南海一號

營業中

休息中

入到去冇人問係咪book咗枱，前面有12個人一齊喺度做緊快測，明明見到我地啱啱先上到都當睇我地唔到，仲要我走過去嗌左佢地幾次先肯應我機，明明已經備注左個主題啦，準備比我地個位仲要喺兩面牆既中間，仲要係對住條柱，風景又冇影相又勁核突，落單嗰時問下個條友有咩Cocktail介紹，彈左一句：喺晒度囉😮比我聽，毫無Service可言😄，食過咁多間餐廳真係最差係呢間😅，用餐體驗係十分之差，想喺度慶祝吓都俾人搞到心情差晒😂

Open rice book左12:30，3位，比左張6人枱，好闊落，坐得好舒服，茶係經典南海茶，人參烏龍，有蝦餃燒賣牛肉球大路野，又有梅粉蕃石榴特色野食物好有水準，環境唔錯，服務態度好！不過係選擇少左d，lunch 一至五每位198，六日218未計加一

之前食過南海一號點心放題，味道不錯，今次一於食個晚餐，且首試有清酒做pairing。清酒range 幾大，變化多。前菜:蜜汁叉燒 + 陳皮話梅萵荀 + 白胡椒海哲頭蜜汁不油膩，叉燒肥瘦適中，口感佳。陳皮話梅萵荀作為前菜甚開胃。白胡椒海哲頭爽口彈牙。主菜：蠔皇原隻鮑魚 配黑龍九頭龍 逸品鮑魚爽口，清酒為香蕉味，有提鮮作用，令鮑魚的味道長留在口腔。金榜醬大蝦 配清酒-月桂冠愛說話的鯨魚拉沙醬，微辣，米香，甜d,可助味蕾更能分辨不同味道如胡椒辣和其他辣味，大蝦肉嫩味香。- 脆米班肉炒飯 + 竹笙釀鮮露荀 配 MIYASAKA 山田錦 純米吟釀"食前可以喝一口清酒，清一清口。炒飯食落去好有層次感，好多脆脆米飯粒乾身。整體而言，食物滋味，環境舒適，配搭清酒，味蕾體驗更豐富！

見到Seafood loves sake，由國際唎酒師幫海鮮同清酒做pairing，利用清酒帶出海鮮鮮味，令品嚐食物時更有層次。當日有唎酒師同大家即場分享每一種清酒嘅特性，體驗海鮮鮮味。除咗味覺享受，亦都係一系列感官享受😎✨❁ 前菜白胡椒海蜇 清新爽口蜜汁叉燒 半肥瘦，而且煮得好淋陳皮話梅萵筍 甜甜地味道清新❁ 蠔皇原隻鮑魚 配 黑龍九頭龍逸品清酒清澈度高，帶花香果香，有助提鮮。唎酒師會教大家最佳食法，大家先試鮑魚感受其美味。再嗜一口鮑魚清酒清酒，鮑魚鮮味會停留在口腔更長時間。❁ 金榜醬大蝦 配 月桂冠 愛說話的鯨魚 純米酒金榜將加入蝦乾、蒜頭、紅椒及椰汁等煮成，食落有少少似喇沙，椰汁味道香濃。蝦可以用刀叉切開佢，蝦肉爽彈有鮮香🦐清酒能將不同的辣味分拆出來，能食出胡椒同辣椒嘅辣，帶來不一樣的味道層次。❁ 脆米斑肉炒飯*竹笙釀鮮露筍配Miyasaki 山田錦 純米吟釀炒飯很有驚喜，咬落去除左有班塊、鹹蛋黃，最重要係有脆米，咬落去脆脆地有口感，海鮮炒飯嘅鮮味停留喺口腔。清酒入口帶微碳酸，相對比較淡口，炒飯粒粒分明唔油膩。竹笙蘆筍感覺清新，配上清酒作結。整體感覺都好好，環境方面都好靚，位於3

一次過滿足3個願望！清酒Sake Pairing上KLOOK無意中見到，見價錢唔係好貴，於是膽粗粗走去試下。星期三中午尖沙咀出勤後(乜咁《孤獨的美食家》情節)，去咗南海一號試下佢哋最新搞嘅Campaign「清酒 X 海鮮品味之旅」。講真，Sake自己唔太在行，平時都係飲日威或者梅酒。飲親Sake一開就要成支隊晒，平日冇乜幾可有機會同fd飲到，但呢度可以試晒3隻唔同清酒，仲有海鮮同靚景，於是就試一試佢。1︰30pm坐低，一坐低就見到3隻Sake杯嚴陣以待。隨後侍應就好周到幫我圍餐巾同斟茶。跟住駐場嘅唎酒師就講解日本清酒知識，俾我呢個外行人聽。今次3隻Sake分別係︰1.黑龍 九頭龍 逸品福井縣出品，入口溫和，飲落第一口覺得少少甜，尾勁帶辛。2.月桂冠 愛說話的鯨魚京都府出品，比九頭龍 逸品更甜，帶米香，個人最like。3.竹笙釀鮮露荀 配 MIYASAKA 山田錦 純米吟釀長野縣出品，3隻中最香(個人覺得，同桌友人覺得月桂冠香D)如果唔係pairing，齋飲都ok！以上次序係跟唎酒師建議，當然每人唔只一杯，唔夠可以refill再飲嘅。【前菜】蜜汁叉燒 + 陳皮話梅萵荀 + 白胡椒海哲頭叉

🍶當日本清酒遇上海鮮🍶推介指數 ❤️❤️❤️❤️❤️唔知大家鍾唔鍾意飲酒呢？我不是酒鬼，只是很喜歡微醺的感覺🤭近幾年Sake 愈來愈普及，精美的插圖加上美麗的名字，令人心動💓上網睇到全港大型日本清酒活動重頭戲之一的清酒 x海鮮品味之旅體驗，由日本食品海外推進中心同南海一號合作，仲有國際唎酒師講解 #長知識 日本清酒唔一定配日式料理，配廣東海鮮菜原來都咁夾且令食材味道有變化❣️🥢前菜：以半肥瘦軟腍蜜汁叉燒、開胃陳皮話梅萵荀及爽脆彈牙白胡椒海哲頭共3道🌟 黑龍 九頭龍 逸品 x 蠔皇原隻鮑魚 🍶 聞落果香味濃，蜜瓜同香蕉味突出，容易入口🐚 先品嚐彈牙鮮味的鮑魚，喝一口清酒再食第二啖鮑魚，鮑魚更鮮甜及減低鹹味🌟 月桂冠 愛說話的鯨魚 純米酒 x 金榜醬大蝦🍶 藍色樽身加上童話般的名字，聞到又飲到米飯香氣，口感醇厚豐富，味道較甜🦐 金榜醬以不同香料製成，蝦肉彈牙厚身，醬汁濃重微辣；飲啖清酒再品嚐，辣度放大更惹味🌟 Miyasaka 山田錦 純米吟釀 x 竹笙醸鮮露荀 & 脆米班肉炒飯🍶 微碳酸口感，質地圓潤且清新🍄 竹笙釀鮮露荀，雙重爽脆口感；品嚐清酒後鮮露筍味道更突出🍚 脆米班肉炒飯以上鹹蛋黄、蛋白、脆

同老公慶祝特別日子，揀左喺尖沙咀 iSquare 30、31樓嘅南海一號，今次餐廳有Promotion，叫Seafood Loves Sake，由餐廳精心準備中式粒理，然後各配一款日式Sake，連平時少飲酒嘅我都大讚好味呀前菜係蜜汁叉燒 + 陳皮話梅萵荀 + 白胡椒海哲頭：萵荀醒神開胃，叉燒肥美適中，哲頭爽脆，掂，己經好期待上main啦第1道主菜係蠔皇原隻鮑魚 配 黑龍九頭龍逸品：經典名貴菜式，經典口味，夾返日式sake，鮑魚味更出，更鮮，又真係非常岩key喎第2道主菜係金榜醬大蝦 配 月桂冠愛說話的鯨魚：濃汁大蝦，加上味道偏厚偏甜嘅sake，可以話係天衣無縫第3道主菜係脆米班肉炒飯 + 竹笙釀鮮露荀 配 MIYASAKA山田錦純米吟釀：完場前係較為清淡嘅蔬菜同炒飯，同老公傾下計，再飲下酒，咁先係享受呀維港夜色景緻怡人，美酒配佳餚，同另一半歡度一個咁正晚上，回味無窮

終於book到我期待左好耐嘅南海一號啦，餐廳位處尖沙咀iSquare 30同31樓，地段優越不在話下，居高臨下，大地在我腳下嘅感覺就係特別好呀！今次食左Seafood Loves Sake餐，每款中式主菜都會配一款Sake，配搭新穎又有創意！前菜 - 蜜汁叉燒 + 陳皮話梅萵荀 + 白胡椒海哲頭：必食肥美叉燒，加埋酸甜爽脆萵荀同哲頭，即時打開晒味蕾主菜1 - 蠔皇原隻鮑魚：鮑魚味極盛，經典特配醬汁，唔多講，一個字，正！主菜2 - 金榜醬大蝦：接近一隻手掌大的蝦，配上味道類似喇沙嘅濃汁，出奇地配合同好味，好有驚喜主菜3 - 脆米班肉炒飯 + 竹笙釀鮮露荀：無諗過炒飯配脆米係咁好食㗎，加埋大大粒班肉，口感多元有層次，完美收尾每款主菜配嘅Sake，都有專人介紹，同配合食物嘅飲法，今晚試左黑龍九頭龍逸品、月桂冠愛說話的鯨魚、MIYASAKA山田錦純米吟釀，感覺配合食物後真係可以放大左食物，猶其係海鮮嘅鮮味，絕對係好值得一試嘅新玩法

Seafood loves sake今次參加咗個清酒pairing，好特別！無諗過清酒同中菜咁夾🥰 每樣餸同酒都係利酒師精心配搭 首先嚟咗個前菜，有前菜蜜汁叉燒 ＋陳皮話梅萵荀 ＋ 白胡椒海哲頭，叉燒半肥瘦勁juicy之後重頭戲就係個蠔皇原隻鮑魚配黑龍 九頭龍逸品，鮑魚炆得勁鬆軟入味，個汁唔會過咸，夾埋杯酒，突出鮑魚嘅鮮味🥰唔會喧賓奪主！跟住係金榜醬大蝦 配 月桂冠 愛說話的鯨魚 純米酒 佢個金榜醬味道好似叻沙，甜甜地好開胃，惹味但係又唔會太辣或者太重口味，配一杯醇厚嘅米酒，啱啱好。最後係脆米班肉炒飯＋竹笙釀鮮露荀 配Miyasaka 山田錦純米吟釀。個人最鍾意呢杯，清新得來又唔會太濃，仲有少少起泡酒嘅感覺添！係好滿足嘅一餐！呢個餐係喺klook book $250, 仲有利酒師好詳盡咁講解點樣飲同埋分享咗好多關於清酒嘅知識，幾值得去！

Worst customer service ever! Will never come back!We had dinner last night there and after we want to have a drink in the terrace outside. We have been told that we need to take rapid test before going out. So we bought two tests and we expected the staff will communicate with the staff outside that once we took the test, someone will take us to the terrace. After charging $30 per box and need to be cash hand which I believe the earn money from the back. No one ever came back to us telling us we

今晚是要慶祝朋友的生日，通過介紹，訂了這間米之蓮餐廳在18:00食飯。我在17:55左右到，見到有一位衣著很斯文的女性客人在reception旁等候但沒有一個服務員理會她，我起初以為餐廳滿座及正在排隊，於是我也排在她後面等候，很奇怪該位女士突然對我説：「呢間餐廳啲人服務好有問題，唔好幫襯佢⋯。」話畢就轉身向電梯間走，離開了餐廳。我也不以為然，見沒有人排在我前面，便走向reception並表達我有訂桌，服務人員告訴我餐廳未開始營業，並帶我到餐廳靠中央位置一張桌，告訴我在哪兒等。我望向較遠處的落地玻璃有一列露台，可以見到維港景色，又正有兩個客人在飲酒，於是我便要求到露台坐坐，叫杯Virgin Mary，邊坐邊等入席⋯⋯。可是，餐廳職員話：「外面係酒吧嚟嘅，要先做RAT⋯⋯。」隨即我展示了在手機相簿一張在早上做的RAT照片，可是職員告訴我要把資料寫在RAT棒上⋯⋯我話冇問題，咁你可否安排我重新做一次RAT？個Standard應該點做？佢話支RAT30蚊，standard叫我睇告示牌，之後入去廁所做。好，我影低個牌，即刻入廁所對住做，做完返去reception 想畀職員睇睇，點知，職員又問返我

整體環境還是不錯.但是菜整體過於鹹.有色.沒有味道.美味讓鹹蓋過.師傅應該取材新鮮.有口感.有質量.有火候.才可以掌控色.香.味俱全...提一個小小建議.服務業需要改善及提升.🙏

好耐無食放題啦 仲要係中式點心 呢間餐廳 選擇唔算多 但食物水準整體唔錯 食物快上 茶水收碟都殷勤 服務周到 環境空間感亦夠 打卡吹水聚會都幾合適🤩～·我地食左👇🏻🔸日式煎餃子🥟🔸蟹籽燒賣🔸黑松露素粉果呢個有驚喜 餡料實在 黑松露香明顯🔸山竹牛肉球🔸椒鹽魚條新鮮熱辣 味略淡 健康感的食法🔸豉油皇炒蝦米腸粉皮唔夠薄 飽肚感影響戰鬥力😅🔸上湯浸時蔬好味又解膩🔸沙爹京葱炒牛肉有鑊氣 不過沙爹甜左啲 就咁京葱好似更正🔸辣子雞球是日精選 雞肉嫩 辣度剛好 encore 兩次🤣🔸乾燒伊麵夠乾身 但味道有啲似擔擔麵 唔太吸引🔸海鮮炒飯海鮮只揾到蝦 命名為蝦蛋炒飯較合理🔸乾炒肥牛河粉飯麵之中呢個最正 鑊氣味道都剛好 肥牛亦嫩🔸蜜糖薑汁糕甜香之中滲雜淡淡薑味 正🔸芝麻綠茶餅呢個外皮太厚 內餡太漏 🔸葡汁鱈魚酥似咖哩角一般 都好味既🔸班蘭椰汁糕味道還不錯 但口感過份Q彈🔸話梅石榴台灣芭樂 味道很好 旅行感返晒黎

✨蝦片蝦片 香脆 有淡淡蝦味 送酒一流✨冰鎮鮑魚鮑魚 鮮味 爽口彈牙 醬汁清新 帶微微芫荽味✨蜜汁叉燒叉燒 半肥瘦 帶少少油脂肉質軟腍 蜜味香甜 都唔錯✨川芎天麻燉魚皇湯 清澈 唔油 味道好溫和川芎天麻味道好香 但又唔會過濃✨避風塘肉蟹避風塘做法惹味 炸蒜好香口肉蟹 鮮甜 都幾大隻 但略有少少煮過左火✨金榜醬煮大蝦 配饅頭大蝦 大大隻 鮮甜 爽彈金榜醬汁 香濃 微辣 帶椰香 炸饅頭 外脆內軟 沾醬汁食一流✨紅燜斑頭腩斑頭腩 份量唔少 件件厚肉肉質帶微爽 配濃濃醬汁入晒味豆腐入味幾滑溜 呢道菜送飯一流✨即燒片皮鴨 (兩食)原隻片皮片皮鴨 皮脆 油脂唔多 肉質偏瘦薄餅 軟熟帶少少韌性有保溫暖住 唔會好快凍配料 青瓜新鮮爽脆 冶味鴨崧生菜盞鴨崧 肉質軟腍 唔會好乾加埋配料炒 味道鹹鹹甜甜配上爽脆生菜 好惹味 ✨龍蝦湯泡貴妃飯龍蝦湯鮮甜 蝦肉爽口鮮甜飯粒索左啲湯 好鮮味✨燈影煎堆即叫即做 熱辣辣煎堆 圓轆轆 好靚仔外脆內軟 滿滿芝麻香 唔太甜 又唔油膩 唔錯✨香芒布甸芒果肉唔少 布甸質地軟滑 奶香十足 味道香甜 係我鐘意嗰種芒果布甸食物可以 環境唔錯 但擺枱比較密幸好樓底夠高空間感都足有唔錯嘅

因為朋友推介，我就在放假時來了嚐嚐這個任食點心午餐。由於是平日，我們當然揀選非繁忙時間，即是在11點吃頭輪。店內窗口位比較多二人檯，而平日頭輪根本沒有太多客人，所以我們就幸運地在窗旁望著一個靚海港吃午餐，環境非常恬靜悠揚。而當我們要離開時，客人亦開始多了，因為快到午飯時間一點正，整個氣氛亦很不同了。不過也別以為我們完美地享受了一個午餐， 因為當日天氣太好了，太陽伯伯火氣不小，我們在窗口位都被曬到熱辣辣，oh oh。入正題 — 食物。點心款式不算多，而比較受歡迎的廣東點心蝦餃燒賣，是每次下單每人一粒。一個半小時中，最盡是下單3次蒸點心，即是每人大概最盡是可以吃到3粒蝦餃啦！雖然食物款式並不是琳瑯滿目，但絕對足夠在一個半小時內撐飽客人的肚子，尤其是那些飽肚的主食粉麵飯是豪氣份量。我們見點心是吝嗇供應，以為全部食物都是一樣的，結果點了的好幾款主食，當看到上檯的份量時，一起呆眼！幸好我們都能夠吃清，畢竟浪費食物是不對的，任吃也該懂珍惜。點心美道很不錯，其他食物有好吃的亦有一般的。整體而言，沒有任何失望，但亦不是驚喜連連。個人認為葡汁鱈魚酥是必吃的，因為非常特別，不曾在別的酒家看過。而且吃下後，