北京老家 (已搬遷) 新店位置

熗羊肉片兒湯麵- 湯底只有豉油與醋味，味道單一- 片兒麵過淋，不吸湯- 羊肉片略老片皮鴨- 皮不夠脆- 粉皮少於鴨件，不夠用*每張玻璃枱下都有一個魚缸，看着魚兒活潑地游來游去好有趣

叫一個6-8人套餐，實足10人用，排骨和牛骨超淋，長者都食得。北京填鴨好多件，塊餅皮凍咗都唔乾ok。宮保大明蝦，蝦球大大隻其實上菜水餃都已經勁飽，但預咗每人兩隻都要食，好彩水餃新鮮朋友們欣賞拔絲脆卜卜，我自己覺得冇乜特別因為本人不嚐麻辣所以冷盤興趣不大，但碟頭夠大餐廳設計特別，老外應該感興趣，可考慮同客吃飯

三五知己想去食北京烤鴨又唔想次次都老牌餐廳咁悶，就試下呢間北京老家啦！2日前打電話預約，要訂到8點半後仲要話唔保證有枱，可能到左都要等位咁話！咁我地提前10分鐘到啦，都可以係8.45前比到枱嘅！只得幾個人就只叫半隻鴨啦，但竟然只得一盤唔到20片嘅鴨肉，好似份量有D搵笨囉！其他小菜都唔多出色，一碟陳醋海蜇裡面嘅青瓜佔左3份二比例；只係甜品拔絲香蕉係正常水平啦！裝修都算有特色，不過環境好嘈吵；服務都係一般茶記水準！

一家人中秋佳節食晚飯，經朋友介紹去咗呢間試新菜，地點方便，而且價格都可以接受，只係唔知道叫化雞要預定，食唔到。上菜速度幾好，而且我地兩圍檯可以係房慢慢食。草綑牛骨最正，少少辣，好野味，條柚子魚勁好食，云吞一般，個拔絲香蕉D糖太多，結果變咗食糖。

未吃已經有點等到呆，等到嬲話說…我前一天已打電話book枱起初我們遲了7分鐘到問店員時，回應…係，等一等…等多幾分鐘…上一枱客遲左黎…快了…我去睇下…轉頭送客拔絲士多啤梨…執緊枱…等了30分鐘…都講到執枱，所以就直接上一層等，誰不知，枱客都未走，等多5分鐘先走…點解等咁耐都未走…因為今晚就係特登約食飯食烤鴨其實可以同我講，我遲到，所以無留枱是日重點，好想吃的…片皮鴨不過，可能期望過多，完全無驚喜可以用普通來形容鴨，好肥朋友食落覺得有啲“酥”食淨啲時，係最好都夾黎食啦…好似有風乾鴨嘅感覺唔記得叫咩醬…排骨但食落啲肉係無味嘅，好似最後混個汁落去小籠包，無特別！個人應為偏咸全餐好似最好吃的已算是松子魚酸酸甜甜，但個粉漿好似尚欠少許時間蒜泥白肉，大家也應為別的店連鎖麵店較好吃豬肉沒有味道，就算有蒜…但味道也不濃，肉下有薯粉，但上凍下熱，所以唔夾。炒飯，比餸更好吃淡淡地，但蝦都幾爽炒小米飯（實際名唔記得了）但亦都係好吃的，內裡有牛肉粒但不是人人喜歡小米的感覺蒸餃…無味的士多啤梨拔絲一般會係香蕉，蘋果等…樣貌…ok…靚味道都無問題問題係，似冰糖葫蘆多過拔絲拔絲應該係炸完後加糖，上枱後，浸冰水，再攞

和一班同事來到北京老家，我們都是第一次來試試，最初見到app內的裝修很有特色，古色古香，滿有風味，最特別是枱中央有一個金魚缸，有真金魚在內游水，但是很可惜，因為我們訂了房，房內的枱沒有金魚缸。説到食物質素，普通，但是份量超足夠，都是大大碟。食物款式也頗特別，有一味炸桂花魚配了柚子，酸酸甜甜的，和炸魚的味道很配合。環境方面，可能房間太小，很嘈吵，我們離開時已經九點多，但是仍然很熱鬧。

尖沙咀北京老家給我第一印象是古色古香，很多古舊的擺設，很有特色，而給我最大驚喜是差不多每一枱的玻璃下都有一盤金魚和你一起用餐！北京烤鴨（$198/半隻）這個北京烤鴨，先看賣相，用扇形的碟載著一片片的鴨肉，已非常吸引，鴨肉皮脆肉嫩，用熱辣辣的薄餅加入青瓜條、大蒜絲和海鮮醬，捲起一啖放入口，幾種不同口感和味道混和為一，美味沒法擋！京焼排骨架（$108）先說醬汁，一吃下去便感到酸甜的汁料很惹味香濃，排骨軟硬適中，酸甜醬更中和了肉的飽滯感覺，食多兩件都不覺滯。熗羊肉片兒湯麺（$108）最具特色的是麵條，是麵片兒，麵片很滑，有點似薄片的刀削麵的感覺，羊肉鮮嫩也不會太羶，加上湯底味道濃香，是一個富特色的湯麵。小籠包 ($68)小籠包子比較大粒，皮亦較厚，內面的湯汁也很多，肉質鮮嫩。

今晚一行七人到此用餐！係八點前點了拔香蕉，八點二十分跟黑色西装侍應催單，獲告知拔出菜時間比較耐！好，到八點半距離點菜超過三十分鐘，再問一個女侍應，獲告知快做好已經在拔叫我再等6到8分鐘！十分鐘過後再問該女侍應，叫我再等2分鐘！點知2分鐘過後，終於見到拔香蕉一碟由㕑房捧出黎！不過碟拨俾咗隔離枱！此時由落order 拔到俾咗隔離枱已經超過40分鐘！同枱有外國有人面都黑晒、只好埋單！埋單時黑西裝侍應道歉都無句仲問你地有個拔喎仲要唔要？我就話你地要我等左40分鐘一直話黎緊黎緊，而家仲要我等？佢就話厨房出咗問題淨係做咗一碟！我就話咁嘅服務我要求免加一，佢話做唔到只可以免茶！我想話我要求免加一係因為服務費我真係俾唔落手唔係為慳百幾蚊，你要我一行七人白等咗超過45分鐘道歉都無句淨係話廚房問題！真心講，食物也一般，勝在大眾化！

屋企人生日，book左呢間食飯，晚飯冇限時，我早到左都可以俾我入去坐住等，上菜好快，但唔會令你食得好急，唔會趕住收碟，可以慢慢食。呢到既裝修好有特色，好靚好仔細，心情特別好。飯枱中間仲有金魚仔，真係好花心思野食唔錯，不過不失，叫左片皮鴨，糖醋魚，水魚牛肉，炒刀削麵，野食唔會好味到有suprise，屬正正常常類別。最尾食左個甜品，拔絲士多啤梨，唔知係咪特登搵d酸d既士多啤梨，中和番糖絲既甜，覺得幾好食，不過食d絲就lea hea d啦。

全店裝潢別具中國古典色彩杯碟餐具都很別緻枱中間透明玻璃下放著一個金魚缸🐠，邊吃東西邊賞金魚，很特別的設計----------北京片皮鴨(半隻)($198)鴨皮片得夠薄夠鬆脆，皮肉比例適中，油香豐富，但又不覺肥膩餅皮很新鮮，搓得夠薄，但片數略少　-----------宮爆雞丁($95)能做到傳統川菜的風味辣中有甜,甜中有辣雞丁都很鮮嫩，再配合炒辣了的香脆花生　-----------拔絲士多啤梨($88)拉起的脆糖鋪滿士多啤梨脆糖又香甜又脆，再配上士多啤梨的鮮甜這道甜品真的再三回味　

朋友介紹話TST 北京老家幾好...連同屋企人...一行7大人1BB 一齊去食母親節飯...訂位順利, 去到先發現唔係每張枱都有金魚, 原來要打電話訂位O既時候講明.... 令到兩歲姪仔極為失望....當晚都算full house ....無得調位....坐大廳o既一邊...有少少悶熱...叫姊姊就即刻開大個冷氣....服務都算唔錯.... 快而有禮貌o既姊姊今晚叫左雞絲粉皮, 小籠包, 老家柚子魚 -- 一般半隻北京片皮鴨...算係唔錯幾好食...但係到最後皮少過肉... 問姊姊可唔可以再加幾片好似要再加38 蚊多幾片...草綑牛骨 - 相對價錢比較貴, 亦都無OPENRICE 其他人講到咁好食我自己覺得...屋企人大讚地瓜苗好食所以encore 左兩碟..京燒排骨架都幾好味本人好期待o既擔擔麵亦未算得上係十分出色.... 最後都食唔哂....高力豆沙-- 好甜好甜....相比其他北京餐廳 我覺得好似食粉團咁... 個filling 係山楂啫喱... 兩舊野其實係分開的....扙絲蘋果 --諗住食呢個無咁甜.... 其實係個賣相囉分...味道唔算突出.... 影相是可以的....

跟家人食飯提早慶祝父親節，長輩當然prefer吃中菜 ，廣東菜吃得多則有點悶，這次來點不同，決定來北京老家嘗試一下北方菜，想不到長輩們紛紛感到驚喜。餐廳充滿中國風的裝潢，不論擺設及餐具，甚至乎一枱一椅也富有祖國特色，仿如置身北京一樣。先來北京片皮鴨，鴨肉夠香皮又夠脆，夾著葱菜及醬汁，十分豐富的口感，令人接著一口又一口，大家吃著是一副滿足的表情。酸菜魚，魚肉夠鮮美又嫩滑，魚湯帶酸，個人則不太喜歡酸菜湯底。草綑牛肉十分惹味，一口肉再配合埋濃郁的醬汁，夠曬juicy及口感，完全滿足曬食肉獸的朋友。餃子則不過不失，不算太特別拔絲士多啤梨，光賣相已經吸引大家相機先食，拔係有少少甜，士多啤梨則夠新鮮清甜，配合埋糖絲，oh 為這一餐飯畫上了完美的句點。

雞絲粉皮 (5/10)粉皮通透帶口感，麻醬味道夠，可惜個人不喜歡太咸。片皮鴨半隻 (5/10)份量很有點不夠，而且重點不是吃又香又脆的鴨皮嗎？皮和肉的比例有點奇怪，肉比皮多？可幸還算香口也不算油，青瓜也爽脆，總算是合格。小籠包 (5/10)皮薄也有肉汁在包內，但上枱時只是暖熱，不是熱哄哄的，有點失。扙絲香蕉 (4/10)沒辦法，無論如何都要有甜點才滿足。賣相的確很好，可惜香蕉很生，沒有應有的香味。總括來說覺得勉強合格罷了，沒有再次光顧的慾望。

店舖裝修非常特別，枱下邊有缸金魚，而且張枱下面大圓形透明玻璃。碗碟設計都非常特別每一張碟都有圖畫。雞絲涼拌粉皮醬汁剛剛好，不錯！你個牛肉有牛筋喺裏面爽口而且炆得好林,d啲醬汁簡直冇得彈北京填鴨超好味，鴨皮好爽口亦唔油，加埋䓤一齊食,yum 👅 嚟到呢度一定要食水煮魚，因為條魚會煎完。之後再落去煮所以更加嫩口肉汁咬落去好爽滑。同埋好夠麻辣，越食越想食蒸小籠包裡面湯汁好夠鮮甜，好好味士多啤梨拔絲，唔似一般嘅拔絲，個士多啤梨好甜好新鮮

適逢母親節將至， 一家大細來到北京老家，包了一間房間來慶祝母親節， 第一次嚟到感覺這間酒家裝潢圍繞著很濃郁的中國色彩。 房間都很寬敞， 但濃濃嘅中國風擺設我個人就覺得........有點兒over 了， 設計嘅野好個人 但食物水準整體都不錯， 有別於一般大集團的北京菜， 價錢合理都是值得一試的北京菜。