四季文昌 (已結業)

趁住個天仲凍凍地，即刻去打翻個邊爐先，鐘意呢度夠曬就腳，而且裝修相當靚，環境坐得好舒服呀，設計有心思，樓底高，書架色彩甚繽紛，沙姜豬手48豬手呢個小食好軟糯，難得做到幾入味，食完暖笠笠，惹味又彈牙呀😋泡椒鳳爪32最鍾意食辣ya既我，今日蜻蜓點水點左呢個，辛辛辣辣咁好開胃，吮賣d汁先叫滋味。索價298既火焰龍蝦海鮮鍋點解叫火焰呀？因為炒完海鮮會淋冧酒再點火，好有啅頭呀😍超吸睛：主角有龍蝦，好欣賞呢度會幫我bob開曬，唔洗麻煩開，好易就起到d肉，size不太大但個肉實在很彈牙，仲有青口同大蜆，南瓜洋蔥蕃茄等材料，湯頭滾完格外鮮味，濃湯味好掂，就咁飲已經好正斗，其他配料烚賣，索曬d湯汁，實在夠味，已不用再加其他佐料去提味。298佐賀a5牛肉眼高質素既靚肉，雖然價錢貴左少少，因為得四塊，但唔去開街市我都知物價上漲而家牛肉有幾貴既啦，所以a5牛喎，叫做物超所值。d牛肉色澤number one呀，紅白分明，口感勁細嫩，近乎入口即溶既款，下次黎實要再叫。炸响鈴32比外面價錢平，份量剛好，大大舊，脆度如果即炸會更好😆邊邊唔少得，香口滋味。竹笙48份呢個係本人近期邊爐首個點燈菜式，皆因健康，仲要索汁又雪

已經去了3次、一次又一次失望、跟開業初期食物 味道 環境一流。主要是椰子湯底(剛開業時味道香而濃)、再加也是椰子湯、現時己變成再加是。還好其它主打鷄和食物都很好( 今時今日 沒有wi-fi嘅地方)

喜歡吃海南雞，此店新開便來吃火鍋，感覺還不錯。今日立春日雞年正式到，帶老人家來吃雞。因胃納有限，點2個午餐。此店闊大，座位舒適，望始創中心全景。讓老人家回憶昔日凱，麗聲戲院景象。老人家說只在意雞是否靚。雞顏色不靚，太冷，無任何味道，飯是生硬。忌廉湯呈粉狀。南瓜雞亦不佳，雞調味不到家，汁液無味，飯同是太冷，生硬。客人只有數檯，經營困難，無誠意煮好午餐。不須加一，價格則合理。晚餐便偏貴，我亦曾吃過。不會再來了。除非要找僻靜地點詳談。

我話4個女仔想坐得舒服又傾到計又要好食，朋友就介紹左我黎食椰子雞打邊邊喇。 裝修得幾特別，唔似一般火鍋店，環境幾舒服，唔會感覺好迫。4個人唔想諗，就叫個套餐啦，可能因為近團年，$688個套餐無左，變左下面呢個餐牌：我地就叫左$988個set 喇~先黎冷盤，冰鎮南非鮑魚，爽口又彈牙，一啲都唔“un” ，正! 再黎主角椰子雞，先將雞同椰子煮好，佢仲會比個漏斗你，漏完就可以食，唔會過左時。食完雞食埋啲湯先開始打邊邊。個椰子湯又真係幾清潤肥牛就一般般~野菜籃都幾新鮮，可惜份量少左啲~我地叫加湯，啲湯都係椰子湯，味道都唔錯~仲有個煲仔飯，食埋個煲仔飯，4個人已經飽到上心口~

年初一就一定係同我至愛嘅屋企人食飯啦想搵個舒舒服服嘅地方同屋企人傾吓講吓，過一個開心嘅大年初一在朋友推薦下，選了四季文昌🐔年食番個椰子雞鍋先我選擇了太子店，平時行街都見到呢間火鍋店，地點方便又易搵，上到去原來好大，裝修好文青店員安排我地坐窗邊位，感覺更加開陽胃口大増椰子🐔，店員會幫你煮，慢火浸熟超滑由於年初一唔食牛肉，所以叫咗魚同🐷肉八吋長蟹柳有特色蝦丸墨丸雙拼，兩種都彈牙，但我比較喜歡蝦丸，我覺比較有鮮味響鈴不是即炸，味道一般

公司食飯 = 又是白吃的一頓有經驗者book左位，所以唔洗等位，而且仲比左個內位我地咁多人，好方便！首先，一黎到比我既感覺係好靚！好驚嘆既感覺，加上係复古FEEL~~~感覺有點去左哈利波特場景既感覺，哈哈除左一入門口已經咁靚之外，其他擺設都好复古同漂亮，不禁影阿影，可惜的是不能盡拍，因為實在是太多了。有點欣賞店主，可以把自己的收藏show出黎之餘，也可以當作店內飾物或店內既一個特色。同行者九位，套餐算吧！除了套餐外，也叫了不少沙冰飲品、額外的食物。很怕雞吃起來是老、"鞋鞋"的，這隻不會喔！放進去久了點也不會有這種情況出來！韓國午餐肉，平時打邊爐唔會叫，但今次呢個比我有點驚喜，驚喜點係佢炸過黎，外面脆，打起邊爐黎，感覺比一般普通的美味。貴的當然美味，只是貴的當然少……生蠔肥美、甜，毫無腥味其他一般第一次見咁細粒，好可愛

四季文昌今晚約左同事去公司附近試新野，成日行過見到四季文昌幾正，今晚終於book左黎試下！ 鋪頭牆上裝飾都幾靚，好有書卷味！叫左個6人份既竹笙椰子雞套餐，個餐樣樣都有d，都幾抵食！ 三文魚拼北寄貝刺身，冰震上枱慢慢食都唔怕變壞，三文魚切得唔厚唔薄岩岩好，色澤好靚，食落好肥美好新鮮，北寄貝大大片都好鮮甜好味！ 一級臘味芋頭煲仔飯，臘肉蔥花芋頭切得都細細粒放上飯面，大大煲賣相都覺得好吸引，芋頭好香又淋，又似食緊糯米飯，又冇糯米飯咁濟，加埋特製豉油撈埋一齊食好惹味！竹笙椰子雞，一打開勁香椰子味，椰子味完全滲入晒落d雞度，雞肉嫩滑唔鞋口，又大大鍋好好味！ 黑豚腩片，薄薄一片片，滾兩滾就食得，肥瘦比例岩岩好，肉質好嬾滑好淋，索埋椰子湯底味更加好味！

好耐冇去四季文昌開餐，今晚相約為食姊妹團去食團年飯！首先食南非鮑魚（冰鎮）做頭盆，相當新鮮！今晚叫咗個原味椰子雞煲，同以往一樣，湯滾，落雞，用沙漏計時，夠鐘，先飲個椰子雞湯先，再食雞，之後就加水再淥其他食物！有機粟米，味道好甜！四季牛皇拼盤，最欣賞係個牛舌粒，好淋，好味！午餐肉，不太理想！日本直送野菜籃，有6款菜，2款菇，翡翠苗就最新鮮！今晚大家最想食嘅主角係南安油鴨煲仔飯（細煲），臘腸好味道過油鴨，份量夠4個人，每人一碗，可以一試！朋友有積分優惠，送咗個東風螺食，好香，好有酒味！值得一讚！

深圳早幾年曾流行過椰子雞窩，但呢個潮流直至近期才傳入一河之隔的香港。日前同朋友們去「四季文昌」食椰子雞窩，用椰青水焯雞吃，鮮得很呢，個湯更是一流。其實雞同椰子本身已是絕配，兩者配搭很難會難食，何況這裏的雞種更屬海南島名物的文昌雞（儘管我不太肯定是否真文昌雞）。吃完雞後湯底繼續用來打邊爐，加水不用錢，但加第二次椰子水便要額外付費。平心而論，若椰子雞湯加入肥牛等東西，反而變得混濁不好飲。另外，點了個椰子飯同堡仔飯亦好味。整體食物水準不俗，店子裝修也型格，頗適合年青人。唯服務唔多掂，催單也催了幾次，連朋友拿了個生日蛋糕來，叫店員從雪櫃拿出來也攪了十多分鐘，這實在太慢了吧。

今天是除夕，約了好朋友兩公婆吃飯。由於天氣凍凍地，所以選擇打邊爐。想吃四季文昌很久，所以終於可以訂枱吃了。一入到餐廳，便傳來一陣陣很香的椰子雞味。我們叫了一隻椰子雞，等大約10至15分鐘就可以吃了。椰子味很香，而且湯底很清甜，所以encore完又encore 。但要注意，加水是免費的，但是茄湯是需要加$10至＄20(我忘記了正確價錢)。叫了幾杯飲品。每杯都很特別。我的菠蘿梳打很香，而老公的紫色梳打就不知道是什麼味道。叫了8寸長的蟹棒和八吋長的午餐肉。蟹棒很正，但是午餐肉還是一片片好了。

聽就聽人講得多親身要試下啦～呢間好似好特別咁，唔係普通嘅雞煲佢主打椰子雞煲。見佢個環境又好似好靚所以去咗試，一入去環境真係OK wor～仲好大添～基本上都唔會太FullHouse嘅如果平日，因為真係好多位，行入去嘅感覺佢分開咗兩邊，一邊是普通嘅西餐廳另外一邊就係打邊爐咁，咁我哋就行咗入去打邊爐嗰邊啦。不過有樣嘢要講下嘅就係我哋諗住坐近窗口嘅卡位啦，所以打去book嗰陣諗住同職員講聲～但係職員話淨係可以六個人先有得坐斤以唔會安排比我地，咁冇計啦，只不過當我哋去到發覺起碼有一半以上的窗邊卡位都係得3－4個人嘅，我book四個人但佢唔俾我坐，有少少唔開心，又唔係full house先有咁ge安排，但係都唔緊要啦咁我哋啲位都叫做“闊落”嘅所以都接受la～但係湯底方面比想像中有啲失望因為佢椰子嗰個湯唔夠濃味，所以我哋再另外加左椰子湯，但係加左之後就好好多～嘢食方面講左好食ge先啦～牛同竹笙都好食嘅，講左牛先：牛的質地好好，牛味好重，記得變晒色就好食喇，雖然試過唔覺得放耐左，但都一樣正～最好當然愈嫩愈好啦～︿︿竹笙索左啲椰子雞嗰啲水真係好濃味好香真係不可缺少的一樣野～但係佢個餐嘅嘢食就冇乜驚喜～我

除夕夜2人去，9成位置坐滿。餐廳環境舒適，選用昏暗的燈光，以書架和不同的特色裝飾。播放韓流音樂感覺更像是韓燒餐廳。點了半隻雞份量的原味椰子雞煲，如圖所見，「湯底」非常清澈，我特意在落雞煮之前嘗一啖，味道完全唔掂，只有好少好少的椰水味。經過一輪火鍋，煮過牛肉、雞肉、冬菇之後，嘗了一小碗椰子湯底，終於嘗到比較濃郁一點的味道了。可惜，請侍應加湯時，侍應表示只可加水，加湯要另外收費。平時去別的餐廳加湯要加收費不是什麼問題，但這次是本身已經覺得湯底「無料到」的時候再收費便覺得不值！極抵讚的是頭兩枝自攜酒不收開瓶費，而且餐廳有足夠的大枱，是聚會的好地方。

今次我有 7 個人。大約每人 3舊水。價錢就中位價啦。食物見得都新鮮。唔係舖滿冰喺面。賣相唔算太求其。先倒所有🐔煮滾。用漏斗計時。滾起先飲湯再食🐔。湯 : 好清香椰子味。雞 : 較煙韌感覺煮唔熟 (再滾會較滑) 最少每人食咗件🐔飲咗半碗椰🐔湯就落野滾食哂相中嘅款式。食物賣相整齊。發覺平平無其。味道唔算好新鮮不過。。。有碟。。。好似叫。。。咩“黑蟲露魚肉丸”。。。咬一口已經好香蟲露味。可以試叫兩碟:咩“羽衣金南菜”。。。佢個樣好綠唔靚仔。但熟咗咬落仍然好:飲品都平傭。賣相都會令你想影:建議多人去傾計。聯誼。聚舊。唔錯嘅環境選擇之一:雖然係打邊爐。但走時都唔覺好大陣味跟住)

約了幾位朋友一起吃「LATE LUNCH」， 店內裝潢真的很特別 而且坐位也舒服店內有位嬸嬸十分熱情的招待可能因為是下午3時多的原故 店內就只有幾台客人，而且只有我們是打邊爐的下午茶餐牌居然也有火鍋套餐我們一行4人 叫了一個2人餐 再追加其他食材食物質素我是覺得一般啦 椰子雞湯底對我們吃得很濃的人來說是蠻淡的但可以點醬汁來解決的啦而且我們發現如果單點飲料其實價錢跟點一個下午茶餐沒差幾塊錢吃到飽死也每人只是170$ 很不錯啦！下次也會再來

這裡主打什麼食材，在MENU封面已清晰標示 @四季文昌Coco Kitchen * * * * * * * * * * 秋冬要進補，身為香港人即時想到打邊爐，其實香港人對烚下烚下的熱愛又豈止在秋冬呢? 應該說是一年四季無它不歡呀，今天選好了四季文昌，好想試試她的椰子雞煲，母親大人本身在家都經常會煲椰子雞湯，真想知道自家的和這外出的味道有否分別呀! 先由餐廳裝潢開始談起，單憑時尚簡潔設計，相信人們也許好難聯想到是一家海南菜館，穿過水泥原色牆進入店內，沿途掛滿油畫作品或大型襟章，木製書架，過萬尺的用餐面積和極高樓底都造就出無拘束的用膳空間。 滿室鎢絲燈泡、雲石餐桌和漆皮座椅營造出溫暖舒適感，又帶點西方工業型格氣息，餐廳內播著中西方的流行音樂，一點也不俗套 這裡生意滔滔，食客由晚上七時許開始陸續進座，很喜歡這裡不會催促顧客盡快吃完離座 竹笙椰子雞鍋 (半隻) HK$148元得知這兒採用飼養期由150至180日的文昌雞，冰鮮到港再在店內處理，盡量保持新鮮，而這款雞的賣點就是肉質嫩滑、雞味濃郁和肉汁豐富。至於椰子亦同樣來自海南，質量較優，肉厚兼甜度高，我們從原味(半隻) HK$128