千里屋食堂 (已結業)

行完銅鑼灣，順便搵埋嘢食～見到千里屋食堂價錢OK，就入去試下。千里屋食堂門口都幾多人等位，等左十幾分鐘就到我地～呢間餐廳有好多種不同的和牛食法，有shabushabu、壽喜燒、丼飯&鐵板和牛。我地叫咗一個和牛鐵板3種 （45g x3種）同埋Steak Gozen Premium昆布面豉湯唔鹹，熱辣辣好好飲。和牛出面買都唔平，鐵板和牛有9塊，有牛五花（腩）、牛肩肉同埋里脊肉（大概是近橫膈膜的位置），咬落去非常嫩滑、肉質細緻。更配以洋蔥和粟米作配菜。五花腩係最肥美，咬落去肉汁會流出來，仲會夾雜着油香味tim! 肉眼位近大腿肉，比較有咬口，送飯一流～牛肩肉脂肪比例適中，有濃濃的牛香味！伴隨着上碟的有三種調味料，日式燒汁、鹽和Wasabi，其實加小小鹽調味已經好香口。另一個steak gozen premium都好快就送到，有塊鐵板比我自己燒，輕輕地煎一煎已經OK，肉質新鮮，又幾得意wor!有牛筋腩作前菜，仲有玉子卷同味增湯、白飯，再飲埋提子梳打，呢餐真係好夠飽！

朋友介紹大阪千里堂食屋在香港開了分店， 一直都想試今晚終於有機會。 地點確實方便 就近sogo， 不難發現有些遊客都慕名而來。店內裝修有日式居酒屋feel， 一張張和牛，御繕set 大特寫，未order都很期待。價錢唔算大眾化，所以期望菜式地道有如置身日本。 其中一位服務員只說日文， 當然簡單英語都可溝通。和牛鐵板三種$298選用了鹿兒島和牛。 鐵板預熱了剛剛好可以keep住烤肉的溫度。和牛共有三種 ， 三種都不是全熟。各部位都有特色。 其中有款較厚的部位只有六成熟左右。 感覺切薄一點會比較合適， 較raw的肉比較適宜切薄身。比較薄那款和牛，肉汁豐盛， 牛脂比例適中， 肉味香濃。 可以試試附設設的三種調味。 wasabi， 原來都幾襯， 鮮磨的wasabi 提升和牛的肉香但又不會喧賓奪主。 海鹽也能帶出其鮮味。 燒汁也不錯還好不算太濃味。 麵豉湯滾熱辣，正!亦唔會太鹹。昆布亦唔腥。 還有切得幼細的生洋蔥絲， 喜歡吃生洋蔥的話可以夾著燒和牛一起吃。高級涮涮牛肉火鍋$198輪到Sukiyaki 出場。 鍋底佈滿各式各樣蔬菜 ，有大蒜，蘿蔔， 本菇，旺菜和豆腐， 壽喜湯底帶經典又獨有的甜味和

千里屋喺日本係間賣牛肉嘅店舖，歷史悠久。嚟香港開食堂喎，我哋就梗係要來試吓啦！其實佢個位置係近住銅鑼灣廣場附近，都好方便。去到門口見冇乜人等位，就入去嘆和牛喇！入面係坐滿晒人，剛剛有一張二人枱埋單就到我哋入咗啦。坐低嘅時候周圍望下，發現有成幾張枱都係日本人，咁我就知道呢度一定有正嘢食！其實食物方面佢都有好多唔同種類，有鐵板啦、shabushabu、丼飯等等，我哋就決定揀一個鐵板一個sukiyaki嚟食，試吓唔同嘅口味呀嘛！隨餐可以揀飲品，我哋分別都係揀咗唔同口味嘅梳打飲品，都係嚟自日本㗎！好嘢！有嘢食呀！首先嚟嘅就係Sukiyaki ，除咗個鍋本身入邊有唔同種類嘅蔬菜之外，當然就有牛肉，而且仲有一啲前菜配菜湯同埋飯啦。不得不讚嘅就係佢有一個配菜係一啲汁煮牛腩之類嘅嘢，好味到爆炸，我相信如果淨係比呢一道菜我加白飯我都可以食晒碗飯！壽喜燒本身就係比較甜嘅，煮耐咗味道就更加濃郁。牛肉碌一碌入口即溶，鍋入邊嘅蔬菜超級鮮甜，我哋係迅速就清晒全部食物呀！之後嚟嘅就係和牛鐵板燒三種，就咁睇個配搭好似失色少少，但係啲肉真係超正，嗰種油香喺你個口度好耐都唔散，而且肉味濃郁，值得一試！埋單每人二百幾，下次

這家食店開幕了數個月，裝潢走簡約日系風。服務員態度很好，我們問她我們點的肉叫甚麼名字，她殷切地回答我們的問題。第一道菜是火炙珠峰丼配豬肉味噌湯及漬物，賣相十分吸引，十幾塊安格斯牛翼板肉多得可以真的砌到一座山一樣高，十分厚嫩🥓。和牛還比飯多呢！！😱😱第二款菜式是和牛鐵板3種，有里脊肉、牛背肉和五花肉三種肉，配上白飯和味噌湯。三種肉富有口感、鮮嫩無比，配上日式芥末、海鹽及和風醬，但宜熱食。我們去完都覺這間餐廳很讚!

星期五放工梗係食好野啦！由於係銅鑼灣工作，都會試下附近唔同既鋪頭，今日放工經過呢間食丼飯既鋪頭，就比佢既menu吸引左原來呢間係黎自大阪食和牛丼飯既隱世食店，開張左唔係好耐，因為實在太掛住日本既和牛，忍唔住要入去試下，雖然係星期五放工時間，唔洗等位就入得去啦！入去既時候只有日本人waiter招待我地，好似返左日本咁親切呀呢到既menu雖然唔係太多選擇，但貴精不貴多嘛！有高級黑安格斯牛丼，上面鋪滿牛，好似好足料咁，而且有唔同分量可選，滿足唔同人士需要除左丼飯外，亦有shabu shabu,壽喜燒同鐵板牛扒，價錢親民如果想試下高級d既牛，可以揀鹿兒島和牛set, 亦有鐵板/火鍋/壽喜燒揀，budget夠的話，仲有最高級的和牛扒set $480，下試再試吧！首先點了鹿兒島黑毛和牛set $298, 有3款唔同部位，分別係牛肩肉、牛五花肉、裏脊肉，肉質同口感也有少少分別牛扒煎得剛好，約5成熟，配上洋蔥同粟米一咬下去，牛味好重及肥美，口內充滿肉汁，雪花紋亦均勻遍佈各位置好食既和牛唔洗點醬汁都已經好好食，只需點少少海鹽就夠了接下來點了壽喜燒安格斯牛set $159,配味噌湯及前菜，雖然呢隻牛係價錢

行過銅鑼灣...發現一間新的牛肉專門店有鹿兒島和牛食worrr😍😍所以即刻衝左入去和牛餐其實得四款好鍾意食sukiyaki所以點了這個sukiyaki 個配搭其實幾多就咁睇過鍋有d 似某連鎖店常吃的火鍋 yaaa不過這裡有好多本菇...認真一點 haaa令外亦配搭了很日式定食的湯，前菜，漬物還有我大愛的日本生雞蛋😍😍和牛都唔少...有八片左右...薄薄的一片...shabushabu shabu...咁講三句就已經可以食laaa這個鍋兩個人不夠吃 haaa建議可以另點定食定食ge 牛都好唔錯...輕輕煎一下已經好香...入口唔會韌總括黎講這間很滿意不過定價也不便宜...hahahaa

想吃日本大阪「肉工房千里屋」的和牛？現在不用飛到千里外的大阪尋牛了，只因此店已落戶香港，並且是首間設於海外的分店！和牛一向是香港人的至愛，無怪乎這間大阪過江龍也首選在港設店。食堂提供多款不同風味和做法的牛食，當中除了有牛丼外，還有 sukiyaki (壽喜燒）Shabu Shabu (日式牛肉涮涮鍋），還有鐡板牛肉供應。和牛鐡板三種 （$298）👍👍👍👍套餐包括三種鹿兒島黑和牛，分別是里脊肉、牛肩肉和牛五花，各45g x3。套餐並包括白飯和味噌湯。三種不同部位的鹿兒島黑和牛，各有特色和口感，當中以里脊肉為最軟最嫩，肉質細緻，油花分佈均勻；牛肩肉的肉味則較濃，嫩滑中帶點嚼口；牛五花的脂肪比例較多，肉質富彈性，鐡板吃就最適合，燒香的油脂令牛肉更添油香。伴隨鐵板的還有洋蔥絲、西蘭花和粟米粒。三種調味料分別是和風燒汁、香草鹽和日式芥末，可隨個人喜好作選擇，當然亦可原汁原味品嚐鹿兒島和牛的真味。涮涮牛肉火鍋（$159）👍👍👍👍這個套餐包括白飯、前菜、漬物、玉子燒、麵豉湯、薄切的安格斯黑牛肉和一個昆布湯底的湯鍋，鍋內有大蔥、旺菜、本菇、芋絲和豆腐。牛肉是薄切的所以只需放入鍋內數秒便可入口，牛肉的肉

收到風銅鑼灣有間好嘢,源自神戶嘅牛肉食堂,淨係呢點聽到都流哂口水，一於就捉埋好朋友去朝朝聖先一入到去唔駛諗即刻點番過鎮店之寶--厚切安格斯牛翼板肉丼嗰飯未到都十分期待，等左一陣到之後都呆一呆，真係成座山咁高，香蒜濃味嘅燒汁再配密密麻麻又啖啖肉嘅安格斯牛肉，加埋日本珍珠米飯，再加埋蘿蔔絲同薑絲，正，人生一大樂事，另外個湯味道非常適中，飲落去真係好想講句舒服哂。食飽飽之後我好友不停話我成日帶佢食好嘢,心裡面都不禁沾沾自喜。果然無介紹錯,哈哈

傍晚下班後路經此店，看見店員正熱情地派着單張，一看下發現是開店不久的大阪過江龍餐廰，價錢不算太貴，便和朋友進內一試。就坐後店員笑容滿面地送上水和餐牌，與友人商量一番後便決定點了和牛鐵板三種($298)和壽喜燒御膳($159)。鐵板燒選用了鹿兒島黑牛三款不同的部位，入口感覺滑嫩無渣，牛味香濃，唯份量若再多一點則會更滿足。友人的壽喜燒御膳看起來十分豐富，除了火鍋外還有沙律、玉子、麵豉湯及生蛋等配菜。令人驚喜的是壽喜燒湯底味道十分香濃，配上切得薄薄的牛肉，十分滿足。

是日喺銅鑼灣剪完頭髮，剛好行過對面街見到千里屋食堂。於是決定同老公內進一試！千里屋的選擇繁多，同老公揀了Steak Gozen Premium 和和牛鐵板3種。Steak Gozen Premium($189)好大份嘅定食！第一次用咁輕考嘅煎pan去煮食，十分特別。另外鹵肉也是十分的入味！和牛可以再煎成自己喜愛的熟度。而且肉質鮮美，不愧是premiu 和牛！另一款則是鐵板和牛三種($298)真是非一般享受！三款牛有牛五花，牛肩肉，裏脊肉。和牛肉質甘香，蠻有咬感而且滿滿肉味！是日埋單二人也不用600元，但卻享用了高質素和牛，也算是親民的價錢！

來自日本的餐廳總不會太差今天就來試試來自大阪的千里屋主打牛肉有丼飯壽喜燒等點了烏龍茶竟然是ucc牌子的我點了Mt. Everest don珠穆朗瑪丼肉份量有三百克非常豐富店方強調是高級黑安格斯牛肉使用牛肉雜菜堆得一座山般高配料洋蔥紅蘿蔔絲再淋上洋蔥汁牛肉烤至約七分熟口感軟嫩一口肉一啖飯吃得相當滿足另點了壽喜燒定食在燒鍋前涮牛肉不亦樂乎甜醬油味道頗重牛肉涮過濃醬再沾蛋液絕對是白飯的殺手配菜新鮮絕不馬虎店員有兩位日藉職員感覺還真的像在道頓堀用膳呢

和友人在銅鑼灣行街後，行到駱克道的餐廳搵食，經過這店舖，店員說新店開張全店八折優惠，於是就吸引左我哋去睇睇餐牌，發現這間鋪頭全部都是食牛，食法包括有牛肉丼飯、Shabu Shabu、鐵板燒、牛扒等食法，於是決定今晚在這裏用餐。坐低後，因為行到有d口渴，所以叫左橙汁梳打同檸檬梳打，飲住先～見到其中一個餐牌寫住鹿兒島黑牛Fair，我估應該是期間限定，所以同友人決定叫一個set是和牛鐵板3種，而另一個set友人就叫了Steak Gozen Premium。先來了和牛鐵板3種，3種和牛每款都有3塊，好奇地問問店員，他們告訴我這個set的牛肉是屬於鹿兒島和牛不同的位置，包括牛五花、裹脊肉和牛背肉，成個set有白飯、味增湯、粟米、西蘭花、洋蔥等等配料同和牛配食，和牛有三種調味料，包括芥末、准鹽及和風醬汁。和牛質感較為肥美，而且肉質很滑，咬落去很有彈性，我就喜歡和牛點上芥末，味道較為清新，味道不錯。而另一個set 是Steak Gozen Premium，即是高級牛肉鐵板燒，這個同和牛鐵板食法有少少不同，是邊燒邊食，所以我地食完和牛鐵板之後再食這個set，這個set都是有白飯、味增湯、蛋、南瓜、西蘭

之前睇雜誌介紹過呢間正宗日本餐廳係日本已經好出名食牛肉 仲要係平食靚牛肉梗係要去試下去到門口見到有個男人 應該係老板用日文不停係到嗌 講真我就聽唔明啦不過見到佢好落力 同係日本見到既一樣甘嗌人入黎食入到去第一件事見到 貼心日本風 有水飲雖然日本傳統唔係冰水 不過仲好啦 唔洗飲冰水入面裝修 佈置係簡約既日本餐廳跟住再望到d冷氣風口位亦都好貼心整左呢d擋風板唔怕直吹個頭 或者直吹d野食原來2月2號先開幕簡簡單單既餐牌就係牛肉牛肉同牛肉睇你想點食 shabu shabu 定鐵板仲有牛扒set或者 丼我地就揀左shabu shabu 同3款牛肉鐵板呢個我地嗌左premiem 係靚d既牛肩肉好juice 好新鮮好足料既shabu shabu set 仲有好好味好入味又稔既牛腩 一個滿既碗仔食 靜係食呢個都飽仲有漬物佢呢個都有3款醬 新鮮芥未鹽 同埋一個牛肉燒汁 少少酸酸甜甜 我最鐘意就係新鮮wasabi 就甘比我配飯都可以食好多🤭仲有連汽水都係日本黎架過左一個開心又滿足既兒童節

今日同媽媽兩個黎銅鑼灣食晚飯，經過呢間見餐牌上嘅款式幾靚就入左黎食。我地去個日係閒日，唔洗等位就入得！一入到去係一名講日文嘅職員，佢唔識講廣東話，全間餐廳都係得2個職員，我地全程都係用身體語言溝通同落單。我地叫左個黑安格斯牛肉丼同鐵版牛肉定食。先講牛肉丼，黎到有d嚇親因爲真係好大碗，堆到好似小山咁，望落幾吸引，飯下有一大堆洋蔥，定食有一碗麵豉湯，配上少許豆卜絲。牛肉丼份量多，同媽媽一齊食，但牛肉有少許偏韌。至於鐵版牛肉定食，同樣有湯飲，牛肉有3款唔同種類，3款肉質都好好，有肉味，但每款只有3塊，有啲少，定食亦跟上3款不同調味，分別係淮鹽，黑椒洋蔥汁及wasabi，個人比較鍾意點醬汁，旁邊亦有洋蔥伴碟，真係一分錢一分貨。另外叫咗2杯嘢飲，檸檬梳打同烏龍茶，原本以為係手調用杯上嘅，但實質原來係罐裝！

食牛專門店近年多了，價格偏貴，當然品質一定有番咁上下。最近銅鑼灣原來開了間日式牛丼專門店，上網睇過價格，價錢相當合理，於是乎走去試下。店子小小，食堂風格。日藉老板在門外派宣傳單張，親力親為。店員服務態度也不錯，全是日本人管理模式。壽喜燒升級版套餐 $189講明升級版即係材料靚啲啦！牛肉鮮嫰色澤，入口鬆化，少少的脂肪位不覺膩反而増添脂香，再蘸少許生雞蛋，口感更加滑溜。壽喜燒最講究湯汁，甜甜地好惹味，所有配菜吸收了湯汁精華，滋味無窮。套餐另有小食兩款，蛋卷和煮物，還有麵豉湯和白飯，其實份量頗多，超級抵食！