十二味不只是烤魚 (已結業)

返返下工老媽子打黎話今晚唔煮飯🍚，因為屋企成棟大廈冇水，哈哈。等我仲以為有咩急事，叫我快D諗下今晚去邊度食。😂臨時要plan，都係揀返樓下D食肆食啦，阿妹就話不如去食十二味，因為佢一直都好想食個烤魚🐟因為阿媽怕辣，所以一定要揀個唔辣🌶既魚，佢就揀左醬香味同加寬粉。見到隔離兩個人都叫一條魚，好似好大份，所以我先唔夠叫太多，怕食唔哂…就先係只加左個皇帝菜同夫妻肺片🐷，阿妹的至愛🤗飲品真係又大杯又抵，28蚊其實都唔貴，仲要大到兩個人飲都有突，哈哈! 呢個熱情果梳打真係唔錯，唔太甜又真係有D熱情果🍊🥭果肉，襯返食熱野同辣野。媽子點既桂花🌸🌼冰釀都唔錯，有D好似薏米蓉，好香桂花味之餘又有口感。最緊要老媽子滿意😆夫妻肺片 – 比我想像中冇咁辣，肉又好嫩下，易入口幾好香! 而且個辣🌶既香料都幾惹味之餘D椒香都幾出，但又唔會話好搶喉。以凍盤小食黎講佢都幾多下! 可能因為老豆阿媽都怕辣唔敢食，所以我同阿妹好似食極都仲有，食唔完咁🥵🥰既然兩老唔食辣，我地就叫左個唔辣既小食涼拌土豆絲🥔。佢落左醋去醃，酸酸甜甜好醒胃! 唯一有D失色係個土豆絲切得太粗了，有少少影響口感。如果可以再切幼D，應該會更好食。不過老豆

在家附近，人又唔好，唔洗等，個親友話想試新野，佢開又一段時間 我同媽媽都無去吃呢個好香同爽脆，唔得佢叫咩名，個碟幾新潮，睇佢都好吸引，職業病，唔吃得都要扮好吃甘，吸引視覺先8/10分好chewing,我平時唔太喜歡吃太甜，呢個完全接受到，炸左內有點mochi 感 9/10分除了牛外，我最愛吃雞，我喜歡夠麻唔太辣，老媽都喜歡吃。8/10分唔知咩拌麵，一個字差，唔係有雞個汁撈下 我係唔會吃4/10分很有桂花香，冰粉，不錯解辣，有點mix and match 7/10分這個魚越煮越辣，所以三個人係吃唔晒，結果要打包，我就真係一般，個親友話外國無呢種新解魚，佢就好enjoy. 6/10分

以前Kiwi我返大陸必食烤魚，聽人講呢間烤魚都唔錯，當然要試下。酸菜清江魚$258-啲魚好嫩滑，廚師已經將兩邊魚分開唔洗拆骨，啱啲啲嫌麻煩嘅人魚嚟到本身已經熟，但啲配菜就要煮多幾分鐘先食得。寬粉$22-打邊爐/食烤魚必點，耐煮唔易斷，口感爽滑金針菇$22-爽脆又健康嫩豆腐$10-夠滑嫩除咗烤魚仲有香煱同甜品食，叫咗呢兩個甜品紅糖糍粑$48-香甜嘅黃豆糖粉加上軟淋淋嘅糍粑，再點埋紅糖甜到入心幺妹兒冰粉$26-涼浸浸最啱食完熱辣辣嘅烤魚食，仲有香甜嘅桂花香添估唔到烤魚店嘅甜品都咁美味，值得一試

每次去食十二味都下雨，上次去銅鑼灣又係咁，不過無阻我們食烤魚的心情。紅磡店更大一些。是次主角烤魚！蒜泥黃瓜 ($38) 爽脆帶蒜香，酸中帶甜，小食良伴。涼拌土豆絲 ($38) 切得夠絲，又有口感，酸味重了一點。清江魚 ($258)挑了金牌蒜香味，有很多蒜，魚面灑上生蒜、炸蒜，加了炸蒜頭，蒜味十足。湯底味道很濃，魚皮酥脆，肉質很有彈性，魚很有膠質，沒什麼細骨，吃得很爽，附篙筍，不吃辣也可以吃烤魚，也是很好吃的，店家做得很好，烤魚味道不會淡，跟辣比別有一番風味。

通常只會去深圳玩時才會吃烤魚、火鍋這類食物，但朋友說她很久沒吃想要一解心癮，我當然奉陪啦，便去了紅磡灣這間烤魚店。魚的種類、味道選擇也挺多的，而且不會只著重辣，店員也很細心介紹。我有點喉痛還是戒口吃清淡一點，叫了個醬香味清江魚。配菜加了寛粉、嫩豆腐及牛柏葉，份量也算挺多的。雖然這天戒辣沒吃香辣或麻辣，但醬香是意料之外的好吃！簡單的醬油味，越煮越香濃，所以我們忍不住要點個白飯，不要浪費醬汁（其實已經超級飽）。寛粉、豆腐和牛柏葉也是吸汁一流的配菜，超搭。其中牛柏葉是我的至愛，又夠爽口！至於清江魚肉質也尚算鮮嫩，即使煮得最後也不會太鞋口。雖然有骨但都是大骨，所以也很容易吃。比起點麻辣風味，配這個醬香味更能嚐到魚最原始的鮮味，又是另一番風味！而且很大條，兩個人點一條魚加少許配菜已經很飽，所以其實也不算太貴。我們還點了個涼伴土豆絲作前菜，味道調教得不錯，可以refresh一下，不過可以切更幼絲會更好。叫了一杯欲望酸梅，最初還以為他有點貴，怎料來了一杯超大杯的酸梅汁，突然覺得好便宜，兩個人share剛剛好。店內通風也不錯，沒有那種辣的嗆味，吃完衣服也沒有味道，加分！👍🏻👍🏻

同男朋友去黃埔行完街街，唔知食乜好，我同佢突然都想食辣，上次係十二味食完覺得唔錯，決定再食黃埔哩一間雖然最出名係烤魚，其實小菜亦都有番一定水準，注意番佢d碟頭都唔細，所以點菜既時候要留意番，唔好浪費喔，我地今次淨係叫左毛血旺，兩個人食都已經好夠，入面好足料，經典既配料，餐肉，柏葉，肥腸，豬紅，豬皮，魷魚，一應俱全，花椒夠麻，紅油夠香，用泥撈飯更加好食，可惜佢而家d啤酒轉曬細支裝，飲起上泥，唔夠暢快

說到烤魚，每次到訪深圳都會拜訪烤魚專門店，香港的特色烤魚店越來越多，這次是我第一次在香港嚐到另一種烤魚味道：十二味不只是烤魚，是一種味道，一種食過會翻尋味的味道。座落於紅磡，地鐵站步行約8分鐘的路程。店內裝修：大致整潔。點了清江魚，味道選了金牌蒜香味，而配菜只加了嫩豆腐。魚身非常嫩滑，魚肉配搭蒜香汁非精鮮美。不像一般烤魚太濃略嫌重口味，清江魚與蒜白汁配搭突出魚身鮮味，喜歡吃魚人士定必喜愛。另外魚骨不算多，適合我這種不好魚骨的懶人。朋友吃得津津有味。豆腐亦十分軟滑。食完粗炒，飽飽回家。總括而言，這是一間就味道而言這間餐廳能給你一個不錯的體驗，有機會經過紅磡值得一試。

今日去黃埔行街，行行吓已經到黃昏，我最鍾意食辣野，所以行過見到呢間有辣野食，於是入去試吓。門口招牌係用光管切成，好吸睛，入面嘅裝修以方枱為主，有梳化卡位，都坐得舒服。呢間餐廳有烤魚同香鍋食，雖然好難抉擇，但見隔離枱食緊烤魚好吸引，所以就選擇咗烤魚。佢地有4款魚選擇，我地點咗比較少聽嘅清江魚，而味道就選擇咗招牌香辣味（小辣），條魚一上枱就香味撲鼻，條魚都好大條，有成個盤咁長，上面鋪滿辣椒同芫荽，首先試一試條魚，好滑一d都唔鞋，魚肉吸收晒d湯汁，好惹味，個湯汁唔係太辣，咁就冇覆咗魚嘅鮮味，食完一啖會仲想繼續食落去。而配料我地就點咗寛粉，放入湯汁入面煮一陣，好快就變咗透明，食落好煙韌，完全吸收晒湯嘅精華。仲有點咗鵝腸，煮一煮好易熟，好爽口，佢地好貼心清走晒d肥膏，所以食多幾條都唔怕肥。食邊爐梗係唔少得解渴飲品啦，叫咗杯熱情果梳打，勁大杯，酸酸甜甜好好飲，杯飲品好足料，有好多熱情果粒粒喺入面，加埋有汽嘅梳打，真解渴。

-之前喺銅鑼灣嗰間十二味食過之後，真係愛上咗佢嘅辣味🌶️🌶️囉。嚟黃埔呢邊行街街，又知道呢度都有間十二味辣🌶️嘅店舖，一於食嗰Early Dinner 😋先。好彩6點幾入坐啫， 去到食飯時間7點， 就開始多人喇。得2條友人， 就食未食過嘅烤魚🐟set 先。烤魚：鯇魚🐟（$228）原來咁大盤，肚子空間有限，食得呢個，都食唔到其他嘢添👉👈。身為辣妹🌶️，今次當然又係食辣啦， 不過得小辣，冇得揀大辣中辣。 睇下我個碟有一半都係辣椒粒。魚腐（$48）炸響鈴（$28）魚腐 + 炸響鈴，都係我最like 嘅打邊邊組合。金針菇（$22）食到好飽呀！！！終於食哂，唔嘥嘢喇。 原來兩個人食一條烤魚🐟都真係飽到頂點😝。==========十二味 不只是烤魚地址：紅磡紅磡灣中心21號地舖

今晚去了黃埔花園呢邊行街街，其實我行黃埔都只識得果隻船，其他的都不懂。今次是因為我朋友說，近 poly 宿舍果邊，有間有魚食的，食物方面都同探魚一樣，聽落好似好得啦。～餐廳裝修都幾傳統，牆上都有好多條可愛的魚仔鏡，好特別。每張枱又闊落，又坐得舒服。因為餐廳都同烤魚有關係，所以我們決定叫烤魚先，大大碗的香鍋留待下一次先吃。我們今晚 order 金牌蒜香味，配上江團魚。咁。。。。吃魚都要有配料， 我哋叫了加拿大肥牛， 娃娃菜， 仲有寬粉添。🥰咁有主菜，點都要有頭盤嘅， 頭盤我哋叫了尖椒皮蛋。其實尖椒皮蛋也是我至愛的。我喜歡 spicy food。點解會揀江團魚，因為我們唔識佢是什麼，職員姐姐說呢隻魚唔會有太多細骨。因為我好怕吃多骨的魚😭，所以一定唔會選鯇魚。桂花魚平時都吃得多，所以我們要揀都會揀江團魚，或者清江魚。主菜終於到來，真的嚇了一跳。因為份量非常大，而且配料都不少野，蒜香味滲入魚肉，同埋配料裏非常之香。尖椒皮蛋，味道就一般啦。可能是皮蛋不是平時吃開的皮蛋，所以皮不是黑色的。🙂 辣味就尚算可以，但其實再辣多啲，會好好多。。。又到評分時間💯💯💯💯💯:味道💯: 8/10價錢💯: 9/10

突然烤魚癮起，好想食烤魚，每次都會忍唔住叫辣味烤魚🌶️🐟今日見呢度有蒜香味揀就試試新口味😎💁‍♀️烤魚有四款，店員簡介👍➡️ 鯇魚（$228）較大條多肉，但會比較多骨➡️ 清江魚（$258）食魚唔太講求完美，呢隻魚嘅肉質都唔錯➡️ 江團魚（$298）啱食魚有要求人士，肉質則比較嫩滑好食，而且冇骨➡️ 桂花魚（$328）當然係最優質，啖啖肉，肉質新鮮有彈性經店員介紹後，我哋揀咗中上嘅江團魚😋烤魚🐟本身已經覺得好香，一直用爐滾住，配菜有大豆芽，面上勁多蒜蓉😃加咗豆腐 、響鈴(多層但都脆) 及萵筍魚肉真係好嫩滑厚肉，yummy 😍

依家香港開咗越來越多烤魚店，而之前都有食過十二味呢個集團，覺得唔錯，所以特登過嚟食下佢哋嘅烤魚。七點去到嘅時候已經坐滿晒，我哋入咗入咗一陣仲要等位，所以想食嘅朋友要早啲尼！比較平有2款魚:鯇魚、清江魚，前者會比較多骨，但係就多肉啲，後者會比較小骨，同埋係大骨，但係會比較少肉，因為我哋都係得兩個人，所以叫咗清江魚。鍾意食辣嘅我哋梗係叫招牌香辣味啦，不過可能迎合香港人嘅口味，其實對我來講真係唔算太辣！鍾意食辣嘅朋友可以要求加多啲辣。魚鮮味，唔會腥，而且同麻辣好夾！其他配料正正常常都唔使多講，不過兩個人食嘅話真係唔使叫咁多配料，我同朋友最後都食唔晒🙈順帶一提，其他12味有嘅嘢佢都有，所以如果唔鍾意食魚嘅朋友都可以叫其他嘢！

久不久就會想食烤魚，今晚我同男朋友去返我們岩岩拍拖果時食果間烤魚 - 十二味不只是烤魚！對上個次去排哂隊，今次去就4成full。川式口水雞份量以$68來講都算多，個汁真係好惹味，而且雞肉肉質又好嫩滑，我同男朋友都食到lam lam脷！推介！！！烤清江魚揀左清江魚配招牌香辣味，我地本身都食得辣，所以呢個唔算太辣。條魚細心地一開兩邊，一來魚肉會易d吸收個湯底，二來客人都易夾泥食。條魚都幾大條，魚質都算嫩，對得起價錢。另外，可以加錢揀其他餸菜放落烤魚到一齊煮。皇帝菜份量比較少，不過出街食飯就係咁，點菜食一向都唔抵食，但一餐飯冇菜又好似差d野咁。鵝腸要讚讚鵝腸洗得乾淨，冇乜肥膏，焯一焯就食得，好爽口。萵荀煮完之後都keep住咁甜，烤魚同萵筍真係好match。

今日女朋友放工，接咗佢去食烤魚，之前喺雲南四川都食過，近幾年香港都好流行，所以就嚟呢度試吓啦。平日嘅六點鐘，店入邊都有成四圍枱，不過我就見佢哋食啲鍋物而唔係食烤魚，可能下午茶食烤魚太滯掛。店員姐姐係講普通話嘅，比我感覺好似好地道咁哈哈。菜單有一張大一張細，細嗰張就係俾你揀要邊一種魚要咩湯底。我哋揀咗最平嘅魭魚，要咗酸菜湯，仲叫咗幾個配菜。店員姐姐之後送咗兩杯水，係檸檬水， 感覺好清新，覺得佢個目的應該係俾人解辣既，都幾細心。條魚送到，三磅重都幾大㗎，兩個人一定要夠飽，個湯底幾入味，酸菜都好香， 最緊要係條魚好新鮮。唔會好似我哋喺四川嘅時候食過有啲草青味。我覺得師傅應該係調味嗰度有着手，因為類似嘅魚真係會好容易有草青味。配菜不過不失，我哋叫咗蘿蔔同生菜同木耳，不過大家都淨係掛住食條魚哈哈，下次真係想試吓佢另一條叫做江團魚。諗住遲啲帶屋企人成家過嚟食，就可以試埋佢啲鍋物。另外值得一讚嘅就係佢嘅冷氣好足夠，食呢啲烤魚好容易食到全身汗。

呢排天氣唔穩定，食咩都冇胃口咁所以諗住食酸菜魚開開胃！因為係hall附近，個名又幾特別（唔知佢同chef lemon 有咩關係？）所以就同朋友黎試下店內裝修都幾有傳統風味，牆上有好多魚魚鏡，好搞笑。啲位又夠寬落，坐得幾舒服。雖然見到隔離檯啲人食果啲一大兜嘅鍋物？但係都無阻我地衝住食烤魚嘅心情！咁多種魚我淨係識鯇魚，其他魚上網話同鯰魚有相似之處，如果好味嘅下次先試～餐廳姐姐好好人咁暖水我地潤喉，我地嗌咗酸菜味嘅，又會問我地想就咁酸菜味定加辣，可惜我同朋友都唔識得辣，無得試😭可能今朝空肚食午餐，好肚餓，等咗5分鐘我問到若有若無嘅香味時，已經好迫不及待⋯⋯終於上菜啦！！魚皮好脆，加上孜然粉，好香。啲配菜都好新鮮，無苦澀味。加上我嘅最愛——響鈴。今餐好滿足⋯⋯