唐包點

營業中

休息中

今日轉左路程所以中途經過黃大仙地鐵站買個叉燒包中午食，中午食嘅時候發覺麵包皮已經硬身。平日返工嘅時候會很其他公司買叉燒包中午食，同在其他公司買嘅叉燒有分別，麵包皮冇咁軟熟，至於叉燒餡係OK嘅。擺放時間方面都係一樣，又買咗到食嘅時候都係放咗四至五個鐘，因為我都係朝早返工買中午食大家可以自行比較下。

喺一個平平無奇嘅日子入面，我去到咗間依家成為我心頭好嘅食肆。🥢 頭先一踏入去，我已經聞到嗰陣撲鼻嘅香氣，我心諗：「哇，嚟咗對地方！」😋首先，我嘗咗下佢哋嘅菜肉包，個皮軟綿又唔會太厚，瞬間咬落去嗰款，爆出嘅肉汁同青菜嘅清甜，交織成一個啱哂口味嘅組合。再一口，完完全全辟出我對這個包點嘅喜愛。💌跟住試咗個香菇雞包，唔使多講，個雞肉滑溜溜，啖啖嘅香菇更加係有咬口，而且味道夠哂鮮，簡直係香到噴晒出嚟。最後，同事話個糯米雞可以一試，得閒就要預留腸胃嚟個大滿足。😉 個糯米粒粒分明，既黏口又唔會過於沈悶，每樣配料份量恰到好處，真係食落有驚喜！總括嚟講，呢間食肆係一個好有本土味道，又唔會傷荷包嘅選擇，係你匆忙生活中嘅一個美食小憩站，唔試真係對唔住自己㖭！🏪🍱

朋友介紹下, 我嘅胃袋終於有機會同唐記包點有個親密接觸啦！佢哋嘅燒賣肥美，一咬落去，肉汁四溢，味道鮮美得滯，簡直係一絕！🥟 而家講起佢哋嘅腐皮卷，啲皮脆到喺口裡 '嘶嘶' 作響，夾住啲滑嫩嘅豬肉，啱啱好嘅味道，食完真係過癮！👍佢哋啲包呢，就算無咩花巧制作，但卻做到基本功十足。叉燒包，微微甜嘅麵皮裡面係肥瘦相間，味道香甜嘅叉燒，食落去，感覺好滿足！奶皇包呢，一啲都唔會太甜，啖啖大大嚿嘅奶皇啊，猛啲咬落去，滿足感爆燈咁！🍞啱啱又食咗啲素食嘅選擇，假如你似我咁偶爾想清淡啲，佢哋嘅選擇多到你眼花撩亂。哎吔，唔好意思啊，寫食評寫到都餓番咗，下次行過又要順道去買幾件，治治饞！食嘢點可以少咗唐記包點啫！😋🍰💯

朝早成日食😂😂菜肉包又夠熱 個肉都大 性價比算唔錯👍🏻👍🏻不過個小食併盤就一般燒賣有少少魚腥味😖😖但腸粉夠滑 加埋甜醬又好好食😂😂😂😂😂😂

係地鐵站勁方便！之前成日翻學翻工首選又平又好食 😋姐姐永遠都超快手，即落單即攞得！等都唔洗等🙉🙉咖哩雞飯份量足！對我呢啲女仔黎講份量啱啱好多肉多汁 不過紅蘿蔔都有啲多😂😂

今日去左食唐包點叉燒包做午餐，11點後$13兩個。包都算ok大個，裡面有叉燒同叉燒包。叉燒唔肥同無骨，口感不錯，整體而言都ok。如果有送野飲就更好了hahaha

今日放工狂風驟雨，重要搭地鐵去黃大仙交收，之後想去商場食晚餐，但又拎住交收D貨吾想行，睇到前面有唐包點，有蒸飯、蒸包、點心，又有野飲，尼間重有特式客飯，不如就買D返屋企食。外賣包裝企理，方便攜帶。糯米雞係我至愛，用膠盒合住，乾淨衛生，打開後，陣陣荷葉的清香撲鼻，糯米軟熟，餡料和醬汁都較得好夠味。尼個燒賣不是乾蒸，是用娃娃菜和少少湯墊底，每粒燒賣面都有一隻蝦，爽口不膩。特色客飯，三款中我要左秘製豬軟骨飯，餸和飯分開放，飯軟硬適中，豬軟骨加左秘製醬汁飲炆煮，味道濃郁，夠林滑又入味。义燒包：外皮鬆軟，餡料义燒和醬汁較得夠惹味。蓮蓉包D蓮蓉餡超多，味道香甜，原味豆漿，原枝出售，乾淨衛生，豆味香濃，不會過甜。

因為呢間在mtr station 內，過時過節會同家心去拜wong tai sin, 我地都會買些蒸飯包點去拜,拜完拿回家食架已經好小上茶樓，因排隊等位大浪費時間，轉而買點心返屋企依次次都要食燒賣，呢排豬肉價貴都依舊大粒足料哦！ 好開心 同埋有蝦hehe蒸飯通常會再買包點，任何飽我都愛吃，甜甜的滋味加上充實餡料，蒸起的包濕潤又有彈性鬆軟作業效率快，由落單到拎走都只是史分鐘內，岩曬我這類要快的心急人姐姐們都好nice 架

早兩日同男朋友打賭輸左，所以今次放假就要落屋企樓下買早餐啦🌞平時兩個人都係食茶餐廳早餐多，所以今次外賣早餐就食番中式啲啦，行左去附近地鐵站買左點心同中式包點😌其實個份量都幾多🐖，總共叫左一個蒸飯🍚、兩個點心、兩個蒸包同奶茶尼個飯我有時都會自己買番屋企做晚餐，對女仔黎個size 岩岩好，飯粒都好乾身，加埋入晒味嘅排骨，真係必點🤩每粒燒賣都有蝦仁🦐，粒粒都飽滿足料調味本身都做得好好，魚肚🐠吸哂啲精華，而雞肉🐥又蒸得好滑，超正尼個雞扎啲材真係好多，我諗就係因為太多材料，所以我地兩個人食就多左啲🙈兩隻包入面餡料都好滿另外真係要讚下個包裝😎，因為平時就咁搵膠袋入住個包，放得耐啲倒汗水就會影響晒個包嘅質地，但係佢哋嘅包裝就完全冇呢個問題，拎到返屋企都仲係好乾爽👍🏼✨奶茶就叫埋我自己飲嘅，因為鐘意個奶味夠重，而且口感好柔滑😍既然而家唐包點有埋糖水，下次可以打賭輸左落街買甜品呀😏

我又唔想煮飯 懶懶地 咁不如係唐記買d野食返去當晚餐喇🥰🥰今次見到出左個新飯 係梅菜肉餅飯 又幾吸引 所以買左 一打開好香 肉餅好厚身 好抵食 又唔會好林 有彈口 好好食👍🏻👍🏻跟住仲叫左糯米雞🐤🐤糯米雞好大隻 我老公一個都食唔哂 所以$27係先抵食🤩另外仲買左枝奶茶 估唔到奶茶都咁高質 比美茶餐廳咁滑 同埋好香濃 飲得出好濃茶味 正😍再加左叉燒包 菜肉包同燒賣第日做早餐 🥣蒸返熱佢 好滑 夠哂足料 同埋好夠飽😍唐記包點真係無得輸👍🏻👍🏻

星期六返黃大仙探婆婆，知道佢成日都好鍾意食包包，特登係搭車之前買包包比婆婆食呢間唐包點，裝修同埋食物都特別唔同啲感覺上係高級嘅唐記包點，另外食物嘅包裝都靚啲，不過當然一分錢一分貨，所以會貴少少不過買比婆婆食嘅都無所謂，最緊要佢鍾意食叫咗三種包菜肉包 - 菜同肉嘅比例好平均，肉唔會係黐埋一舊嗰種 婆婆最鍾意呢隻叉燒包 - 叉燒包就啱我呢啲後生食，叉燒係類似半肥瘦，唔係只有肥膏嘅叉燒香菇雞包 - 呢個都好啱老人家食，香菇嘅味道重，配合雞包加芫荽味道very good ! 另外在叫咗兩個飯俾我哋食，鳳爪排骨飯 - 唐包點嘅蒸飯一直都好正，最緊要係夠料而且鳳爪整得好好味，排骨都有五至六舊秘製豬軟骨飯 - 呢個好似係新產品，豬軟骨炆得好琳，連老人家都食到，個汁係類似糖醋排骨個汁， 不過冇咁酸 ，好好送飯！

呢晚冇買餸男朋友先話返屋企食，唯有叫佢去唐包點買啲點心嚟加餸，順便買多幾個包做早餐😝。燒賣、雞扎、腐皮卷都係我嘅最愛🤩。最鍾意雞扎入面有大大嚿炸芋頭。每樣點心都足料入味，同埋平過酒樓好多呀。最緊要唔使自己煮，夠晒方便🤣。我都好鍾意食佢哋啲包架，貪佢哋素食嘅選擇好多，而且又夠飽，成朝早都唔會餓啊。第一次食唐記奶皇包，發現冇想像中咁甜，有驚喜呀。不過以甜包來講我最鍾意都係香芋包，啖啖芋茸，健康得來好滿足。

唐包點皮蛋瘦肉粥粥底香滑绵密，加上皮蛋、瘦肉及腐竹，質素可比美專買粥店。蒸飯每盒27元，份量及質素遠超價錢，買兩盒已足夠一家四口食有餘。梅菜肉餅飯⭐️⭐⭐️⭐配料很多，瘦肉與梅菜的配搭剛剛好，再淋上附送的鼓油，超好味。鳳爪排骨飯⭐️⭐⭐️⭐好夠味，有鼓椒鳳爪的風味，加上啖啖肉的排骨，食時淋上鼓油，還以为在酒樓食飯呢。推介⭐️⭐⭐️⭐———#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig #唐包點

唐記集團愈黎愈開得多 成功真係有佢原因👍🏻因為夠哂方便 快捷 多選擇 最重要係包裝方便 ， 易於攜帶又衛生👍🏻👍🏻👍🏻👍🏻成功真係不無道理！今次係地鐵站買左蓮蓉包 叉燒包 白饅頭 仲有我最喜歡的燒賣同估唔到呢到都有的足料糯米雞🐤🐤🐤其實真係幾多選擇 而且佢地仲愈出愈多產品 下次要試埋糖水先🤤🤤啲包好足料 料多（特別係叉燒包） 而且個包都好滑身 調味又剛剛好👍🏻👍🏻我個仔都要搶住食🤭 真係岩哂一家大細都食得 做早餐都得😘另外糯米雞有別於快餐店既糯米雞 非常足料，果然同個名一樣 夠哂足料🤩🤤除左包之外 我一定會買埋燒賣 因為唐記d燒賣就好似酒樓個隻咁 有粒蝦係上面 下面舊肉又好有口感 真材實料👍🏻👍🏻👍🏻好好食😍😍美中不足係呢間分店無提供凍包 變左拎返屋企第日食就無咁方便 不過咁多選擇 一個鋪頭又邊會放到咁多產品係到 咁都好合理👍🏻👍🏻

又系唐包點時間，因為屋企無人煮飯，就去左最方便的唐包點買佢地的飯同埋點心食下了~~返到屋企，開餐了~~兩人份量真的好足夠~~鳳爪排骨飯 ($27)鳳爪排骨飯是我最愛的蒸飯，料真係好多，鳳爪有兩隻，排骨大件有肉，加上特製甜豉油及爽口，黏稠的白米飯，抵食又好味豬軟骨飯 ($29)豬軟骨肉地軟淋入味, 飯同餸分開上, 啲飯唔會索曬啲汁肥淋淋, 好細心的包裝，最想一提是白飯蒸得超靚仔， 唔會爛pat pat，真的30蚊內都一定會有好飯食，哈哈燒賣 ($18)燒賣上面的蝦好爽脆，真的好味過D酒樓食的燒賣~~芋頭包$7.5一個芋頭包真的唐包點的皇牌，芋頭肉好足夠，甜度剛好，真的愈食愈想食，豆漿幾好飲~值得一試!