南香雞飯

營業中

休息中

Came here craving nasi lemak in the afternoon but they sold out!! Doesn’t matter though as we ordered the beef rendang and also a hainan chicken and both were delicious. The server was nice to also serve the coconut rice which they still had some left of and overall the food hits the spot on the Singaporean / Malaysian food we were craving. Good value and good tastes great. This is my new go to!

叫左個海南雞飯、大蝦麵（粗麵+米粉），薏米水，馬拉奶茶，再有個串燒。海南雞飯系吾錯，雞肉嫩滑，我覺得都可以去食。但我就對個大蝦麵一般、可能覺得粗麵max米粉食吾慣，所以吾建議食不過串燒就吾錯，都可以叫黎食！我都想再去食個海南雞飯。

媽媽鍾意食喇沙 上網搵到呢間食喇沙好似幾好味 就帶佢來試下 叫左咖哩喇沙摻摻 即係米粉溝油面 上台賣相幾靚 面底份量足 湯都幾惹味有椰香 但58蚊來講得一隻蝦 + 豬皮 魚片各2塊 略嫌有d少呢坊間食呢個價位應該有多d海鮮 青口之類的吧！再加左呢個薄餅點咖哩食 係正宗既油鬆餅 應該係即整 熱辣辣好味道 覺得比喇沙更出色呢野飲叫左椰汁紅豆冰 都好多紅豆 單點要28蚊 總括來講覺得呢間質素係正常 但有d overpriced , 而且晚餐無咩set 要散叫 唔係太抵食 同區應該有更好選擇 ！

元朗食飯實在太多選擇，每日試一間都有排食😉今晚去咗西菁街搵食。餐廳不算大，店內只有幾張枱而外面也是。但枱與枱有一定的距離👌🏻主打馬拉食品，牆身掛滿推介的餐牌，首選當然是海南雞飯啦😆🔸海南雞飯 + 熱薏米水$62雞肉嫩滑，無🦴、一口一啖，沾上傳統濃醬油更好味😋飯帶有淡淡的油香味，粒粒分明絶不油膩👍🏻加上用❤️煲的薏米水，真係好有heart👍🏻👏🏻👏🏻🔸雞絲湯金邊粉$62金邊粉跟湯是分開上的，先飲咗一啖湯，非常清香而且有點雞味，猜是用浸雞的湯做吧！雞絲是用海南雞肉拆成絲，份量都不少啊😘老實說，下單前還覺得這個價錢有點貴，但食完就覺得《值》🤗下次會再試下午餐🤣希望這些用心經謍的小店能支持下去👌🏻

呢間位於元朗嘅馬拉餐廳麻雀雖小，但五臟俱全，提供多款美味嘅馬拉食物～呢日就帶左媽媽去食午飯。我地叫左一個雞飯、豬肉同牛肉串燒、馬拉盞炒通菜同咖咉多士！先講雞飯～雞肉整得好嫩滑，鹹度夠！飯粒粒分明，軟硬適中，非常美味！隨餐附送嘅例湯熬得好甜～馬拉盞炒通菜辣辣地，非常惹味，而且通菜keep到爽脆嫩綠。豬肉同牛肉串燒都整得好好食！燒得好香，肉質有咬口，唔會醃到霉曬，沙爹汁超級好味，微辣，但花生味超濃郁！咖映多士亦同樣高質～麵包烘得鬆脆，牛油夠凍夠多，配合甜甜嘅咖映醬簡直係無懈可擊！強烈推介鍾意食海南雞飯嘅朋友去試呢間餐廳喔！

係元朗真係好多嘢食，唔同類型都滿足到元朗人，宜家愈開愈多，已經唔太需要出市區食都得首先呢間海南雞飯係屬於馬來西亞口味，唔係新加坡既口味，當然兩者我都喜歡食，又唔太大既分別。每次經過我都想試下因為中午都比較多人食既。地方唔算大，室內有幾枱，室外都熱小小。海南雞飯 係跟油飯 $50-油飯有味 唔係得白飯咁-雞滑馬來椰香飯配咖喱雞 $54-飯硬-咖喱香味濃-雞就有d唔入味薏米水係無任何味清水咁凍奶茶唔似港式奶茶！仲有外賣架！都值得一試下！

是日晚餐本想叫個二人餐，咩都有，但係又想試肉骨茶，所以散叫。海南雞飯味道正常，皮係滑嘅，不過份量略嫌偏少，跟嘅薏米水少少甜甜哋幾好味。生菜包都幾好味嘅，檸檬葉好香又有少少辣辣哋。不過啲生菜係 Baby Size.。肉骨茶最後出場，係用個煲仔上，一打開個蓋，聞唔到香味，用舊油條沾啲湯試吓，油條硬身唔在講，個湯無味嘅？唔係淡，而係無味！最正係佢有兩三塊腐竹，硬㗎喎！係咪未浸透呀？不如煲多陣，加返兩粒鹽先再上啦！

元朗西菁街有很多餐廳，其中這間南香雞飯，我和老公經常經過，但因門口比較暗，也沒有留意他的存在，今日下午經過決定一試。店面不是很大，有冷氣的空置只有4張枱，沒冷氣的位置也有幾張。這裡主打海南雞飯和檳城美食，一場來到，當然要試雞飯和檳城麵！有很多馬拉特飲！海南雞雞肉很嫩滑，全部也去了骨，連雞翼也沒有骨！很貼心！油飯也很香。雞肉沾一點醬，很好吃😋檳城蝦摻摻麵，麵底是油麵加米粉，（在檳城很流行兩種麵摻在一起吃）湯底有點辣，但不夠濃郁。比起我在檳城吃過的蝦麵，這個湯底淡了一點。薏米水味道清甜，差不多有半杯薏米，很大杯！

肉骨茶淡而無味，內裏好明顯係即叫即烚，無味，個白飯仲要煲到係爛飯，收$80蚊唯有唔浪費點豉油食D肉，點知連個豉油都係冇味，真係連影相都費事海南雞飯雞肉過熟，個油飯都係無味㗎

檳城蝦摻摻麵- 賣相一流，琳琅滿目。白色碗上，鋪滿五顏六色的配料。橙紅色的蝦，淺啡色的豬肉絲，象白色的短粗身芽菜，深綠的通菜，雪白的全熟蛋，金黃色的炸乾蔥絲。配料底下，是淡褐色的湯，和掛在碗邊的橙紅色蝦油，以及若隱若現的油麵與米粉- 湯清甜帶柔和蝦味，微辣- 蝦肉彈牙，蝦頭膏味鮮香甜。蝦頭經修剪，很貼心。美中不足之處是沒挑蝦腸- 豬肉絲新鮮富肉香，腍滑不乾- 芽菜飽滿索脆清甜，達平衡粉麵膩滯感之效- 通菜吸收了蝦油的油潤，份外香甜- 全熟蛋的蛋黃偏乾，涸喉- 炸乾蔥乾身脆口，惹味但沒喧賓奪主，恰如其分。久浸後味道變為香甜腍滑- 粉麵分開左右放，甚是整齊。油麵偏腍，米粉不太吸湯*奉送熱薏米水，清香微甜，質地微稠，正氣*黑色的招牌上，是耀目的黃色毛筆字體店名，剛勁有力*店內用上柔和的黃色燈光，配以茶色玻璃，感覺安心*地面鋪上藍黃花紋瓷磚，牆身是一整片白色小格，簡潔精緻*桌凳亦貫徹了同一風格。圓形白色木桌，及凳面印有白底淡紅花綠葉圖案的圓凳，桌凳腳皆為深啡色，予人剛中帶柔之感，令人不禁聯想起《葉問》中的傳統華人家庭，男主人正氣澟然，女主人溫柔賢淑*電吊扇及桌上的鮮花盤栽，呼應著剛中帶柔的主調

星期六入左元朗yoho mall 買野，但商場既餐廳都係連鎖，真係唔多吸引去大馬路又人多車多，最後行過呢間食雞飯，又有位，所以一試。我地大約6.45坐低，都重有好多吉位，都擔心中伏 (要知道星期六晚間間餐廳都爆爆爆！)小店好家庭式經營，侍應有禮貌，坐既係大排擋圓檯，但非常乾淨！最後我地叫左海南雞飯同肉骨茶。海南雞飯: 我會比五粒星星⭐️⭐️⭐️⭐️⭐️雞肉好入味，而其實個油飯我都好有要求！佢個飯好有雞油香味，我成碗食唒肉骨茶: 都係五粒⭐️⭐️⭐️⭐️⭐️肉骨茶湯夠濃，啲豬骨無太老或煲到散唒綜合以上，我下次入元朗都會再黎食

有朋友介紹呢到既海南雞同肉骨茶，於是今晚黎開飯，我叫左肉骨茶煲飯，老公叫左檳城蝦麵，服務就一般般，本來預老公會叫海南雞，但佢話想食麵。。。檳城蝦面得一隻蝦，承為$56入面有米粉同油麵，份量都幾多，但餸就比較小，湯底都有蝦味，不過似味精多，呢個價錢黎講，不值得試。。。肉骨茶跟埋油條，肉骨茶都算不錯，承為$78,無野飲跟，就算叫野飲都無跟餐價錢的。味道吾算太濃，但都夠味既，油條淋左，吾好食，好失望，應該付近海皇粥店買，仲要過左夜，因為走時見到佢有一盒剪好左既油炸鬼係到。。。個時佢都收工，咁再留反聽日賣，真係吾知隔左幾多個夜大為扣分，意米水ok既肉骨茶內有豬肚，食到尾有兩舊個樣奇奇怪怪，中間多左層野，吾知吾新鮮定點，問個職員係咪豬肚？中間係咁架？佢就話入去問廚房，之後出反黎淨係答話係豬肚咁我林佢意思就係無問題，但我見到都吾想食整體黎講價錢偏貴，野飯全部正價，食物質素一般，元朗大把好食過佢，無下次

本人對海南雞飯情有獨鍾，呢間係元朗既海南雞飯真係唔錯食，我試過超過十間以上的海南雞飯，呢間係朋友介紹我去試的，我由港島突登去食，冇令我失望。雞真心滑。沾雞的醬汁真係好食。

寫開元朗又寫元朗, 天氣超熱...無咩胃口，所以打算食d 開胃南洋野，比我搵到間叫"南香雞飯"兩點幾鐘過左午市，不用等位。店內好細，裡面只有四張可以坐四個人的枱, 外面就有兩張。午市選擇十分豐富，有9款選擇，有飯有麵!!我當然選擇今日主角"海南雞飯, 跟手叫杯馬來白咖啡，店員會問要唔要湯，當然要試埋主角出場! 分量絕對夠填飽肚餓的胃! 油飯好香～～雞分量好多, 已經起骨! 正!!有時d海南雞有骨我都覺得唔正宗!叫得海南雞一定要有---雞啫喱!! 什麼叫"雞啫喱"?? 雞啫喱;係要蒸熟隻雞, 立即將隻雞浸入冰，急速遇冷時凝固的骨膠原!! 所以大家千萬唔好以為係肥膏!!食海南雞我慣常都會點醬, 店有兩種選擇; 甜豉醬，辣醬（不太辣), 杯馬來白咖啡都幾大杯，幾好飲. 最後碗湯就真係配角，有條節瓜，有點普通，好在不油，不多味精!!

聽講元朗區食市競爭大，有不同國際美食小店，今次介紹東南亞美食「南香雞飯」小店用公雞餐具做主題精緻有特色肉骨茶跟油條$60香濃嘅藥材味，肉骨鮮甜，分量十足海南雞飯$60雞肉新鮮嫩滑，雞油飯好好味串燒(4pc)$48 ..雞，豬，牛：味道一般