囍雲天酒家 (已結業)

我和朋友剛在藍田完行山，下山後好肚餓，突然想起觀塘有間囍雲天，聽朋友講的，但我食完先他們的服務差到冇人有。我們叫了一個四人海鮮餐，開頭D送都好快到，食完D海鮮之後話贈送炒飯同椰汁糕，等了20分鐘D炒飯同椰汁糕都沒有送到，叫了分別四個人，個炒飯同椰汁糕都沒有到，途中部長還全程啤住我，叫了第五個後，等多10至15分鐘先有個椰汁糕到，然後繼續等多5分鐘個炒飯先到，全程等了多於1小時原本泊車優惠可全免，但因等了1小時，還要比時租多一小時。網站聲稱皆因不論管理層或員工，都獻出一夥真誠、喜悅的心去侍候每一位食客！

服務質素極差，最差係一個女經理。 我訂了 一圍半套餐係3298 話包嘢飲包括橙汁， 啤酒及椰子水， 但落單後就只有啤酒及 罐裝椰子水 ， 其後又話冇元貝賣哂叫我們換貴妃蚌。点知叫佢上菜但等了半小時都未有野食，再追才知她未落單通知廚房。終於上菜了，但亂曬籠不再講，套餐象拔蚌刺身 又細又不新鮮， 個豬肺湯好似賣剩吾夠分再加水般無味。 又不夠樓面做野於是叫路過男部長幫手斟水佢反而發悔氣叫我打開個茶壼蓋就得呢啲係傳統 ，甘都得出口。 食到尾聲因為我哋就生日蛋糕，有個女部長就問我哋邊位生日， 因為公司有壽包送，我哋就話老人家生日 ，佢就叫我出示身份證係咪今日，我哋就話畀佢聽老人家只有年份冇月同日， 佢就話公司唔會送壽包，咁我哋就吾緊要我地自己有蛋糕， 其後第二個又走埋嚟問同一番話，我話吾送吾緊要，不如吾好再問，我地吾要。最後埋單叫了半小時張單都未到，最終要自已出去埋單才知到無人通知過 櫃檯。最後我將以上情況向一位有禮貌的姓龍嘅經理反映曬以上嘅情況。

服務差，食物差，經理態度更差，黑衫經理全部有問題，套餐包炒飯，7點半叫，9點都未到海鮮全部唔新鮮，桂花蚌有沙，蟹肉就似豆腐，一句講曬，絕對取巧，絕對取巧，絕對取

觀塘新裝潢中式茶樓My families and I went to a Chinese restaurant called "Cheerful Sky Cuisine" (囍雲天酒家) located in Shop 1, 1/F, Manulife Financial Centre, 223-231 Wai Yip Street, Kwun Tong, Kwun Tong觀塘觀塘偉業街223至231號宏利金融中心1樓1號.There is a large art installation at the center of the lobby.Quite impressive!Golden lit ceiling leads the way to the main banquet.Among the way are the semi circular booth seatings.Sparkling, shimmer geometric triangular, square shaped chandeliers are hanging down from the ceiling."S

今日和同事去左觀塘宏利金融中心開會，一開就沒有休息，直至黃昏才散會，中午才食左件三文治，現在餓到腳軟，睇到1樓有間中菜酒樓，名叫囍雲天酒家，門口餐牌有二人全包宴，菜式不錯，我和同事立刻入座醫肚，酒樓地方雅潔，座位舒適，佈置優雅。套餐全包加一、茶芥、指定飲品。椰青水和橙汁：我喜歡橙汁，同事喜歡椰青水，正在選擇中，侍應聽到立即提議說：本來只可一樽飲品，現可一分為二，半樽橙汁，半樽椰青水，真好！上湯焗龍蝦伊麵：龍蝦不算大隻，但味鮮彈牙，伊麵吸收了上湯好惹味！白灼九節生蝦：蝦肉彈牙，鮮味十足，食不停口！清蒸海上鮮：䱽魚新鮮，肉質鮮美。紅燒皇子乳鴿:即叫即做，上枱時還是熱的，乳鴿皮脆肉嫩，十分美味！礦泉水灼鮮鮑魚：鮑魚新鮮，熟度剛好，鮮甜有口感，油鹽水浸花甲(5兩)：花甲乾淨無沙，鮮味中帶點油鹽水味，粉絲吸收了花甲的精華，好鮮甜又爽口。勁蒜蒸貴妃蚌：蚌肉鮮甜，蒜味香濃。金銀蛋浸菜苗：小棠菜林甜，加上金銀蛋（即皮蛋和鹹蛋）增添美味！甜品椰汁糕：飯後甜品，冰凍的椰汁糕甜度適中，椰汁味十足，口感又滑又爽口。

平時公司training 都會過黎呢邊上堂。 今日咁岩又要過黎。 咁就係度食埋晚飯先返屋企啦！係門口見到有個二人餐好似幾抵食咁！ 唔想諗野就叫呢個set. $438 2個人. 有8味菜~ 先黎既係乳鴿一人半只細細只好快食完 初時都嫌細 不過食落去其實好飽。 呢個份量岩岩好！鮑魚 一人半只。 都幾大只呀！烚蝦。兩個食好似好單調咁得四只 wkakakakka呢個餐重有飲品任飲。 有生力啤酒, 橙汁同椰青水揀~我地揀左椰青水！油鹽水浸花甲~OK既.無沙~龍蝦伊麵飽肚既來源。 我地就梗係食唔嗮啦！蒸蒼魚 兩個人食都算大條。 好在我都會食下呢款魚。。else....就要我fd 自己隊嗮佢！金銀蛋浸菜苗. 睇返圖先知有個貴花蚌唔記得影 因為要襯熱食呀嘛...XD成枱都係野！！中間有問我地要唔要食炒飯(包埋既), 我地連D 麵都食唔哂, 又點食炒飯呢...^^唔好哂野~~~最尾重有甜品送~~~ 甜品另一個胃所以食到.XDD椰汁糕有少少JELLY 係度~幾得意~都算抵食既, 重要冇加一, 住附近可以黎試下~

海鮮好抵食，$438有八道海鮮，四人再另外送海鮮湯同蟹煲，難怪咁多人黎食，成間餐廳幾乎滿座，酒樓非常大間，設計上亦非常善用空間，燈火通明，環境都幾舒服。1. 北寄貝- 加了蒜蓉同蔥去蒸，北寄貝味鮮且甜美，好食。2. 白灼九節蝦- 蝦肉尚算新鮮，蝦肉彈牙。3. 礦泉水灼鮮鮑魚- 肉質幼嫩，鮮味一般。4. 上湯龍蝦伊麵- 呢一道都幾高質，伊麵偏幼，個汁夠香濃，龍蝦肉彈牙，非常鮮甜，好食到不得了。5. 紅燒乳鴿- 呢一道菜也很高質，乳鴿表面很香脆，咸咸香香，而鴿肉肉香很濃。6. 豉椒炒花甲- 花甲分量很多，多到食唔曬，但個茨汁唔算突出。7. 龍躉- 呢個餐咁抵，居然仲包埋龍躉，魚肉非常嫩滑，調味不多，只用了醬油提鮮，食上黎好鮮甜。8. 粟米海鮮湯- 呢個湯係送既，清清地，甜甜地，不錯。9. Xo醬粉絲蟹煲- 呢個係我最鐘意既一道菜，一上枱已經香到不得了，粉絲彈牙，蟹係肉蟹，蟹肉多就唔洗講，而且仲非常甜！

觀塘新商貿大廈愈來愈多，比舊式工廠大廈靚仔得多，地方乾淨企理。平時在觀塘飲茶，多數幫襯近地鐵站附近幾間中式酒樓。今日行遠幾步，在偉業街宏利金融中心囍雲天酒家飲茶，感覺印象良好。囍雲天酒家在宏利金融中心1樓，裝飾華麗，地方寬敞，環境舒適。囍雲天行中菜路線，有多款菜色選擇，傳統粵菜、點心、燒味、燉湯和海鮮等，應有盡有。坐下叫了卜卜脆燒南仔、懷舊馬拉糕、孖寶瑤柱蛋白炒飯配灼田園油菜、聽說這裡鮮蝦菜苗餃和蛋白杏仁茶都出色，順道試試。 卜卜脆燒南仔，外皮燒得金黃香脆，肉身肥瘦適中而不肥膩，肉香滿溢好味。鮮蝦菜苗餃，餃皮夠薄而通透，蝦肉菜苗清晰可見，蝦肉爽口彈牙，菜苗嫩綠新鮮，賣相吸引，味道可口，值得一讚。馬拉糕深褐色，足證發酵夠，味道有層次，即叫即蒸，蓬鬆，柔軟，包香撲鼻。至於孖寶瑤柱蛋白炒飯配灼田園油菜，飯粒夠乾身，略帶油脂，加上瑤柱蛋白蔥花兜亂猛炒，熱香好味。跟配田園菜心，亦翠綠新鮮。飯後來個蛋白杏仁茶，蛋白香滑，杏仁味非常濃郁，入口清甜滋潤。 囍雲天整體食品水準不錯，環境舒適，是飲茶聚腳好地方。

來到週日，今天最重要嘅任務就係陪小鬼去新屋度尺、睇裝修同傢俬，由於時間尚早，老公提議不如一家人先去觀塘飲茶，再繼續行程。記得位於港鐵站附近嘅鱷魚恤中心，入面有唔少酒家，本來打算近近哋去嗰度搵食，不過原來小鬼另有目標，說要帶我哋去試新「茶」點。原來這個鬼靈精之前喺宏利做 intern 嘅時候，曾經去過大廈入面一間叫「囍雲天」嘅酒家飲茶，覺得店裡嘅點心，水準唔錯，所以想同我哋去試下。酒樓位於偉業街宏利金融中心1樓，地點雖然唔算好就腳，但地方頗大，而且裝修都幾有氣派。先細看星期日午市點心價目表，小點：$20.8、中點：$28.8、大點：$34.8、精點：$35.8、特點：$36.8，茗茶每位：$12，點心價錢同一般酒樓相若，不過這裡午市點心、粉、麵、飯、小菜有九折優惠，而下午茶更低至七折，套餐/特價食品及海鮮不設任何折扣優惠。率先送上的雪山餐包 (中點)，外形脹卜卜，包皮用上墨西哥包的沙糖面，以牛奶、忌廉和蛋白製成。外皮食落非常香脆，包身鬆軟，而內裡叉燒餡亦甚多。七味魷魚鬚 ($78)，魷魚鬚一向是小鬼嘅至愛，而這裡的魷魚鬚亦做得很不錯，炸漿夠薄，七味粉的調味不會過搶，魷魚鬚軟熟不韌，彈牙有

呵呵....今日跟朋友又來我熟悉的觀塘區搵食, 今次唔係食西餐, 係食海鮮餐, 以後食海鮮唔使去到老咁遠嘅鯉魚門及西貢了。估唔到平日觀塘區嘅中式酒樓晚市都有咁多食客幫襯, 呢間囍雲天地理位置較為輸蝕, 我喺觀塘地鐵站急步行過來大概八~十分鐘, 可能因為位置輸蝕, 酒樓以平、靚、正海鮮餐吸引食客。餐牌十居其九都係海鮮, 外於今日又係兩條友撐枱腳, 散叫大大碟唔叫得幾多樣野, 掃完一輪餐牌.最終都係食二人海鮮餐 ~ 八道鮮味（$438 /2人, 免茶免加一）有飲品, 有鮑魚, 有蝦, 有埋龍蝦食, 仲全免, 埋單只需$438, 睇價錢及海鮮, 堅抵！至於質素如何? 試完話你知！椰青水 （套餐奉送）套餐包椰青水或橙汁或生力啤, 我哋揀咗椰青水, 入口頗清甜, 仲有粒粒椰子肉俾你咬下。礦泉水灼鮮鮑魚估唔到$438 套餐嘅鮑魚都有咁大隻。火候仲控制得恰到好處, 鮑魚剛剛熟, 爽口彈牙, 拈少許芥末豉油食, 鮮味更出紅燒皇子乳鴿每位半隻, bb乳鴿炸得皮脆肉嫩, 肉汁豐富, 乳鴿炸前已用滷水汁浸至入味, 夠香口。勁蒜蒸貴妃蚌貴妃蚌爽甜, 蒜蓉下得狠 , 非常惹味, 口臭都抵!白灼九節蝦九節蝦頗大隻

觀塘區中菜選擇唔算多， 朋友想幫長輩擺大壽， 想book 之前約埋去睇吓環境同試菜。个friend 揀咗觀塘囍雲天，近觀塘碼頭那边。 酒樓地方闊大，夠曬空間， 唔會凳貼櫈。大堂冇柱， 似乎新人擺酒都唔錯。餐牌很多是日精選特價小菜。 我們發現竟然有二人海鮮餐全包免茶芥。 真係好少見二人套餐免茶介， 一般酒樓都唔會有提供。 這款二人套餐還包括八款小菜 當中有一半是海鮮， 售價只是$438好抵食。礦泉水灼鮮鮑魚(2只)清蒸火候剛剛好， 朋友那隻鮑魚只是緊緊熟， 而我果隻個心仲有啲靭。 完全沒有用調味，吃出真正鮮味。白灼九節蝦蝦九節蝦以鮮甜出名， 蝦的甜味完全留在舌尖上， 連鼓油都不需要蘸，美味無窮。油鹽水浸花甲( 5両) 花甲唔算太肥美， 用油鹽水浸更能帶出鮮味， 薑絲蔥白絲幼細， 浸着的粉絲更盡吸花甲的精華， 並有淡淡的麻油香。紅燒皇子乳鴿乳鴿肉嫩皮脆， 醃得很入味， 每人半隻少吃多滋味。蒜蒸桂花蚌( 2 隻) 鋪著的蒜蓉很惹味， 桂花蚌鮮甜肉爽。清蒸海上鮮 清蒸倉魚。 火候剛剛好，size 啱啱好二人分量， 淋上的豉油 很能帶出 倉魚的鮮味。金銀蛋浸菜苗(例) 選用了細細棵的小

囍雲天酒家位於觀塘偉業街宏利金融中心一樓，開源道行到街尾轉左便是。得知其推出極限低價的八道鮮味海鮮套餐 ($438/2位全包)，人頭不過$220，還能吃到滿載而歸，遂帶家人於週末一同到來享用。金粟海鮮湯: 四位同行總數 +$400除了份量加大，還送湯和XO醬粉絲蟹煲，以鮮蝦、蜆、白蘿蔔、紅蘿蔔及粟米煮製，清甜不膩，適合飯前飲用。上湯龍蝦伊麵: 每位半隻，共有兩隻，龍蝦肉爽彈，算是新鮮，上湯濃度適中，性價比高。紅燒皇子乳鴿: 同是每位半隻，bb鴿尺寸偏小，但肉夠幼嫩多汁，而且滷水夠入味。蒸鮮鮑魚 & 勁蒜蒸貴妃蚌: 前者一般，貴妃蚌竟較好吃，蒜香令蚌肉更鮮甜，蚌肉漲卜卜，夠肥美。白灼九節蝦: 白灼無甚麼可說，新鮮便足夠。豉椒炒花甲: 豉椒味一般，不及惹味，但份量算多。清蒸龍躉: 龍躉蠻大條，吃過多款海鮮後，四人也難以把它吃光。新鮮肥美，而肉質爽實帶嫩，實屬超值! XO醬粉絲蟹煲: 總數$800餘元還有一個蟹煲，確實令人驚嘆，雖然蟹的尺寸必然較細，但重質不重量，加入XO醬料再以薑蔥爆炒，蟹肉算入味，而且還有大量粉絲，很飽肚。最後是金銀蛋浸菜苗......

話說就快要到這區工作啦~為咗要適應新的 work life，於是問吓他知唔知附近有咩好嘢食。幸好他以前响呢區返過工，所以他帶我到他舊公司附近的呢間酒樓飲茶。呢度都算幾有空間感的，大廳兩邊各有落地玻璃，看到外面的環境。他說時遲那時快，便點好了食物遞給職員。卜卜脆皮燒腩仔我哋平時飲茶都會點燒腩仔，呢碟的表皮又厚又脆，而裡面的肉又唔會乾。點埋個燒腩汁，十分惹味。原隻鮮蝦餃蝦餃是每次飲茶必點的，蝦肉很鮮爽，唔會食到蝦肉有落調味料，食得出蝦肉的原味。蟹籽燒賣皇點得蝦餃，梗係要點埋佢的孖寶燒賣啦~燒賣餡挺多的，咬落都算軟身，一點都唔覺實。家鄉咸水角咸水角大大隻，少少咸，咬開是熱熱地的。鮮蝦炸雲吞他專乘為我點這一道菜，話知我鍾意食，咬落係脆卜卜的，而最特別的是用柚子汁而不是用甜酸汁，味道甜甜地又唔錯噃~薑汁雙皮奶食飽飽啦~ 佢見我拎住張甜品紙，係咁望住呢一味，於是同我點咗。超滑滑 der~ 薑味也很重，但不會重到辣喉的，三幾下就食完了。

辛苦了整個月，真的要慰勞一下自己及唯一的teammate😈原本想打道爐，但見到八道鮮味又包這麼多食物，最終還是決定來個海鮮宴吧。酒樓內裡也也很美，由門口步進不久，便有半開放式的包廂座。再往內走，便是較大的樓面，晚上有火煱，也有小菜。今次點了八道鮮味，價錢算平，2人用，有海鮮，還要包飲品及甜品。白灼九節蝦 夠鮮甜，肉質彈牙。紅燒皇子乳鴿夠惹味。礦泉水灼鮮鮑魚 這樣簡單的做法會食到鮑魚的鮮味，我喜愛， 而我的teammate話他喜愛蠔油炆的那種，我話這些是鮮鮑魚， 不是乾鮑呀勁蒜蒸貴妃蚌 果然很多蒜蓉，大愛。貴妃蚌不是很大，大約是平時食用蜆的2倍大左右， 但有蒜蓉及粉絲，就真的很入味。重頭戲登場上湯龍蝦伊麵份量很多呢，2個人一定食不完呢。清清的上湯，食后不會過膩，龍蝦切半， 一人一份，肉質爽而有咬口。清蒸游水海上鮮 (鎗魚)蒸得剛剛好，肉夠滑，的確很大條，食得飽飽的金銀蛋浸菜苗比想像中的大碟，菜嫰，金銀蛋也多。最終還是忍不住口要食個甜品椰汁糕，中途還飲了一整jar的橙汁酒樓的其他menu。食后感 ： 海鮮新鮮，份量多，我覺得是3人份量吧，食后真是酒足飯飽，要回家大覺訓

有時候,兩個人想外出吃海鮮餐,確實有點難度。因為叫一隻龍蝦,蒸一條魚,整碟豉椒炒蜆,蒜蓉蒸扇貝,再炒一碟油菜,一般來說份量也很大,根本都吃不完。所以想吃海鮮餐,也只好相約一大班朋友。 最近在觀塘發現二人前海鮮餐,食物種類多,價錢合理,於是決定一試。 這裏位於商業大廈內,晚餐顧客比較日間少,晚上到這裏進食,相對比較寬躺舒適。 除了一般的茶水,二人前套餐還包括了飲品。於是我們就選擇了一勺椰子水,清甜可口,比氣水和果汁更加解渴。 紅燒皇子乳鴿雖然細細隻,但是調味非常出色,炸得香脆。 白灼九節蝦,每人三隻,爽脆香甜,剛剛好。 勁蒜蒸貴妃蚌,非常香甜,而且粉絲吸收了貴妃蚌的甜味,好味到點了一碗白飯來吃。 大家別以為礦泉水灼鮮鮑魚就等於沒有味道。想不到白灼的鮑魚,味道竟然非常清甜。 第一次嘗試以 Wasabi 和豉油配着吃,竟然有提升鮮味的效果。 雖然這碟上湯龍蝦伊麵的龍蝦肉不算多,但是調味不錯,兩個人吃份量剛剛好。 當天的清蒸游水海上鮮是倉魚,如果能夠改為豉汁蒸倉魚的話,相信會更加惹味。另外要一提的,就是三位或以上點選這套餐的話,除了每位只另加$200之外,清蒸游水海上鮮也