古今二 (荃灣千色匯I)

營業中

休息中

荃灣古今二係一間以日本料理為主打嘅餐廳，今次我去試咗佢哋嘅招牌菜，包括吉列廣島蠔、味淋魚乾、柚想蝦你同埋三文魚卷。下面就係我嘅食評啦！吉列廣島蠔係呢間餐廳嘅招牌菜之一，佢嘅新鮮度同質感真係一流。佢哋嘅廣島蠔好大隻，肉質鮮甜彈牙，每一口都好滿足，真係令人回味無窮。食咗吉列廣島蠔之後，我試咗味淋魚乾。味淋魚乾係一種傳統嘅日本小食，通常用嚟搭配清酒。味淋魚乾嘅製作過程需要耐心同技巧，而荃灣古今二嘅味淋魚乾真係做得好到位。魚乾酥脆香口，而且味淋醬汁嘅香甜入味，完全唔覺得乾柴，真係一款令人上癮嘅小食。甜蝦刺身沙律係一道清新又健康嘅菜式。荃灣古今二嘅甜蝦鮮甜，配合新鮮蔬菜同特製醬汁，味道鮮美又爽口。我特別鍾意佢哋嘅醬汁，帶有微微嘅酸甜味，令整個沙律更加開胃。最後一道菜係三文魚卷。呢道菜色彩繽紛，卷得好精緻。三文魚新鮮肥美，搭配蔬菜同壽司飯，好多層次嘅享受，真係一道令人食指大動嘅料理。總括而言，荃灣古今二嘅食物質素真係非常出色。吉列廣島蠔、味淋魚乾、甜蝦刺身沙律同埋金龍卷都係咁。餐廳環境舒適，服務態度友善，令我嘅用餐體驗更加完美。如果你鍾意日本料理嘅話，荃灣古今二絕對係一個值得一試嘅地方！

呢間餐廳bookmarked 左好耐，佢地既特色卷物好吸引，今日終於有時間去食😍日式麻醬豆腐沙律 $78好開胃既前菜，豆腐好滑，仲有三文魚籽同飛魚籽，口感豐富，份量大大份，好抵食🫶🏻味醂魚干 $68燒得好香口，味道甜甜地，一條接一條停唔到口😋黑龍卷 $105面頭有鰻魚、牛油果同芝士，內裏就包住炸蟹柳，鰻魚味好出，然後就到牛油果既香味慢慢滲出黎，最後就到炸蟹柳出場，脆卜卜，好味道😋辣妹 $72/6件名字火辣辣，但味道係好溫和，怕辣既朋友仔絕對都可以食！面頭舖滿辣味吞拿魚同芝士，入面就包住好脆既炸蝦，中意食朋友仔同炸蝦既朋友仔千奇唔好放過😆鹽燒白鰻 $38好彈牙好好口感😳火候同調味都岩岩好，皮脆肉滑，正！👍🏻食得好滿足既一餐😋每款卷物都係廚師精心創作，配搭出黎既味道好夾好好味😋我見隔離枱點左知火山，上枱後真係有火卷住件卷物，好有視覺效果🤩加上環境又坐得舒服，下次要再黎食個火山😆

好多年食過觀塘間古今二，今日同朋友經過荃灣，見到有間分店，想入去食！但原來餐廳有落場時間，1730先再開，我地見仲有少少時間，行多陣先返黎食。餐廳用日系開放式的設計，感覺舒適闊落。餐牌樣樣都好吸引，有好多唔同既創意卷物，用唔同既食材形態創造出唔同既主題。揀左一輪，我地決定叫以下依幾樣野。龍捲風沙律🌪️（$76）—— 份量十足，沙律頂有脆片，沙律頂的蟹柳份量都幾多，下面是中華沙律、海藻和生菜🥬，生菜新鮮、爽口、甜，連埋蟹柳，中華沙律食都夾。都幾岩我依d想食多d蔬菜的人士。蜘蛛（$96）—— 類似軟殼蟹卷物，有炸軟殼蟹、青瓜、牛油果、蟹柳。賣相好吸引，真的有幾分似蜘蛛。軟殼蟹炸得好香脆、不油，連牛油果和青瓜一舊進食有清新感覺。 富士山（$88）—— 蟹柳絲山連同脆片在卷物上面，卷物是鰻魚牛油果卷，鰻魚和牛油果的組合好夾，味道濃郁，不需要再點醬油都夠味。櫻花蝦茄子（$68）—— 櫻花蝦味出🌸，茄子燒到恰到好處，連同燒烤汁食，茄子非常入味，櫻花蝦的點綴令到燒茄子加左好多分。鹽燒雞中翼（$28）——想食燒雞翼好耐，所以都叫左一串過下癮。雞中翼串燒燒到外皮好香，而且加左檸檬汁更加提味和去油膩。

古今二之前都試過幾次，聽聞唔同老闆唔知真定假..兩個人行到千色𣾀搵野食，見到3樓古今二，門口有的特別吸引我地入去幫襯。首先黎個龍卷風沙律，沙律生菜新鮮，配上沙律醬特別好味，份量夠兩人食。跟著上咗煙花六件，賣相吸引、上層蟹籽、下面有辣味三文魚及吞拿魚肉，加上脆片及芝麻，非常香口好味。青龍卷入面有牛油果、鰻魚及蟹柳，牛油果軟而香滑、鰻魚香口彈牙、蟹柳新鮮好味。埼玉網燒牛舌新鮮香口、肉質鮮嫩彈牙、配上調味汁份外好吃。黑豚豬頸肉串燒香口，佢唔會太乾而且d肉質幾好，調味適中。千色匯商場都好多餐廳，競爭都幾大，個人覺得古今二真係幾有特色，唔係平時日本料理d壽司。地方非常乾淨，坐位夠寬躺，坐得舒服。

.🔺古今二古今二係一間日式料理餐廳😋性價比高，而且味道不錯👍🏻.日式麻醬豆腐沙律🥗作為前菜十分開胃👍🏻蔬菜清爽新鮮，豆腐滑嘟嘟，除咗麻醬仲伴隨蟹籽&三文魚籽，口感豐富😙.雜錦天婦羅🍤有炸蝦、山葵、甜紫薯👌🏻山葵仲釀左彈牙嘅魚肉😆.自家玉子燒🍳甜甜地嘅玉子燒配上沙律醬、蟹籽！呢個配搭好難唔好食😆.金龍卷🍱裏面有香脆嘅炸蝦🍤配搭三文魚同特色醬汁，好好味😋.富士山🗻卷物上面鋪滿蟹柳絲同薯片，非常特別😆卷物包住牛油果、鰻魚👍🏻

千色店都多野食,想食日本野就選了古今二,呢度既壽司有賣點。呢左個炸蝦鰻魚芝士卷,面頭有薯片碎,口感豐富,有多個層次。我中意食炸蝦又中意鰻魚,平時唔多覺會張佢地放埋一齊,但原來都好夾。呢碟野既份量好多,又大份,食完已經飽飽地。另外叫左個鍋物,係泡菜豚肉鍋,最後係有少少SPICY.但又好有風味,豆腐吸晒湯既精華,好正!豚肉同白菜既份量好多,同個湯底好夾!食到咁飽最後埋單都只係二百幾,日本野黎講真心抵。

今日又落雨，lunch同朋友近近地去到荃灣食日本嘢，佢話荃灣千色匯有間古今二既日本菜想同我去食。千色匯比較近荃灣站，但係如果搭屯馬綫好似我哋咁喺荃灣西落都好易好快到到。呢度嘅裝修好有風格，就好似古今融合埋一齊咁。果然係古今二啊！呢度嘅菜式選擇多多，而且無論係菜名定係菜式都好有創意。好似呢個menu推薦既「柚想蝦你沙律」，入面有新鮮既沙律菜，蟹子，車厘茄，蘋果，牛油果，柚子粒，刺身蝦等等，又加埋柚子汁，酸酸甜甜好開胃！跟住我地又叫左兩款卷物。兩款都好靚好有特色彩虹卷，三色既刺身配埋牛油果，入面反卷住紫菜，蟹柳同青瓜超級龍卷風，入面有鰻魚，吉列海老，芝士，青瓜，再加埋脆片同上面既醬汁，亂中有序，就好似龍捲風咁啊而我同朋友都食得好滿足最後每人嚟多一串串燒。宮崎味鹽燒牛舌，好惹味。雞胸軟骨串燒，配埋檸檬汁食好正！

今日出左去荃灣行ikea,朋友推薦食呢間叫古今二既日本餐廳，係千色匯3樓6點去到都已經有幾枱客食緊野，環境位置都幾舒服柚想蝦你$98呢個沙律好大盤，上面有蟹子同西柚，同啲醋撈勻咗之後好好食，中間仲有幾隻蝦👍🏻搖滾樂$82鰻魚好香好好食！下面係炸蝦反卷，大細啱啱好可以一啖擺落口🤭鹽燒白鰻$38以鹽燒白鰻串，塊皮燒到好香脆，鹹鹹地，平時唔食魚皮既我都食到，鰻魚都好濃味，加上少少黑椒調味令鰻魚味道更突出味啉魚干$68呢個魚干係我朋友最愛，上面既醬汁甜甜地，咬落煙un但唔痴牙，配埋沙律醬用黎送酒簡直一流火山$128呢個拎上枱真係超震撼，職員用火槍燒起兩側，睇到我地哇哇聲，因為好靚呀🥰🥰個卷都好好食，上面係勁多蟹柳，蟹柳切絲加上蟹子真係好甜，淨係食上面蟹柳已經好飽😂😂😂雖然只係嗌咗幾樣嘢，但都已經食到好飽。我認為價錢係中上，但食物質素幾高，可以一試。

一直保持高質嘅日式創意卷物餐廳～🍣 同男朋友幾年前已經食開古今嘅觀塘同銅鑼灣店 質素有保證！今次第一次試荃灣千色匯分店 食材依然都係咁新鮮 好食 推介～❤️• 七品刺身拼盤 🐟 4.4/5刺身拼盤有三文魚、吞拿魚、海膽、油甘魚、劍魚腩、帶子、赤貝 睇相都知刺身極厚切 夠新鮮 海膽分量夠多 有3大舊 壽司舖食海膽最驚食到腥味 呢到就冇呢個問題 配埋紫菜食OK嘅 整體質素唔錯• 金龍卷（三文魚、炸蝦、芝士） 🍤 4.5/5金龍卷一直係我認為古今嘅NO.1👑 三文魚炸蝦芝士再加沙律醬同紫菜 呢個配搭基本上冇得輸 食三文魚嘅朋友一定要試下～ • 辣妹（辣味吞拿魚、炸蝦、芝士）🧀 4.5/5辣妹同金龍卷唯一唔同就係上面嘅魚變咗做辣味吞拿魚 都係我地必叫之一 只有極輕微辣味 唔食辣嘅朋友放心叫都得 • 富士山（蟹柳、鰻魚、牛油果、脆片）🗻 3.8/5滿滿嘅蟹柳堆到好似富士山咁樣 主要係靠沙律醬嘅味 同蟹柳口感carry成個卷 唔錯但未去到必叫• 清酒煮蜆 🍶 4.3/5有驚喜嘅清酒煮蜆 湯底落咗超級多牛油 好香牛油味 好肥LOL 蜆嘅份量唔少 冇沙 唔會甩曬殻 夠肥總結：質素夠穩定 亂叫都唔會中伏😚

同朋友經過呢間日式餐廳🏮 就俾個餐牌吸引咗🤩 有各款沙律、刺身、壽司、卷物、燒物、鍋物、天婦羅… 好多美食呀🤤前菜我哋叫咗個「柚想蝦你」，超級大兜🥗 呢個沙律嘅所有食材都好新鮮，生蝦清甜、加埋清新嘅柚子肉、蟹籽、中華沙律、蘋果同牛油果、配上爽口嘅蕃茄仔同生菜，味道清新無得彈，柚子沙律汁真係好開胃🤤見呢度有好多款特色卷物，我哋叫咗個「超級龍卷風」！鰻魚同埋海老都好鮮甜，配埋芝士同埋青瓜，再加上一啲脆片，真係好好味！🦐🧀🥒另外我哋仲叫咗個「蜘蛛」！炸軟殼蟹好脆身，皮炸得香脆，啲蟹肉都好鮮甜，加埋啲青瓜同牛油果就好爽口，口感好豐富，真係好好味！🦀🥒🥑最後我哋仲叫咗個雜錦天婦羅！即叫即整，聽住店員喺廚房新鮮炸起嘅吱吱聲！海老、秋葵蝦肉同紫薯天婦羅都炸得好香脆，尤其一讚紫薯天婦羅真係好香甜，真係一啲都唔膩口🍤🍠

餐廳喺citiwalk, 位置方便，環境舒適，我哋坐咗窗邊，可以傾偈慢慢享受食物清酒煮蜆好少見到清酒煮蜆啲蜆咁大隻，超級肥美，好鮮甜！而且係完全冇沙，個湯放左菌類，另湯更鮮甜火山呢道菜喺上菜時就明白點解叫火山，店員喺碟嘅兩邊點火，真係成咗火山咁😝呢座火山上面鋪咗大量蟹柳，下面就係壽司，個味調得好好，好食金龍卷食物上碟真係想條金龍咁，係三文魚、炸蝦同芝士壽司嘅組合，炸蝦好趣口，三文魚新鮮，配上芝士係冇得輸嘅組合，上面淋咗特製嘅醬汁，更加好食🤤鹽燒雞中翼雞翼燒得啱啱好，個皮好脆口，肉好多汁，嫌一隻唔夠Tim

一提到卷物，大家就會諗到日本菜中的加州卷，韓國的飯卷。今日行過荃灣的千色匯被古今二的火山卷物等食物照吸引著我。餐廳設計好有日本風，有好多日本酒，刺身櫃，仲有午市套餐，二人餐等等。龍卷風沙律 $78生菜，蟹柳，中華沙律，蟹籽，脆片生菜十分清爽新鮮蟹柳係一絲絲中華沙律係蟹柳埋下面脆片加強左口感醬汁方面好特別用左照燒汁同秘製辣沙律醬食落辣辣地好開胃起級龍卷風 $88芝士，鰻魚，炸蝦，青瓜，脆片飯面有好香既黑芝麻炸蝦脆卜卜有青瓜，脆片好爽脆面頭係鰻魚醬炸芝士年糕$26咬開超多芝士流心必食炸雞芝士卷 $58炸雞芝士用飯包住食非常有創意

同朋友Weekend 行開荃灣，朋友介紹吓試吓呢間有創意卷物的日本居酒屋．首先我哋試左佢哋招牌菜相撲力士卷。啲卷物入面卷住蟹棒、芝士同埋青瓜絲，上面仲加咗紅白身魚刺身，好有創意，食落又估唔到咁夾，仲好新鮮添。．另一款卷物係「金龍卷」，外面有三文魚、炸蝦同埋芝士，啲口感好豐富，啲炸蝦炸得好香脆，內裡食材亦都好新鮮，好好味啊！．如果你鍾意清淡嘅口味，就一定要試下「清酒煮蜆」啦。啲蜆肉好鮮嫩，清酒味道令啲整道菜更加清新怡人，一路食蜆都忍唔住飲埋啲湯😍．最後我哋點咗自家玉子燒一份，當作小小嘅甜點，啲玉子燒好滑好嫩，啲味道甜甜地又有蛋香．如果喜歡卷物的你，這間日本居酒屋，啲菜式好豐富，啲味道好正，啲價錢亦都好親民，服務態度都好友善，大家不妨一試。

今日揀左日本菜作晚餐，我地一行2人order 左4款食物，先來個「柚想蝦你」，聽個名未必估到係沙律，入面有甜蝦刺身、蟹籽、柚子肉、蘋果及沙律菜，再配上芝麻醬，味道好清新，感覺配搭新穎，食材好新鮮，蟹籽是脆卜卜的，柚子甘口而又酸又甜的，沙律菜都係脆的，全部都好fresh。第二味係小丸子，外脆內軟，入面真係有八爪魚粒，熱辣辣，即叫即整，好正。第三味係「超級龍捲風」，其實佢係紫菜卷再切開，紫菜飯入面包咗鰻魚同埋炸蝦，炸蝦好新鮮，炸得非常脆，好好味。第四味係「火山」，就咁聽個名應該估唔到係乜嘢，呢個菜好特別，食之前要點火。點火其實同食物嘅味道應該冇太大影響，因為啲火係喺側邊燒，燒唔到個食物。呢味主食都好飽肚，佢係由蟹柳紫菜卷切開再排喺底，上面放左一堆蟹柳絲，混左小小辣嘅沙律醬，最頂再加上醬油同蟹籽。味道普通，但係打卡照相係相當吸引。整體感覺食物做工好精緻，雖然食材唔係好名貴，但係經過師傅嘅製作，全部都變成好特別嘅美食，值得再來光顧。

又到每星期跳繩後搵食時間， 今次同謙謙係荃新天地到食創意卷物古今二， 呢間卷物款式配搭超多，生熟都有，總有一款啱心水的。✡️ 彩虹卷 ～ 用了刺身、牛油果、青瓜、蟹柳卷成在一起，每件排好， 一啖入口多重感覺。✡️ 金龍卷 ～ 用芝士包裹著炸蝦，最後在飯卷上加片三文魚， 內脆外軟，滿足我要求。✡️ 古今日式煎餃 ～ 一客6隻，皮薄餡靚外層煎得香，一口一件。✡️ 自家玉子燒 ～ 每間居酒屋都有自家玉子燒的味道，呢間玉子甜度適中，上層加了一點點蟹籽和沙律醬再輕燒一下，更帶出蛋香。✡️ 櫻花蝦茄子燒 ～ 必點之選，燒過的茄子上層鋪滿帶點微辣的櫻花蝦，配上用醬燒過的茄子兩者好夾。