和花亭壽司 (已結業)

好同意前面的食家莎小姐的講法，唔明做乜要迫我地係度等，連攞飛都要排隊真係好誇張，係咪想營造多人的感覺？我覺得真係有料的話唔需要靠呢d囉今日我同男朋友七點幾黎到，都等左一粒锺..仲要係度乾等..講番d野食，真係唔錯既..食左..芝士饅魚--好好味，兩者好夾雙色軍艦--好鮮味熟帶好--口感好特別三文魚--好新鮮生帶子--好鮮味墨魚--冇乜特別但都唔錯溫泉旦鳥冬--好特別，隻半生熟旦好得意牛肉沙律--呢個冇乜味凍豆腐--不錯牛肉海胆軍艦--兩者都好新鮮呢度d食物其實可媲比板前..但入座安排方面真係有待改善，希望有關方面可正視些問題！

今日同媽咪出到MK~同左佢去佢好中意食既和花庭喇!叫左:1)三文魚sushi<$9>,不過頭個幾碟唔係咁厚,之後就好好食,好新鮮呀!!!!XDD....2)辣味三文魚sushi<$9>,好食,不過唔夠味,唔夠辣,都好食!3)炸野,menu上冇的<$15>-炸軟hok蟹,ok好味,但係凍左>.<overall,佢lunch好正呀,又有lunch set!不過冇試到因為要reserve個位比Tea!佢有咖哩牛肉udon,好似好正,又香wor,不過都係冇機會食lunch lu黎呢度!要番正喇>.<

早幾個月前第一次食和花亭，都幾好味喎，特別係芝士鰻魚卷& 玉子壽司，好好味，佢間唔中會敲鐘有特別推介，好得意。上個星期去咗APM果間，冇咁好食，玉子壽司落order叫，凍0既而且唔juicy，芝士鰻魚卷都好似冇咁好味，而且坐咗大半個鐘都敲鐘特別推介，下次要去返始創果間。

今次又黎太子同媽咪食飯~想食日本野,,so黎左呢間野sushi~去到唔洗點等,,以為生意一般,,(當然味道應該都一般)入到去坐低,,俾我第一個感覺就係,,環境算係舒適,,但最緊要係....員工態度出奇地好!! 我只係自己推入一d 張椅,,佢都同我say sorry~ 以為係佢做得唔夠好~當然我都十分開心有d咁好既員工~ 味道同款式方面,,當然唔差...比起元綠,,呢間野好食好多...起碼佢d sushi 夠"實"唔會散先啦~食左咁多碟sushi,,原全食唔到有邊碟會特別差(當然係用一般眼光去睇,,如果同"櫻田"比較,,酒店式享受就無得比啦) 唯一我唔係咁滿意既係,,佢杯綠茶係用茶包整...所以味道時淡時濃<~~~呢樣真係唔得! 走果時買單..161... 好抵,,值得再試喔~ 推推

之前未去過，但男友對佢又讚不絕口，都真係要去試下。7:15pm去左等位，可能係星期一，而且兩個人，都唔算多人，等左15mins都唔洗就有位；男友黎唔切，recept都好禮貌咁同我講要等齊先入得去，我一齊人就會再arrange畀我地。入到去位置都算係闊落，d waitress既reaction都好快，連壽司哥哥都會同我地講野，見我地想食仲幫我地落單。和花亭都有好多新款壽司，例如咖哩甜蝦壽司同魚肝壽司等等，令人好impressed的仲有好滑的日式蒸蛋、有隻蛋0係上面的冷烏冬同埋好大隻蝦的天婦羅蝦壽司……每隔一段時間，師傅仲有敲鐘介紹特別的壽司，數量有限果種，食客係咁舉手，氣氛都唔錯。食左咁多間，我覺得和花亭都係above average既，連鎖式黎講，好過好多間ga la~

強迫客人要番o係度排隊冇得拎飛仔過一陣先黎睇下冇位，一d都唔照顧客人既感覺，呢一點係真係扣晒分lor。晚飯時間平均要企o係果度一個鐘，每個人都要浪費咁多時間剩企，我希望和花亭既管理層可以改善呢樣野，個客有heart想黎食野你應該treasure而唔係以佢肯企住黎等先覺得佢有欣賞你既食物的誠意!論食物，呢一間我覺得係幾好，甚至可超越板前，連咀叼的朋友也說這裡的海膽很好，物有所值! 希望keep住食物的質素，改變服務，令人客食都食得開心d!

猶記得一年多前，和男友第一次食和花亭，真的很不錯。但漸漸被板前比下去了，已經很久沒有再光顧。這陣子板前又出事，我倆就到和花亭，順道回憶一下!試了三文、鱆紅、半熟蝦、軟殼蟹手卷、蒸蛋等等，一點都不出色，而且飯的口感真的可以說差，太硬，我倆都覺得比以前差多了!真的愈食愈頹呀。服務也不好，桌上的按鐘形同虛設，找人take order都要等很久。而那些壽司師傅一點都不專業，工作時玩樂說笑，而我們更親眼看見一位壽司師傅將壽司倒在客人身上，弄到那位女客人衣服上沾上了醬油，而我都沒有聽到那些侍應說對不起，只是機械式的拿了些濕紙巾給女客人便了事。唉，真的要給喊面一個!

和花亭一向是我和老公的心頭好。其他如元氣,峰,羽, 一, 明將壽司等我們都有時去, 都是覺得和花亭好!今天我和老公又去了, 因為知道七時以後一定要等, 所以早了去!坐下來後, 唔知係唔係太早(大約六時三刻), 吧檯轉帶沒有壽司,只好order! 旁邊的男客人不停同吧檯師父傾計, 看似熟客。我們都好煩擾!不過我們覺得不應干涉別人的私交, 只好吃壽司!吃到差不多七時, 吃到差不多, 想起了我還未吃我喜歡的吉烈蝦壽司, order了一客, 等了約十分鐘就到。剛吃完那一碟後, 有一位女侍應問我們:"仲有冇野漏, 如果冇就...", 之後有另一男侍應搭訕:"冇野咖啦, 唔好意思!"我們都覺得突然, 似是趕我們走, 很不高興! 那就走! 埋單時, 我問一個好似係manager的女人取意見書, 她問我有什麼事, 我就對她說了那女侍應在趕客, 是否有時間限制。當然我們知道說了些廢話, 根本是沒人理會的。走出了門口, 看見了一條長龍, 約廿至三十人。我們明白到什麼一回事!一間出名的壽司店, 竟然沒有意見書?其實我們都不想吃太耐, 因為隔離的客人和師父時常傾計, 好煩擾! 壽司師父不停同客傾計, 噴口水,

下晝4點幾黎食壽司, 得1, 2台客, 三文魚, 帆立貝壽司都ok好味, 但墨魚就好唔店, 非常難食!! 非常硬同un, 可以話o趙都o趙唔到!!可能無咩食客, d師傅同waitress係度大聲講笑, 俾人好唔認真既感覺, 而且waitress成日唔知去左邊, 要搵佢落單, 埋單都搵唔到人!

今日6:40黎試下呢間壽司店, 我地兩個人即刻有位, 唔洗等, 食左其11 碟壽司, 整體黎講都好好食, 係既新鮮又有水準之作, 值得一試! 不過有樣奇怪就係d 壽司師父好多時都係度傾計, 用日文叫歡迎時又太大聲, 有少少唔好. 另外, 佢地有個廚司推介, 會響鐘再用咪介紹有咩好野食, 之後d 食客會好似競投咁落order, 好鬼死過癮! 今日食左既壽司, 以呢幾款最好: 1.鰻魚卷2.三文魚壽司3.魷魚壽司4.煙三文魚壽司5.龍蝦脆壽司今日埋單$233, 價錢ok! 但間店好長, 條路比較窄.相片可參考:http://www.fotop.net/thxdtsdd/eat

我耐唔中都好喜歡光顧呢間壽司店，男友仔亦都好鍾意食呢間嘅壽司。我哋覺得佢嘅價錢對比返食物嘅質素都算好合理。環境又乾淨企理、service 亦好好。有一次，我男友仔生日話去呢間店食壽司，我哋叫咗某一款壽司，個師傅話剩返最後一塊啦，所以免費送埋俾我哋食，所以俾兩”舊嘅錢有三塊食啦，幾開心呀。三文魚一直都好好味又抵食，只係$9蚊咋，另外，山葵八爪魚壽司、”魚立”魚壽司、甜蝦壽司、吉列炸蠔、炸雞翼、三文魚子飯等等、都係我們經常叫又很喜愛嘅食物。一諗起想食壽司，就好自然想起食呢間。只可惜門口成日都大排長龍，所以有時都會因為怕等而唔去。或者叫外賣拿走慢慢嘆。尖沙咀果間都好多人，所以好希望佢開多D分店、或者開大間D啦。

上星期三(13/6)朋友同我慶祝生日，我不想他破費太多便說不如去和花亭，因我之前食過lunch都ok，怎知竟換來一肚氣！！！七時已排到很長龍，侍應小姐問order枱座不座，為免乾得惟有ok啦...食物方面:1.蝦(無論甜蝦or牧丹蝦)全部好腥~~唔新鮮2.三文魚剌身味如嚼蠟...3.最最最離譜就海膽壽司，一端上來已發現海膽呈奇怪的螢光橙色，似海膽醬，一"pat pat"...但因我太鍾意食海膽，不理三七廿一放了一舊入口...救命呀!!!係坑渠味，好臭呀！！！我立即"lur"番出嚟兼大發雷霆投訴，一個好像Manager的女人敷洐了我幾句，話同我cancel單便當無事！！！激氣！！最憎D食肆妄顧食客安全，壽司、剌身比D唔新人食，簡直草菅人命!!列入black list之餘仲毁了我一個大好的生日餐!!

之前同學和我說她與小學同學聚會在和花亭,壽司好食,所以決定和朋友去吃雖然要等位(那時7點左右),等都不算太耐,可能有得玩NDS吧,半小時內入到去.入去坐在迴轉壽司枱前,三文魚壽司幾新鮮,又鮮甜.吃了兩至三碟~之後的魚子壽司也很好吃,壽司飯味道適中.還有帶子壽司也不錯.叫了一個三文魚湯,我就覺得味道和媽煲的老火湯差不多感覺.不算十分難飲,但材料都算交足.朋友也說沒甚麼特別.我就覺得沒驚喜.最好吃的是鰻魚壽司,燒得剛剛好,加上醬汁又特別,除了味道好,口感也很特別,魚皮少少脆,魚肉又爽滑,朋友吃到要叫多兩碟encore=_=+壽司很精緻好看,吃十碟八碟都差不多飽了.表妹也和我說去過食,評價也不錯~所以看到咁多劣評都有點愕然.

你可以話我偏心, 但我覺得板前好d去食和花亭既, 多數自己order野食, 壽司line上面既壽司, 好多放到乾晒冇人理, 見到都唔想食前幾日去食下午茶, 叫佐牛肉湯烏冬($28), 烏冬未到前, 發現有下午茶特價壽司, 正常價錢但有3件, 我要佐魷魚"so"壽司($12), 味道ok, 沙甸魚壽司($20), 好味道, 之後見到人地叫海膽壽司($35), 又忍唔住叫佐, 個海膽壽司好奇怪, 一半溶溶地, 一半超級新鮮絕對冇溶, 兩舊都係咁, 最後個鳥冬先黎, 已經食唔落, 因為天氣熱茶又未凍, 再叫佐個7-up, 飲佐少少, 仲飽, 但見個烏冬幾彈牙又幾滑, 所以食多幾條最後, 我都係覺得板前好食d \"/

友人選址是此店，再三勸阻後無力改變，結果還是要讓她碰釘吧。我選擇不吃，只飲汽水，而友人叫了那午市套餐：牛肉烏冬及數款壽司類，它那壽司，玉子、北寄貝、帶子等等，沒有一款是不散，她說壽司飯是暖的？而那牛肉烏冬，她吃後全不察覺是有味的，是開水的，而我則試了少許，十分認同，與侍應要求更換，他還說了：「本身是這樣味道的。」那不如你試試吧？理論過後，終於更換了，味道是截然不同，有理由相信是他們將水當作湯，但友人已經不吃，同時亦相信我的選擇，結賬離開