和花亭壽司 (已結業)

前兩日0係銅鑼灣諗唔到食咩就去左和花亭食,但係由reception到waitress既服務態度都差,又叫極到冇人應,就算0的野幾好味都冇用,如果佢地諗住趕客呢招都唔錯,因為我地食得好冇癮下次都係去番尖沙咀分店好了

只可有這兩字"不能"完全不新蘚，沒美感! 現時日本料理競爭非常激烈，他們還可做出這樣的食品一定會被"叮"

今日第一次去食,超低能等了個半鐘,食了:炸蝦壽司好大隻,超脆！帶子壽司ok啦！咖喱燒甜蝦師傅教我唔好點豉油食因為巳經有醬喺壽司度好味,女朋友叫了咖喱塩燒三文魚壽司又幾特別，食食吓有廚師推介都未聽清楚喺咩就比人要哂！不過好快又有第ニ次廚師推介係燒銀柳魚幾大都要有D似多春魚但無春？？跟住仲叫了其他嘢食......今次食咗2佰幾蚊整體好過其他迴轉壽司鋪,起碼D師傅會同你笑吓！教吓你點樣食先至好食嘛！仲有個推介真係幾得，咁都比你諗到！平時閒日食2佰幾應該牙痛咁聲,但今次又無喎勁搞笑！

甜蝦好大隻，好好味~ 新鮮~ 不過甜蝦寿司兩件4隻蝦$20，但甜蝦刺身就只得5隻蝦(連蝦頭)，好似有d奇怪…汁燒帶子寿司都好好味~睇佢迴轉中的寿司，d魚生好細件，冇乜興趣…除o左以上兩樣，其他真係好一般…以咁o既價錢，板前同峰好好多，唔會再黎~

上個禮拜去食...唔知係自己唔好彩定係呢排轉天氣既關係...又冷又熱...食完就覺得中焦...我同朋友去,我叫左個雜錦魚生飯,之外仲叫左D小食。個飯其實D料都幾多,不過其實D魚唔似係新鮮,全部都係頭頭尾尾切埋既!!D魚全部都有筋,有D失望!!!翻到屋企仲肚柯...算啦...唉~真係...一定冇下次!D夥計完全係當人透明,我試過舉手叫佢地,佢地可以行過之後,我再舉手,都一樣係冇人理我...都唔知係咩野服務態度...除非話要加order佢地就會好快過黎...呢個社會係現實既...唉~

本人係勁鍾意食日本野既, 但呢間野刺身唔新鮮, 熟食又無咩特別, 旺角咁多選擇, 一定唔會再考慮呢間囉!其實呢間野新開既時候唔錯架, 又坐得舒服, 但而家就真係.......連服務態度都差埋, lunch time更加叫極都無人理!!

去樓下間活壽司食到想嘔（難食到嘔），心有不甘於是就響和花亭再食！（加等朋友）好耐冇０黎喇，個餐牌內容都轉哂咁濟。一心想食燒玉子蛋，佢地話依家唔再出，只有玉子蛋壽司，睇個餐牌玉子壽司同燒玉子蛋冇分別（？！），問經理‘唔要飯得唔得呀？’佢以為我係癲０既唔理我仲走鬼左添＝Ｏ＝先食個炸野菜壽司，等左好耐先０黎（期間睇住４男１女壽司師傅響度哂花昌＝ｏ＝）．．．味道係預期之外好食，仲唔油膩添！朋友來到了，因為佢食左午飯唔食壽司了，加上我又飽飽地，最後忍唔住叫個玉子壽司～原來所謂壽司係響厚厚０既玉子入面塞幾粒飯，不過咁０既飯量至合我心意！（哈）玉子熱呼呼的甜甜的好好食呀～～～～＞ｗ＜

過果個星期日，一大班fd 去呢間舖食壽司聽某fd 講呢間好好食，攪到我非常咁期待...個fd 仲話會好多人排...所以六點幾就去到...果然...六點幾籌輪位，個number 仲要唔係太前...結果我地等到七點幾先有得食...埋到張檯...霸個埋邊位坐，貪個位隔離就係條迴轉壽司軌，夠就手但係...過一陣就失望了...轉轉去都冇心水0既壽司....我睇住同一碟壽司我面前經過兩三次都未到一碟我想食0既...雖然可以點餐牌上面果D...但款式未免太少了...結果...攪好耐先食幾碟...三文魚、北寄貝、墨魚壽司...食落冇乜味...火炙平貝壽司...燒完仲唧沙律醬面...我同我女朋友都食...一致評為"難食"呢間舖...食0既花款太多...但係基本0既反而少...味道又唔係話好好...下次俾我揀...我會揀峰或者板x

星期六同媽咪出旺角食lunch，佢話想食壽司。好耐冇嚟和花庭，結果帶咗佢嚟。好彩不用等位，重可以坐六人大卡位添。order 咗:1) 三文魚壽司($9): 因為冇三文魚腩壽司，所以唯有叫三文魚壽司。失望，三文魚廋、薄，好差。2) 魷魚鬚壽司($9): 魷魚新鮮，唔錯。3) 雙色腐皮壽司($15): 第一次食，腐皮有甜味又軟熟，內有蟹籽+碎蟹柳，好味道。4) 平貝壽司($15): 隻帶子超細，又亁又薄，完全唔新鮮，好差。5) 蟹籽甜蝦卷($25): 唔太記得個名，但甜蝦上有蟹籽，下面是個飯卷，好大件又好味。甜蝦都算新鮮。6) 吉列蠔壽司($20): 面脆內軟，唔油，蠔好鮮味。7) 天婦羅盛合($38): 兩隻大炸蝦好長，蝦肉好爽口，唔錯。重有D墨魚、蕃薯、南瓜、茄子天婦羅等，都好味道。廚師的服務態度比待應好，廚師成日都要幫客大聲叫待應埋單。食物款式多，新鮮好味，唔錯唔錯。理單$144.1，以佢嘅質素，都算好抵食。比X氣、X綠好百倍。

今日終於得閒去試和花亭。其實o係佢新開無幾耐ge時候，已經幫襯過一次，印象好好！兩個人食咗11碟。三文魚—新鮮，脂肪均勻。不過就好薄，薄過峰同板前。劍魚腩—都好新鮮，不過略嫌有渣。炸蠔—超好食，好新鮮，蠔味好濃，炸得好脆！平貝—唔知係咩，之前o係其他sushi 店未食過，不過好味，質感好好，有D爽，又有D似帶子，幾特別！吉列蝦—真係好吉列，好脆，不過隻蝦好實，又薄，唔係好食到有咩特別。天婦羅炸蝦—呢個最唔得，雖然隻蝦都好長，不過"o拿"過架，食到soda powder d 味，o拿口。日式玉子冷烏冬—有一大隻生雞蛋，加幾條烏冬。烏冬超彈牙、煙"un"，好好味。不過隻生雞蛋有D驚囉！應該無野ge日本雞蛋。吞拿魚手卷—好好味，好多吞拿魚，好新，即叫即整，GOOD~總結：好味，不過硬係覺得唔夠正宗，可能因為全部師傅都係香港人，無日本師傅。

整體水平一般，或許之前期望太大，是否關係於旺角分店問題?飯粒略硬，有點鬆散，壽司最講究的飯弄得如此，應要加以改良了。墨魚鬚壽司，三文魚石狩湯及蝦tempura壽司不錯，可以一試。不過，這個價錢，食板前會比較開心。

和花亭不知食了多少遍, 最喜歡的是- 芝士炸蝦壽司- 鰻魚芝士卷- 軟殼蟹野菜卷- 牛肉沙律- 另外: 每晚的"廚師推介" 通常會叫"3文魚頭"...但幾乎每次去到都人頭湧湧....>_<

昨晚去始創和花亭晚膳, 旁邊嘅人客因餐廳工作人員的疏忽, 險些發生意外. 雖然意外幸未發生, 旁邊身穿黑色制服的女服務人員仍忙不迭慰問受影響的食客, 服務態度及反應一流, 值得一讚.

早陣子飲食男女把它選為全港最佳迴轉壽司，且看看是否浪得虛名。吃了劍魚腩、三文魚和平貝壽司加一冷烏冬。未曾在其他壽司店吃過平貝，味道像江瑤柱，幾得意。但不知是否不新鮮，看上去乾爭爭的。咬落也不見得juicy~~三文魚和劍魚腩也不甚突出~~~但冷烏冬則很有咬口，和在赤丸製麵所吃的一樣(是因為同一集團？！)比在板前吃的好多多聲！這店食物的味道是不差，但是否全港第一則見人見智~~~備註︰飲食男女稱眾和花亭裡以尖沙咀店最好，是日試的是旺角店，結果未必公允。但個人認為若連鎖店的QC做得好，每間分店的品質應不相上下。

果日咩咩睇完醫生返旺角行，記得有網友話呢間好抵食，特登由信和行到去始創幫襯。由於係閒日下午茶，所以人好少，真係唔好叫d冷門野黎食，d魚生唔係咁新鮮，咩咩最鍾意食紅鱆魚唔信邪叫左一碟，但係見到舊魚生唔係咁新鮮，唔想擺落口。大家如果見人少叫d揚物食安全d。個茄子炸得幾好食。服務態度幾好，旺角真係難得一見。不過下次我諗會揀人多果陣先叫魚生=.="我果日返到屋企覺得個肚唔係咁舒服...