咖吔

營業中

休息中

今次介紹呢間新加坡餐廳鄰近沙田站，裝潢雅緻，座位舒適。食物方面，海南雞飯相當出色，必試🥰 🦀參峇蟹肉配炸饅頭 $118新加坡菜必試菜式之一，蟹醬以大量蟹肉絲、蟹膏煮成，帶非常濃郁蟹鮮香味。炸饅頭外脆內軟，唔會太乾身，而且唔會太大件，食完都唔怕滯。 🥚新加坡鹹蛋黃單骨雞翼 (6件) $75雞翼雖然經油炸，但仍然保留大量肉汁，雞皮亦唔會炸得太硬身。鹹蛋黃醬帶香濃鹹蛋黃味，但唔會太鹹，仲有少少甜味，味道相當有層次😋 🦐馬來炒貴刁 $128整個貴刁以大量老抽、生抽炒成，相當惹味。配菜種類較多元化，有鮮蝦、芽菜、臘腸、雞蛋等。餐廳貼心地將辣椒碎同花生碎分開放，客人可以自行控制辣度。面底以河粉、油麵組成，口感特別。 🐔海南雞飯 $88餐廳選用三黃雞，肉質嫩滑、脂肪豐滿且味道鮮美。因用冰水過冷河，雞皮頗為爽滑，配合以雞油製成嘅油飯，整體鮮味更突出。三種醬汁分別係薑蓉、辣醬、甜黑醬油，將海南雞味道完美昇華😍

今朝工作比較忙， 停得手黎原來已經接近下午茶時間， 本身諗住快靚正去茶餐廳食午餐，經過見到d 間下午茶幾抵食， 食物同賣相都ok , 平均$5x -個餐， 已包－杯餐飲.大街咖喱麵: 咖喱味濃， 微辣，每啖麵都掛滿咖喱汁， 又唔會太流， 份量都多， 基本上食曬都飽大蝦青木瓜沙律:有幾隻大蝦， 新鮮彈牙， 青木瓜清甜， 加埋個汁酸酸甜甜，好開胃， 夏天食唔錯， 有時唔想食沙律菜食d 個都係另一個選擇南洋白咖啡: 提神之選， 咖啡味濃， 返工必叫

嚟到沙田呢個新裝修嘅好運中心，見到商場外圍當眼有兩個大字［咖吔］，就知會有新加玻地道嘅食物～我至愛嘅星州海南雞🥰嗌咗個二人套餐，雞油飯香而不膩，粒粒分明夠乾身，雞肉嫩滑肥瘦適中，皮肉分離，甜豉油、酸辣計和薑蓉三種醬料都好食，蘸上無骨嫩滑雞肉送飯，啖啖都係出色嘅味道😋街頭雞串肉很juicy吾嚡，厚身彈牙，非常香口❤️五彩自家手打蝦餅，即炸熱辣辣，外脆內香！藍莓巨峰梳打和香茅鮮橙茶冰涼可口，解渴解膩，值得推介😍😍櫻花蝦柚子沙律，柚子味道好清新，酸酸甜甜，食完特別開胃，配埋櫻花蝦就大大提升了口感。馬拉盞通菜炒得入味，軟硬適中又吾太咸，爽脆好食。

♡‎ ♡‎‎ ♡‎ ♡ 沙田 - 咖吔 ♡‎ ♡‎‎ ♡‎ ♡‎ 『 星馬下午茶 🫖 chill chill 先～』屋企附近有間星馬菜平時好多人 今日襯住下午茶嚟試下先～🔹街頭雞鴨絲湯粉$49最近keep fit 中 所以揀咗款清湯米 雞鴨絲份量多清清地 食完都好夠飽🔸海南雞飯 $68啲雞有啫喱仔 好開心 滑捋捋🪄個碗係雞油飯 香香的仲有碗湯仔可以濕下個口🩵海鹽雪糕椰汁珍多冰 +$12一向對海鹽嘅副制品 例如海鹽雪糕 /咖啡 都好喜歡今次仲要有椰汁珍多冰超吸引啊！又可以不嚟食雪糕 亦可以撈埋一齊飲唔會太甜幾好◆*．◆*．◆*．餐廳資訊◆*．◆*．◆*．📍 咖吔 (沙田)沙田橫壆街1-15號好運中心3樓3008-3009號舖

服務極差永不要去餐廳 去完呢間餐廳明白點解 香港人番大陸食因為就係有呢d咁嘎餐廳 本身約朋友慶祝生日 餐廳員工已經拎哂 盤同叉突然收到經理話唔準食 出面有寫 就算加錢都唔得根住算了 唯有走 但外面根本無寫 您見到 拎住蛋糕果時都可以講聲 我都唔比食外來食物 ！咁我地一定立即起身走拎位經理又串串拱 已經我比錢您 洗唔洗咁嘎態度 打死都唔會再去

等位時負責帶位既職員好好人，提我哋有限用餐時間，齊人先入好啲。點知入到去係另一個世界。如果想開開心心食餐飯，就唔好嚟呢間。食餐飯都勁大壓力，由落單到上菜去到食完都勁多說話俾我哋聽，甚至未食完就要收番啲碗碟，仲要係問咗好多次，好似想趕我哋快啲走咁。眼見好多餐廳冇呢度咁差都要執笠，真係唔明香港發生咩事。我哋五個人叫咗4人餐再加小食，食物質素尙可，但性價比唔高，冇乜驚喜。如果有得揀就去附近其他餐廳，唔洗受氣。

❣️下午茶時間經過見到好多人排隊的新加坡餐廳🇸🇬。門面幾靚，座位寬敞。望埋餐牌親民價錢，於是乎就入去試下😁下午茶menu 都有不少選擇，有飯有麵有小吃，而且仲包嘢飲！🌟海南雞飯 $68 🐔無骨海南雞飯搭配三個經典醬汁。冬瓜青雞湯有着冬瓜蓉提升口感。米飯雞油香，又有淡淡椰香🥥入口唔會太油膩，十分好味。雞肉入口鹹味剛剛好，加上酸酸甜甜醬汁好清新，肉汁鮮嫩，不會柴🤓🌟檳城蝦麵 $58 🦐有五花肉、蝦、豆腐pot、炸蒜。鮮蝦湯底厚實，米粉油渣麵雙溝，獨特新奇，擁有多重口感。🌟串燒拼盤 $65 🦑雞肉、魷魚、蝦。伴隨着沙嗲醬，有輕微辣味提升惹味同埋鮮味。值得一提的是蝦已經剝了殼。魷魚都相當有咬口。🌟椰子班蘭冰 🥥椰子味重，夾著淡淡班蘭香味，沙冰口感入口清新，簡直係消暑聖物。🌟凍白咖啡 ☕️啡味濃郁，口感嫩滑，帶點兒花香味。後有甘甜味。

新加坡鹹蛋黃單骨雞翼$56/6件炸得乾身鹹香酥脆，外皮充滿鹹蛋香氣大蝦青木瓜沙律開胃菜式colorful爽脆沙律木瓜及其豆角、蘿蔔絲得，辣得刺激～新加坡喇沙 $56蝦，雞蛋，魚丸，魚片，菜，豆腐卜，黃麵條，極豐富喔～加埋叻沙湯底濃厚微辣，搭配彈牙米粉同油麵海南雞飯 $68肉質好嫩滑，皮薄有彈性，香油飯軟糯點埋辣汁最開胃，另外仲有黑醬油同薑蓉配爽口青瓜。熱飲+ $3/杯☕️南洋白咖啡｜🍊香茅鮮橙茶南洋咖啡香、醇俱備仲可以揀甜度凍熱飲香茅系列，仲有支棍搞吓幾過癮❄️凍飲+ $6/杯桔仔話梅水｜香茅青檸荔枝梳打解渴清爽系列兩杯都有薄荷葉一杯淡然荔枝味，冷一杯酸酸甜甜全部都好Natural

咖吔 - 沙田地址： 沙田橫壆街1-15號好運中心3樓3008-3009號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：海南雞飯 $68，街頭雞鴨絲湯粉 $49，椰子班蘭冰 +$12，凍香茅鮮橙茶 +$6海南雞飯：包括嫩滑的雞肉和香氣四溢的米飯。雞肉經過燉煮後，肉質鮮嫩多汁，充滿了雞肉的原汁原味。米飯吸收了雞湯的精華，散發出香氣，顆粒飽滿，不黏不糊，加上醬油、薑蓉、辣椒醬，十分美味！😄😄😄街頭雞鴨絲湯粉：鮮嫩的雞肉和鴨肉絲，肉質鮮嫩彈牙，一碗湯粉兩種滋味，米粉煮得剛好軟硬適中，易於咀嚼，湯粉的湯頭清淡鮮美，不會太油膩，讓人能夠品嚐到原汁原味的肉香！👍👍👍椰子班蘭冰：椰漿帶來了濃郁的椰子香氣和滑順的口感，而班蘭則提供了一種清新芳香的味道。兩種風味的融合使得這杯飲品的口感與眾不同，讓人愛不釋手！😍😍😍凍香茅鮮橙茶：新鮮的鮮橙榨汁提供了濃郁的橙味，讓茶的口感更加鮮明。同時，香茅的加入增添了茶飲的芳香氣息，使得整杯茶更加清新！😋😋😋

又到中午放飯時間🕟工作忙了一個早上中午要食餐好的😇二人餐好豐富👍有飯，飲品，小食，例牌海南雞，仲有菜，正！非常滿足🍚油飯(2碗)油飯濃郁香芧味，飯軟一點更好味🐓無骨海南雞鮮嫩滑，剛好是係雞脾部份🍤五彩自家手打蝦餅(2件) 賣相靚之餘，味道相當不錯，扑扑脆，彈牙蝦餅配上特制醬好味，醬汁似有點酸甜芒果醬好特別🥗櫻花蝦柚子沙律柚子好清甜，蕃茄仔健康，前菜開胃🥦馬拉盞通菜香噴噴蝦醬炒通菜，通菜當造期一D都吾老，幼嫩🥤凍香茅鮮橙茶🥤籃莓巨峰梳打夏天飲杯凍飲非常涼快

海南雞飯🍚依度嘅下午茶去到6點，趁未截單即刻落咗個下午餐，海南雞飯望落同其他時間叫主餐牌嘅差唔多，有一碗滿嘅油飯同埋冬瓜雞湯，冇變得迷你，所以時間啱嘅話食下午茶會抵啲～海南雞個個部位都有啲，雞髀、雞胸、雞翼都有，雞髀肉固然比較滑，但係即使係雞胸都唔會好嚡，海南雞飯目測係比較多人叫嘅茶式👌鹹蛋黃單骨雞翼炸得幾脆，味道主要靠底下嘅鹹蛋黃醬🥢跟餐可以加配飲品，普通熱飲嘅話最平加$3，依杯海鹽雪糕椰汁珍多冰特飲就要加$12，飲完透心涼🍹

Order了指定信用卡優惠既2人套餐，$268套餐包括有無骨海南雞飯、油飯x2、單骨鹹蛋王雞翼、馬拉盞炒通菜、木瓜大蝦沙律、2杯飲品好快就上咗海南雞飯，雞好滑漏，飯都幾香雞翼充滿鹹蛋王，好香口，而且單骨方便進食通菜少辣，正常發揮食到咁上下，碟菜都食完，雞翼又清埋，都仲未上沙律同野飲催一催，再等左一陣，沙律到喇，但係變咗柚子沙律叫換又等左陣，先上啱生木瓜切條上，豆角都係生，個人覺得味道太青，唔係太接受大蝦2隻，正常野飲又係要催先上到，而且又係搞錯咗凍飲個杯比較細，好快幾啖就飲晒其間不停有人黎上菜，唔知係侍應落錯枱號定係點，感覺相當混亂

這間地道的南洋小店，是頗有名的連鎖店，在晚市時段意想不到地非常多客！裝潢設計光亮乾淨，價格也合理出品🐓🍚海南雞飯拼白胡椒肉骨茶 118.0一飯兩食！嫩滑的海南雞飯，三種醬汁我最愛的還是濃醬油！泰式辣汁則比較解膩配上細細碗星洲版，帶胡椒辣味的白胡椒肉骨茶，抵食🍤香芒大蝦米紙卷82.0爽脆！椰菜跟蘿蔔絲都很足！纖維豐富，芒果🥭跟大蝦🍤有夠甜！🍜新加坡喇沙摻摻 88.0豆卜 魚🐟蛋，蝦仁🍤 半熟蛋 一應俱全，湯底椰奶味濃郁！我最愛的喇沙版本！🥪班蘭咖央多士 36.0牛油🧈跟班蘭咖央跟麵包🥯比例調配得好，入口相當似菠蘿油，是令人喜歡的味道，沒有過甜！咖吔 (沙田)沙田橫壆街1-15號好運中心3樓3008-3009號舖

咖吔 (沙田)海南雞飯海南雞飯係經典東南亞美食🔥簡單又極具風味特質😋首先雞肉煮得非常嫩滑，充滿濃郁雞香味。每一舊都回味無窮。再加上特製辣椒醬、薑蓉醬，增添晒豐富層次感同味覺衝擊。總體來說，海南雞飯簡單又美味🥰新加坡喇沙麵濃郁既椰奶湯底同豐富配料聞名既喇沙麵。湯底香濃醇厚，椰奶香氣和辛辣既咖喱完美結合，一試難忘。麵條則是軟硬適中，吸收晒湯底精華，每一淡都充滿晒香辣鮮美。配有鮮蝦、魚餅、豆腐泡和煮蛋，每一種配料都增添晒唔同既口感和風味。蟹粉巴東牛肉焗酥盒蟹粉田東牛肉焗酥盒是一份創意十足既點心，將蟹粉的鮮美與牛肉既香濃巧妙結合。酥盒外皮金黃酥脆，咬一淡時發出脆響。內餡則是精心調製既蟹粉和巴東牛肉，蟹粉鮮甜和牛肉濃郁相得益彰，口感豐富層次分明。外觀十分精緻。地點：沙田橫壆街1-15號好運中心3樓3008-3009號舖

好耐冇食過新加坡菜，所以就決定去主打星馬泰菜嘅 Kaya 咖吔🍜我order咗無骨海南雞配香油雞飯🐔，仲有娘惹茶燻鴨喇沙摻摻🪿，再配返個馬來拉茶，同馬來芒果汁配芒果雪糕🍨海南雞好滑好有油香，而且唔算好肥，所以食落唔會覺得油膩👍🏻；燻鴨喇沙摻摻都好有驚喜，鴨胸好多件，食極都有，而且好惹味，帶少少辣，越食越開胃😋另一個值得一讚，就係呢到嘅芒果汁。原本以為只係一個小小嘅雪糕，點知原來係一個極大極大嘅雪糕球，好抵食😍