千里屋食堂 (已結業)

終於開始咗實習生活！第一個星期無驚無險，放工仲有閒暇食個靚飯～靚牛出沒注意！！！雪花紋均勻分佈，目測都知正～叫咗$248嘅和牛shabu shabu，湯底清啲就唔會搶晒牛味～Shabu shabu配料幾多，菜量多所以即使得100g 肉都食得飽。入面嘅豆腐特別滑溜，但豆味仲好濃，僅次硬豆腐少少咋～附帶嘅燒汁主要係鹹鹹酸酸，想濃味啲可以點，但我覺得牛本身夠香就無謂點太多浪費食材喇。$159富士山丼對我嚟講就更吸引喇～無論牛味定醬汁都較濃陏。富士山丼其實係以洋蔥汁牛肉飯做底，然後用較厚嘅黑安格斯牛堆疊出山形，灑上葱花，比啲想像就好好似頂部積雪嘅富士山一樣🗻🤣牛肉略煎過，油脂散發焦香，牛味特濃，但較多筋。雖然係咁，肉嘅部分仲係好腍。下層有好多薄牛片，吸晒甜甜嘅洋蔥汁。整碗丼牛量幾多，好滿足！

一間日式牛專門店，店舖細細有日本家庭式的模樣，主打牛肉，對於控牛一眾是不錯的店，能夠滿足。點了鐵板和牛套餐。牛肉有三款。「カルビ」指的是肋骨旁的肉，脂肪多，油份足，肉質軟熟，入口帶有豐富油脂，在同一時間可享受油脂的甘香，又可嚐到多汁的燒肉片。「ロース」則是燒肉，脂肪比較少、口感較實，有點起沙感覺。「バラ」是肋骨附近的肉，可分為外側的肉或腹部內側的肉。這個脂肪油份最適中，牛香滿溢，伴飯一流。有三款醬汁作提升牛肉的味道，但我本人認為原汁原味是最好。

這間日本餐廳 ,係我朋友介紹嘅, 專食鹿兒島嘅和牛, 一入到去, 聽到日本人客嘅交談, 仲有兩枱添, 原來日本人都識嚟食, 相信質素都唔錯啦!餐廳有壽喜燒, 仲有鐵板牛扒嘅供應, 見咗個和牛鐵板有3種牛扒, 都只不過係298蚊, 就叫呢個SET黎食大概等咗一陣鐵板餐就到喇, 牛扒上面插住佢嘅日本名稱, 經店員介紹, 有背肉, 里脊肉, 仲有五花肉添, 三種牛扒 分量非常之多, 中配埋三樣調味料, 包括海鹽, 日本芥辣,同埋甜酸醬添, 三種牛 味道非常之豐富,五花腩入口即溶,里脊有咬口, 而 背肉嘅味道我覺得最濃, 唔使點任何醬汁食已經好正! 入口即溶嘅五花腩, 配一配日本芥辣一齊食, 味道更加提升, 真係唔錯, 配牛扒配白飯, 一啖牛肉 , 一啖白飯, 非常之享受!

天氣很熱不過無阻我約朋友吃飯的心，收工後與友人去覓食 ，走到了銅鑼灣街頭，走著走著看見一蘭拉麵想吃但太多人唔想大熱天時等太耐，唯有轉個彎看看有什麼其他的。轉個彎便是銅鑼灣駱克道我們看見了「千里屋食堂」，看到咁多精美既牛牛好想放入口，二話不說就決定今晚食呢間啦！這間主打正宗日本菜，一進去，店員便以親切的日文歡迎我們，先坐下，她便拎著餐牌慢慢地向我們介紹這邊的特點，講解中不停微笑加上店內的暖黃色調，小木椅，真的有一種令人置身於日本的小店之中的感覺，很親切又舒服。她還跟我們說餐廳的廚師都是正宗日本人點餐既時間聽左待應既意見，點了和牛鐵板定食及安格斯牛肉壽喜燒！很期待！和牛鐵板三種 $298和牛鐵板定食本身覺得有點貴但諗深一層和牛直送再加上是每種都是45g！亦差不多是這個價吧！和牛鐵板上的時候係已經切好及燒好再上 ，有3樣不同的和牛款式在鐵板上等我們品嚐當中有鹿兒島牛肩肉（ロース）、牛肋骨（カルビ）、五花肉，入口油花四溢，再加上雪白的珍珠米飯，不錯！值得一提係和牛底下有洋蔥墊底，伴和牛一同放入口，食多幾舊都不會油膩喔！我就最愛吃牛肩肉因為係牛味最為濃郁呢！但最肥美一定係五花肉、油脂較多！我朋友

下班後喺銅鑼灣周圍行，行到肚餓甘啱見到間好似吾算貴食日本牛既餐廳，就諗住去試下。餐牌啲價位真系吾算貴，食晒和牛都系$300有得埋單。叫左個和牛涮涮鍋，個牛同個鍋系分開上既，因為系即刻切既，吾會好似平時甘一鍋上，啲牛肉好好食，有和牛既質素，用清水過一過就食得，連汁都吾系好洗點！！當然中意濃味d geh就可以點汁，甜甜地，啱啱好，不過牛既分量可以多返小小就好！個餐既配料好多，所以其實overall分量都好夠。朋友叫左個牛丼，好香，但太忙食自己個個冇試到影左相share比你地睇labut!!! hahahah

今日約左好兄弟食晚飯，佢就黎結婚要派帖💣知佢超級鍾意食牛，簡直係無牛不歡既牛魔王。早前睇雜誌介紹依間大阪過江龍「千里屋食堂」牛肉店, 價錢相宜就品嚐到空運高質素既靚牛😍。 之前朋友食過都讚好，咁一於黎試下先😚。-餐廳地點方便，位於銅鑼灣鬧市；裝潢簡約, 牆壁貼上一些poster ；當晚播著輕鬆節奏既日文歌曲，有種relax 既感覺。當晚平日都頗Full 喔，好幾圍台都係日本人呢。職員都係日本人，我同朋友好似置身係日本🇯🇵咁。-餐牌選擇都多，有和牛牛肉丼、鐵板、涮涮鍋等等。心大心細，我地最後揀左兩個Set-⭐️和牛鐵板 三種牛扒分別係牛五花肉、牛肩肉、牛里脊肉牛肉以鐵板燒至半熟，肉質色澤帶點粉嫩，賣相吸引。鐵板上既牛香氣誘人。可以試哂三款唔同既牛的確吸引。牛五花肉（即牛胸腹肉）肉甜味美，肉質較堅韌富彈性-牛肩肉油脂分佈平均，肉質軟腍鬆化，帶微微韌勁，味道愈嚼愈濃-牛里脊肉脂肪含量低、肉味濃郁，煙韌帶爽里脊肉厚薄適中，每塊都充滿咬口-⭐️黑安格斯牛肉壽喜燒套餐 ➡️牛肩胛肉、蔬菜、前菜x2、漬物、白飯、味噌湯、生雞蛋-好喜歡壽喜燒既湯底，由醬油、糖與味醂等混合的湯汁煮製。味道較為甘甜，伴飯一流。

我們用「牛魔王至愛」來形容此店！在銅鑼灣廣場這邊的靜中帶旺地段，很欣賞這種特色小店。店以優質牛肉作主打，小小的一間食店，除了一位本地店員，還有一位日藉店員，為這小店增添了日本風味。店員推介這裡的鐵板牛扒餐，選擇甚多。我貪心想試多幾種牛，於是點了和牛鐵板3種牛扒，定食有飯和湯，店員上菜時細心講解牛的種類，而其實已很有心思地在各種不同的牛肉上插了一個小牌，以日文指示牛肋肉、牛肩肉和五花肉，每樣三件，貴精不貴多，和牛的牛味十足，最要讚的是，連wasabi也不是普通貨色，連較肥的牛肉一齊吃，有種解油膩的感覺。朋友則點了牛肉丼，牛肉丼有很多種等級，朋友點了熟成黑牛Champion Steak Don，份量勁多的牛肉堆高了，大滿足!不是說笑，真的是牛肉加牛肉堆上去的，而醬汁也很好味，連白飯的份量也多，極推介。由於牛肉山實在太震撼，所以從另一個角度再影相。其實周末有特別的套餐供應，我下次再來時，定必試試看。

今日同朋友去左銅鑼灣行街，行到6點幾到有啲餓咁岩前面有間食日本野，就過左去試下。一入到去就有位，可能未到晚市時間所以唔洗等🤩🤩坐低之後店員即刻介紹有咩係主打/新出，仲會問你想食火鍋定係丼，款式多多，淨係丼都已經有好多想試😍好吸引！完全係有選擇困難既我地問過店員既意見之後，最後揀左一個富士山雙重奏同一個和牛壽喜燒（日本牛肉火鍋），叫set仲有無酒精飲品添😋😋呢個係富士山雙重奏，今次都係第一次食半生熟既牛肉，開頭以為口感會滑潺潺或者好重生味，點知一啲生味都冇，呢個高級黑安格斯牛既厚度就岩岩好，而且口感好軟熟～啲牛肉仲多過啲飯，真係好食到忍唔住想添飯😭😭！另外，仲有味噌湯飲，平時飲嗰啲一係就太重味精，一係就唔足料，呢個湯雖然細細個，但味道恰到好處，飲埋就飽晒！🤤而呢個就係和牛壽喜燒，有飯有牛肉碎有厚厚既雞蛋，店員仲提我地中間個雞蛋係做sauce黎點牛食，但我地想食蛋花所以倒落埋去個鍋到一齊滾😝😝 開頭有問過壽喜燒同shabushabu有咩分別，店員就話壽喜燒既牛係薄身啲但軟身。唔食真係唔知，入口即溶😭😭真係好好食！再加埋配味噌湯又係岩岩好飽晒🤤整體黎講，店員有禮貌，會主動介紹菜色。另外仲有日

上個月阿妹約我去銅鑼灣shopping，帶我去食過千里屋，第一次食沒太為意，只覺幾好味，今天是専誠再來，因為我們在崇光百貨血拼了一整天，大減價購物慳左嘅錢，夠晒我哋兩個食牛牛Lu 😘這是一間貫徹始終嘅日本食店，廚師、店員、以至主打食材全都是「日本製」，専心煮好牛係千里屋的理念，正因這份堅持，造就了我們可以品嚐到正宗的日本牛肉丼日式小店好親切，店員又nice , 即使繁忙時間多忙，她都招呼週到，送上開水時，順道也簡介一下餐單，讓我們小休一會之餘，也減輕了選擇的困難🤣熟成黑牛丼⭐️⭐️⭐️⭐️大大碗Champion Steak Don ，真係冇咁大個胃，就唔好食咁大碗飯，先講份量，片片牛肉堆積如⛰️，目測至少有10件以上如壽司大小的上等牛肉，如此重量級定必能滿足各界的食肉獸。黑牛丼本是較有咬口的牛肉，煙靭的肉質讓你在咀嚼過程中，徹底感受到黑牛本身嘅原汁原味，有別於連鎖店的牛肉飯，千里屋的黑牛丼賣點是片片黑牛啖啖肉，漿料配菜反而不多，小牛山讓你能吃得盡情，真正吃到夠吃到飽，極之痛快呢和牛鐵板3種⭐️⭐️⭐️⭐️⭐️不知就裡的會覺得有點貴，事實以這個價錢可以品嚐到日本一真正和牛，而且來自日本三個不同產地，當你計算

銅鑼灣不倫野食，購物都是令人鼓舞，今次食既丼飯，真系不錯不錯。門口具日式裝橫，不誇不浮，店內座位不多，但好整潔，柔和燈光，令人舒適。叫左牛肉丼，如圖所見，份量超足，大大片牛肉，牛肉好淋，淋上特制醬汁，配上香蔥配料，食落口感豐富。有驚喜的是其飯，好軟，香口，令你食多兩口另外叫左和牛鐵板三種，三種牛的部位，三種口感，食到吾同滋味有三種醬汁供客選擇，個人偏愛鹽沙，出奇地令牛肉更出色，其飯是珍珠米飯，配牛肉食，正。其餐都有一 面試湯！不會好咸，料足！

今晚收工約左朋友去食千里屋，聽朋友講係起大阪來既過江龍最近冇時間去日本，就去食下日本和牛頂住先6點幾去到都仲有少少位，睇menu真係睇到花多眼亂我要左個和牛鐵板3種45g牛扒，有牛肩、牛肋骨同牛五花上枱既時候佢仲會插住旗仔寫明佢係牛既邊一部分3種都好香牛味，肉質嫩滑，入面仲好juicy配埋芥末/海鹽食一流朋友要左個champion steak don佢話牛肉食落都幾鮮嫩，配埋個甜甜地既sauce，好開胃呢到既和牛都出色，下次有機會都會黎食多次！

前排同日本同事講開有咩喺香港既日本野介紹吓,佢話屋企附近有間食日本牛唔錯,咁星期日喺銅鑼灣行完街就去試吓~ 我地喺門口睇緊menu,就有個日本人出黎招呼,估計係老闆吧~ 呢度係主打澳洲黑安格斯牛同埋日本一既鹿兒島黑牛最後我地點左Mt.Fuji Steak & SUKIYAKI Combo DON即係富士山丼 , 用上澳洲黑安格斯牛肉~賣相唔錯，一片片牛肉遮哂下面d飯，分量都唔少呀！！上面淋上洋蔥汁，味道略濃，係少少蓋左牛肉味，但其實牛肉本身牛味都幾重~另一個係日本和牛鐵板(有3種和牛), 有牛小排,油脂比較豐富,好juicy,加上較厚身,半生熟更能嚐到柔軟的口感~和牛里脊肉,個人最中意就係中間呢款,油脂均勻，吃起來較不乾澀、有韌性，嚼勁較佳~牛五花,相對黎講偏瘦,雖然係咁,肉質都唔鞋口~配埋鹽、醬汁、wasabi 又會有唔同感覺!整體唔錯,米飯都粒粒分明,好想加多碗添 !! 

母親節到處都人山人海，氣氛滿滿的，是晚就約了家人來吃好西，到了日本過江龍的牛丼店千里屋。一入店，就來了一位笑容滿面的日本人侍應，再看看，原來廚師也是日本人，突然有種很正宗的感覺。枱上有水供應，先喝點水再慢慢看看餐牌。雖然係食牛，但選擇都幾多喎，而且價錢分野很大，和牛自然是貴一點了。Mt. Fuji Steak & Sukiyaki Combo Don（$159）家人點了價錢較為貼地的富士山牛丼，牛有250g的份量啊。丼上有牛兩種牛，牛扒及肥牛片，再加上秘制醬汁及洋蔥，賣相十分吸引。牛扒厚身多汁，有著濃郁的牛味，肥牛片嫩滑，吸滿了肉汁好好味呀。熟成黑牛Champion Steak Don（$159）自己點了熟成牛丼，一來呢度出名熟成牛，二來貪佢份量更多，牛有成300g呀！餐牌上寫是安格斯牛翼板肉丼，牛肉都堆成小山丘，再淋上一層橙紅色的醬汁，睇見都流哂口水。感覺牛肉比飯更多，一件牛肉配一口飯來吃。牛肉好有咬口，亦很肥美，咬落牛油甘香。醬汁酸酸甜甜有帶少許辣味，味道複雜，但幾好下飯喎。兩款丼飯都有麵豉湯附送，很鮮味，好飲。雖然不是和牛，但都好好味呀～

今日起銅鑼灣行街行到6點鐘已經覺得肚餓之前facebook見過起大阪黎既過江龍～千里屋好似好吸引今日一於趁早應該唔多人去試下去到發現都坐左幾枱人啲牛全部都好吸引要左個和牛涮涮牛肉套餐$248份量都幾大蔬菜好新鮮好多2個人share食都夠仲有前菜同味噌湯味噌湯唔會太咸 飲落幾開胃主角和牛真係好靚雪花分佈平均放落去涮一涮就食得食落好滑好有牛味索左少少個湯底 清甜juicy配埋個橙醋食 別有一番風味朋友叫左安格斯牛肉丼都幾大碗安格斯牛煎得香口配埋個sauce 送飯食一流最後飲埋烏龍茶清一清一級棒！

聽說日本過江龍千里屋來香港開店了、星期五就拉著家人來一試和牛。鹿兒島黑和牛鐵板三種 $298、分別是牛肩肉、牛肋骨、五花肉。左面的牛肩肉肉味最濃、口台人較結實、沾點wasabi 味道出奇地夾！中間醬汁是燒肉汁、用來蘸牛肋骨也美味。不過說到最肥美一定是五花肉、油脂較多、配上白飯咀裡充滿著油香及肉香!黑安格斯牛肉壽喜燒套餐 $189安格斯牛肉看上去油脂不太多、肉質卻軟嫩、涮一會就吃得。鍋裡有很多蔬菜、 娃娃菜、本菇、豆腐都吸收了壽喜燒的醬汁、濃郁又帶點甜。