十二味 (嘉峯匯)

營業中

休息中

今日放工，喺屋企附近搵咗間環境唔錯嘅餐廳，呢間餐廳應該開咗冇幾耐，係食川菜嘅，應該係住呢頭附近嘅人先識黎😆餐廳喺2樓，一入到去環境相當唔錯，地方又大啲座位又闊，仲有卡位可以揀嚟坐，兩個人都比一大張枱，一定夠放嘢食😝餐牌上有好多川菜可以揀，例如係香鍋、酸菜魚、熱菜同涼菜，真係好多配搭可以選擇👍🏻因為朋友想食酸菜魚，我哋就叫咗份酸菜魚，揀咗小辣，估唔到佢嘅酸菜魚係咁大碟㗎，一上枱已經聞到好香嘅辣椒酸菜味，個湯飲落去，酸同辣混合得啱啱好，仲有就係佢嘅魚份量都好多，食極都有，我仲忍唔住用佢啲湯嚟撈飯添，真係好正🥰仲叫咗份口水雞，口水雞嘅辣味香濃，辣得夠過癮，雞肉都好嫩🤩仲叫咗杯熱情果梳打share飲，因為杯梳打實在超大杯仲大過我部電話，兩個人都爭啲飲唔晒呢間餐廳嘅服務仲要好好，店員都好有禮貌，真係可以做我嘅飯堂😋

呢間餐廳位於啟德沐泰街9號嘉峯匯1樓10號,餐廳座位好多,座位舒適寬敞,口水雞冷盤辣得黎口味正宗，好有川菜特式,好惹味。餐廳仲提供左口罩套俾客人使用,仲有其他食物選擇辣同唔辣都有,而且我地坐既位置仲可以望到窗外風景,傾計舒服,特色飲品選擇都算多,幾好喝，解辣、出邊飲唔到這樣的風味芒果梳打幾好飲。不辣的食物，酸菜魚可選辣或者唔辣，有些菜是可以選擇辣度甚至不辣。 酸菜魚好大碗，入面仲有窩筍,炸蒜,菊花同埋筍片,魚唔會好腥，晶瑩剔透，肉質都幾嫩滑，湯底好足料。

啟德起左咁多新樓，成個社區都好新。十二味好近啟德站，行幾分鐘就到，內裏環境都好新淨，而家遠望可以睇到成個獅子山，支持用app落單，好方便亦食都好開心。人見人愛酸菜魚 ＄218我地叫左小辣，口味非常正宗，2人份量岩岩好，加埋一人一碗飯，真係好滿足。店家可以供客人選擇辣度同麻度，岩哂唔同既人。熱情果梳打 ＄28超級大杯，叫一杯已經可以夠2個人飲，而且好幫到解辣，如果真係太辣可以幫下手。川式口水雞 ＄58口水雞好正宗，可以揀辣度，我地叫左小辣岩岩好，好正宗。

十二味 啟德店📍九龍城沐泰街9號嘉峯匯1樓10號舖部分菜式更可讓客人自由選擇菜式辣度同埋酸度😎配合唔同客人嘅口味💁🏻‍♀️人見人愛酸菜魚係我食過其中一間口味最正宗嘅酸菜魚👍怕辣既可以BB 辣，嗜辣的你也可以選擇大辣魚肉特別嫰滑，而且辣味夠👍👍酸菜味道超開胃 無論係酸度定辣度 都食得非常過癮🤤🤤🤤💁🏻‍♀️乾煸四季豆肉末跟菜脯炒過以後真的超香四季豆翠綠且保留清脆既口感送飯一流🤤🤤🤤💁🏻‍♀️桂花冰釀聽個名都覺得好特別淨睇以為係甜品但原來係飲品入口如其名帶涼意而甜味慢慢在口中散發係非常唔錯既解辣之選真係第一次試呢種風味嘅飲品🌝#hkfoodie #hongkong #啟德 #啟德美食 #美食 #食好西 #威威為食仔 #威威要還債

新開無耐，我梗係要去試吓啦🧐🧐🧐其實睇個餐牌，好多嘢都好想試～不過我人數少有時唔到咁多住！今次唯有叫住個經典香辣鍋先可以自選至少叫五款餸～咁我叫咗田雞、牛柏葉、寬粉、鵪鶉蛋、鮮牛肉上枱大大盤超級香，已經流晒口水😋😋🤤🤤🤤如果大家要白飯要另外自己嗌～我就唔需要喇！🤔🤔所有配料都有嗰個辣醬，超惹味，送飯一流（不過我自己吾太好食白飯🫣🫣）另外我叫咗杯熱情果特飲，不過唔記得咗影🙄🙄🙄🙄唔太甜，ok 架～食住辣嘢飲就啱啦😎😎😎大家有興趣就試吓啦

📍 十二味 (嘉峯匯) Twelve Flavors (K.Summit)🌍 九龍城沐泰街9號嘉峯匯1樓10號舖Shop 10, 1/F, K.Summit, 9 Muk Tai Street, Kowloon City📝 整體評分：9／10🥢夫妻肺片🥢 $68牛展牛肚拌香麻辣醬，加埋白芝麻幾香口，佐酒小菜一流。🥢人見人愛酸菜魚🥢 $218有辣有唔辣，不過酸菜魚唔辣邊好食~ 魚肉厚身滑嫩。湯底夠酸夠香夠刺激，不過酸菜魚係重油，揀左少油都係好多油，不過好食都無計啦~🥢桂花釀酒🥢清甜易入口，淡淡桂花香，好似係用左米酒做酒底~

十二味依家越開越多分店連啟德都開咗間餐廳主打各式川菜其中酸菜魚最為出名各式涼菜亦都好高質👍🔸人見人愛酸菜魚 $218餐廳非常貼心，酸菜魚有得選擇辣度，甚至乎走辣都得，啱哂食唔到辣但又想食酸菜魚嘅朋友🤣我哋今次就簡咗小辣，不過食食下都開始feel到麻，十分過癮。酸菜魚肉質非常嫩滑，亦都好香魚味，而且完全唔腥，非常好味🤤我哋仲叫咗白飯，用酸菜魚嘅汁撈飯簡直一流🤣🔸川式口水雞 $58十二味嘅口水雞非常之正宗，賣相仲要好靚，睇得出餐廳用心製作。口水雞同樣有得選擇辣度，我哋都係簡咗小雞，對於我哋呢d唔太食得辣嘅人嚟講個辣度啱啱好🤩🔸熱情果梳打 $28好少餐廳杯野飲咁大杯，呢個價錢超值！食完辣野，飲翻杯冰涼飲品解辣就最啱啦！

平時間唔中都會去十二味食lunch 真係好抵食第一次食夜晚 原來都唔貴喎呢度最出名就係食酸菜魚同乾鍋每樣辣野都可以自己揀大中小辣 什至揀唔辣都得 今晚得兩個人 叫左酸菜魚同口水雞已經飽到上心口人見人愛酸菜魚+最佳拍擋粉條大大盆 有齊魚片 萵筍 雞髀菇 酸菜 粉條 超豐富我地揀左少辣少咸 連湯都飲得魚片大大塊又滑又鮮味 完全冇骨最鍾意佢地有落菊花 多左陣清香粉條估佢唔到份量係咁多 食左幾碗都仲有早知唔洗叫白飯啦川式口水雞雞肉好嫩滑 雞皮唔會太多脂肪 食落幾爽加左芝麻同花生碎 更加香口美滋滋芒果梳打食辣野必備 酸酸甜甜好解辣 飲落透心涼

辣就好香好辣正宗川菜口味，小辣唔辣就可以俾d 唔食得辣既朋友仔都食得到過下口癮，岩晒一大班朋友食，唔同人既口味都照顧到～❤️人見人愛酸菜魚 大大鍋酸菜，超多好滑嫩既鱸魚魚肉，酸菜味濃郁，配料仲有好多萵筍同杏飽菇，餸飯一流～而且可以自選辣度，由唔辣 bb 辣到超辣都得～酸度麻度都可以揀，好貼心!!🧡涼拌士豆絲 薯仔絲好爽口，涼拌好香麻油味，好開胃💛熱情果蘇打 超級大杯!! 同正常size既蘋果汁一比就見到有幾巨型，咁大杯又酸酸甜甜好好飲，解辣必點呀!!

有朋友搬了去啟德住，去她新居看看，之後就出街食個飯，她帶我來到這間食川菜的餐廳!餐廳地方幾大，坐得舒適!這裡用手機落單，非常方便!菜式也有多款，酸菜魚、干鍋等也可以找到，而我們就揀選了酸菜魚!人見人愛酸菜魚，點了個2人份量的酸菜魚，可以揀辣度和酸度，而我們就揀了小辣多酸!魚片的份量都幾多，而且厚薄適中，沒有骨!湯底味道酸酸辣辣，辣度剛剛好，不會太過辣，因為點了多酸，所以味道都會比較酸!除了有魚片之外，酸菜的份量都幾多，還有萵筍和少量薯粉!薯粉掛上湯汁，煙煙韌韌又酸味味，十分惹味，配上白飯一齊食更加一流!川式口水雞，這裡的口水雞份量都幾多，肉較多，不會太多骨，肉質嫩滑!醬汁味道麻麻辣辣，幾惹味!美滋滋芒果梳打，味道不會好假，有淡淡的芒果味，而且不會太甜，加上用上梳打，飲落感覺好fresh!

🇭🇰Hong KongAverage expense pp: HKD$200-250+📍Address: 十二味 Twelve flavours, Kai Tak十二味已經開左好多間分店，川菜質素一向唔差。用QR code落單好方便，可以自行決定少辣少油、少鹽、走香菜等等。涼菜 - 夫妻肺片（$68），牛肚、牛心爽口新鮮，麻香味十足。主菜 - 酸菜魚（$218）非常好，酸菜開胃，魚片新鮮，份量十分慷慨，特別喜歡萵筍作為配料，非常脆爽。建議可以配搭粉條，口感煙靭。飲一啖芒果糍糍，仲可以去除一餐既油膩感。呢間新開啟德分店，座位寬敞，環境整潔，當晚仲有人慶祝生日，相當有氣氛。

去開九龍城做野，唔到嗰頭有咩好食，朋友話想食川菜，就上網睇下附近邊到有好味既川菜食，見到推介十二味就去幫襯下！點知真係無介紹錯，店內環境整潔光線充足，令人心情愉快地進食！點了酸菜魚，一上枱已經發覺好大碗，魚片份量仲好多，湯底有濃濃炸蒜味，酸辣味道剛剛好，唔會太酸，而且魚片滑溜無骨，連平時唔多食魚既我都一試愛上另牛肉麻辣香鍋，內有大量土豆，蓮藕，芽菜，牛肉份量都唔少，而且牛肉十分之嫩滑，唔會過鞋過硬，炒得好夠鑊氣，正

#百吃不厭酸菜魚朋友住啟德 區內商場食肆唔多 當我知道新近開張咗間川菜小館 第一時間去house-warming 跟住食晚飯-🥔涼拌土豆絲 $38呢個涼菜嘅辣度 由唔辣到辣🌶 都有得揀 面頭灑上蔥粒 入口清爽有麻油香 再有蒜粒提味-🐟酸菜魚 $218叫個唔辣嘅版本 為咗食魚肉鮮味 新鮮鱸魚起骨 連皮帶肉切成薄片 好考大廚刀工🔪 魚湯滾燙 魚片嫩滑啖啖肉 一啲腥味都冇👍 酸菜嘅鹹酸度有層次 原來將四川酸菜/廣東鹹酸菜/雲南老埕酸菜 每樣加啲 啱晒餸飯🍚-🍹熱情果梳打 $28杯特飲好巨型😍 熱情果甜甜酸酸 解渴又解辣 -🫔紅糖糍粑 $48糍粑外脆內軟 蘸甜滋滋紅糖甜漿一齊食 令人食唔停口-📍十二味 (啟德店)九龍城沐泰街9號嘉峯匯1樓10號舖

小紅妹我好喜歡食酸菜魚，酸菜魚的歷史有好多講法。 酸菜魚係重慶菜開始先鋒之一， 話說酸菜魚始於重慶江津江村漁船。當時漁夫將捕獲的大魚賣錢，往往將賣剩既小魚同江邊的農家換酸菜來食，漁夫將酸菜同鮮魚一鍋煮湯，竟然個湯既味道係帶出左個鮮味來，於是有部份小店將呢味菜式發揚光大，酸菜魚流行於90年代初，大大小小既餐館都有其一席之地，重慶既廚師係好睇重呢味菜式。今次來到啟德幫襯呢間十二味，睇下幾大盤酸菜魚，仲要裡面好多寶藏。👏🏻👏🏻👏🏻呢個酸菜魚係用新鮮鱸魚切片製成，你睇吓啲肉幾滑又雪白，勁正啊！😬😬👏🏻👏🏻萵筍、酸菜、雞髀菇、成個酸菜魚完全啲湯係好鮮甜，我要係微辣，所以口感係好有層次，我真係食到唔停得口，呢個酸菜魚係我真係食得最清甜同埋最鮮味既！❤️❤️🥰🥰👏🏻👏🏻配上埋口水雞，雞肉好滑好嫩，同埋一個白飯，真係天衣無縫㗎，仲有兩杯嘢飲都係非常之解渴，非常好味，喺一間嘅川菜館裏邊都有特色嘢飲係幾唔錯，大力推薦大家記得要食酸菜魚。😍😍😍💡💡💡👏🏻👏🏻👏🏻總評📝食物⭐️⭐️⭐️⭐️⭐️服務⭐️⭐️⭐️⭐️環境⭐️⭐️⭐️⭐️衛生⭐️⭐️⭐️⭐️價錢⭐️⭐️⭐️⭐️交通⭐️⭐️⭐️

好開心啟德竟然開咗12味！從此又多咗一間好味四川菜選擇！四圍都有分店！正呀！人見人愛酸菜魚🐟🐟必定要試下，魚肉份量暫時係我食過咁多間酸菜魚中最多！男朋友唔食得辣，今次叫咗唔辣，估唔到又食出另一番風味！魚湯特別鮮甜！夫妻肺片👬有牛肚，牛展！辣度剛剛好！係四川正宗辣油！辣得好過癮！送白飯一流！美滋滋茫果梳打🥭芒果🥭梳打甜到剛剛好！食完夫妻肺片解辣一流！一人一杯sweet sweet 😍酸菜魚一定要現場食先好食！第五波疫情過後第一餐酸菜魚！太正喇！