十二味貴陽牛肉粉 (已結業)

天氣乍暖還寒，濕熱底的我確實受不了，疲態盡露，身體反應正正提醒我需要吃吃辣來散寒除濕。這不是貪吃的藉口，是有根有據的民間智慧也。是日在銅鑼灣區工作，見十二味評價很高，我就鎖定目標，誓要驅驅寒，趕走濕氣！下午二時許，計劃避開最繁忙的午膳時間，但門口依然有食客輪候，我一個人，稍等一會，第二張就到我入座了!店面面積細細，進店後只3-4張枱，店員帶我經過廚房小走廊，都盡頭的房間入座，冷氣較強，怕凍者需要留意。店內各處都見食客的寶麗萊，記錄了第1至100碗貴陽粉的誕生，食客與貴陽粉拍照留念，寫上點點評語或鼓勵，感覺跟食客很親近，而我細心看，不少國內食客留言稱讚他們夠地道。前菜 泡菜/木耳 各$12木耳我點了木耳作小食，木耳口感非常好，夠爽脆! 廚師用了醋作調味，味酸酸的，醒胃非常。 每枱都放了香料豉油等供顧客調味，其中花椒粉，辣椒碎，白砂糖最搶眼。我點了全場最大堆頭的"全家福" ，全場最大碗的米線，材料樣樣有，包括蛋、牛肚、豆乾、牛肉粒、牛展。我就喜歡花椒粉，放了半茶匙到湯中，麻味盡出，亦令麵更香更具風味。豆腐乾我最喜歡這豆乾，完全入晒味又不失豆味，豆乾做得好食而又不乾，真是巧手之作。鹵蛋

呢期無論雜誌，openrice定Instagram 都見到好多人介紹呢間牛肉粉，佢個樣好似平時食既牛腩米線一樣，但就個個都話好食，仲要排半個鐘以上。今日難得出銅鑼灣,於是黎朝一朝聖。星期二既夜晚七點半，由銅鑼灣地鐵c出口向一蘭方向行，再過埋金鳳餐廳就會見到十二味既招牌。一到既時候見到門口只有兩個人排隊，好好彩排左十分鐘就入到。但食飽走既時間，人龍變成十幾個人!店採用先購票後入座既形式運作，我揀左全家福牛肉粉，一坐低唔洗3分鐘碗粉就到喇！全家福牛肉粉（清炖） $98全家福好啱我呢啲選擇困難既人，一碗粉可以試曬全部店既特色食物。清純既湯底較清甜，湯上有一層薄油牛肉粒：肉味香濃，應該經過長時間既煮燉所以好入味牛肚:牛肚爽口，但可以再入味啲牛筋： 好正，呢度既牛筋煮得都幾林豆干：好鐘意豆干既質感，有彈性幾好咬，豆干仲吸收到好多湯汁!

最近聽不少人說十二位又開了一家，終於早出office以防等位。店鋪很小，擠逼是一定，一共8個座位，難怪要等。紅燒牛肉粉: 紅燒是指牛肉，而非湯。湯，一眼望去已經覺得好多油，厚厚一層漂在碗裡，讓人難以下口，需要慢慢挑牛肉和粉來吃。整體調味料放好多，特別是花椒，我喜歡麻辣，所以沒關係，不過朋友已經嫌味道太重，牛肉是冰鮮，沒太多牛肉味，花椒確實搶去了牛肉不少味道。總體感覺很普通，價格絕對是粉面里的高價貨，味道普通，油到嚇人，無法入口，最後放了不少醋去中和才能去掉點油味。專程跑一趟真是大可不必了。

平時行銅鑼灣覺得冇咩好食，又或者來來去去都係食個d，就上網search到呢間牛肉麵，好像好特別咁，係香港唔常見嘅貴陽風味～在店外見到裡面幾乎滿座，便在外等左數分鐘，順便睇睇餐牌食咩好，一進店就有店員幫忙先點餐付款後，才帶位坐下。 紅燒牛肉粉$56 加滷蛋,牛肚,豆乾 食之前緊係要飲一啖湯試下先，紅燒湯底味道濃郁，感覺烹調既過程落足料啊！湯底好味唔在講，配上切成不規則嘅爽口牛肚絲，豆乾豆味重又大塊，再來一顆入味鹵蛋，米線係我至愛的煙韌質感，食到一半都唔會好碎好散，冬天食完又飽又暖好滿足。 清湯牛肉粉$56 加牛筋,脆哨,豆乾清湯味道純正，比起紅燒較淡味，但加上麻辣粉同五香粉攪拌後食，再混合湯底裡的蒜頭是另一番風味！牛筋煮得好冧又軟熟，脆哨應該係切成小粒嘅炸豬皮，香脆可口好岩伴麵食，意外地夾同好食另外也有點一份開胃泡菜$12細細粒的木耳一口一啖 伴麵食也可 有小小酸辣的確好開胃 忍唔住好快就食曬店內裝潢設計都好靚，牆上貼滿食客品嚐過一碗熱騰騰的麵後流露的美味與滿足。唯獨店面實在不大，經常在進餐途中要起來讓其他客人入座，銅鑼灣的食店串金尺土只好將就一下吧，不過味道還是值得來一試的～

今晚去左間係鬧巿銅鑼灣毫不起眼的粉麵店。此店聽說是由貴陽人老闆娘開設的店, 賣點不用說當然是貴陽最出名的名菜, 亦即廣西聞名遐邇的牛肉粉。它亦有一個特別名字叫黔菜。冷冰冰的冬天來碗熱騰騰的牛肉粉實在幸。先後點了兩碗加入了勁多配菜的粉 - 清湯牛肉粉和紅燒牛肉粉。首先是清湯牛肉粉。呢碗加左豆干、鹵蛋、脆哨同牛肚。清湯是以牛肉精華淆製而成, 味濃而不濁, 真的是名不虛傳的外省代表菜!首先試試那湯頭, 一大片又濃又帶麻香的油浮在湯面上。主食是米線, 由於麪是上乘之選, 在湯𥚃浸久了也沒有變漿, 彈牙之餘亦吸引了湯的精華在口腔無限發放。本人最喜歡是脆哨, 軟軟的質地配上突然脆口的幾夥豬油渣, 懷舊得來又特別。 而另一碗係牛筋牛肉牛腩牛雜的combo,但湯頭有點不同, 比軟濃馥且味濃。食食下突然感到舌頭有一陣酸酸麻麻的麻痺感，應該是碎了一小粒花椒。貴陽人愛吃花椒, 所以老闆娘照辦煮碗跟食客分客貴陽之珍貴味道。好的是湯底麻而略帶小辣，但毫不過人火, 不會令人吃得頭頂冒汗。反而麻得過癮，令人吃不停口！而主好喜歡呢碗各款配料，最愛的當然是牛筋，口感軟糯，膠質豐盛, 舌頭輾轉於黏與爽之間! 此外,

銅鑼灣區工作，今日Happy Friday又同同事一起去覓食。途經鵝頸橋街市，恰巧看到一間十二味貴陽牛肉粉。此店的易拉架寫上2月份人氣No.1,決定試下。 不過地方細小，只有八個座位輪候需時。我們大約排隊半小時才進入餐廳內，首先要點餐才入座。 全店以清炖同牛肉粉為主，走蔥、走蒜、走芫荽記得點餐前告知店員。 我們點了紅燒牛肉粉及全家福牛肉粉（清炖），飲品方面有各款汽水及加多寶。 等待用餐時發現，無論裝修格局都有牛頭等設計。 老干媽的辣度真的非同凡響，如果吃得頗辣的朋友可以一試！ 紅燒牛肉粉🍜🐮😋$56添加$6豆乾及$6牛肚湯底淸炖，牛肚切得頗幼身，而且不會太硬👍牛肉入味而且豆乾大大件.抵食👍 全家福牛肉粉$98 其實可以算是全部材料都擁有，內含：牛𦟌、牛肚、牛腩、豆乾、酸菜等等。第一口清炖不算油腻，而且其他材料都頗腍身。牛肉粉其實米線來的，滑流也不錯！ 另外此店的泡菜也是不錯，少酸不算太辣混入牛肉粉內；頗為滋味！ 好少地方會有加多寶出現，但今次吃貴陽牛肉粉又點可以唔叫佢呢？不算太甜，更有特色。

一早訂左嘢要去謝斐道拎，本身諗住去食一蘭，但經過呢度聞到勁香，就入左黎。我去門口，見到竟然排隊，一間舖仔要排隊？好彩又唔係好多人，前面得幾個排隊，咁我就等下啦。到我既時候，乜都想加既情況下，我瘋狂落左呢啲order。果個"開胃泡菜"原來係涼拌木耳！$12又幾多份量，於是我又買埋。木耳唔辣，酸酸甜甜，有莞茜夾埋一齊食。但我呢種無辣不歡既人，要落埋枱面既麻椒同乾辣椒，撈埋一齊食！呢碗牛肉粉真係掂！夠香夠辣！我一飲啖湯先係香辣，之後牛肉味滲出黎，仲有八角等等香料既味，個湯仲有大量蔥，蒜，莞茜，難怪係門口出面都聞到香味！米線又吸哂啲湯，牛肉係一粒粒，好鬆化，因為有啲牛筋，牛肉食極都有，多到我最後都食哂哂！除左牛肉之外，碗面仲有好稔既牛筋，仲加左一份咬落幾爽既牛肚，牛肚份量都唔要。豆乾其實係硬身小小既豆腐卜，索哂啲湯，一啖咬落去，勁正！不過鹵蛋有小小失手，唔太夠味，可能我重口味啦Haha~不過一間舖頭淨係賣牛肉面都可以咁多人排隊，我食完之後見到條隊仲長，出門口都有困難，碗面真係有佢過人之處。

放工同同事趕到黎食十二味，估唔到遠處已經見到一條長長嘅人龍... 鋪頭面積較細 今日係平日放工後都有好多人，排左大概20分鐘先入到... 食物款式唔算多 叫左個開胃前菜～酸辣雲耳，加入醋、辣椒粒同芫茜，香口又開胃見到menu 話清炖牛肉麵係推介，就叫黎上下丫～湯底就一定係清炖麵嘅靈魂，但今次令我比較失望，湯底偏咸同油膩，令我成晚要不斷飲水... 不過牛肉就幾好味，彈牙嫩滑，肥瘦適當 另外要推介另加嘅豆乾，豆乾唔似出面普通嘅豆乾咁做到好脫水乾身，反面仲保持到豆腐嘅柔滑同豆香，唔錯！！！整體黎講，配料好可惜湯底有些許敗筆

刚开始吃的时候觉得好好吃啊就是贵阳那个味，但吃到后面觉得实在是太咸了，点了个全家福，没能吃完，而且吃完之后觉得超级无敌口渴，估计是味精放多了，反正不会再来，还是乖乖吃一兰好了

最近高鐵開通左貴陽線，香港的旅行團都開始賣廣。我相信好多香港人都唔熟識貴陽。貴陽係比較落後的城市，最出名旅遊景點一定係黃果樹。我熟識貴陽係因為我男友老家正是貴陽，跟佢返去幾次都試過當地正宗牛肉粉，湯底比較清，但不失牛味，加配當地的醃菜真係好特別，佢地醃菜以椰菜，蘿蔔為主今次專程前往呢間回味當時在貴陽的味道，果然正宗，湯底小麻，加醃菜，莞西。味道好好。貴陽出產辣椒粉，出名香而辣，所以當然要試一下，味道唔錯，但未到好香，再加醋，令成個面都好食其實米線都有分幾種，香港最常見係雲南米線，比較細條，口感爽口，依un.貴陽米線比較粗，米香比雲南米線重，口感較滑。佢選用都係普通都雲南米線，但唔算好細條。貴陽仲有好多小食，例如絲娃娃，酸湯魚，都係出名當地菜

位於銅鑼灣C岀口附近，有一間新開的貴陽牛肉粉店，上網不小人推介此店，所以今日特意過海來食！堂食椅子不太多，幸好早來有位！餐牌只售最岀名的牛肉粉！可加上其他配料！先落單後入座！點了清炖牛肉粉，清清的湯底，但充滿花椒，八角的味道。清湯略油，但充滿牛肉味點了$18牛肉丁 $18牛肉片， 牛肉粒狀，牛肉片軟腍，兩者都有肉味。豆乾$6軟身，完全滲入湯汁，每一口都有滷汁，味道不錯！鹵蛋$6口感實在，大件，也不錯的！只是覺得粉的量不多，男生和我這種大食女生可能要加粉。服務員大多為內地人，有在貴陽的感覺。但不太醒目，其後經理上場才控制場面食家們要早點來，不然要排隊了！

較早前難得放半日假，便好好輕鬆一下，先去了做facial, 再去食野，行行下見到一間面積不太大的食店，叫十二味貴陽牛肉粉.一睇個名便知道，這間店是食牛肉為主，有不同選擇，例如牛肚，牛，牛筋，牛肉丁......不知揀甚麼款式，或想一次過食晒所有款，就可以揀全家福牛肉粉(清炖).檯上放滿了醬汁，供客人自行加入麵中.而店員的制服也好有心思.碗麵上檯拉~材料相當豐富，除了牛肚，牛，牛筋，牛肉丁外，仲有鹵蛋和豆乾.由於我不太食得辣，我揀這個湯底是清炖.個湯入口時感覺麻麻地，但是完全不辣，麻而不辣，感覺幾特別，個湯底再濃味一點更吸引.牛幾腍身.而牛肚和牛肉丁相對較有咬口.個牛肉粉幾彈牙, 口感也不錯.豆乾吸收晒湯的精率華，豆香味也不錯，軟硬度適中.我自己鍾意咸味一些，鹵蛋味道對於我略淡一些，再入味一些更美味.

個人很喜歡吃粉麵，無論是東方或西方的品種，這晚下班後到灣仔辦點事，順道吃碗粉才回家。牛肉，是我最喜歡的肉類，所以經常吃牛腩粉麵，看見這店專賣牛肉粉，心中有些期待。店子座位不多，對於我這種一支公的客人，更要靠邊坐，在狹窄的通道裏，有一排單邊高座位，可自得其樂，也樂於接受。貴陽，一個陌生的地方，看牆上的介紹，知道牛肉粉用了很多香料去處理，又用了豬筒骨去熬湯，急不及待了！點了紅燒牛肉粉，加牛肉片，鹵蛋和豆乾。先呷口湯，味道頗濃，充滿肉桂，花椒，八角，蒜等味，想必是這些材料令到美味肉湯中滲著點點麻的感覺，而我最愛吃的牛肉是粒粒狀，而牛肉片是牛蹍，很軟腍，很有肉味，鹵蛋，不過不失，豆乾，口感充實，也頗大件，作為配料很稱職，而湯中散滿泡菜絲，據說是每天浸泡的，酸酸的味道正好用來中和肉的油膩。而所用的米線，很幼滑，軟綿中帶些少韌，也很不錯。最欣賞湯底，喝後身體暖和，咽喉很舒服，沒有口乾，還滲著點點回甘。

貴州風味牛肉粉😋 湯頭其實較淡 牛味不濃 微微的鮮甜 但勝在花椒味重😍 以致麻香重而不辣 牛肉雖算不上很嫩但絕不韌實 😌 喜愛花椒的朋友如我 一定會很喜歡這碗麵!! 略嫌不夠麻 還可自行添加花椒粉 很想拿這瓶花椒粉回家😭 看到不少內地人幫襯 相信味道也頗正宗🤔

牛肉含有豐富的蛋白質和鐵質, 有補中益氣、強健筋骨等功効, 但有些人會對牛肉敏感, 未能一嚐牠的美味, 有點可惜...... 而我, 幸兒沒有產生任何敏感, 吃來補血養身就一流, 今晚獨自一人, 就簡簡單單來一碗牛肉麵, 補身又補暖。店子以一個戴上牛角帽子的公仔作為logo, 門口擺放了一塊大餐牌, 所供應都主要是不同款式的牛肉麵, 包括有清炖、紅燒和紅油牛肉粉, 而最豐富最多料就是清炖全家福牛肉粉, 另外還可再豐富一點, 加多幾款配料, 分別有牛肉丁、牛肉片、牛筋和牛肚, 而非牛肉的配料選擇有粉、脆哨、豆乾和鹵蛋。好吧! 已諗好如何配搭, 快快入座。店子地方小小, 一入門就是下單處, 中間是廚房位連設四張單人高枱座位, 而前端設有一張四人枱和兩張二人枱, 走到最入便是一個有四五張二人枱的小用餐區, 枱與枱之間空間少, 地方較為狹窄。 內裏設計平實簡樸, 沒有花巧的擺設, 而最吸引便是掛在牆上的七彩牛頭紙雕和貼滿客人食後感的咭仔。清炖牛肉保存營養成分比較好, 就來一碗清炖牛肉粉($56), 再豐富一點, 加埋牛筋 ($12)、豆乾 ($6)和鹵蛋 ($6), 下單時還發現擺放了一盒盒開