匠工房秀吉 (已結業)

本人是個章魚燒控 唔會錯過一個食章魚燒既機會！今日經過沙田 見到有得賣 當然要即刻去排隊喇今日夠好彩 撞正做特價 呢個餐賣$42 有4粒章魚燒 1塊燒餅 同日式炒麵 一次過滿足曬我想係到試既三樣野 買完企係個窗前食 一路食一路睇住章魚燒既製作過程章魚燒裡面除左有章魚粒 仲有菜碎同脆米粒 食落味道都唔錯 章魚比想像中大粒！燒餅味道都唔錯 但稍嫌佢落得多粉 料相對比較少

今日去沙田影完hello kitty一田祭，其實沙田好多野食，不過本身想食魚兵衛既kitty壽司，不過冇晒。經過見到有人食大板燒好似好正，搵到泥食之後即黑買個a餐。咁低既價錢，質素唔好要求咁高啦，所以我覺得都算係咁。好開心搵到啲咁貼地價既日式食品。

外層非常鬆軟，keep到以往水準，而且皮嘅味道唔會搶左入面餡嘅味道入面嘅餡係吉士，吉士醬嘅味道比以往嘅淡左🤔 有可能係成本加左價，但仍有淡淡嘅吉士味🤔🤔🤔

沙田購物日食佢中左伏🈲秀吉其實一路都食開購物日佢仲大阪燒配小丸子個餐平$2但由於人流太多 店員都需要預先大量製造可惜就變得粗製濫造 個大阪燒食落成舊粉團禁😞 無咩口感可言小丸子雖不過不失但我見店員趕時間 完全吾抺碟 個碟濕到爆都照放食物上去 好嘔心

要講水準質素，當然不及日本餐廳，加上去過日本食過超好美的八爪魚丸後，就知道其實真係很一般。<奄列炒麵拼八爪魚球> $36不過我就是喜歡這個外賣涼了依然美味，堂食熱食當然更滋味。親民價錢，奄列包著大大份炒麵，炒麵配料有肥牛、洋蔥及椰菜。醬油味很足，同時混有沙律醬及茄汁，十分開胃。八爪魚球大大粒，粉漿厚，基本上沒有特別配料在裡面，只有一大粒八爪魚粒。八爪魚球面掃有燒汁，只可說幸好有這個燒汁點綴了，變得美味。

Its easy to eat in HK if you're feeling peckish or hungry. Endless food stalls and noodle places too choose from but if you're busy in a shopping mall, nothing beats a quick visit to the food court for quick and easy bites. We came across this little Japanese place and there was que and an open planned kitchen where you could watch your little balls of wonder (takoyaki) getting made right in front of you. It was easy, we ordered a set meal (E) which came with 6 takoyaki balls and a seafood flav

今天在沙田一田的food court搵食，草草地選了匠工房秀吉，一客有章魚燒及燒餅的套餐，再加了一杯凍檸茶。這裡的秀吉好像任何時候都非常多人的，只等五分鐘算是幸運，接過食物找到位子坐下來享用，第一件事便發覺店員沒有給吸管的我，只好打開飲品蓋直接喝。燒餅整得很厚，面層的煙肉並沒有煎得很脆口，而因為餅身厚，食落口感會較軟和鬆散。章魚燒很熱，而內裡的章魚肉很大粒，非常有咬口，味道亦很惹味。

每次嚟親food court我都會選擇幫襯匠工房秀吉😆都有一段時間冇食過，貪心嘅我每樣都想食，男朋友就幫我買咗個有齊炒麵，八爪魚丸同燒餅嘅套餐，一次過滿足哂我三個願望😂而佢自己就嗌咗個奄列炒麵加八爪魚丸套餐。套餐加$4有一杯汽水，我地2個都加咗😛燒餅面搽咗一層燒汁後再唧上沙律醬，仲係上面加上木魚作為點綴，賣相靚之餘食落真係好美味，正😍所以每次我都會想食個燒餅😊😊但其實燒餅份量好多，好易食滯，好彩今次有男朋友同我share先食得哂😂八爪魚丸又係必食，每粒八爪魚丸入面都有大大粒嘅八爪魚，好足料，八爪魚口感彈牙，加上燒汁同沙律醬一齊食，好好味😋至於個炒麵都唔錯嘅，但我比較鐘意男朋友果個炒面，因為有蛋包住，又唧上沙律醬同茄汁，令炒麵變得更好味😆食完依餐真係好飽好滿足😉

以前總是在港島拍拖，難得今次我們家肥膏想到沙田給我個浪漫之旅。當然是開心的啦！這次來到沙田的新城市廣場，要逛一逛最近熱門的限定擺設前，一定要醫一醫自己的五臟六腑。走到這裡附近，見到匠工房秀吉，就立即想食燒八爪魚丸！我們二人買了一個set F, 有四粒八爪魚丸及一個蛋包炒麵。我一開始的時候，以為肥膏會不喜歡的，因為他不愛紅薑。但這次食到的，沒有太大的紅薑味。SET F 燒八爪魚丸好味，有大大粒的八爪魚粒係入面，好有咬口。而粉漿燒過後，外皮被燒到焦焦的，而入面就好粉。燒麵就比較普通啦，無甚麼特色，而且略油。不過偶爾吃吃也很不錯。我是一直對匠工房秀吉很有好感的，因為在這裡吃到的燒八爪魚丸跟日本的有相似既味道。

是日要買BB衫，一講就想到沙田大商場，又因為趕時間，所以food court 解決。唔好以為food court 搵位易，一到星期六中午，個個都黎搶位，幸好我剛行到一對想走的情侶附近，所以即刻有位坐。單身想搵位的攻略，都只係單一買完野，再慢慢搵位，我剛巧想食的這間，今日異常地人多，所以只好搵好位，放件外套，再拎返做好的餐。行過一圈，發現food court 食物都比較貴，唯獨這間平均都只是3x 蚊。燒餅+炒麵($30) -燒餅用菜超多，主要食到粉漿同菜，好有飽肚感。味道偏淡，但多左燒餅上的沙律醬，味道啱啱好。炒麵偏油，椰菜都好多，比例麵菜6:4左右，都有少少鐵板燒味，少少咸香。芬達只需加4蚊，不過一早斟好，無咩氣，冰又好，好快無味。

每次經過一田food court，都會被這店新鮮弄製的章魚丸吸引。大大粒，熱氣騰騰，好像在招手呼著「來吃我吧！」可惜這些年來food court都被鄰近經濟強國的旅客攻陷，根本沒法找到一個位置，身邊朋友都不喜歡food court食物，我單人匹馬，實在難以駕御排隊買食物等食物再等位。結果每次都是過門而不入，望梅止渴就算。機會終於來了！這天午餐時間還沒到就經過這裡，尚有些空位讓我「一人前」，即刻排隊買個炒麵配章魚丸，還加了$4配飲品。即叫即製，熱辣辣，好香好吸引。可惜僅止於此。麵身沒有糊在一起，是日式炒麵的味道，不過麵身偏軟，幸好沒有黐牙也沒有成碟油。章魚丸size大過乒乓球，內裡有章魚，但是粉醬太多太厚。有時候，真的「越美麗的東西越不可碰」。

約左朋友去踩單車，踩之前就去食lunch先，諗住多d選擇所以就去左市中心ge food court。一去到就比呢間秀吉吸引住。佢地$20-$30就有一個餐，非常抵食，我就叫左個奄列炒麵，蛋面上有沙律醬，茄汁同紫菜，蛋入面就有炒麵，菜同豬肉，口感唔錯，好好味！醬汁同蛋ge配搭係完美ge配搭，一流！而且佢價錢又唔貴，一定會再黎食！

去一田時行過咁多次都想試, 今晚搵個機會約人嚟food count試一試, 不過就超多人排隊, 平時要等咁耐的舖頭我係唔會等的, 但今次真係想睇下佢係咪真係咁好食, 所以點都要等下~其實佢選擇唔多, 不過我第一次食, 就覺得花多眼亂, 第一次試, 就貪心少少, 叫個三拼試下~   炒麵 好似早餐食果d炒油麵咁, 麵質林咗d, 好彩有d菜絲, 感覺上冇咁油膩~  燒餅好有驚喜, 開頭由邊開始一啖一啖食, 都係菜同粉漿, 但食到近中間, 原來面頭果塊係煙肉, 因為佢比d木魚遮住, 完全睇佢唔到, 塊煙肉煎到好香脆, 我平時唔食煙肉的, 怕佢肥, 但佢煎到乾哂, d肉好脆口, d肥膏都唔油膩, 面頭亦好有心機吱d沙律醬, 幼幼的又滿滿的~  章魚丸有4粒, 一口咬開, 中間一大粒章魚粒, 但外圍係空心的, 唔會成粒都係粉, 粉團只係外圍, 中間只有1粒章魚粒, 咁咪唔會飽濟啦~  檸檬茶汽水機貨色, 呢度全部飲品都係汽水同檸檬茶, 冇其他選擇, 因為佢係要+$4, 所以唔飲汽水的話, 可以連4蚊都慳返

而家出黎食飯 要三十蚊埋單幾乎無可能 出到黎沙田的話 無四五十蚊更加唔洗諗 好在！！！！係沙田新城市廣場三期food court 入邊間秀吉就做到 $30蚊叫一個A餐 有炒麵同大大塊的燒餅 先講炒麵 味道真係唔錯 材料有牛肉 菜 蘿蔔絲 仲加左少少薑絲 另外講個燒餅 成塊餅係用蛋漿放係鐵板上邊燒 上面有好大塊豬肉 講真舊餅好大塊 真係好大塊 自己一個人肯定食唔哂 ps 成間野最抵食一定係A餐 如果想享受較高水平的食物品質 一定唔好揀繁忙時間黎食 因為佢趕時間一定hea整 另外 佢呢間野屬於開放式廚房 食客一邊等拎自己的食物可以了解食物係點整 同時成個製作過程大家都望住 確保食物衛生唔會馬虎

今天有事要到沙田，11點尚未吃早餐，突然記得沙田有日式燒餅，便來填肚子。個人對日式燒餅情有獨鍾，要求自然相對高，秀吉的燒餅只能說是一般水平，並沒有什麼優勝之處，或許是接近繁忙時間，燒餅都一早製好幾塊，等候時間十分短，但食物質素亦大大降低。首先，燒餅已經不夠熱，吃得時候沒有燒的感覺,餅亦變得相對硬，而且外皮已經變得軟淋淋，毫無口感，令人大失所望，而且醬汁亦偏少，令有部分燒餅變得淡而無味，所以，這間店的燒餅質素大不如前，絕對不值22元。