友義氣‧酸菜魚

營業中

休息中

係呢幢商場樓上，每層都被各式餐廳佔據咗，隔一陣再黎，你會發現又有新食店進場，就好似呢一間店內有卡座及小圓枱，二人開餐或三五知己都適合早到仲有卡位，快D睇下餐牌有咩食先................呢度提供川粵菜式，無論你食辣唔食辣都照顧到每間餐廳煮嘅酸菜魚都有自己出菜準則，今晚食呢客酸菜魚 ($238)，有埋個魚頭上盤，若果有埋條尾就賣相仲好D辣度有得選擇，我哋初試小辣，辣椒乾份量相應地減少，灑上少少菊花瓣裝飾。無骨魚片入口滑溜，食得相當輕鬆。酸度比較溫和，侍應話下次可以要求加酸度，其他配料仲有金菇，酸菜，大荳芽及紅薯粉條，呢個標準份量，二人分享岩岩好。送飯擔當.............有雙蔥尖椒爆牛肉 ($108)，大量尖椒京蔥配牛肉牛肉夠大塊，嫩滑之餘食唔到梳打粉味，正!  尖椒有D辣度，加埋惹味醬汁一齊炒，幹掉一碗白飯絶無難度。食緊濃味食物，就好想飲杯凍飲，除咗汽水外，仲有其他梳打/乳酸特飲，呢杯就係荔枝梳打 ($26)，有荔枝爆珠，一咬荔枝香甜味爆出黎，爽呀。新店開業，晚市全單有八折優惠，食得更爽皮。

酸菜魚在香港愈來愈普及，朋友聚會都多左選擇川菜/酸菜魚。酸菜魚要做到好絕對不易，當中無論是酸度、辣度、配料等的份量都需要好好配搭。這間友義氣．酸菜魚愈來愈多分店，今日在銅鑼灣一於試吓呢間新開分店。 酸菜魚 (標準) $238下單時店員細心地問我們食唔食得辣，我們不算很會食辣，還是叫小辣好了。一上桌已經感覺好有誠意，原條鱸魚連魚頭一起上，比好多其他店只有魚柳，未食已經加分。店員細心地建議我們先喝一口湯再吃魚，果然湯底入口鮮甜，花椒、泡椒、浸了的湯底夠麻夠香，酸菜令回甘味又帶少酸，真的很不錯！魚片肉質新鮮，厚切有口感，味道鮮甜。滿滿的酸菜剛好中和了花椒泡椒之辣度，仲有萵荀、金菇等配料增添了味道。正！ 友義氣黃金蝦 $118海蝦大大隻，海蝦連殼油泡，加上蛋黃去炒，非常香口惹味，邪惡食物永遠都是好吃的，好大碟，兩個人食唔晒。黃金蝦+酸菜魚送飯一流。 芒果乳酸 $26芒果同乳酸都是解辣佳品，食酸菜魚當然要叫這杯特飲，perfect match! $26大大杯，飲一口已即時覺得一點也不辣。 菠蘿梳打 $26夏日炎炎食辣野，菠蘿甜甜地，飲杯梳打絕對可以解到渴又解到辣，正！餐牌：

麻辣控抑壓咗好耐終於有得食～🤤店員服務好貼心抵讚點咗珍寶凍檸茶😎點咗走甜～店員一再提醒可能苦最後上到埋檯都係唔放心話苦可以隨時要糖水～水煮魚當然係必點item夠晒麻但唔算多油食完唔會口渴如果想食辣啲記住同店員講要中辣啊～避風塘茄子🍆惹味得嚟唔會油淋淋啲炸蒜裏面仲有啲豉椒用嚟撈飯食都好正上咗年紀嘅我仲點咗涼瓜炒牛肉對牛肉冇醃到過頭表示恩慰🤭係好少有好有質感嘅牛肉呀😁仲有好多鑊氣小炒供選擇同小朋友或者唔食辣嘅朋友過嚟一樣好多選擇

最近聽朋友講銅鑼灣開左間好出名既連鎖酸菜魚鋪頭, 所以今晚就搵埋麻甩仔陪我一齊試下喇！試一試呢間正宗嘅酸菜魚/水煮魚唇舌飄香水煮魚(小辣) $198一上枱已經聞到好香既花淑同紅油既香氣，份量都唔講得笑好大盤！魚係無骨黑魚片，彈口得黎又滑好新鮮，麻甩兄弟表示鍾意佢既質感，因為感覺食緊好多骨膠原落肚好補。而配菜有芽菜，薯粉，萵筍同金針菇，每一樣都包住晒所有麻辣油同香料，夠哂入味，絕對辣得過癮。友​義氣黃金蝦 $118呢到嘅黃金蝦超級有驚喜首先佢既鹹蛋黃好香但又唔會膩，而且因為炸粉薄身炸得好透，所以連D 穀都食得而且佢係用大蝦一開二, 食落口肉質爽口彈牙, 個黃金蝦係我食過咁多間之中最好食既！必叫！蒜蓉炒萵筍 $78大叔好鍾意食萵筍，因為出邊好少地方有得食，而且炒得爽口但又好淋，唔會好似出邊咁乾同硬，可見師傅功架一流食辣野絕對要飲杯凍冰冰又解到辣嘅飲品，成個口舒服晒呢到既裝修都好乾淨舒服，唔會坐得好逼，價錢又唔貴，同朋友仔傾計都係一個好好既地方！ 同朋友黎夠哂義氣！

晚上放工去銅鑼灣行左一陣街。唔知係咪發放第二期消費券的關係，感覺晚上多了人出來行街購物。行完了ikea後，突然好想去食酸菜魚，加上由於本人本身都係一名好義氣仔女，一於去試呢間友義氣酸菜魚。餐廳位於金百利中心七樓，其實即係崇光百貨隔離的商業中心，地理位置十分方便。餐廳燈光通明，座位舒適。而侍應姐姐態度十分殷勤體貼細心周到。今次點了一個標準中辣的酸菜魚 ($238)同一碗白飯 ($13)，侍應姐姐說標準份量已經足夠二人去食，如果再加大就係可以供四至六人用餐的份量了。魚肉採用了新鮮海鱸魚，嫩滑，彈牙，足料，湯汁酸辣醒胃不膩，配飯一流；配菜還有蒿筍，薯粉，金菇，芽菜！除了魚肉，其次能決定酸菜魚是否足料美味，都好睇酸菜魚有冇奉上魚頭，我覺得有魚頭可以為一道酸菜魚畫龍點睛，十分有誠意！另外，再多點了一碟椒鹽殼蟹 ($115)。軟殼蟹炸到金黃色，肉質酥脆惹味，如果配上啤酒應該更佳，不過我們只點了芒果酸乳 ($26)、菠蘿酸乳($26)，因為酸乳飲料幫助消化嘛。整體而言，友義氣的酸菜魚高性價比，服務質素一流，值得推介！

銅鑼灣🚇呢間新開嘅🎊四川菜館喺食肆林立嘅金百利廣場，地點好方便就腳👍，味道唔錯💰價錢又合理。呢度地方都幾大，又有🪑卡位，而且空氣中🤤充斥住一陣香辣🌶味。唇舌飄香🌶水煮魚🐟$198大大盤十分之香，上面係滿滿嘅辣椒🌶️同埋香滑嘅魚🐟片，令人流晒口水🤤。🐟魚片好嫩滑又鮮味😋，我哋叫咗小辣🌶所以食起上嚟唔會太辣🌶️味道濃郁又有麻香🥰！入面除咗🐟魚片之外仲有芽菜、金針菇🍄同埋薯粉🍜，我就特別中意啲薯粉🍜，因為口感好QQ而且十分之入味🤤！佢哋仲有多款特飲🍹供應，解辣🌶️一流👍，草莓🍓乳酸$26入面有草莓🍓味爆珠口感豐富🥰，青檸🍋梳打$26清甜微酸🤩好開胃。🌶辣子雞🐓中翼$138都幾大份🥰，香辣十足👍，入面仲有唔少花生🥜香脆可口。佢啲🐓雞翼係用脆漿包住來🔥炸嘅，所以十分之香脆，入面啲🐓雞肉 juicy 嫩滑😋好好食，而且佢哋仲係單骨🦴雞翼，食起上嚟好👍方便！🧄蒜茸🔥炒白菜仔🥬$75，🧄蒜味十足得來白菜仔🥬鮮嫩多汁🤤十分唔錯。

友義氣共有4間店舖，我已食過觀塘道及得寶花園的。前兩間的水準都好穩定，今次試埋銅鑼灣的。首先談談環境。三間店舖感覺都光鮮齊潔的。但講座位，就以銅鑼灣比較鬆動，無咁迫，坐得幾舒服。入友義氣必叫酸菜魚。辣度及麻度都可以選擇。致於魚片滑到不得了。湯頭鮮甜，除了魚片，湯料還有大豆芽，萵笋，薯粉，雲耳，認真豐富。另外我還叫了鮮果咕嚕肉，啫啫唐生菜，以及黃金蝦球。個人最常鍾意咕嚕肉，所以每次亦會必叫。咕嚕肉皮是脆的，並不像出面的大多已淋口。而黃金蝦球就有濃濃的咸蛋黃甘香。炸漿亦做得香脆不油膩。啫啫唐生菜一如煲仔菜風味，咸香野味。另外友義氣的飲品亦相當超值。廿幾蚊的一杯大檸樂或大檸茶，真係足足可以兩個人飲，用嚟打卡亦相當吸引。順帶一提，當日的樓面姐姐非常有禮，笑容滿面。見我們只顧傾計，提我們襯熱食，見我們碟內還有少少魚，又替我們分到碗中，唔想我們浪費。重叫我哋慢慢食，慢慢傾，唔使急。 總括而言，友義氣是必定會回頭的食店。呢間店的價錢正路。但最好記得在openrice 訂位啦，因為有折㗎，重更加扺食！

呢間餐廳朋友推薦過好多次，但係我本身唔係太好酸菜魚，所以一路都冇過黎試🥰今日約咗個朋友超級鍾意食酸菜魚，就陪佢黎食下😁我地坐低左之後，就打算點餐，點知佢地既酸菜魚沽清咗😔🥹無得試，真係美中不足😢不過佢哋除咗酸菜魚，其他小菜都好出色👍👍😋😋川味毛血旺$160第一次食毛血旺，原來入面係有豬肚、豬腸、牛肚、午餐肉、金菇、芽菜、萵筍、雲耳、芽菜，仲有最重要嘅豬紅☺️☺️係起級多料👍👍岩曬我呢啲咩都想食既人😍🤭本身我唔係好食得辣，但係呢個麻辣我都頂得住😋 其實呢個上到枱有啲嚇親，因為大過塊面幾倍🤩🤩心諗，點食😝😝不過食下食下都俾我哋食晒🥰真心覺得都正👍沙拉骨$98佢哋嘅沙拉骨同出面有d唔同，印象中好似冇咁多肉🤔佢哋呢個用帶骨豬扒整出嚟，外層香脆，中間🈶️沾上蛋漿，入口肉質好鮮嫩👍👍而且醬汁酸酸甜甜好開胃😋欖菜肉鬆四季豆$85呢個小菜真係冇得頂👍勁有鑊氣🤩由於我坐近廚房位置，聽到好清楚廚房烹調時嘅鑊氣聲🤩😍店舖用料好新鮮，四季豆入口唔會有渣，食落勁爽嫩😍😍配上欖菜炒超級送飯🥰🥰珍寶檸檬茶$26呢個珍寶真係好大杯，而且茶味唔會苦澀，必點👍👍📌 友義氣•酸菜魚 (銅鑼灣)銅鑼灣記利佐治街1號金百利廣場7樓R

👉又🈶️新開酸菜魚🐟，座落於銅鑼灣金百利，地點方便⋯沒有不來的理由。。。😉下了一星期的雨☔️，又🈶️吃辣🌶️去濕的藉口了。。。🤭📌唇舌飄香水煮魚 $198 ～ 一大窩水煮魚，上枱真的被嚇到，全盤堆🈵️辣椒乾🌶️辣油。。。😰 幸好下單時通知靚姐要減麻減辣⋯吃下當然仍🈶️辣味，但絕對是🉑️接受辣度⋯⋯☝️窩內魚片香滑量多，配菜十分豐富：萵筍、金菇菜、木耳、木薯粉⋯刺激度🈵️分‼️😅📌沙拉骨 $98 ～ 賣相🈵️分啖啖肉，味道酸甜適中，少少肥肉排，入口甘香，超超超讚。。。👍📌啫啫唐生菜煲 $85 ～ 好大煲啫啫唐生菜🥬，肉碎點綴吃不停。。。🥰 真係好大煲，超抵食！🤩📌鮮青檸乳酸、📌芒果乳酸 @$26 ～ 🍹這兩款特飲味道不算太濃，少少甜，解暑解辣一流。。。👏

尋晚同辣妹媽媽🧑🏻去銅鑼灣揾食，揾到呢間專門食川菜、粵菜嘅餐廳叫「友義氣」!😊💕❤️地點方便：鄰近銅鑼灣E出口，金百利廣場👍🏻🧡服務：侍應親切有禮👍🏻💚環境：座位闊落，坐得舒服👍🏻💛食物：兩個人點咗一個主食、一個小菜、兩個白飯、兩杯飲品。。。😋主食：唇舌飄香水煮魚（少辣🌶）$198🐟魚肉嫩滑無骨，份量十足，配菜有雲耳、萵筍、金菇、紅薯粉，湯底又麻又辣，味蕾好刺激，好正👍🏻小菜：🍍鮮果咕嚕肉$108用新鮮菠蘿好有誠意，咕嚕肉香脆可口，甜中帶酸，送飯一流👍🏻🍹飲品：🍋珍寶大檸茶$26勁大杯，解辣又消暑❄️🍓草莓乳酸$26🧑🏻媽媽話好飲，甜度適中👍🏻🍚絲苗白飯兩個$26👍🏻今餐埋單連加一$422！物有所值！🤓最後，侍應話我地知打電話同用WhatsApp訂晚市全單八折優惠。😍下次想幫襯下佢地嘅酸菜魚！🐟💕

最近天氣熱辣辣，口痕痕，想食下辣野，朋友又想食川菜，咁就搵下邊度有得食，最後發現銅鑼灣金百利廣場開咗間新店「友義氣·酸菜魚」，細問之下先知開左兩個月，唔怪之得店內裝潢咁新啦！睇菜牌發現好多辣的菜式，啱晒我哋，不過店員話如果驚太辣，可以幫我哋調教到小辣，真係好細心呀！川味毛血旺 $160有牛肚、豬紅、午餐肉、豬肚、芽菜、金菇菜、雲耳，睇落紅當當以為好辣，但食落辣度又剛剛好，辣得惹味又唔會食唔到，辣味道好入味，必點菜👍🏻四川辣子雞丁$108有雞件和雞丁選擇，我選雞丁的原因是貪佢冇雞骨，好方便食。而味道沒有令我失望，非常香口，外脆內軟，雞肉完全非常軟滑，附帶一些紫菜，增加香脆口感，正！👍🏻蒜蓉炒唐生菜$75蒜味香濃，生菜非常新鮮，非常細心切開一半來炒的，容易啲食，讚！紅薯粉 $18非常煙韌又唔易斷，對於喜歡吃紅薯粉的我覺得可一可再，可以encore!芒果乳酸 $26芒果和乳酸的味道非常之夾，香甜的味道，酸酸地提升食慾，好好飲😋藍妹啤酒$35夠凍！

同老友見面緊係要食好西啦！好耐冇食酸菜魚就果斷地預約呢間新開既餐廳，電話預約仲有八折添！🥳招牌酸菜魚必點！有唔同辣度比你選擇，食得辣既朋友推介水煮魚同辣子菜式，見到都幾多客人點，我同朋友就叫唔辣酸菜魚配白飯，起級足料呀，魚肉量超多，大塊得黎每啖都無骨同滑溜溜，香麻味十足👍另外我地都叫左碟椒鹽雞軟骨，廚師即叫即炸，非常脆口，椒鹽味又夠濃，拌飯一流，最中意食雞軟骨既口感，咬落爽爽的👍至於飲品我就嗌左荔枝乳酸，食濃味既菜式最啱就係配返杯清新醒神既凍飲，荔枝同乳酸簡直係perfect match，朋友則揀左珍寶大奶茶，真係勁大杯，一上枱我同朋友都嚇親，茶香味濃郁，朋友都讚好飲，所以即使佢好大杯，佢都係全杯飲得曬😂😂最後一定要大讚餐飯食得好開心一部分係因為店員好有禮貌，不論上菜定招呼都非常周到，下次一定再搵朋友黎食，食得辣既就一定黎食水煮魚啦！😁😁

每個星期五夜晚又係打工仔最期待已久既放假前夕所以特登揀咗銅鑼灣金百利新開友義氣酸菜魚，食下酸辣刺激一下。去到環境新淨舒適，食客唔係太多唔會密密麻麻坐低等緊朋友仔嘅時候梗係飲番杯。主菜一定揀大酸菜魚 （小辣）份量三個人好夠食，個底酸菜芽菜金菇好啱我胃口。菠蘿咕嚕肉-新鮮菠蘿配上酸酸甜甜嘅咕嚕肉，如果加個飯會更好菠蘿好食到停唔到小炒王每次食都唔會令我失望薑汁芥蘭侍應姐姐服務好好，不停幫我哋加熱水，有主動幫我哋執走啲碟，攪到我哋坐得舒服，環境好適合傾偈，然後又再肚餓叫咗個雞軟骨食。送酒一流可能之前喺得寶食過幾次，覺得整體酸菜魚同埋小菜小炒都係得寶好食啲，酸辣同鑊氣香口啲。埋單三個人加埋每個人都係人均二百幾蚊，不過係銅鑼灣地區又坐得舒服又食得過癮，算很不錯

之前經過金百利見到一間個名好得意嘅餐廳，今日約埋個兄弟決定去食俾佢知我對佢幾有義氣！一上到去好有中式餐廳嘅格局，老闆娘好有禮貌，招呼好好叫我哋慢慢揀酸菜魚（標準）（小辣）嚟到當然要試佢招牌嘅酸菜魚，因為我朋友唔食得辣所以就叫小辣，原本都驚唔夠味，點知依然好濃嘅酸菜同鮮味，條魚仲要勁滑，絕對擔得起就招牌菜黃金軟殼蟹呢個炒軟殼蟹非常香口，炸到外皮非常香脆，鹹蛋黃味亦都非常出，我同朋友即刻叫咗兩碗白飯你送，夾到一流珍寶大檸茶朋友怕辣叫咗杯檸茶，估唔到你都係咁大杯，係平時嘅兩倍都唔誇張，而且味道都唔錯，如果怕辣嘅話一定要叫一杯嚟止辣芒果乳酸乳酸就比較普通，但係味道都算唔錯，亦唔算太甜，而且啲爆珠都OK 夾，諗唔到飲咩都可以叫一杯嚟送酸菜魚食

吃午餐，點了肉片乾炒烏冬，個名睇落普通，估唔到咁好食，好有鑊氣！好耐冇食過咁有鑊氣嘅小菜；仲有手拍青瓜，酸辣調得很好吃😋比譚仔好吃很多！十分有驚喜，下次再試其他！