四季煲仔飯

營業中

休息中

四季煲仔飯（1）呢間飯店超出名，我細細過已經食。好耐好耐以前，四季只係賣煲仔飯同生滾湯，係絶對冇煎蠔餅的。以前舖頭係邊？其實就係現鋪的對面，即是現時興記鋪頭，佢賣煲仔飯賣到出曬鋪頭，啲枱枱櫈櫈放曬出去坐，好熱好多人，但係氣氛濃厚，好有香港特色。點解以前四季唔賣煎蠔餅？因為有一檔好出名嘅煎蠔餅係條街中間，超多人買又係超多人排隊，我估四季想各有各做，所以冇賣蠔餅，但係四季准許客人買入去食。淨係准蠔餅同汽水可以，其他一律不淮的。可惜，某年某月某日，政府要維持秩序，小販管理處，唔批准再擺佔街道，因此各人都搬入舖頭了。四季入舖後，就開始了賣鴨蛋蠔餅，沒有用雞蛋了。

天氣轉涼，又係食煲仔飯季節。由於好多餐廳都唔用炭爐的關係，宜家要搵間好食嘅煲仔飯好難。今日就試吓呢間超級up dup專食煲仔飯的餐廳。這間餐廳清一色都係啲木口木面、講多2句都嫌你煩嘅阿姐，所以係完全無服務可言。咁黎得呢度食都預咗，但求阿姐唔好小我地。煲仔飯都係大路的配搭，價錢由$50起，視乎要幾多個餸啦。我要咗梅菜滑雞，老公要咗潤腸排骨。等咗唔駛10分鐘個飯就黎啦。唔知係咪好多人食霸王餐，好搞笑地係個飯一上枱就收錢。一開蓋係好陣焦香的，我唔鍾意咁多飯焦所以只焗咗一陣。梅菜滑雞只得很少梅菜，雞反而較足料。好明顯個飯唔係由生米煲成的，而係蒸好後再落煲仔煲。飯明顯唔夠乾身，飯焦唔脆，雞略咸。可取的係唔貴，雞滑。幾十蚊都不能期望太高，沒期望就無失望。但就應該無下次。

本身間鋪得菜 煲仔飯 同蠔餅賣⋯食物得3類冇其他選擇，連飲品都冇得賣。我叫左個一個煲仔飯，上到台，個煲仔飯係暖既 冇煙唔熱，暖到我都拎得起咪叫佢再煲熱，呀姐重賴番我話係我撈完個飯緊係凍晒啦，嬲到我開蓋比佢睇証明我咩都冇搞過，佢先幫我拎去再煲熱，重要即刻黑面！個肥佬老細重望實我地，明明係佢地d飯唔係即時整擺到凍晒，再煲番利個飯熱喇，另一問題⋯個飯冇飯蕉。連煲仔飯應有特式都冇埋。。。一定唔會再利食，冇下次！唔會再幫襯。

以前去油麻地都有去四季食煲仔飯同蠔餅，果陣時都覺得唔錯。早排應承左女友帶佢去食煲仔飯，咁就一齊去左四季煲仔飯。我地大約18:45左右去度，唔洗等位直接入得。今次既煲仔飯真係大失所望😞😞😞😞😞。1. 冬菇滑雞煲仔飯滑雞真係幾滑，幾嫰口，冬菇都幾淋。咁煲仔飯就真係唔掂，好大陣燶味，d飯焦黑哂😔😔😔。2. 牛肉排骨煲仔飯牛肉同排骨都中規中矩。而煲仔飯就完全食唔到煲仔飯既味道，e個飯係無飯焦😞。3. 蠔餅👍蠔餅幫四季拉番唔少分，個蠔餅依然炸得好香口，蠔都好鮮味，真係唔錯。👍👍整體而言，今次去食煲仔飯令我地大失所望，希望可以去番以前既水準。目前只有蠔餅值得推介😞😫

去電影中心看電影，很多時都會想吃廟街的煲仔飯，以前每次經過四季都大排長龍，所以都是選擇興記，但那凋零的配料，每每吃完都只能帶著失落感離開。今年也是看完獨立電影，特意走過走去想初嚐四季。可能比較晚了，大概十點半，客人八成滿，不用排隊。本來想點臘味飯，但姐姐話臘肉賣哂，只剩雙腸。於是改點鳳瓜排骨飯。賣相比興記好，份量也較大。即叫即做即畀錢。煲仔飯精髓豉油只有色而完全無味，飯偏濕，近乎完全零飯焦，有那一點點飯焦也只是完全唔脆無帶燶味。與利苑和大埔陳漢記的煲仔飯相比，這基本稱不上是一個煲仔飯。開始明白為何有些外國朋友香港冇嘢好食......唉

天氣開始轉涼，秋風起，當然要食煲仔飯啦！話說呢間【四季煲仔飯】已經開左好多年喇！同樣，我亦好多年無幫襯過。間中行過都見佢地經常排晒長龍⋯⋯尋晚同事撩我食煲仔飯，食煲仔飯最出名就係四季，就二話不說由旺角行去油麻地，去到好在店內仲有幾張枱，唔使我做企街🤣一坐低我就已經諗定晒要食乜，我自己最愛食蠟腸田雞煲，總之食煲仔飯一定食呢個，同事點左排骨滑雞煲仔飯，我叫同事果個煲仔飯幫我加多一條潤腸，唔知點解我就唔可以蠟腸潤腸田雞煲？但就可以排骨滑雞潤腸煲？真係無解⋯🤔跟住我又點左份鴨蛋蠔餅，腐乳通菜，金銀蛋芥菜湯老老實實，一個值100分既煲仔飯，佢既精綷就係飯焦，但係我竟然一舊飯焦都見唔到，就算蠟腸幾惹味，田雞幾好味，無飯焦既煲仔飯起碼要扣50分啦！腐乳通菜就普普通通，但好搞鬼，我問個呀姐比碟腐乳醬我，佢竟然答我話要去到好遠攞，佢唔得閒叫我搵第二個攞，最後我見佢地咁忙都廢時再出聲😓鴨蛋蠔餅就堅好味，不過一定要熱辣辣食，可惜個辣椒醬就超級咸，正確黎講係好很咸既豆瓣醬，所以我寧願唔點醬食仲好食，最後仲有一鍋芥菜湯，呢鍋湯算係大鍋，兩個人都飲唔晒，我都飲左3-4碗四季收錢好得意，當煲仔飯一上枱，即時要比錢埋

去完圓方，因為圓方嗰邊都無咩餐廳選擇，所以係眾人討論下就選擇左行去油麻地食煲仔飯。嚟到嘅時間為星期日八點幾，條龍嘅人都一直有多無減，本身都諗緊轉唔轉軚食隔離嘅興記，但係比條龍吸引左嘅情況下都係繼續排，結果都等左成三十分鐘係排隊嘅時候已經落左單，但係到入到去有位坐都再等多左成十五分鍾先有飯菜上。四個人食各嗌左每人一個煲仔飯同一個大蠔餅Share，由於朋友嘅飯無影低，所以剩係分享我叫左嘅潤腸雞肉飯。我地係上左飯之後加左豉油再焗多佢一陣先食，希望會有飯蕉。雞肉同潤腸都唔錯，但食到底發現得極少飯蕉而朋友嘅飯係直頭小小都無tim...而個蠔餅我地都一致認同係好食嘅，加埋魚露更好味。不過等待時間太耐同無飯蕉完全減低左下次再去嘅可能性😞

突然心血來潮想食煲仔飯，同男友由旺角行去廟街。7點幾到，入座率五成，遊客佔多數。坐低望到餐牌：嘩，貴左好多⋯算喇一場來到，大熱天時唔想再行喇，於是2個人叫左牛肉滑雞煲仔飯 、蠟腸排骨煲仔飯、腐乳通菜。價錢加左唔少，質素大不如前， 焗左幾分鐘打開個蓋仍然見到白飯濕潤，零飯焦！ $53食䜴油撈飯，失望到極⋯ 食到好激氣！呢個時候，隔離又來左3個後生仔，佢地坐低都係講左句：嘩好貴呀。唉，又多幾個香港人中伏⋯ 四季已經係只顧揾遊客錢，放棄食物質素既餐廳從此我嘅blacklist餐廳又多一間了。

不論寒暑，小人都不受控制地想要吃煲仔飯。在廟街遊蕩完，見到這家人氣店子沒有人龍，那管三十多度，也要吃個煲仔飯。蠔餅並不是煎，而是炸出來的，脆是夠脆，卻是油加膩的代表作。粉的比例比蠔多很多，況且蠔很細隻，完全談不上飽滿。白鱔排骨飯裡的鱔魚夠彈牙夠滑，然而只有數件，難道是少吃多滋味乎。排骨則不行，肉靭兼且有雪味。最差的還是飯，太濕太腍，茶樓的一盅蒸飯可能更好，淋了豉油就是徹徹底底的豉油撈飯。更奇怪的是很少煲仔飯是沒有飯焦的，完全癲覆了煲仔飯的神髓。比預期中有太大的落差。

喺廟街嚟講佢哋太受歡迎鳥， 等咗一大概15 定二十分鐘先至入到位， 飯方面佢哋冇烹調到有飯焦， 店員建議我哋淋咗啲醬汁再焗多幾分鐘先打開嚟食， 的確咁樣之後再打開嘅煲仔飯飯味同醬油味比一開始上枱嘅時候更加突出， 不過佢哋價錢偏貴單餸都要成五十幾蚊， 加蛋仲要三蚊

來煲仔飯店食個98元鼓油捞飯，飯焦何在？在香港我唔奢望食材有幾咁新鮮，最起碼煲仔飯有飯焦這是常識吧！端飯過來個陣飯蓋一d都唔燙手，真係沒有最差，祇有更差！我不是來踩場，我都希望人家給予你名氣，就要用誠意做好自己個朵，呢個價比深水埗40元煲仔飯仲差，亦係我食過最差的一個

香港の友人に紹介され、いってきました！街中にあるので、アクセス良し。待ち時間なく、入れました。お店はでかでかと看板がでてるので、すぐ見つかりますよ。夜の7時くらいでしたが、人は八割くらい。地元の人が食べにきてるなーとゆう雰囲気でしたね！チキンライスのチキンは、絶妙な味付けで美味しいです。ソーセージみたいなのは、お酒の味？が強くてちょいと合わなかったですね。チキンライスにピリ辛ソースや醤油をかけてよく混ぜて食べてください

今年年頭凍凍地既時候, 有一晚睇完戲想食熱辣辣煲仔飯, 於是就問好友有咩好介紹啦, 佢話廟街呢間四季煲仔飯算幾出名, 咁就二話不説即刻去啦去到又真係勁多人排喎, 心諗, 多人食質素應該有返咁上下。由於人多, 排隊時已經落定單食咩, 我地叫左兩個牛肉煲仔飯加蛋, 一碟腐乳通菜。煲仔飯一黎, 打開蓋, 淋上豉油再焗一陣。食嗰時發現, d飯完全唔掂, 一d香味都無最慘既係連豉油都好淡味; d牛肉又少飯就多, 全程好似食白飯咁, 真心唔好食真係50+蚊個煲仔飯無下次

去完登龍街食龍蝦包，帶朋友去搭船，再行去廟街，參觀下一條占卜街、聽街坊唱歌同街邊檔既海鮮小炒同煲仔飯自己食過好幾間食店，煲仔飯同蠔餅，都係四季最好味叫左一份細蠔餅同潤腸滑雞飯俾朋友試下蠔餅炸得好鬆脆，蠔仔新鮮！但佢既辣椒醬好咸唔好食👎🏻上次黎食都唔係咁咸。個煲仔飯好出色！黎到時熱辣辣，加左豉油再焗一陣，整碎條潤腸，撈落d飯度，一齊食好好食。連我朋友第一次食都覺得好好食～最後叫左一人一枝玻璃樽裝可樂！好夠氣！正！

之前每次經過去看電影的時候，想試，但都見到大排長龍而卻步。可能夏天的緣故，今晚經過又唔使排隊便走入去試。見到隔離枱的夫婦食煎豪餅，也想叫一份試試，八卦問問他們是否好食，意外地、他們竟然跟我說完全沒有特別，可以不用試！穩陣起見，於是我只點了一個排骨滑雞煲仔飯！等了約10分鐘，已經送上煲仔飯！打開蓋，卻完全沒有飯焦味。落了豉油，試了一口煲仔飯，原來真的去錯地方、中伏！我覺得同酒樓食蒸飯沒有分別，雞肉有雪藏味，排骨完全唔新鮮！可能廚師知道排骨不新鮮，落了很多食鹽以遮蓋食物的不新鮮！成個煲仔，只有底部有微焦，旁邊是完全沒有飯焦的。酒樓蒸飯絕對好過佢！為什麼總是這麼多人在排隊食？真的令人費解！它的價格與「大」字連鎖店相若，但「大」字連鎖店要揮低佢完全冇難度，起碼人哋有去交功課，而這一間，想不起有其他比這更更差的煲仔飯店，更想不起有任何理由回去再嘗試。