同心泰國菜館 (已結業)

食完壽司行左陣街又肚餓就行入去食少少野做宵夜叫左(1)冬陰公好足料又夠味,唔會太多奶水準算唔錯喇!不過真係好多好多油-_-可能地道既冬陰公係咁掛-__-(2)鴨肉河唔係用thai國果d大塊河粉只係好普通荼餐\廳河粉,有d失望但係好多牙菜果d...鴨份量ok,味道就冇乜特別湯底同一個問題太多油-_-令我覺得好味精,好油膩!!!果然返到屋企,我要不停咁飲水d service又麻麻冇乜伙記識得聽中文而且態度亦都唔多好呢間野冇下次!

上完堂, 又未食晚飯, 於是早一站落車找點什麼醫肚.挑了同心, 一是因為店子近, 二是好些時間前自己已想試.踏入店, 好熱, 冷氣似乎不太足, 座位又迫.也罷, 點了個豬手飯.先上個湯. 那口湯的味道, 實在太夢幻, 我邊飲邊叫口乾, 結果我放棄了這碗味精湯.到豬手飯. 若只論豬手, 著實不錯. 但整體則一字蓋之, 鹹. 汁鹹, 醃菜超鹹, 而飯又僅微溫, 雖天時暑熱, 始終飯要熱方好吃.見它在此有這麼多好評, 或是一時失手, 不過我大概不會再訪.記起故人一句, 一次不忠, 百次不用, 這未必百試不爽, 可連例湯亦做不好, 見微之著.

老媽子一心帶我地一家食好野, 點之好野就冇喇, 一肚氣就真...本來必叫o既燒烏頭, 睇下個價, $90?! 食左曉飛呀?!我地o係其他泰菜鋪食開$40-$50... 貴成倍點叫呀?!... 唯有叫其他啦...其他野d 價都ok, $30-$40 一碟. 老媽子最想試豬手, 果碟最貴喇, $60.期待o左一排, 阿姐上菜後一睇...下? 乜我地叫果d 係小食黎架咩? 點解咁"細"碟o既? (嬲到我都唔記得影相!)同樣價錢同一個菜, 係小曼谷呀, 泰式美食呀都大碟過佢多多聲...唉...唔講錢, 講味喇. 我又唔覺佢特別好食wor, 上述兩間點都好食過佢...唉唉...價錢貴又唔係好好食, 咁梗係環境優美, service 又周到喇...環境- 門面都ok o既, 不過冇乜大檯. 要走到最入, 推開exit 門, 穿過條一人窄巷(但係有人要入同時又有人要出wor, 仲有佢地d waiter 永遠唔會讓你行先, 忙丫嘛)... 唔記得講, 條巷係廁所黎架... 跟住見到有條樓稊上閣樓(當然, 條樓稊都係同一style, one man only)... 咁o既格局都過消防?上到去有咩特別?

約左朋友打波, 打之前先醫醫肚. 記得之前黎過呢度食粉, 印象中唔錯, 今次翻兜!叫左鴨肉金邊($22), 湯底偏甜, 不過這原是泰國正宗的味道, 因跟早前在泰國旅行所食到的味道一樣. 金邊唔係滑o都o都果隻, 反而係韌韌地有少少o趙頭, 不錯! 鴨肉普通, 但份量不少. 至於我至愛的配料則落齊, 有冬菜、芹菜、炸蒜粒、芽菜同比較少見但最正宗的通菜梗.這店的泰式粉差不多跟在泰國街頭食到的一樣, 相信是很地道的泰國菜館.

三個人食完韓一，行咗陣街，再黎同心食D野。冬蔭公—必食，好好味，有少少椰汁，味道好濃，又唔會太辣，好多香料，兩隻大頭蝦，好多草菇。My favourite!每次都會飲。飲完又唔會頸渴，much better than 小X谷。青木瓜沙律—而家大熱天時食就最o岩，好清新，個汁酸酸辣辣好開胃，有D蕃茄仔，吸收晒D汁，好good ~叫咗個濕炒雞河打包做晚餐，其實好少河粉，D汁就多到暈，又有草菇同雜菜，有鑊氣，不過，D雞肉梅gar，唔得！

今日2:30pm去九龍城食個late lunch,本來去清牛肉館,最後因想食海南雞飯而去了同心泰國菜館.兩個人叫了活蝦刺身–應預先做好,但像雪了很久似的.不過肉質也算彈牙,但附上的酸辣汁則太辣了.海南雞飯–骨去得不乾凈,肉切成一絲絲的,賣相不好,皮跟肉也分離了.肉質”鞋”不夠滑,油飯做得不好,飯一舊舊的,隨飯奉上勁味精雞湯一碗,內有一塊蘿白,很淋,口感像冬瓜,其實都懷疑否冬瓜.這碟飯不合格.鴨肉金邊粉–鴨肉入味,湯味濃,可惜湯太油,成碗湯面都係油,金邊粉也太碎,還有些”油益”味,后悔叫了金邊粉,河粉可能會好些.細豬手一碟–上碟已切細方便進食,但肉跟皮分離,肉質鞋及乾,反而皮則幾淋,幾滑及彈牙,幾好味,碟底的酸菜及時菜則可解滯.最得我心反而那杯青檸梳打,清甜解渴!個人認為這家泰國菜館比較地道及正宗,故食物都偏濃及辣,就像在泰國的大排檔,比較適合泰國人口味,店員全是泰國人亦有很多泰國人幫襯,order時都是說泰文,店員對他們也相對較熱情,落order時那位阿姐對我們是木無表情的,反而走的時候經過門口開放式廚房的阿姐主動揮手跟我們說再見呢!去之前沒有看過此店之食評,有機會會再去試下各位的其他

聽朋友說，很喜歡來這裡食，見自已又未試過及又有時間，便和辣椒女兩個人來試試。去到時已經有很多人客了，好在得兩個人，很快便有位了，雖然比較上擠迫，但總好過要等位吧！我們叫了一隻細豬手、細冬陰功湯、泰式炒通菜和乾炒雞河粉。豬手- 肥瘦剛好，有口感又入味，尤其是弄得像手撕雞的手法，食的時間比較上方便。值得一試！冬陰功湯- 辣味就好夠，可惜酸味唔多夠，令味道感覺一般，湯料也不算太少，但味精因落得太多，飲完非常口喝。泰式炒通菜–通菜很青綠，一看便知很新鮮，炒得很爽脆，加上用泰式炒，有少少辣，增加了不少胃口。乾炒雞河粉–河粉係用闊河粉，炒得唔夠，便很容易唔夠入味，好在這裡炒得幾好，都算唔錯。味道算幾好，但可惜味精落得太重手，令感覺唔多喜歡。

門外有一陣陣好香泰式湯粉麵嘅味道會飄入我哋嘅顱神經裡.入面全部啲員工大多數係泰國人,連電視都係播緊*泰國台*.佢哋啲湯河啲湯底每碗款都有不同味道.我本身唔係好喜食乒乓波,但都有嚐試過魚旦河,牛丸河,肉碎湯河,豬什湯河,同埋豬頸肉河.而我覺得最好味嘅係肉碎湯河,啲湯底最好味,再加啲調味料落去簡直一流.仲有佢哋杯珍多冰好好飲,內裡啲材料好煙煙韌韌.

先旨聲明, 我無食過佢d野.正確d講, 係無機會食.上星期六, 同朋友六點七點左右去到, 都仲有位.坐低叫好野食之後, 等到八點, 一樣野都無黎.期間催促過, 一位泰藉女侍應(多數負責收錢果位), 笑笑口話好多人, 叫我地慢慢等.好啦, 照等. 過多一陣佢又再過黎, 拎起我地張單, 叫我地不如寫碗湯河食, 話會快d, 又話怕我地肚餓. 我地唔要, 老實講, 你請我就食, 我本身都唔係叫呢d野.後面果枱人, 都係叫炒蟹, 我地遲佢少少坐低, 人地食完都埋單了. 結果我地無聲無息咁走左. 去左金蘭花. 是天堂和地獄之別. 環境和服務方面. 同心d野我無食過, 不會評論. 但沒有勇氣再嘗試了, 無謂受氣.

同心以係好多年前無意撞入去試. 發覺幾正宗,所以去九龍城食泰菜多數係呢間.泰式生蝦好大隻,好爽口. 比起上次泰式燒王靚好多. 不過辣汁唔夠辣. 木瓜沙律係必食. 可以任由加或唔加咸蟹. 當然加咗咸香好多. 今次只係叫兩隻辣椒辣度,因為朋友頂唔順,已經抺哂汗,但我就想再辣d.糯米雞翼係朋友叫. 我就從來未試過係泰國菜館食呢味菜,因為我覺得冇咩特色. 雞翼起哂骨,糯米飯似中式.不過雞翼本身就冇咩味.海鮮炒粉絲又係朋友叫. 我又係未食過. 唔..ok啦. 不過不失. 不過料多過粉絲.最後見檯檯都叫豬手,一於又試吓. 嘩,原來真係咁正. 有花辣八角味,豬手炆的好淋,又好入味. 我地兩個都一致應為係全晚最好.不過侍應多次漏單,唔係好用心. 但整體味道一樣咁好.

是夜九點多,店內仍坐無虛席可能明天是清明假期,好彩剛到有兩位客人埋單,即刻有位. 平時這個時間都會食黃珍珍,見咁多fans都讚佢好食,就試一次.-豬手飯($30):原來有湯送,是日"蘿蔔湯"夠味好飲仲有好香的芫茜味,豬手好嫩入口即溶,豬皮帶點膠質好滑一點也不"un",唯獨差點咸味,未能帶出應有的香味,同鹵味味道唔夠,難道這是潮式同泰式鹵水既分別,中國人有句話"咸香淡寡".-豬頸肉($35):上碟夠熱,豬頸肉夠爽口,一點也不"un"好味,没有半點"鞋"的感覺,唯稍欠蜜糖味,(可比美隔鄰"黃珍珍"出品,但佢要收七十多元),以這個價錢都唔駛去黃珍珍到食.但座位實在太迫,同埋佢地座位設計實在有點問題,六人長枱,如兩位客人要分開座對面,如是者排排坐,仲要記住唔好一次叫咁多野食,因為張枱實在放不下.下次有機會都會再去試下冬蔭功,同南瓜焗飯,因見其他網友都有讚.最重要係食完唔駛勁飲水,真係無味精同唔係好油.仲要埋單唔駛加一.係九龍城食飯又多個好選擇啦! (係黃珍珍食完真係要勁飲水!)

友人大喜之日,飯局安排在九龍城打鼓嶺道"同心",龍城泰國菜館星羅其佈,可是來來去去,也是去金寶,黃珍珍,小曼谷,或者街市等等,藉這夜友人大壽之飯局,看看可否帶來新沖擊.十一個人坐在最角落位,兩張長檯拍在一起,空間仍有限,坐下仍覺得緊逼.此店以泰北菜為主,有人問泰北同泰南有乜分別?)我泰北多靚女,白白淨.)沒有分泰南泰北之分,點菜也是隨心.海南雞同泰式鹵豬手先拔頭籌.鹵豬手同之前吃過的一樣好,鹵得入味,豬皮很爽口,底下的醃菜亦不錯.海南雞肉質亦嫩,雞味夠.挑惕一點,雞皮同雞肉之間,沒有晶瑩通透的皮下脂.生蝦刺身這個港式泰菜表表者,差不多成一大班人吃泰菜之必然之選.蝦刺身本身鮮甜.醬汁沒有金寶的刺激.泰式拼盤例牌幾樣,蝦片略淋,但是味道可不得了,不是八成麵粉兩成蝦之流.入口香甜的蝦味,直插心臟.蝦餅帶點辣,質感也彈牙.酸辣豬什湯沒有預期的辣,豬什有豬肚,豬潤等等.單是吃這些內臟也夠.湯已淪為配角.南瓜海鮮飯很簡單,將南瓜挖空,盛上米飯同海鮮,味道也不錯.粒粒飯也沾滿南瓜的甜味.明爐蒸魚亦是一大班人吃泰菜之選,這條烏頭肉質嫩滑,與友人談論大家常去的黃珍珍,也同意黃珍珍的烏頭肉質很粗,桂花魚就

真的好吃。最喜歡的是用生菜包豬肉碎的那道菜，正到不得了。

湯河湯底味濃，比現時的昌發好，豬手腍亦好味。香葉肉碎飯，肉可選豬牛雞，但牛比豬惹味，配上辣椒、香葉（？）、豆角同炒，撈飯好味。〔唔係太辣，不過啱我〕上圖的拼盤，水準就一般，不過蝦片係室溫，仲要「生骨」。至於生菜包就炒到好濕，一邊食一邊滴汁。再回頭，會係因為湯河同碟頭飯。

幾即興的飯局，由剛外遊回來的貴刁充作導遊，除了獅蚶、青木瓜沙律、彩虹湯河、鴨湯及豬雜，再加上師姐點的蝦刺身，其他的自然交由導遊代辦，是吃得幾悠閒的。菜式方面，既有食友詳盡的食評，偶還是落筆在「豬手」，一款偶幾喜歡的菜式。看著廚房將「元蹄」吊起，接到order後即切奉客，雖然話即切，但阿姐仍舊昏迷似的，又是落了兩次order材懵然上菜。豬手被鹵水調理過後，幾睇得下，皮同肉是散開的，可幸皮夠厚亦入味，帶微微起膠的感覺，肉亦夠嫩，習慣上是分開吃的，皮、肉獨立評分的話，都是四粒星。伴碟的酸菜，專兄話唔錯，又撿來試試，也解滯說。吃到尾聲，來了特別嘉賓MM大哥，之後．．．記憶中只剩下香嫩的燒雞、酒精及一杯「水」．．．．．．剩下的回憶：http://www.imagestation.com/album/pictures.html?id=2095840666