名館 (已結業)

呢間餐廳係我個識食朋友既好介紹❤️ 明明佢唔係好食得辣，但話帶我去食好好食既水煮魚，咁梗係跟啦~ 首先餐廳好靚🙈 有濃濃中國風，每隻碗都印左d 字句，食之前可以參詳下😂然後 d 野好好食😍 老娘好喜歡呢度既名物 - 沸騰水煮🐟雖然睇落好多辣椒，但個麻辣其實岩岩好，入面好似個寶藏咁撈極都仲有，魚塊好嫩滑🤤 仲有豬紅娃娃菜薯粉牛餐肉。柚子蝦球又係無得頂酸酸甜甜咁好醒胃，炸漿薄，🦐彈牙，就算過左一陣先再食都仲係脆架😱 黑色既雞腳好少見，佢個麻辣汁又香又麻，食到唔停得口😋 糯米釀雞翼本身少食，因為好多都偏乾，呢度濕潤之餘又帶點辣，無咁 dry 😆 大良炸鮮奶必點！好好食！外脆內軟，我覺得有少許椰汁味🤔 第二次去叫左叉燒，喂個叉燒真係有水準，厚切，唔韌，好軟腍又帶點鬆化👍🏻 仲試左欖角秋葵，味道都幾得意幾夾。已成為飯堂🙈

星期五的晚上 為左十三么慕名而來的名館睇得又都幾食得遲到的我來到枱面已經擺左幾款精美既食物一坐低 你會即刻俾呢度既特色碗吸引碗中間寫住非常精警既語句 仲有唔同版本添！懷舊得來又有創意然後我見到既就係呢個點心拼盤 打卡必點之一😂 講真呢上面d野食味道唔算好特別 而且都偏普通 不過勝在夠靚 所以都吸引到好多人叫呢個紫薯天鵝夠曬可愛然後呢個水煮魚用甘特色既火鍋爐裝住卻又出奇地好味喔！見佢超多辣椒食落又唔算好辣 麻多一點 十分香辣椒🌶️ 入面有娃娃菜豬紅牛餐肉同薯粉等既配菜呢個帶子同菜又好新鮮 帶子煎到金黃好香口份量偏細😂多人未必夠分 另外有個石碢鮑魚雞粒炒飯 乾身多料 可能我遲來凍左唔係好食到原味 都還好啦鮮奶脆網卷就煙韌 鮮奶味唔算好突出呢個小籠包我覺得入面d湯好好味啊 好清甜但皮比較薄 易穿而最後壓軸既主角當然係佢啦！十三么！像真度100分！而且係連d銀紙都食得！侍應話係糯米來。雖然食落係無味但心思滿分！至於d麻雀就係椰汁糕。味道清淡唔重好椰 賣相加到滿分💯 為忙碌的一星期作結 發個新年財

今日貪新鮮去咗呢間出咗名食得意點心既中菜館食晚飯，一入到去就已經見到環境好靚好吸引，佢嘅裝飾有中西合璧嘅感覺，包括有中國式嘅蒸籠，又有西式嘅油畫，真係唔錯。我哋落左單之後食物上菜嘅速度都唔算慢，大概等左5分鐘就已經上咗第一味菜，我哋叫咗個石鍋鮑魚雞粒炒飯，石鍋上到嚟嘅時候仲係熱既，有咋咋聲，見到有細細粒嘅鮑魚同雞粒，而且數量都算適中，炒飯係濕炒，但係石鍋燒左一陣就開始乾，而且帶有飯焦，感覺焦香，而且聞到好大浸香味，份量夠兩個人食，而且仲帶咗個長白山鮮人蔘燉竹絲雞燉湯，個燉湯用茶壺燉同埋裝住，然後倒落茶杯飲，呢個設計幾特別，但係略嫌茶壺比較細，湯嘅份量都唔太多，但係湯嘅質素就好高，佢入邊好足料，有大大條人蔘同埋幾舊竹絲雞同豬肉，飲落有好香濃嘅人蔘雞湯味，聞落已經覺得好補身，飲完之後就覺得個身好暖，呢個湯真係唔錯。之後帶咗得意點心包括鮮蝦金魚餃同埋老鼠愛大米，鮮蝦金魚餃即係蝦餃，賣相真係滿分，而且食落又幾好味，好味過普通茶樓蝦餃，老鼠愛大米就似煎堆嘅味道，但係佢外皮用咗西米嚟整，食落又唔太怪，而且反而幾夾，別有驚喜。最後叫咗個金薯棋子酥，佢分別用紫薯同埋黃色番薯整做象棋嘅樣，入邊有少量椰汁

一年一度的聖誕節🎄，當然約朋友出去走走逛逛吧‼️中環真夠熱鬧，看完一齣戲🎬，去吃飯🍚，不選擇西餐🍽，怕怕那些節日🎊套餐，而且跟母親大人🧑一起，中餐安全些～～～看過不少這店的特色菜網上報導，希望不會中伏吧‼️ 而且我們都算是第二輪晚餐🥣，應該不用很急趕，又不會太多人～～～果然60%的枱都走了，所以我們很容易坐下來，看鄰桌吃些什麼🤔，我們也差不多會選的‼️ 金黃球泡飯好吸睛，飯團是炸了成球狀，伴著湯吃，很特別，平時不吃泡飯的，也要試試古罎酸菜滑魚片，這個古罎（不懂讀啊）夠古老，電視📺可能看過，今次第一次用到這個菜也不錯，魚很滑，酸菜又夠開胃，我們四人吃剛剛好，兩人會太飽，人多又不夠吃自家剁椒蒸秋葵，是用欖菜蒸的，幾清爽蜂蜜柚子蝦球，大大隻，酸甜的，很特別，幾好味檸檬🍋薏米水好健康喔‼️又不甜當初以為這是一間高級中菜館，事實是親民的小菜館～～～

同朋友慶祝生日，點了很多菜甜品最特別，很精緻，先點了個棋盤，棋盤係紫薯同蕃薯，味道不錯。另外再點了一副麻雀，副麻雀係椰汁糕，不過不失，原來個中發白係貼上去的，連那些錢都可以食，應該係威化餅。食物很漂亮，打咭必備，可以再來。

今日和朋友試左呢間好有特色的fusion菜，我們兩個叫左六個前菜加點心，精緻得來味道也很不錯呢，海哲好爽，味道酸酸甜甜，好開胃，秋葵個汁都好特別，個厚切叉燒冇得頂，熱辣辣，又香又多肉汁，柚子汁蝦球有柚子的酸甜，脆得來好惹味，最後的麻雀大王，外形十分神似，食落都唔錯，椰汁味唔算太濃，但勝在清清地不太甜，仲有個老鼠愛大米，糯米做的點心，D糯米好軟好lum, 唔錯，雖然整體比起傳統的茶樓貴小小，但無論菜色，味道，環境及服務均值回票價

週五午餐黎到擺花街名館🥢無事先訂位下好彩都有枱坐🥰走上樓梯，第一眼見到既唔係佢招牌😯反而係佢蕎麥茶既board😂L型既餐廳，其實都放到唔少位，被排到最入既箱坐🤭 坐低枱面有個好"精緻"包裝既濕紙巾同一本武林秘笈咁既menu, 中午仲有張茶樓點菜紙✏️ 重點係佢杯高原蕎麥茶🌾，淺黃色茶身清澈，飲落去好清新爽口，唔會太大草味🌿揀咗幾款點心，叉燒🐷，炸鮮奶🍼，秋葵🥗叉燒真精彩，微燶邊皮💋鮮紅既表面💓幼嫩肉心💗係蜜糖包裹下似襁褓包住初生嬰咁👶 個熟成程度又保到肉質鮮滑同時又唔會凍😍😍炸鮮奶聰明地唔係用傳統成舊炸，用咗一層薄脆皮包住黎炸，外脆🍫內暖🔥，不過要快食，好易變凍🌨️點心有流沙包，鵪鶉蛋🐣燒賣，蝦餃🦐 流沙包黑色包包寫咗金色字，賣相討好，但個饀好少，亦做唔到流心🤔 蝦餃亦算係一般，唔太實淨，用料還好👌至於鵪鶉蛋燒賣，我覺得粒蛋係後期加落去😂😂 點心總體黎講只算可以至於秋葵，滑潺潺既材質無改變，無乜特別🤭🤭名館價錢唔太平，畢竟都係開係旺區，menu上面唔係樣樣好食，要細心選擇，最後補充係樓底夠高唔太嘈😬

名館，去到嘅時候擔心會好貴，因為裝修得好靚，啲嘢食又好精緻✨💫不過我覺得d價格定得幾親民😝1️⃣銀湖天鵝酥$58🦢整得超級可愛啊！佢裏面係紅豆蓉，外層炸得啱啱好，酥皮夠鬆化，我幾鍾意食嗰條用餅整嘅天鵝頸🤣🤣.2️⃣大良鮮奶脆網卷$48外脆內軟，牛奶餡可以再多d！🥛不過略嫌有點油膩🙈.3️⃣私房金黃球泡飯$88原來金黃球係一大球白飯，外層炸到金黃色，所以唔會寡。配上清湯，食落好有屋企嘅味道🥰可能咁樣就係佢改呢個名嘅原因。.4️⃣金銀蒜蒸娃娃菜$68好多白飯魚啊，蒜蓉味好重，娃娃菜清甜多汁，正！🥬.超級鍾意呢度嘅蕎麥茶，我飲咗五杯啊🤣可能我地嗌得太多炸嘢，所以覺得幾油膩，好彩有蕎麥茶咋！再次讚多次呢度嘅環境，服務都好好😚😚🥰

雖然並不鄰近港鐵站，但也絕不難找到此餐廳。不過餐廳關門時間比較早，因為不要太晚才來喇飯哦。點了個咕嚕肉，照騙就是這樣，拿開像鳥籠的盤子，食物就會相當普通。份量不多，但酸甜正好！很開胃。蒜泥白肉用心擺放，蒜蓉在旁邊，可因應自己喜好夾多與少，不錯不錯。猫耳白合少勝瓜，名字好聽，賣相一般。不過食材健康，就是油多了一點。和味豬手，就是甜醋豬手吧。不知道有沒有加薑，因為不辣。不過非常入味，喜歡薑醋的會喜歡，但可能會嫌味道不夠濃。不過這也好，就不會特別口渴。沸騰水煮滑魚片。也是賣相取勝！爐是假的，只作輕微保溫之用，魚一早道於廚房煮好了，因此上菜其實可以即食，不用等熟。重點：不辣的！甜品點了麻雀十三么。是桂花椰汁糕，椰汁搶去桂花的味道，比例一般，但道贏賣相。總結：份量都偏少，人多都多點幾碟飽肚的哦，否則要貴貴埋單。

三點鐘到訪，都有些懷疑是否還有提供服務。當服務員告知仍有餐點時立即興奮地揀咗張四人枱坐底。等待上菜期間便觀察了餐廳的装飾，藍色與金色的主色調搭配起來也幾令人感到賞心悅目。厚切叉燒皇率先駕臨，果然“厚”切，是一般叉燒的两倍厚。叉燒睇落幾瘦，但入口唔會覺得干同柴，叉燒汁也調得恰到好處，既唔太甜也唔覺油膩。春卷炸得好脆，最後一條隔咗一個鐘之後時也與剛炸出來一樣波波脆。魚米之鄉係我至愛，魚肉拆骨後切粒炒飯，只保留頭尾和魚鰭炸過後洒上辣辣粉作伴碟。炒飯干身香口，魚肉粒粒不會散開。是全場最佳出品。金魚餃比大公館略逊。但餃皮和內里的蝦仁都十分彈牙，只是大公館的造型更誘人，餡料內除了蝦仁還夹有芹菜，食落更香。牛雑係今次敗筆。全部都燜得唔够腍，連蘿蔔也見到有成條白色，完全唔入味，仲要價88元，實在是太令人失望。

假日lunchtime人流唔算多，坐得幾舒服。我地叫左個點心拼盤，燕窩流沙包同黃金球泡飯，睇落份量唔多，但食落都好飽。宮延點心拼盤（$188）-賣相吸引，裡面有三款涼菜，兩款點心同一款甜品：涼伴貓耳朵-微辣，幾爽口手拍青瓜-有啲辣，有好多海帶但青瓜數量唔係太多水晶餚肉-味道👌🏼天鵝酥-酥皮幾鬆化，裡面係紅豆饀，唔會好甜，天鵝頸係類似餅嘅野老鼠愛大米-咸水角饀，外層好煙韌杯子甜品-綠茶奶凍同芒果奶凍，味道一般燕窩流沙包（$68）- 個樣幾靚，裡面有少少燕窩😂味道幾好，但唔太流心私房黃金班泡飯（$88）-最驚喜，放左一陣啲飯焦仲脆，個湯清清地，加埋啲蕃茄酸酸地，好refresh食物味道唔錯，賣相精緻，有個阿姐服務好好，會留意客人需要👍🏼

BOOK 左5點半2位, 全部MENU上既食物半價! 正! 限時1.5小時離座~樓上鋪, 無好大既招牌, 門口都係好細環境乾淨, 光猛, 枱相隔都好適中因為好早, 所以只有2-3 枱客上菜速度好快1. 落單後大約2分鐘就上枱既叉燒都係好食既, 味道好, 唔會過咸OR過甜, 肉質都好好, 少肥, 係差一點燒焦的香好脆2.好正既響螺湯, 堅正用茶壺上, 一杯一杯咁飲, 個人覺得都幾好視覺好清澈, 但味道就好濃好白香好正!3.炸MILK!好食, 好脆, 味道剛好, 多吃就有D油膩了!4.炸左既飯波波放係湯上, 夠特式, 而且都好好食個飯波外面既脆飯放係湯入面食都仲係好香5.原來係甜點黎既, 我估計係紫薯酥黎味道適當, 唔會好甜, 夠酥脆兩個人食左5樣野, 超級飽, 半價左之後加一就200幾蚊, 咁就好底食仲有好多特別既菜色未食, 會再次幫襯

今晚同舊同事聚會，喺某訂檯apps見倒呢間有discount，加上記得有朋友食過話唔錯，就一於book呢間啦！佢喺樓上鋪黎，亦無招牌，如果唔熟中環既朋友可能要啲時間先搵倒。餐廳座位都幾闊落，檯與檯之間有適當空間裝修簡潔比人感覺好舒服。前菜我地揀左水晶餚肉、和麻醬雞絲粉皮同麻香黑雞腳。水晶餚肉帶有淡淡鹹香味，肥而不膩。和麻醬雞絲粉皮，麻醬份量岩岩好，粉皮整得好煙韌！同埋夠凍，涼透心麻香黑雞腳，估唔倒係辣既仲要都幾辣，不過就係因為有辣味先令你想食完再食，雞腳已經去骨，岩哂懶人因為同檯有大肚婆，所以特登叫左個湯俾佢補下。人蔘燉竹絲雞，呢間店係以茶壺黎裝湯，好有特色!湯係清清地既唔太濃味，會飲倒人蔘既苦後回甘。我地仲叫左兩樣點心。大良鮮奶脆網卷係金黃色既外皮，可惜唔夠脆，同埋個餡甜左小小。主菜終於黎喇，松子五柳桂花魚 ! 條魚炸得好香脆，配埋酸酸甜甜既五柳汁，超開胃栗子鮑魚雞煲，好名貴既鮑魚不過鮑魚比較細粒，一分錢一分貨既！栗子同雞都炆得好入味，栗子都好腍每樣菜式都擺得好靚，同埋好多有創意既小菜，要再黎試埋其他！

Went there around 6pm to cut the crowd. Had high expectation but ended with disappointment. We have visitor who is vegetarian, so we asked for food that serve for vegetarians. However, they can’t even recommend any dishes. When my friend ordered a cabbage dish, it came with dried fishes. So, we have to order another same dish without dried fishes. For the rest of the food, there is no surprises on taste. Also, the menu is a bit confusing, never mentioned what does each dish contains of wh

朋友聚會，選了此間餐廳。位置很好找，進門後感覺環境清淨，裝修簡單雅致。食物賣相精緻，味道也好，尤其是最後的兩道甜點，為晚餐增色不少。飯後大家一致說，會介紹給家人來嘗試的。