十二味不只是烤魚 (已結業)

上次因為怕太熱氣的關係所以嘗試了酸菜魚，但還是對麻辣烤魚念念不忘，所以決定和一樣嗜辣🌶的夫君及媽咪一起大快朵頤！因為鯇魚🐟太多骨的關係所以店員推薦了來自四川的江團魚，要了經典麻辣味！亦叫了大量配菜🥬，例如萵筍、豆腐、金針茹🍄、木耳、響鈴等配料能方便吸入麻辣鍋內的精華。😉因為麻辣魚鍋製作需時，所以我們點了炒土豆絲🥔作為前菜，填一填肚皮。土豆絲🥔炒得爽脆，酸辣味夠。比其他餐廳做得好的是，雖然味道夠，但是土豆絲中間並沒有太多花椒粒🌶，口感比較好。終於等到麻辣烤魚🐟上枱，與店員推薦一樣，的確多肉少骨。雖然貴一點，但是超值的。魚味鮮甜嫩滑，但是要煮多一會才能令麻辣味滲入魚中，其他配料也是。店員貼心地把萵筍和蓮藕預先放入鍋中，令它可以快點煮熟和入味，相當貼心。❤️我們還點了一碟牛肉🥩，放在麻辣鍋中煮，味道正常。唯一不足的地方是用來加熱魚鍋的爐不是一般火鍋的爐🥘，火力🔥不夠，要等比較長時間才能滾起。包子認為這間烤魚店雖然比深圳的貴💰，但質素亦不錯，而且不用舟車勞動便能食到麻辣烤魚或酸菜魚🐟，何樂而不為！👍🏻

前排同朋友返大陸食烤魚 真係食過翻尋味！但唔想下下都返大陸咁山長水遠😭！醒起幾個月前有個四川朋友帶我地去食過酸菜魚，而嗰間舖係有烤魚食的！！汲取上次食麻辣酸菜魚越食越辣、辣到噴火嘅經驗，我地今次決定食金牌蒜香，揀咗我最鍾意食嘅鯇魚！配菜揀咗加拿大肥牛同寬粉！呢間烤魚嘅配菜有大豆芽、香蔥、原粒大蒜同勁量香蒜，仲好特別地加上萵筍，唔似一般地方咁加青瓜，其實我真係麻麻地青瓜陣草青味，萵筍同樣地有爽脆口感，我直頭覺得呢點係所有烤魚店都要效仿呀😂😂😂講返條魚，店舖標明每條三公斤重，真係無花無假！以兩個咁鍾意食魚嘅人嚟講都食到肚皮撐起！香脆嘅鯇魚皮係我為呢條魚加分嘅最大因素🤤其次就係鯇魚雖然骨比較多，但其實肉量亦好多！近骨位置肉質尤為鮮嫩，食咗10幾分鐘我已經要麻煩店員幫我再換骨碟😂😂差啲肥牛同寬粉都食唔落，就知佢份量係幾咁大！總括嚟講，我已經認定咗佢就係紅磡區數一數二地道同色香味俱全嘅烤魚了😚題外話，雖然鋪頭係寫十二味不只是烤魚，但張單又會出十二味烤魚九宮格！有點奇怪~~~

雖然店名咁得意叫十二味不只是烤魚🐟，但我同朋友就係想食佢嘅招牌烤魚wor 。2人叫了一條清江魚配金牌蒜香味。其實聞到隔離枱嘅招牌香辣味好似好野味，但見到食盤辣椒🌶️，有d 5敢挑戰。但5辣的魚也很鮮甜呀！而且肉質嫩滑，果然係招牌菜😋！食烤魚就好似打邊爐咁可以烚下烚下🥢，食完烤魚後，我們再加左加拿大🇨🇦肥牛（$68）同炸響鈴（$28）🔔。另外叫左個黯然銷魂炒飯🍚（$68）。值得一讚係佢d配菜同飯份量都很大，炸響鈴有成8個咁多。我同個朋友都食到捧著個肚走😛。

香噴噴熱辣辣蒜香烤魚今日下晝同朋友去咗紅磡食烤魚, 個餐牌上面有好多選擇，招牌菜有桂花魚、小龍蝦、麻辣香鍋等菜式，但因為朋友吾喺好食得辣，所以最後決定要咗另一個招牌蒜香烤魚，個烤魚鮮甜多汁，送炒飯就一流，當然間餐廳標明「不只是烤魚」就梗係吾只得烤魚食啦，我哋除咗炒飯、烤魚都叫咗口水雞、土豆絲、肥牛，同埋其他伴魚輔菜，好似係炸響鈴、蓮藕片等等，所有嘢都夠哂入味，就算吾係好食得辣嘅朋友都係一個吾錯嘅選擇，如果下次再黎紅磡一定會再黎試下佢嘅酸菜魚同水煮魚，啱哂一大班人食😋

掛住探魚但係又唔得閒北上之際，搵到屋企附近有間烤魚店，都真係可以幫我頂下癮☺️👁‍🗨 清江魚（7/10）+ 金牌蒜香味（7.5/10）💲258/條條魚都有份量既，清江魚相比起其他魚種少骨，想要嫩滑魚肉就早啲夾起😎不過對我黎講，湯底個味先係重點，要左個金牌蒜香味，蒜味越黎越出，仲要加左芫茜、香蔥，夠曬惹味😍原來除左自己點既伴魚輔菜，佢本身係有萵筍，唔浸太耐既話食落會幾爽口🤓尾段發現墊底既仲有芽菜，不過始終擺底可能會少鹹😳👁‍🗨 寬粉（7.5/10）💲22寬粉浸到透明左右就食得，煙煙韌韌好有咬口，索汁能力高好入味😌👁‍🗨 炸豆皮（7/10）💲22未食過炸豆皮，所以就決定試下🙈呢個賣相有少少似牛栢葉，同寬粉一樣都係爽口帶點嚼勁，不過就無寬粉咁吸味🤤👁‍🗨 唐生菜（7/10）💲22份唐生菜成扎咁上都幾多，又係吸埋啲湯，但係要有心理準備會油少少😂🔛 整體評分（7.5/10）

自從黃埔開通了地鐵後，人流多了很多。今天來到紅磡灣的「十二味不只是烤魚」，專程來一嚐烤魚的風味。幸好我們早來，不用等位，晚上不到七點，店舖已座無虛席，可見「烤魚」的魅力，實在非凡。蒜香味鯇魚 $228店員很細心地講解，鯇魚多肉，但也多細骨，而其餘三款魚，肉會較少，但相比魚骨也較少。眼見上檯的鯇魚很大條，魚面上灑了很多蒜頭、蒜香碎、蔥和芫茜，立即令人垂涎欲滴。鯇魚很新鮮，雖然魚肉多骨但很滑，味道也調教得很好。黑毛豬肉、牛腱肉$68雖然$68不是有很多塊，但貴精不貴多，兩款肉都很新鮮，很好吃。寛粉 $22煮熟的寬粉煙韌彈牙，口感一流，但記得要煮耐啲，熟透了才好吃。萵筍 $22平時很少食，原來萵筍很鮮甜，用來打邊爐很不錯。

成日都上深圳食烤魚同酸菜魚，今次終於留返係香港食！佢有四款魚五個味道俾你揀。今次揀咗鯇魚同埋金牌蒜香味。本身其實想揀香辣味但朋友唔係好食得辣所以就冇揀到。真係超香蒜頭味，佢除咗有個乾蒜，仲有蒜蓉，燒蒜頭等，令到個湯底超濃蒜香！鯇魚就有啲細刺，但勝在多肉。如果怕麻煩嘅話可以叫桂花魚，就冇乜細刺！烤魚入面已經有芽菜同埋幾塊萵筍。另外點了幾款配料加入烤魚。芽菜比較爽口同埋容易入味。而魚腐則係我嘅最愛，食落甜甜地，好好味！最後當然唔少得食翻碗冰粉啦！充滿着桂花嘅香味，好清新！

最近工作上很多時要到紅磡，眼見從前大學常常光顧的紅磡區現正越來越多美食，呢度一間新餐廳個度又一間新食肆，趁今日係呢頭，試下想食好耐嘅十二味不只是烤魚，咁岩上兩個星期食完探魚，做個比拼先（笑）。由於上次探魚經歷，今天停賽一次不點辣，反撲歸真試下金牌蒜香味，睇下其實烤魚係咪一定要辣先好味！蒜香味清江魚，再加上加拿大肥牛，牛百葉，鮮豆皮及白蘿蔔，素菜連爐帶魚一併上，看到很澎湃因爲份量很多，吸收湯汁後同吃很惹味。而肉類則可食完魚黎當打邊爐用。由於對魚無研究，追求的只是不要有腥味，湯底是炸蒜其實很冒險因為平時有辣味蓋過魚腥，但十二味的烤魚做得很好，吃到魚的鮮味，伴著少許蒜香味，而且食足一晚魚的部件還是很嫩滑，不會因過份烹煮而變老！等待烤魚期間另外點了燒椒皮蛋及夫妻肺片，兩道都辣度十足，皮蛋做到精瑩透亮，蛋黃部分帶流心，點上尖椒及辣油吃酸辣酸辣。而夫妻肺片的牛肚及牛舌很入味但還是很爽口，辣屎人喇！甜點則選紅糖糍粑，原來糍粑是四川的一種街邊小吃，「粑」是用米做成的餅的意思，糍粑是糯米做成的，還以為客家人才叫糍粑呢！糍粑即叫即炸，上桌時保持微暖，裹上香噴噴的黃豆粉，沾上黑糖同吃，略嫌甜度不夠，不過飽吃

我有一個非常喜愛吃烤魚的家，早已吃遍佐敦、旺角等地的烤魚店，是日則特意來一試川味十足的十二味。店在紅磡跟黃埔的中間吧，不過也不算很難找；遠離市中心反而有另一種寧靜，很適合度過一個舒適的晚上。卡位位置也不少，四至六人家庭或朋友來都綽綽有餘。重頭戲來了！烤魚！點菜的時候令我們喜出望外的是，魚的種類非常陌生，要靠google才能下決定。原來清江魚和江團魚都是四川、湖北較常吃的魚，這下子讓我們興奮起來～ 可惜當天沒有清江了，於是我們就選了江團（$298）。而相對地，有很多款味道可選，全部看起來都很不錯，在酸菜跟蒜香之間徘徊了一回後，就決定一試後者。烤魚一上枱，蒜香味已撲面而來，材料很足，堆得滿滿的！平日總覺得鯇魚很腥，但這江團感覺卻是鮮。難怪看google都說四川的江團魚肉嫩而肥厚。三個人不停手地吃，還是啖啖肉。另外還加了寬薯粉（$22）和鮮豆皮（$22），看着寬粉煮得精瑩剔透，真的很治癒啊，而且吸收了整窩烤魚的香味，真的吃不停口。有肉也要有菜，另外點了清炒萵荀絲（$78），都是平日在家不會花功夫弄的菜。萵荀絲條條分明，師傅刀功着實一流！以後吃烤魚又多一個新據點了～

香港天氣終於都轉熱！周末食完辣最爽莫過於飲凍野，食甜品，黎個冰火二重天😎中意食辣既我，一直係十二味既fan,今次決定帶埋媽媽一齊食紅磡呢間！同銅鑼灣旺角店一樣,都係圈菜單落order,唔同既係紅磡呢間仲有得食烤魚，而且好多poly u既內地生黎食。照舊我都係叫左經典香辣鍋黎食，今次我終於記得圈住註明走花生🥜唔中意芫茜既朋友都可以註明唔落，就到唔同口味既人～寛粉最入味，而且香港餐廳都好少見，絕對值得encore!桂花冰釀$28🍶 都係我黎十二味必叫既～紅磡呢間仲份量多左好多，而且見到一半係料好有咬口，果然係學生飯堂，量都比較多！蔥油拌麵$38比起旺角個間好食，我覺得蔥油爆得更香，醬汁比例落得比較好吃😋幺妹兒冰粉$26甜度岩岩好，桂花啫哩本身無糖，係靠糖水顯甜味，好冰涼好清新，夏日最佳消暑品🍧

我同男朋友仔超中意食烤魚𓆟有位前輩住呢頭附近成日食，於是推薦呢間烤魚叫我地去試下，今日放假就同男朋友仔黎左呢邊食晚飯🌙6點左右黎到呢度，唔算好多人，眼見檯桌都幾闊落下，坐得都幾舒服，環境唔算太差都幾乾淨下，服務態度唔錯，禮貌都幾好，一坐低姐姐就送上兩杯檸檬水🍋，見我地冇水，唔洗叫已經主動幫我地加水👍🏻我地點左一條江團魚🐠另外有炸魚皮魚腐同金針菇🍄等左10-15分鐘左右就有得食啦😍滾起之後香味撲鼻，魚肉夠滑夠嫩，不過就嫌唔係好夠辣，我地比較變態可以食得好辣🌶🌶🌶🌶🌶味道唔差，夠香，個人認為好食過探魚好多😋。推介魚皮，因為魚皮真係超好食，夠曬香脆，加米辣汁一流🤤🤤🤤冇伏👍🏻會有下次，下次黎試下酸菜魚先🤔。

Due to the location, during lunchtime period, it’s pretty free here, haaa, private space is indeed enoughWe ordered Grilled Qingjiang Fish with garlic sauce. The sauce and ingredients are well matched, strong garlic taste and lovely crispy yellow beans. Love the fish texture too, haa, tender and smooth fish skin, honestly it’s really  full for two of us, lol. But little bad thing is the fish head area is a bit salty, not so good for my stomach, if the sauce can be more even, it’d become perfect!

以前經常喺紅磡搵野食，十二味九宫格幾乎成日食，而家轉左做十二味不只是烤魚，慣性繼續支持。佢D Lunch set 都ok 架，不過之前食 Lunch 無時間影相寫食評姐~今次晚餐黎食，點左"招牌香辣味" 烤清江魚 ($258)，伴魚輔菜點左黑毛豬肉片($68)，蓮藕片($22)，寛粉($22)同土豆片($22)。個香辣清江魚鍋一開始食覺得幾辣，但係食落又可以接受，可能係放面果D辣椒太辣，鋪面果脆豆豆好正。條魚厚肉同無乜骨(或者已經俾師傅起哂D骨)，煎香過GE，所以好香口，大約食到一半，輔菜就差唔多熟，最正係寛粉，蓮藕片好爽口，土豆片好吸收湯頭嘅精華(所以辣~)2個人晚餐埋單約~$500 幾，ok喇，鐘意食魚鍋可以一試!

發現十二味又有新餐廳！這次又去另一家比較少人的黃埔店，試一試他們的烤魚。烤魚講求辣，魚鮮，配料平衡，不過香港的烤魚比較普通，感覺不地道。而十二味我吃過幾次，每次都感覺地道，包括這次的烤魚，都是香港吃不到的味道。烤魚一定要點清江魚，骨少而肉多，魚肉不搶味，讓辣味盡情發揮。除了這個，魚皮還很厚，煎過的魚不會一煮即散，非常好吃。不過如果想嚐濃味一點，建議待它多煮一會才吃喔！但如果想吃滑一點的魚肉，湯滾馬上就可以吃了。其後就是配菜了，最佳的配菜除了豆芽，一定是寬粉，爽滑煙韌有咬勁，煮多一會吸盡湯汁，好吃～豆腐皮是另一款常見的配菜，沾上了辣油辣辣的，令寡味的腐皮變得豐富刺激。這種地道烤魚的味道，現在香港也吃到了喔|

以前住紅磡灣中心, 成日走落去十二味果度食, 以前仲叫做十二味九宮格, 依家叫十二味不只是烤魚. 依家既十二味已經係集團式, 開到周圍都係, 今晚番去舊屋攞信, 順便再試吓睇吓有冇變味.依間十二味同其他十二味有少少唔同, 去依間十二味食嘢就好似番咗大陸咁, 待應生都係講普通話. 對我而言是優點, 因為我就係黎食大陸嘢的, 你越大陸越好, 我越覺得地道.今晚肚餓, 二個人一個BB, 叫咗"招牌香辣清江烤魚", 加碟"黑毛豬肉", 加"蓮藕片", "寬粉", "土豆片", 另外再叫"涼拌土豆絲", "紅糖糍粑".等咗冇耐, 魚已上場, 魚望落起碼有1斤半, 相當大條, 烤得唔錯 (也有可能係炸過飛過油), 配料多到差不多裝唔晒. 汁偏辣, 我覺得如果大家唔係咁食得辣, 記得叫佢微辣. 以我這個譚仔5小辣唔覺得有辣味既人, 我會覺得依個魚有少少辣, 但我係接受到的.香, 鮮, 辣, 依個魚相當唔錯的. 相片裡面可以睇到魚肉很厚, 好肉. 蓮藕片爽, 好味, 寬粉熟晒好軟身, 入味, 好好食, 土豆片我一般, 因為佢薄切咗之後淋咗少少, 但都OK.仲有一樣嘢係芽菜超多, 唔食芽菜的朋友記得要叫