包熱辣辣奉上，加上皮薄薄地，而且一咬入去湯汁就湧出來，好juicy呀！仲好食過好多出名的鋪頭！加上醃得恰到好處的豬肉，一放入口令人有至高無上嘅享受。是小店其中一款必試的點心！葱爆牛肉香口的京葱吸收哂汁的味道，送飯一流！尖椒炒豆干本身以為這個菜會是惹味的一種點知原來是健康的一款。尖椒切成絲後，加埋切絲豆干同炒。尖椒的爽脆鮮綠，加上豆干的滑，形成了一大對比！清清地幾過癮，素食者不能錯過！炸銀絲卷加埋煉奶，炸得鬆化的銀絲卷立刻成為新的亮點！甜甜地，又可以當係甜品！男朋友就最鍾意，可以食多幾條！地利位置方便，加上特色的裝潢，給人一種去左中國的感覺！食中菜都係人多比較好，可以試多幾款唔同的。

今天約咗朋友到北京老家食片皮鴨， 《北京填鴨 $198》有半份， 外皮燒得香脆， 肉質鮮嫩，肥而不膩，溫暖嘅薄餅包上鴨肉、 青瓜同京蔥， 再配上醬料， 味道極為惹味。 《齊菜炒年糕 $98》 ， 味道適中， 年糕口感煙煙韌靭， 做得不錯。 《京燒排骨架 $108》， 份量都算多， 味道酸酸甜甜， 肉質嫩滑， 炆得非常入味，正！ 值得一提就餐內裝飾， 餐枱上有活生生嘅小魚兒， 非常可愛， 生氣勃勃！ 裝修富有中國特色， 擺設非常別緻， 牆身畫都以古代風格為主題， 可見用心佈置！

星期四係媽咪嘅生日 所以我哋去咗北京老家食飯佢最出名呢就係片皮鴨 我哋仲嗌左個羊肉小籠包津白 前菜就叫咗個雞絲粉皮佢最特別呢就係嗰個環境每一張枱下面都有啲金魚係度游啲員工都好親切 會介紹菜式俾你同你揀個位置都幾方便一出地鐵站就係啦

早前跟幾位朋友聚會，第一次選擇食中菜因為有朋友想食片皮鴨，所以揀左呢間由於星期六，所以食客非常多我地有訂位，一行七人被安排坐喺樓上一張有魚缸既枱，好特別！未食已影緊相我地7個人叫左麻辣粉皮、雞絲粉皮、蔥爆羊肉、鐵板牛肉、一隻片皮鴨，糖醋魚柳、上湯豆苖、炒飯同拔絲士多啤梨但掛住食，無乜點影相為左片皮鴨而黎但片皮鴨只屬正常水準，肥膏有點多麻辣粉皮個汁不麻不夠辣，雞絲粉皮個汁好香值得一讚係啲粉皮做得好靚，晶瑩剔透好薄好滑反而其他菜式有驚喜最好食係糖醋魚柳，外脆內軟酸甜適中，魚肉好滑無雪味，其次係蔥爆羊肉(一啲都唔羶，調味好惹味)，鐵板牛肉同拔絲士多啤梨(士多啤梨本身來貨已經好甜，好好味)我地差啲食唔哂侍應服務不錯，幾友善佢地啲前菜都幾好味埋單每人二百左右，非常抵食會有下一次

今次又係一大班人食飯啦，最好一齊去食啲中菜㗎啦，款式又多又夠大碟，大人細路都啱食嘅。不過今次真係有小朋友嘅關係，我哋都冇食啲好辣嘅餸菜。位梗係唔使等啦，因為一早就已經訂咗位㗎啦，咁亦都好好啦俾咗個房我哋坐。雖然地方感覺暗咗啲，不過呢咁樣食飯都幾輕鬆嘅，而且地方都算好乾淨。醉雞呢個醉雞你啲雞肉呢非常之滑，酒亦都香醇嘅，雞皮都博唔係好多脂肪，唔會肥膩。作為前菜係開胃嘅。齋菜炒年糕炒年糕呢我比較少食，因為有小朋友所以叫咗呢個菜，。個年糕炒得幾香混口，肉絲亦好惹味。蔥油餅同平時出邊食嘅蔥油餅差唔多，唔會太油膩，香口嘅。小籠包皮薄，湯汁好多，配上薑絲同醋一流老娘炒飯細細粒嘅米好得意，炒得好乾身，味道普通片皮鴨片皮鴨皮燒得好脆，鴨脂肪好香，配上清爽青瓜絲同惹味大蔥絲，絕對食唔停口

餐廳位於尖沙咀，外觀非常有特色，像一家古裝片常見的客棧。內裡裝潢也古色古香，背景播放著中國風的改篇樂曲。牆壁畫有農家風景，另一邊則是書法體的《論語》。從天花板垂吊下來的是燈籠、鳥籠和油紙傘。最特色是有些枱中間一塊透明玻璃，下面是一個青花瓷的魚缸，裡面還是真的活金魚(非食用)，高雅之餘增添生氣。店方真的在裝潢花了不少心思。茶是一般中餐廳較少喝到的麥茶，味道香甜，解油膩，助消化，讚！北京填鴨半隻$198 - 吃北京菜少不了北京填鴨。鴨肉用一隻扇形嘅青花瓷碗上，好不精美。鴨肉肥瘦適中，放上大蔥絲、蘸甜醬，用軟綿的薄餅皮包來吃，一流。糟溜魚片$118 - 魚片大塊兼肉質嫩滑，芡汁放入了桂花，魚片吃起來滿口芳香甜味，甜而不膩。頂級美味，到現在還回味中。小籠包$68 - 總共有六件而且也算大件，湯汁多，相當不錯。上湯豆苗$88 - 本以為是豆苗再加少少菇菌類，原來還有不少爽彈蝦仁。豆苗份量多而且味道清香。古風的裝潢，食物美味。將來若有外國朋友或同事想品嚐中國菜，我必定會極力推薦這家餐廳。

要食傳統京菜的地方買少見少, 今晚終於有機會黎到呢間京菜館與友人飯聚內在裝飾佈置好"中國", 大紅燈籠高高掛, 難怪吸引遊客前來光顧枱面下有亮點..................有金魚游來游去, 成幅畫咁靚, 未開餐前望住佢地都幾治療feel.............哈..哈......餐牌上食物種類選擇相當多, 有D係見慣見熟食開嘅款式, 有D係未見過但相信係傳統地道嘅, 想食邊款都無問題對於土豆絲有份情意結, 雖知道材料只有土豆絲, 但要整得好味都唔係間間做得岩口味!  呢度嘅土豆絲有幾種口味, 見天氣熱熱地, 就黎個涼伴土豆絲 ($72)土豆絲切得公整, 口感相當爽脆, 淋上涼菜醬汁, 味道咸中帶酸, 簡簡單單都幾好味!濃味之選點左呢客蔥爆牛肉 ($96), 蔥同牛肉嘅份量一樣多, 濃味醬汁包圍住蔥爆牛肉, 牛肉肉質嫩滑; 京蔥味道甜味, 兩者配搭好味道!特登點多客蒸銀絲卷 ($38)用黎夾住食, 減底油膩感另配練奶點黎食又係好滋味呢碗酸辣湯麵 ($98)份量相當多, 足夠二人分享, 湯麵原來採用上海粗麵, 相當飽肚; 而個酸辣湯底味道幾平均, 材料方面只有豆腐, 木耳及蛋絲,

#fridayla_tst⠀⠀⠀⠀⠀⠀⠀⠀⠀⠀⠀⠀⠀⠀⠀如果要數一樣最喜愛的中菜，當屬片皮鴨😭⠀⠀⠀⠀⠀⠀⠀⠀⠀⠀⠀⠀⠀⠀⠀小時候去酒樓，最期待就喺用餅皮，青瓜及鴨皮，再加醬料拼湊出自己的片皮鴨😍😍⠀⠀⠀⠀⠀⠀⠀⠀⠀⠀⠀⠀⠀⠀⠀呢度菜口感豐富得黎又唔會太油膩當中的蔬果又能夠增添點清涼口感可謂兒時喜愛的中菜之一😳😳⠀⠀⠀⠀⠀⠀⠀⠀⠀⠀⠀⠀⠀⠀⠀所以，呢排就同L小姐去咗尖沙咀緬懷一番！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣北京老家主打官府菜，整體裝潢古色古香，餐檯中央會有一面透明玻璃，能夠清晰看見檯下於瓦缸中暢泳的金魚，感覺別緻；而且其餐具的設計都略有心思，富含中國風！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣片皮鴨半隻💲198💭片皮鴨份量絕無花假，而且厚薄適中💭食落鴨皮都脆，同個自家制醬汁幾夾🤤💭配料既份量剛好夠食嗮所有鴨皮😳😳💭餅皮似乎喺手打，餅皮之間有些許麵粉相隔💭所以會無咁粘連，美中不足喺餅皮略厚😣⠀⠀⠀⠀⠀⠀⠀⠀⠀⠀⠀⠀⠀⠀⠀2⃣蒜泥茄子💲68💭開頭以為喺蒜蓉涼拌茄子💭但原來喺用咗麻醬涼拌😳

朋友想食北京片皮鴨，話好耐無食啦，又無咁多錢飛去北京食，於是就搵下尖沙咀既北京餐廳，因為印象中尖沙咀都多北京餐廳。我地一行四個人就搵左依間餐廳去試。間餐廳裝修好北京feel，十足似北京既橫街D舊建築物咁，而且枱面好得意，每一張枱都有盤金魚，哈哈，搞到好似D金魚想食D 美食但又無得食咁既feel。 我地當然叫左個北京片皮鴨，個皮好膽好味，同埋叫左個豆苖，用蒜蓉去炒，好味。我地仲叫左小籠包，小寵包就比較失色。最後叫左個甜品，依個甜品好少可係香港有得試啦，好似話係香港唔係好多師傅整，就係拔絲啦，我地叫左個拔絲士多啤梨，甜甜地酸酸地，味道唔錯。

位於尖沙咀的北京老家，是一間很受遊客歡迎的中菜館。是日相約兩位名人吃位來吃晩餐，原本想靜靜地談天說地，但因為餐廳人氣太高，嘈到不行，要大聲說話才可以阿。北京填鴨$198(半隻) $358(一隻)糖醋魚塊$118由小至大必點的小菜之一，必定有糖醋魚。相比起咕嚕肉，我更愛糖醋魚，不用咬骨，整件吞下去，更加滿足阿。醬汁非常濃稠，甜甜酸酸，非常開胃，魚塊嫩滑腍，我差一碗白飯阿。炸銀絲卷$48饅頭是我兒時最愛，不論炸的，還是蒸的，我也很喜歡。長大後，則愛上口感較豐富的銀絲卷。炸後表層金黃香脆，中間的絲絲質感軟熟，沾一沾煉奶，一人兩條也可以阿。蟹粉小籠包$108小時侯常常有個疑問，為什麼小籠包是長這個樣子阿，我還以為是類似蒸包的包呢。一客六件的小籠包，接位放上蟹粉，更加高級。皮不算薄，不易破，接位算多，湯汁鮮甜，肉餡彈牙，質素平平哦。

北京老家—想要在香港吃一頓有水凖而價錢合理的京菜，這間餐廳不失為一個理想的選擇。是晚為母親大人補祝生日，一家一行四人來到尖沙咀堪富利士道的這家北京菜館吃晚飯。雖然於「開飯」網上參閲過一些食評，知道餐廳是頗為爆滿的，但由於已經於前一天致電訂枱（限兩小時），所以我們一到達餐廳位於二樓的入口登記入坐。我們登記之後，被安排往三樓的四人枱享用晩飯。剛坐下，便被枱裡面的金魚缸擺置吸引着，對，是在枱中玻璃底下擺着一個小型金魚缸，十分有趣。由於父母大人與朋友吃過午飯不久，所以這餐不可以點得太放肆⋯⋯⋯點了以下這些菜式：北京片皮鴨（半隻）：鴨片有鴨油香，且頗為鮮嫩多汁；但可惜的是，鴨皮不脆不熱，夾鴨肉的薄餅也有點兒厚⋯⋯⋯宮保炒蝦仁：蝦仁爽口且無雪味，豆瓣醬炒過之後味道非常香濃，可惜蝦仁的體積有點兒小。雪菜炒四季豆：四季豆鮮嫩爽甜，再伴以雪菜，味道一流，大家都讚好！八王爺亂燉湯：如果只看名字的話，應該會以為是一煲很濃郁的燉湯⋯但上枱看發現完全不是這回事⋯橙紅色的湯入面，有着茄子，豬肉丸，秀珍菇，薯仔，椰菜等等配料，喝來倒像西式的羅宋湯⋯有點失望。蔥油餅：全晚最大的驚喜，分為八份的小薄餅非常脆口，手拿着吃