味房居食屋 (已結業)

甜魔媽媽重生後節目十級豐富，要加快進度了... 今天起一連四篇介紹四間酒店不同美食，首先是 沙田麗豪酒店 味房居食屋 的「十盛」伊勢海老盛宴 ($328/位，兩位起)，內容豐富超值，龍蝦迷必試！座落於沙田城門河畔的麗豪酒店，四周環境優美寧靜，當日甜魔媽媽及食友是乘搭馬鐵，在沙田圍走來。酒店旗下餐廳特多，味房居食屋 位於地下，環境靜謐，用餐聊天十分舒服。首先是位上的先付的 鮟鱇魚肝豆腐、野菜蟹糕。早幾天才吃過鮟鱇魚肝，這回打成蓉、拌上木魚絲及薑蓉，放置滑豆腐上吃，又別有一番滋味，是道很清新的頭盤。然後是造里的 活伊勢海老姿造（龍蝦刺身），圖為二人份量。店方特別採用伊勢海老，也即日本龍蝦，特點是蝦味濃郁，肉質鮮甜富彈性，吃起來令人回味無窮。　刺身除了蝦肉份量夠多，令人吃得滿足，同時蝦頭蝦腳仍在不斷跳動，可見質素非常新鮮。之後有蒸物的 北海道松葉蟹五色煮付，鮮甜柔嫩的松葉蟹用上五色蔬果來烹煮，吃來稍略帶木魚香氣，令其原有的鮮甜味更加突出，十分好吃。每份有3-4件蟹，吃得很過癮的。接著是燒物的 石燒牛肉，圖為二人份量。侍者會在食客面前，按照食客的心水口味，將野菜及牛肉燒至理想的熟度，這天我們就

今日我同女朋友黎到沙田麗豪酒店食飯, 起初我地都唔知道原來呢到有間日本餐廳, 我朋友話不如食日本野啦,好耐都冇食過日本野, 我地入到餐廳到坐低,, 我地見到佢地有一個二人餐” 十盛伊勢海老盛宴” 又好似幾抵食咁,每位328,又有龍蝦刺身食又有牛肉石鍋燒..竟然個餐廳經理幫我地燒埋.正!!!! 好抵食!!!八樣野食到好飽 ;) 

今天晚餐選擇了麗豪酒店：味房居食屋失望之作：<br style="line-height: 1.6;">鱈魚凍既..酸酸地..無咩特别好感..枝豆湯超難飲..牛肉紙火鍋set火鍋材料都幾多既..但完全無味火鍋有加咪碗飯同碗温泉蛋..食完個鍋d料就加入去變成粥 由于個鍋d湯完全無味..連個粥都無味..第一次食甘難吃的吞拿魚飯..入邊既飯係酱油飯..又無咩味道..成件事就係怪

去年底，筆者曾闖進麗豪酒店的中央餅房，試食酒店跟桂格燕麥合作的幾款甜品，是有趣的經驗，畢竟我最喜歡就是走入廚房…今趟再訪麗豪，就沒有再進人家出品的心臟地帶，而是到其日本餐廳Aji Bou Izakaya，與K小姐和幾位朋友，晚飯聚舊。雖然酒店離我公司不遠，但被老闆捉住開會，筆者又遲到。大家邊吃點小食邊傾邊等，我趕到來，立馬吞下餐前小食，爽口的螢光魷魚，以及豆味香濃的枝豆凍湯。收起小食碟子，食物亦陸續上桌。侍者先送來脆炸虎蝦卷，賣相雖稱不上精緻，但蝦肉總算爽口，尤其是邊位連蝦尾的那件，必定是最吸引的，感謝大家讓了這件最好的給我。接下來的兩碟，皆是刺身，陣容很豐富。大路的有香港人最愛的三文魚和吞拿魚，厚切。個人喜歡的，會係爽甜的帆立貝。另外，梳子魚是加入了柚子和胡椒，較重味。吃至此時，不如來一點飲品? K小姐的花之梅，以茶壺盛載，感覺優雅。而我所選的，正是冰之霧，菠蘿汁和日本清酒的組合，顏色漂亮，容易入口。喝著清酒，銀鱈魚西京燒隨之送上。外脆內嫩的鱈魚，魚皮香口，只是魚肉有點散，和有點骨，吃時要注意。雖不是炭火燒，但也不會Skip這裡的串燒項目，牛雞豬，請師傅每樣弄一點吧！豚肉包露筍，香口

一室深木色的和風古典設計，感覺舒逸，樓底夠高，極具空間感筆者本身是"「沙田友」一名，卻沒有吃盡沙田區內食店，每次乘巴士到市中心，路經麗豪酒店，總幻想找一天與家人再到這裡聚餐，可惜還是空想沒付諸實行呀。難得友人早前問我有否興趣到今年年初重新裝修的味房居食屋作小聚，一來我喜歡日本菜、二來地點方便，於是一口就應承了。餐具不算特別講究，但勝在簡潔清雅今天下過雨後帶點涼意，進入酒店找著味房的門牌，原來她是位處酒店以外，路在口邊，不熟架步的還是向職員詢問一下吧。門舖上方掛著一列大型日式紅燈籠充滿居酒屋型格，內裡一室深木色傢具擺設，加上食店樓底甚高，空間感十足，既能給予顧客下班後與三五知己開懷玩樂的輕鬆氣氛，卻不失和風時尚。晚市套餐有多款選擇，價錢大概由240元至300餘元，筆者看準「十盛」東瀛季節會席料理在等候友人的時間，當然好奇揭開餐牌，晚市套餐有數款選擇，當中「十盛」東瀛季節會席料理套餐包括前菜、刺身、燒物、煮付、吸物、炸物、食事和甜品八道菜，價錢為HK$298 (加一服務費)，以多心又貪吃的筆者而言，希望安靜地與朋友閒談兼吃得豐富的，這已是被鎖定的目標呀!兩點先付枝豆凍湯，豆味香濃，質地滑溜

放工後下午2點鐘左右，還未食午餐，便走到麗豪酒店，試一試這間開張只有幾個月的居酒屋。蒲入門口，可能是已過了午膳時間，只見一張四人枱坐着客人，其餘的都是空置着的。整體感覺舒服乾淨。很快便有職員為我們二人帶位，給了一張四人梳化枱。這個時間仍然有SET LUNCH，價錢由$78-$98，包括前菜、餐湯、主菜及是日甜品。前菜分別點了牛舌及大根，餐湯：麵豉湯，及主菜：切角魚生飯。我們首先品嚐的是麵豉湯。只飲了一口便覺得太鹹，立即要求經理給我們熱水沖淡少少味道，經理二話不說便給我們換過另一碗。新的麵豉湯果然淡味很多，好喝得多！前菜牛舌和大根都很普通，不太吸引。輪到主菜魚生飯了，賣相討好，魚生尚算大塊，魚生有三文魚‧、三文魚子、吞拿魚及劍魚。雖然是切角，但魚生都是新鮮有鮮明的，不像其他餐廳以切角混水摸魚。魚生飯附有酸薑，washabi，芝麻和紫菜碎。最後到甜品時間！是日甜品為蜜瓜芝士蛋糕配蜜瓜，蜜瓜很甜，但蜜瓜芝士蛋糕就偏甜了點，若除去了面上的蜜瓜醬，相信味道會更好！最後埋單時因為有醫院職員證，所以全單有八五折！

屋企人生日, 近近地黎呢度慶祝, 今次都係第一次黎!!!因為好多人我地order左好多野, 大家一齊share, 可以試多d款三文魚刺身-- 切得好厚, 好肥美, 一客三塊, 我地叫左3客甜蝦, 帶子, 劍魚剌身-- 好新鮮, 劍魚肉質好爽口, 甜蝦同帶子都好鮮甜壽司 (海膽, 帶子, 海蝦, 三文魚, 吞拿魚) 我只食左帶子壽司, 鮮甜肉厚炸蝦卷壽司-- 呢個好食到叫左2客, 平時有d裡面只係炸粉多, 唔太食到蝦肉,                       呢度蝦夠大隻, 一入口就食得出白酒煮蜆-- 全餐飯最難食, 一食就知無誠意, 蜆唔夠新鮮, 又無酒香豚肉讚岐烏冬-- 味道比較清同淡味, 較為普通, 湯底唔夠熱辣粉雞扒拉麵-- 豬骨湯底, 呢個較濃味, 而且有微辣, 味道較豐富, 但湯底一樣唔夠熱牛柳粒石頭鍋飯-- 撈完個飯後, 碗飯太過濕, 味道其實都ok, 但如果乾身d會更好豚肉石頭鍋飯-- 同上大至一樣, 有燒汁洋蔥既香味, 但太濕鐵板燒和牛漢寶扒-- 麻麻地, 呢個漢寶既做法只會令牛肉較"鞋"口,                            真係食唔出係和牛

近日很多同事last day，飲茶都飲得悶了，今次就黎酒店食下日本野。午餐選擇不多，魚生飯，拉麵或烏冬。另付有一個小食同甜品，選飯類的話有麵豉湯或什菌湯。是日選了生牛肉温泉蛋拉麵，配辣味牛舌。等候時間頗長，賣相ok，牛肉份量幾多，配料有粟米，荀，海帶，同嗚門卷一片。湯底不濃但感覺很味精，非常似某即食麵嘅湯底。麵條亦沒有香味，感覺同樣似即食麵，失望。生牛肉嫩滑不韌，而蛋則平平無奇。小食牛舌不錯，小小辣很開胃。麵條份量不多，唔夠飽。甜品有雪糕，蛋糕同蜜瓜。豆腐雪糕不甜但濃郁豆腐味，好食。蛋糕上的士多啤梨乾左，扣分。同樣不甜，軟綿，唔錯。蜜瓜則非常甜，但並不人工，是天然生果的清甜，好好味。好像還加了一點小食，加埋信用卡嘅節扣，平均一人一百元。

見到雜誌介紹佢做緊試食優惠，原價$388，2月試食只需$264。見平咁多，老公即使喉嚨痛都要黎食。我地食6:00係第一枱客，但到走既時候都唔夠10枱客，少人得可憐。入到去係坐卡位，並無師博係前面煮，只係有個投射SCREEN睇到個師博煮。叫左2人鐵板燒SET，有湯、沙律、刺身，鮑魚，龍蝦、2款海鮮，2款肉類、炒菜，烏冬，甜品。佢係用張FORM自己TICK食咩，跟住交俾職員。但張FORM又無寫清楚係一人TICK一張定一個SET TICK一張。都研究左好耐先知點TICK。我後尾都見好多客都要問左先識點TICK。指示唔夠清晰，有待改善。沙律無咩特別。牛奶湯稀得可憐，好似飲水咁。刺身少得可憐，一人得一片，帶子仲有一人得個半粒，好寒酸。無咩酒味，同清蒸差不多。一人送半隻龍蝦，芝士煙肉唔錯，但隻龍蝦啲肉好霉。海鮮揀左蠔同三文魚。蠔OK都幾JUICY，但三文魚就太熟，如果入面仲係有少少生就仲好味。肉類揀左豬肉同牛肉。豬肉得4條，少得可憐。牛既份量比較多。第一次鐵板燒食牛唔問要幾成熟，佢煮到差不多七成熟。黑椒汁淨係得個辣字，食唔到其他味，啲牛又UN好似食香口膠咁。十分不濟要左蕃薯同牛油炒雜菌。蕃薯幾甜幾

味房居食屋brings you to a journey of great Japanese taste at one of the most Hotel Chain in Shatin. Diners would able to enjoy a wide range of food from Sashimi, Sushi, Teppanyaki and many more. But when ever 味房 is doing promotion, the restaurant is full of diners and diners have to wait forever before they can eat.Cuisine: JapaneseFood rating: 3/10*Service: 0/10 Ambiance: 4/10Price: HK$250ax* Food Rating: 6/10 is equivalent to 1 Michelin star, 8/10 to two Michelin stars, and 9/10 or 10/1

耐唔耐都會掛住呢度既芝士玉子同銀鱈魚西京燒, 今晚阿媽出左街, 我同家姐又可以去呢度食餐好! 一路行去間餐廳既時候已經同家姐plan定要食啲乜, 點知一坐低個waiter 就 recommend 我地食個新推出既鐵板燒套餐, 話有試食價, 好抵食咁話, 又係既, 成8道菜每位都只係$260幾, 一於試試啦! 話就話係套餐, 但頭盤至甜品都有得揀, 可惜本小姐有選擇恐懼症, 所以交由我呢個又挑剔又為食既家姐拍板 佢揀得開心時我又食得開心! 好鐘意食日式冷豆腐, 清清地, 仲加埋我最鐘意既海鮮 -- 帶子! 同黑魚子配撘得宜, 讚! 第一次飲用北海道牛乳煮既湯, 幾有驚喜, 仲有啲海鮮做材料添~無剌身相囉...由於個剌身拼盤太吸引, 我地食到半路先記得我地未映相 食左咁耐終於到戲肉! 哈~ 我地(我家姐!)揀左鐵板燒大蝦, 青口, 三文魚扒, 牛柳, 羊扒, 炒雜菇同日式蕃薯, 好多野食好好好滿足! 跟餐仲有拉麵或烏冬....大蝦 - 好新鮮好入味, 食落啖啖肉, 正! 青口 - OK 啦三文魚扒 - 表面脆脆地, 唔錯牛柳 - 有濃濃既牛肉味不過略嫌過熟, 如果8成熟就 perf

一連四日既十一黃金周假期話咁快就無左不過就總算可以抖下，過下唔洗早起可以同gf周圍去下既日子 知佢好鬼中意食日本野，一早book左呢間聽聞幾好既日本餐廳，貪佢款式多 (你知d女仔架啦哈哈)，又唔洗等位入到去，唔好講笑，D裝修都真係OK，好有正宗日本居食屋feel，無揀錯啦今鋪哈！原來間餐廳做緊鐵板燒套餐，咁arm仲做緊推廣，原價$388而家位位$264，個價都算正常既，因為個餐連埋甜品包成8道菜咁多，算抵架喇一間酒店黎講 (哈哈我信自己唔會咁易比人呃既)，咁我地兩個就叫左2個set個沙律落左山葵汁，酸酸地，我個人幾中意好開胃。湯就揀左北海道牛乳海鮮湯，牛奶味好濃，俾我估中，gf真係幾中意跟住就到刺身，份量可以啦，不過就幾厚身同新鮮，酒店黎講幾好食左咁耐，終於黎到鐵板燒喇! 間野就有個好似open kitchen咁既設備，gf就好好奇，成日裝過去睇住個廚師點燒。我同佢兩個都好鍾意食海鮮，就叫左大蝦同多舊魚。兩個人加埋可以叫六款，所以真係成桌都係野食。gf鍾意佢唔油，我就覺得d野真係好有鮮味仲有六款肉類，gf原本唔太想食肉(怕肥)，睇見佢即場燒都食指大動同我爭。算啦，今日終於有時間拍拖就一

可能因為我識得唔多人，我識既男性又會肯二話不說同我去食日本菜既就只有一個人...由細玩到大既表哥......就只得呢個男人從來毫無怨言地陪我食日本菜!即使男朋友，一聽到日本菜都say no，因為覺得貴夾唔飽，除非講明之後再陪佢食pizza......所以當想食日本菜而又想試食呢樣個樣，就世上只有表哥好......最近表哥屋企附近間日本野做Teppanyaki's promotion, 原本約埋一行7個cousins趁假期去試，點知約來約去，加上其他三個男士一聽到日本菜即時話下次先黎…結果得番我同表哥！仲要假期後…講真，我初見到menu，話要由湯到甜品各選一，即係8 course meal，我個腦即刻以為個份量會好細......點知…唔係mini size，仲要係好食同新鮮......由其是刺身同肉，個質量真係嚇我一跳！二百六十幾蚊一個人，又鐵板，又剌身，又湯又麵，仲要份量十足，可惜…係沙田......不過又咁想，以後同朋友踏完單車又知多個地方食野，唔洗去新城市同人迫~真心多謝表哥今次迫我入沙田食日本菜而唔就我去港島區

每次來到沙田「新城市廣場」，都會有一股很頭痛的感覺，是擁擠到有人踩人的感覺。。。若想在沙田找一處較閑靜的地方吃晩飯，離火車站約十分鐘步行距離的「沙田麗豪酒店」可能是個不錯的選擇。這次吃到的是「沙田麗豪酒店」的日本餐廳「味房居食屋」，食物質素不錯。小橋流水，裝修也頗有日本風情。「刺身拼盤」新鮮刺身一大盤，齊齊列陣向我們招手，分別有牡丹蝦、帶子、三文魚、劍魚、油甘魚，蔚為奇觀。刺身整體新鮮度不俗，肥美有光澤，最好吃的是牡丹蝦，又是甜得離譜，蝦頭的蝦膏豐腴油潤，完全令人沒有反抗的餘地。反而有點失準的是厚肉帶子，未完全 de-frost，影響了食味。「芒果炸軟殼蟹卷」芒果不是激甜的那種，味道微酸，反而平衡了軟殼蟹的油膩，一脆一軟，尤如阿 Jan 阿葛的一對軟硬好拍檔，整體味道不俗。「味房風燒三文魚壽司」「味房居食屋」的 signature dish，我個人最喜愛這個！三文魚經火灼後，油脂已化成甘香地滲入飯粒，口感豐腴。「加州炸蝦卷」這個有點太普通，蟹子份量不多，炸蝦有點硬，亦不太有甚麼鮮味。「芝士野菌玉子燒」傳聞是麗豪酒店太子女羅小姐的至愛，不足為奇。賣相有點像「一門」，熱呼呼的煎玉子內包著炒

上月跟朋友來了沙田麗豪酒店的意大利餐廳吃薄餅，發現酒店內原來有十間餐廳及酒吧，除了自助餐、中菜廳外，還有日本餐廳，酒吧也有兩間，在香港來說真的很多。住在沙田的朋友也說喜愛來這邊吃飯，比起人迫人的新城市廣場，這裡人較少，地方寬敞夠大，環境亦舒適，這晚也跟幾位朋友來了日本餐廳吃晚飯。 先來點枝豆及沙律，喜愛吃豆類等小食，味道鹹鹹的，但口感過濕一點。也開了一枝酒， 除了酒，也點了一杯熱飲，想滋潤一點，就要荔枝柚子蜜，甜味正常，但內裡的荔枝就不太好吃，味道有點古怪，所以再點另一杯時，只要了柚子蜜。先來是刺身拼盤，分別有帶子、三文魚、油甘魚、劍魚及牡丹蝦，排得漂亮，賣相豐富又吸引。三文魚單看脂肪紋理，己知肥美，充滿光澤，入口油潤，魚油甘香突出。牡丹蝦味道鮮甜，其蝦膏更不能錯過，大啖的吸啜入口，吃得滿足。帶子十分厚身，質感軟嫩，味道也鮮，只是還有點未完全解凍得好，其鮮味也未能發揮，影響了口感及味道。三款壽司，先是芒果炸軟殼蟹卷，小卷切得工整，芒果及飯包捲著軟殼蟹，軟殼蟹本身脆口，而且並不油膩，加上芒果，微酸的作用下，吃下感覺更不覺濟膩。味房風燒三文魚壽司，經火燒後的三文魚油份擠出，滲滿飯內，甘香