咪走雞餐廳小廚

營業中

休息中

剛剛起身個腦完全諗唔到野，早晨套餐寥寥可數只得幾個，無咩選擇，再次隨便食個即食麵算喇。腸仔太陽蛋走包，油淋淋而內內外外都不熱的腸仔啊，硬兼咸，no good ﹗比少少 heart 做菜好嗎？炸透一下就好食百倍啦 ﹗冰凍太陽蛋，唔熱包換嗎？早知掉晒腸蛋落碗麵度暖暖先啦，失敗 ﹗雪菜肉絲湯米，大大劈雪菜肉絲漿呀，好足料到完全張米粉掩蓋 ﹗大量杰撻撻雪菜肉絲味濃十分夠味，用米粉夾著大大注一齊趙，好好食喎 ﹗卡邦尼火腿絲奄列走包，有新意，不過不失，幾好既。卡邦尼汁帶淡淡芝士味，杰杰的黏在奄烈上齊齊食，開胃醒神。雖然早餐都預左一早煮定，但凍冰冰都照出，真係有點過份喎。送牛油多士但朋友仔忘記走包囉，我自己份早餐已走，大家都同樣唔食多士，唯有掉左去啦，有點浪費。火腿奄列，肚餓到忘記要轉太陽蛋添。普通沒有跟汁的火腿奄列，技巧及味道都比想象中好，不是蛋還蛋、不是腿還腿、不是蛋皮捲火腿，他們已輕微地融合了 ﹗嫩嫩炒蛋有彈滑腿絲的咸香，每條腿絲又被蛋漿狠狠地抱住，住發雞蛋香氣，感動。火腿沙嗲牛肉出前一丁，沙嗲牛肉嫩滑，原汁原味沒有用上鬆肉粉，醃味不過龍，煮得不過火。配上清香甜美不咸不濁沙嗲汁，做得好 ﹗個麵

通完宵...訓醒覺就求其搵間餐廳醫醫肚...大埔有好多茶餐廳...突然間想食福建抄飯..就黎左呢間喇...可能因為5點幾既關係，所以唔多人叫左個元貝福建炒飯....好多汁好juicy! 個人認為食等福建炒飯就要多汁..每一啖飯都要有汁...汁係要多過飯架！ 唔咸！唔係好重味精味！唔錯仲叫左杯奶茶..都ok ge...不過不失啦... 呢到啲服務態度都唔錯...對比其他茶餐廳黎講..$38 連飯同奶茶...算係咁啦

夜晚去左大埔昌運中心果間咪走雞燒味餐廳小菜皇食飯﹐一行3人我、老公同亞仔﹐都要等位﹐約15分鐘有位﹐每人㨂左1個小菜﹐亞仔至愛黑椒茄子牛仔骨﹐老公至愛食雞﹐所以一定會點呢間招牌雞﹐而我喜歡食魚﹐點左冬菜蒸桂花魚﹐而每個餸都可以加$16轉餐﹐轉餐係包括1個白飯及飲品(老火湯或餐飲﹐凍飲加$3)﹐呢間湯都好正的﹐沒有味精的。第1個上枱小菜係黑椒茄子牛仔骨﹐這個牛仔骨好好味﹐連茄子都好食﹐跟住係招牌菜咪走雞﹐雞好滑有D似鹽水雞加了芡汁﹐至於冬菜蒸桂花魚﹐魚是新鮮的﹐肉質也很滑﹐可惜冬菜加上了豉油﹐味道有點咸﹐今餐整體都满意的﹐埋單合共$354

今次食的是咪走雞酸辣米線，雞可以選擇原味或辣味，我兩款都試過，都係覺得原味好味啲，本人認為湯麵先至加辣食好過加落隻雞度。講到湯粉麵亦可選擇酸辣，雪菜或炸醬。雞是用砵盛上的，雞肉嫩滑，底下有椰菜，熱騰騰上枱，冬天食正好。味道對我來說偏咸，但配麵食剛好。價錢則算物超所值，因為雞的份量算不少喔，不錯。環境方面都幾寬敞，座位都不少，但中午來食，有時都需要等位。等餐時間唔長，侍應好快端上並會給你一個吉碗裝骨，好細心。

對於雞飯情有獨鍾嘅我.. 一知道大埔出名雞汁撈飯當然即刻去試啦.. 哈哈.. 不過我通常食下午茶多.. 因為一到晚飯食個例牌都要貴成倍.. 雖然係大碟啲.. 但就未跟白飯就要再叫咯.. 而且呢份雞飯下午茶份量都不少.. 絕對可以當晚飯食.. 最好係唔鐘意食飯都可以轉白飯做雪菜米.. 啱晒鐘意食麵嘅朋友仔.. 當然入口雞汁送飯係吸引啲.. 招牌雞下面仲有菜底.. 唔知說唔說得上健康.. 但至少比只食肉好.. 雞肉咬落去都好嫩幾滑口.. 食落似新鮮雞一.. 其實本身個飯撈汁已經好入味.. 個薑溶都唔洗點.. 個汁好"傑"食落都有雞香味.. 連埋野飲都係$50度.. 下午茶確係抵食之選..

平時都有在此餐廳吃早午餐或下午茶餐，食物味道不錯，選擇多，今天午餐點了套餐的乾炒叉燒一丁加凍咖啡 $56+$3凍飲，睇下又吃了一啖後，已經知唔係出前一丁麵。我問了侍應，她強調此是廚房出既，是出前一丁麵。🙄 我只問唔係專家，但相信食過出前一丁既都應該食得出麵既質感係點，麵質唔會係咁幼身。有大家都知一般係外面食一丁麵要加幾蚊，雖然係餐，但都有些失望。😞

若不是遷就朋友很少到大埔消費,看到有間叫咪走雞的茶記,光猛整潔,卡位很多最適宜茶聚。朋友叫份牛腩鱼旦酸辣米線,兩粒鱼蛋加兩件牛腩，鱼蛋幾爽口牛腩似罐頭红燒肉,倒是配角的酸菜爽口酸度適中。我叫份招牌咪走雞飯，滾熱辣上枱，雞件看上去挺嫩滑的,入口卻稍韌,可能温度太高把本來细小的雞件煮得過熟，而且獻计收得太杰了，好彩味道還不錯,兩杯飲品也及格,而且坐得舒服,可以一試的。

午餐諗緊食咩，經過咪走雞就入去食個飯先， 叫左個著明缽仔咪走雞飯，上菜時， 非常之熱出曬煙， 還聽到沙沙聲起曬泡，最鍾意佢個獨家秘方湯汁， 鹹鹹地但又好有種鮮味，令到d雞非常之好食，雞都煮得好滑，底層重有D菜，個汁加埋D飯超好食。叫左杯凍奶茶小奶，杯茶不過不失。

情人節前夕，跟Honey晚飯。不時到咪走雞，食物一向不錯。今天，本想來吃該店推薦菜「缽仔咪走雞」，但，兩個人，吃不下的。所以，改為貴妃雞。我們點了兩個晚餐。Honey點貴妃雞：加$15，配白飯和湯（或飲品）湯是老火湯，湯頭甜。材料豐富，有豬骨、鷄腳、粉葛…所以湯頭甜。貴妃雞呢？冷食，似潮式凍鹹雞，幾有雞味！就算不沾薑蔥茸，也夠味。凍食，鷄肉也不｢鞋｣，｢實實哋｣，更有鷄味。有翼、有腿、有胸肉，師傅斬得幾平均。白飯也夠飯香，可惜，太乾身太硬，不合我的口胃（是個人喜好而已）。我點芥蘭炒班塊：芥蘭炒得夠鑊氣！有微微酒香。有蒜蓉，有酒香菜嫩，無「揸」。而班塊啖啖肉，滑嫩，也很夠鑊氣。「老夫老妻」的情人節晚餐，夠家常！

又一個Happy Friday, 今日心情有啲低落，唯又用食嚟 cheer myself up!!咪走雞都算係大埔比較出名ge 中菜館，今日喺個美麗ge 誤下約咗姑媽dinner, 於是就揀咗呢ana~~(上圖)唔知係咪集團式經營，個餐紙係第2間叫畔溪ge中菜館(記憶中TST有間)西蘭花炒青衣班球西蘭花算新鮮。但唔算係翠綠，都有少少變黃，不過炒ge 火候控制得幾好，成品爽身。但班球都都ok 入味又唔會 "拿"得太勁，overall ok 但咸咗少少。安格師一口牛一口牛個汁有得輸，甜甜哋其實同中式牛柳個汁一樣，牛明顯就"拿"太勁食滑到一個點完全冇唔係嗰回事，牛味都一般，成道菜其實keep 個汁 無論係豬扒 雞塊 or 羊架，都一樣 work, 所以呢道菜個人認為很fail!

咪走雞係大埔插旗多年，今晚先第一次黎幫襯，舖名雖然怪雞，但勝在夠突出。街坊生意，出品、環境、服務都幾好，一間不錯既廣東小炒。青紅蘿蔔湯，是晚例湯，又幾好飲喎 ﹗用銻盅裝住再放入膠碗內，能保持溫度較長時間，滾熱辣，非常濃郁，拍得住燉湯，夠火喉，正！咪走雞，半隻多謝 HKD70 蚊正。依度既招牌菜，用瓦砵上菜，熱騰騰出晒煙，炸炸聲起晒泡，見到勁開心，嘩哈哈 ﹗賣相似菜膽雞，即刻整舊髀試試，味道似咸雞又似沙薑雞，肉嫩而彈彈的，肥瘦適中，滿意，不錯。個雞撈飯都十分惹味！麻婆豆腐，撈飯名物！最初想食另一撈飯絕配魚香茄子煲架，但居然賣晒茄子囉，依排出街食飯經常叫咩無咩，真邪門 ﹗ 大部份包仔豆腐都夠滑，味道香濃，肉味、咸味、辣味夠 balance，如果可以再熱啲就更好。我個人鍾意細細粒滑豆腐囉，可以完全跟白飯溶為一體。

今日去咗咪走雞食雪菜肉絲米加火腿奄列多士。個餐係三個散餐合併成一個全餐。適合早餐及下午茶愛好者。可以加個凍飲。全部加埋要$42。先來個雪菜肉絲米，好米粉好彈牙，個雪菜好新鮮。本人食得出個雪菜屬上等材料。個雪菜有少量瘦肉。D瘦肉好鮮嫩。兩塊多士焗得恰到好處。香甜味，滋味十足。火腿奄列一般。個餐温度適中易入口。杯凍茶唔錯。個場有多部掛牆電視，成四十吋大，食客可以觀看即時新聞。

星期五中午食午飯。我一個人走進咪走雞飯堂。叫了個招牌菜咪走雞飯。因本人要參加全馬。所以叫了少飯。加個凍茶埋單要$49。個招牌菜其實係白切雞。但用了個私家獨門秘方，煮出來的醬汁混入白切雞。出場係沸騰狀。個賣相好似雞煲。滾熱辣。我個人食法係將雞同雞汁混入飯。撈混後進食。玉白色醬汁混入飯好入味。雞肉好鮮甜。但碎骨太多。敗筆之處係太多碎骨。雞肉加醬汁同飯一齊食，好正。個醬汁只有這間獨有。個醬汁好鮮甜。雞肉好滑，我食得出用上等雞肉。其他食店食到碟白切雞但唔係用雞煲出示。冬日食這道菜最好，好暖身。個醬汁只有這間獨有。個醬汁好鮮甜。杯凍茶不過不失。

次次一大班fd一齊去吃飯既時候我都會揀咪走雞哩間。因為人多多，一兩張大圓台就可以搞掂。甘次都係去翻咪走雞吃飯。等了大概10分鐘就有位。我地12個人比了張大圓台我地。例牌都會一人叫一個餸。而我最鍾意吃招牌咪走雞，咕嚕肉同竹笙菜煲。招牌咪走雞次次上都熱辣辣，可以揀辣同無辣，d雞好入味，汁好香，可以用嚟撈飯都得。咕嚕肉最鍾意吃腰果同d肉，d肉炸到脆脆地，醬汁唔算太酸，吃完會想再吃多舊。竹笙雜菜煲既湯底比較鮮甜，有好多無同既菜，岩曬比較素食主義的人。下次有咩都會繼續考慮距。

呢間咪走雞都幫襯左好幾次了，但因為友人對食好‘專一’，次次來都係叫個兩個小菜 ─ 沙芒骨同金姑肥牛，跟白飯難得今日佢居然提出要試新野 !  「叫個招牌菜‘咪走雞’試下啦~!!! 」真係皇恩浩蕩  咪走雞有一份$70, 同半隻$80比你揀, 我地兩個人要半隻啦 !! 一上菜，哇~!! 真係大大盤，熱騰騰，噴晒蒸汽架!! 兩個食份量真係幾多下~ 隻咪走雞D肉都幾嫩，好滑下，呢個菜值得食。除左咪走雞之外，我地都仲叫多左個小菜。登!登!登!登!~~ 又係友人最鐘情既金姑肥牛煲阿~金姑肥牛煲係一樣好普通既小菜，但食過好多食店都煮得好淡，唔夠入味，份量又少但呢間就真係煮得D肥牛幾入味，同埋份量真係堅足料!! 可惜牛肉時間可能因為煮耐左，有少少‘鞋’，總體來講呢間都係間抵食，味道又唔錯既店來既