北京老家 (已搬遷) 新店位置

Dinner with my parents tonight. They want to have Beijing food so I bring them to this restaurant. We mainly ordered "Beijing Duck". The duck is quite rich and juicy.  We also have duck soup and it taste very good! I also ordered a noodles (擔擔麵). Although it looks like extremely spicy, we think the taste is just fit with a little bit spicy. Last but not least, we have a spicy lamb  but it's just so so as the taste is not like eating lamb. Overall is not bad.

很想吃京菜好一陣子了，是夜的家庭飯局，小人一力推舉到北京老家吃京菜。人多勢眾，頭盤來了一客五福大拼盤。酸酸的紫蘿蔔絲，拼充斥著麻味的菠菜、手撕雞、牛及海蜇，爽、滑、香集於一身，為整餐帶來一個極佳的序幕。片皮鴨肉質細嫩，難得不肥而香，只是件頭很小，每次也要兩片一起吃，才夠滋味呢！草捆牛肉乃店之招牌菜，碟上在已切成一片片的牛肉旁放了一整條牛骨，頗有趣的造型。牛肉腍滑，汁帶著微辣，一口一片，令人欲罷不能。鮑魚炆排骨炆扣得十分入味，鮑魚不靭，排骨亦是一咬即化，加上濃稠的蠔油汁，能使人連下數碗白飯。另一精彩之作就是這尾老家柚子魚。原條炸魚炸功不凡，粉漿薄而脆，魚肉竟是鮮嫩的，跟蒸出來的沒多大距離。特別之處在於那柚子芡，酸甜得來有幾分柚子香，清新醒神。宮保大明蝦的蝦肉很彈，不過實在太港人口味了，跟普通咕嚕肉的糖醋味差不多，其實宮保是應該帶辣一點吧。一定會再次入京！

朋友生日飯有店員聽唔明粵語，但很有禮熱心，不錯雖然好多人反對放魚缸，我都覺得d魚好似好慘咁，但呢缸魚吸引住同行既B女，有餐安樂茶飯咁啦整體黎講，一般啦，但環境ok, 店員有禮，食物就中規中舉啦

聽聞話北京老家裝修好有風格同特色，所以揀左依度為朋友慶祝生日。台下面有一個魚缸，食飯時望下，心情都愉快d。雞絲粉皮， 粉皮比較厚， 一般。蒜泥白肉， 同頭先個雞絲粉皮嘅汁一樣， 所以相比下最好就揀返蒜泥白肉， 因為啲肉比較滑啲。素鵝都幾好，皮較脆。涼拌薯仔絲， 本身有啲醋調味酸酸地幾開胃。 半隻片皮鴨， 一上枱時有啲嚇咗一跳，因為份量比較少，但係佢冇乜肥膏所以都ok。蔥爆豬肉,ok白菜餃子好一般。壓軸就係拔絲蘋果， 但認為最好都係揀番拔絲士多啤梨，因為拔絲蘋果個口感有啲奇怪。

涼拌雞絲好味爽口, 酸辣湯夠酸辣材料足. 其他北京填鴨, 柚子魚有一定水準. 整體不錯.最想講其實係每張檯既玻璃墊下都有一細碗水"養"住兩條金魚仔, 咁細空間既無打氣死水如果唔每日換兩次, D魚應該好快瓜, 邊食邊睇到佢地唔夠氣要游近水面凸出個咀吸氣, 再諗起佢地只係唔方長命既"裝飾"..... 就令人好不是味兒. 就呢樣, 我唔會再去. 係一個小小消費者既表態同抗議.

我都唔知點解 每次係Pokemon Go捉到火葱鴨就會好想食片皮鴨反正係我不斷滾地扭計（？）既努力下 終於約得成 一齊去食片皮鴨啦（設計對白）今次去試「北京老家」 店如其名 裝飾得非常古色古香好有「老家」感覺 連廁所都係咁靚！（不過唔影相啦有興趣自己去睇～）每張枱中間都有堅。魚缸 好精緻 （亦令我有啲唔敢叫魚）餐牌叫左一隻北京烤鴨～我係多醬 青瓜葱段都會加既～一咬落去 鴨好嫩滑 加埋配料 個人建議 每次可能放2片鴨去夾 先會有啖啖肉的口感～個人小習慣 食完片皮鴨都一定會加番個鴨湯 咁就可以食哂成隻鴨啦～鴨湯好鮮！ 果然要加錢配係唔同啲 足料下次會再黎 再試下其他野先 聽講佢個拔絲士多啤梨都好好味呢⋯⋯

這間位於碪富利士道的北京老家，每次經過都想試一試，因為覺得它的門面設計幾特別，保持懷舊感覺，唔知食物會唔會都有北京風味呢🤔店內裝修幾特別，好有北京古老的感覺。最吸引人的地方，就是每一張枱都會有一個🐟缸放在玻璃之下，你會看到🐟在游來游去。食物方面就比較普通毫冇特色，我們叫了蔥爆牛肉，牛肉又老又鹹，糟溜魚片很腥其他抄麵和小籠包也是普通🙄最為出衆的應該就是這個拔絲士多啤梨拔絲和士多啤梨一起放入口，感覺較為特別。用糖拉成一絲絲，入口脆而且不會太甜，沒有把士多啤梨的味道蓋過，食的時候還能感受到士多啤梨的香甜而且汁液豐富，賣相也很精緻值得一讚

早於1個月前已經計劃好要去食鴨因為個GAME既關係同一早去機場送朋友機送完之後就嚟左尖沙咀既『北京老家』食大家都期待左好耐既片皮鴨去到樓下已經見到個招牌同個門面就覺得老闆應該花左唔少心思處處都古色古香而且室內既設計都係一去到店員就上茶...唔...茶都幾好味好似係玄米茶咁既味抵佢收$12/位茶錢而每張台入面都有個魚缸...俾D客人一邊食飯一邊睇魚但老實講有D唔人道始終放野落台面一有聲會嚇到D魚講返野食先...佢LUNCH有得叫SET同散叫但係因為奶油包同朋友得4個人所以冇叫SET就咁叫左全隻片皮鴨話明係嚟食鴨我地就只係叫左成隻鴨食完先諗夠唔夠一上到嚟奶油包同朋友就以『狂風掃落葉』既速度好快咁食左一半去原因？好食囉...個皮都好香而鴨肉亦好JUICY食完一件好快就食第二件其實初初上台個時...奶油包有擔心唔夠食既但係食食下就開始覺得飽但...有片皮鴨又點可以唔嚟個鴨湯呢...所以我地就加左$80要埋個鴨湯鴨湯上台已經有香味仲要有好多豆腐同娃娃菜而個湯仲要有好香既鴨味比係北京飲過既仲要香呢個『北京老家』既LUNCH絕對值85分奶油包決定遲D再嚟過

上篇已分享過前菜的食評，今次來到今餐戲肉，各種老北京情懷的主菜帶來點點驚喜！叫化雞為了慶祝我倆生日，特別叫了個「叫化雞」讓我們用紅當當的狀元鐵鎚敲破它堅固的外身，像是另一個生日祝福。其實一上枱時已經有點兒震撼，龐大得如「億年化石」般靜止不動，完完全全吸引了眾人的目光，更甚是下一秒大家已經淘出手機來，相機燈光閃爍不斷。我跟妹妹兩個壽星大力敲打也敲不出一絲裂痕，侍應卻技巧地左敲右打後便令它瞬間瓦解。「叫化雞」以泥殼包緊，置火煨烤，此去粗取精的精緻技巧令雞肉整隻都更入味，打開後熱烘烘的香氣精華一次湧出來，入口更是酥滑肥嫩，而且皮香油亮，更加脂香豐腴，風味獨特本餐我最愛菜式❤️❤️❤️第一名！！👍🏻👍🏻👍🏻草綑牛骨草綑牛骨出場又帶來另一震撼，分量十足的原條牛骨呈上，旁邊的牛肉全都已起了骨，入口特級腍嫩，醃得入味，更配上出色的醬汁，令我吃得一口接著口特別要大讚它的醬汁，應該以大量牛肉和香料熬製而成，帶一點點微辣，十分香濃惹味！老家柚子魚柚子魚食落有點泰式風味，甜甜酸酸，配合柚子醬汁帶點小清新，完全不會有油膩感，突出其魚的細嫩鮮甜感，而且炸漿薄身，味道不會被粉漿蓋過，更令我們吃出其原汁原味！老娘炒飯老娘

我生日的那個星期大周一家不齊人，姑媽便提議在我生日的下一個星期再外出補祝，順便與我親妹這另一位「八月壽星」一同慶祝。由於本人之前大半年都不在香港，錯失了很多跟大隊品嘗美食佳餚的機會。在我身在他鄉時，他們竟然靜悄悄地到我盼望一試的「北京老家」來慶祝嫲嫲生日，還切了大大個Lady M蛋糕，更全程直播在我們家的wtsapp group中，令我恨不得馬上飛回來參與一份。因此，今次是我終於回港的生日月，妹妹也說十分掛念它這兒的香辣擔擔麵，所以他們再次訂了一間私隱度十足的廂房，齊齊熱熱鬧鬧地慶祝！🎉🎉餐廳佔了兩層卻舖面不大，只有兩間廂房，環境充滿懷舊式中國裝潢，高掛一個個大紅燈籠，擺放了一些老北京的酒缸、花瓶古玩和小擺設。我們廂房主題是中國象棋，天花掛了幾個圓形木雕大旗子，牆上有一幅雕了各種「福」字體的巨型藝術裝飾，還放了一張大棋盤茶几，方便我們放手袋和雜物，而大枱上放了青花瓷花紋的碗碟，整體營造了古式古香的老北京大院宅人家情懷。我們訂了廂房，所以最低消費需要$3000，本來想是我們人多應該沒有問題的。誰知點了一圍菜再單點了一堆涼菜還差一截，所以最後要再加點一些湯麵和甜品，十分抵食！價位不太高，涼

鍾情京菜，有人推薦北京老家，裝潢確有點老家味道。首先來個例牌前菜: 雞絲粉皮普普通通，不特別出色，粉皮還有點太厚第一道菜通常很大影響，心想中伏了吧幸好第二道菜柚子魚非常出色魚炸得乾身夠脆，肉卻依然嫩滑滑得像豆腐 柚子汁比一般糖醋來得清新開胃小籠包都唔錯，皮唔會一夾就穿，又不至於厚得難吃，湯汁足夠，肉味香濃蒜泥白肉卻有點欺場，蒜泥一丁點，醬汁唔夠辣，白肉只有8片，底部全是剛才難吃的粉皮主角之一的片皮鴨及時上枱拉一拉分，鴨沒有太油膩，每片肉和皮比例一致，餅皮往往係本人最著重既地方，這裡的十分滿意排骨很入味，甜甜的感覺不錯，啖啖都係肉，十分滿足甜品係友人重點推介，士多啤梨拔絲 & 香蕉拔絲，賣相一流，猶如藝術品!食落香蕉拔絲太甜，士多啤梨帶點酸反而更夾更易入口!

呢間餐廳個裝潢好中式好木，坐得耐個pat pat會痛😂d樓面幾nice，斟茶速度幾快。北京片皮鴨，係要食嘅☝🏻️最鍾意食d脆皮連肉嘅，香口得黎又有口感。個鴨燒得唔錯，層脆皮與肉之間有dd油，齒頰留香。京蔥炒羊肉，好多人都食羊不過太膻就唔鍾意。本人就剛相反，羊越膻我就越瘋狂，這個不是膻味唔太重，不過對於友人就剛好。炒得好入味，d蔥索晒羊肉味，變左主角😆仲叫左個擔擔麵，都幾重醬汁，份量頗多，抵食。最後叫左個士多啤梨拔絲，重點推介👍🏻👍🏻👍🏻新鮮+清甜，好夾，簡直劃上完美句點😎

6月30日的同學聚會時光飛逝，轉眼便14年了！這次的聚會重點不是吃，但是也不忘要分享一下美食。是日的菜式有雞、片皮鴨、牛、桂花魚、蝦、鮑魚⋯⋯非常豐富。整體上是滿意的，但是味道略為偏咸，所以席間我也喝了不少開水。當中，我最為欣賞的是他們的特色雞（第二行左一）應該用了相當的時間烹調才會這樣「入味」，而且雞肉也挺嫩口！最後，甜品是拔絲蘋果，雖然我從來不抗拒甜品，但是是晚的實在太甜了！哈～

一行八個大人，一個bb，飯局最好揀酒樓，因為大小朋友都岩食，所以朋友揀左呢間黎食，因為佢之前左客黎食過，話幾唔錯。。叫左八樣菜式九樣野煙燻雞 一隻鍋塌豆腐 一碟小籠包 兩客糖醋排骨 一碟片皮鴨一隻上湯豆苗 一碟豆沙鍋餅 一客扙絲蘋果 一客話說，咁多樣食物最為出色係有：鍋塌豆腐 -- 先煎後炆，豆腐底仲有蛋漿係到，真係又滑又白糖醋排骨 -- 真係煮得適中，既入味又好冧，一d都唔黏牙，個味酸中帶甜，非常好片皮鴨 -- 皮脆肉厚，係可惜塊薄片就厚身左小小扙絲蘋果 -- 不得不讚，不論賣相同味道，而且內餡既蘋果似一d都唔酸，蘋果肉同焦糖中間仲有糯米粉包住蘋果肉，食落爽口唔黏牙真係非常之咁可口而且咁食法一d都唔貴，又經濟又實惠。。。下次可以試埋個羊肉。。。

初到貴境俾佢嘅裝潢吸引住，佈局古色古香且飯桌中間見到金魚游呀游~~餐具上比較少布女性圖案，同事笑稱以為自己去咗怡紅院，哈哈!午市有小菜同麵食套餐，小菜套餐包括湯，小菜，飯，糖水。個人推介孜然炒羊肉，孜然香而孜羊肉亦唔騷，其實感覺似食緊牛肉多D，京蔥伴菜份量多，食多幾啖都唔腻。另外叫咗...尖椒炒面青，帶青椒香但唔辣，肉片如果爽口D會更好。糖醋魚片，味道帶甜，魚肉厚又滑，清新醒胃。紅燒肉，炆得好入味又唔太咸，大大件其實一件起兩件止。糖醋排骨，類似鎮江小排骨嘅味道但無咁酸，但由於肉太多所以唔會係首選。整體來說，免茶芥無加一，價錢相宜又無交行貨嘅午餐，值得一試。當然人多D多幾味食下就perfect池啦!