四季煲仔飯

營業中

休息中

之前每次經過去看電影的時候，想試，但都見到大排長龍而卻步。可能夏天的緣故，今晚經過又唔使排隊便走入去試。見到隔離枱的夫婦食煎豪餅，也想叫一份試試，八卦問問他們是否好食，意外地、他們竟然跟我說完全沒有特別，可以不用試！穩陣起見，於是我只點了一個排骨滑雞煲仔飯！等了約10分鐘，已經送上煲仔飯！打開蓋，卻完全沒有飯焦味。落了豉油，試了一口煲仔飯，原來真的去錯地方！我覺得同酒樓食蒸飯沒有分別，雞肉還可以，排骨完全唔新鮮！可能廚師知道排骨不新鮮，落了很多食鹽以遮蓋食物的不新鮮！成個煲仔，只有底部有微焦，旁邊是完全沒有飯焦的。為什麼總是這麼多人在排隊食？真的令人費解！它的價格與「大」字連鎖店相若，但起碼人哋有去交功課，而這一間，完全想不起有任何理由回去再嘗試。

香港最有名的煲仔饭，离庙街很近。所有煲仔饭都是现做的。很喜欢腐乳通菜！一定要尝试！从来没吃过跟腐乳一起，很有香港特色。煲仔饭腊肠超好吃！但是排骨真的一般，很咸！酱料好吃！可以自己添加！整体还是推荐的！做好心理准备，环境很不好！不要带女票去。。感觉像是进了农村的婚宴流水席。。其实我也就是说说。我没去过农村的婚宴流水席

成日見到呢間煲仔飯大排長龍，心諗今日平日去食應該冇人啦掛～果然，平日晚上八九點係有空位架。我地叫左蠟腸滑雞煲仔飯、細蠔餅同埋腐乳通菜。首先上既係細蠔餅，有兩塊，都真係幾細。蠔餅帶脆口感，不過蛋好似冇以前咁香，唔知道係咪仲用鴨蛋整呢？蠔既份量都多，唔腥。煲仔飯上時我地立刻林豉油，再蓋返煲蓋等左十幾分鐘。可惜完全冇飯焦，有D失望。雞幾滑，不過就冇乜雞味。蠟腸偏油。最後食腐乳通菜，腐乳超咸。菜既份量都多。

香港地食煲仔飯嘅地方都唔少，相信四季都係出名嘅其中一間，之前仲有唔少人排隊去食添，不過見咁多人排隊，所以都冇食過，唔知係熱潮已經減少定係時間太夜啦，呢晚去到廟街見到冇乜人，所以就試吓個煲仔飯啦。臘腸排骨煲仔飯，自己落豉油焗一焗，等佢有啲飯焦先。我就比較鍾意臘腸切片，成條上好難咬，而且呢條臘腸一咬落去好大陣酒精味，難入口。排骨細細件，數量都多，不過就好韌好難咬。雖然四季出名，不過講真好食過佢嘅煲仔飯有大把啦，真係唔洗試都得。

星期六晚同三個中學同學一共四個人去食四季煲仔飯聽其他朋友講呢間野好出名所以就二話不說揀咗呢間8點去到見到要排隊仲要排長龍心諗整冇死啦點個呢知先係惡夢開始一行去隊尾就有人俾咗個餐牌我地叫我哋即刻點菜下⋯點樣即刻點呀？算，拿拿臨叫左3個飯，一客大蠔餅，一客腐乳通菜；埋單$270蚊叫完嘢食仲要企喺度排隊排半個鐘大約半個鐘之後入到去就有位坐之後仲要再等等多左三個字之後蠔餅就黎，話就話4塊（冇影到相）但係4塊都好細，多謝$80同埋我只會話佢係暖唔知炸完之後放左幾耐先俾我哋食落口，完全係「林」之後就到腐乳通菜（跟餐$16）中規中矩冇投訴最後三個飯一齊上一打開 就知出事白鱔煲仔飯（$70），得5舊仔排骨同滑雞（$50@），正常份量算數但係最過分係啲飯嘅質感去相⋯⋯⋯影相影得唔好，請勿見怪但係食煲仔飯就係想食佢啲飯焦依家野三個煲仔飯都係勁濕無論點焗都焗唔到飯焦出嚟講完飯質，講肉排骨雞粒冬菇唔知攞咩來接「葉」係勁鹹食完一舊之後要係咁飲茶但係都沖唔走d鹹味由於三個飯嚟嗰時已經收咗錢之後越食越唔對路最後食到一半，拉隊走左去咗對面間麥當勞買18件雞食結論：未食過咁難食煲仔飯如果想中伏，呢間可以去試下但係對我黎

雖然當天溫度一d都唔凍，仲好熱，但因為咁岩係附近又想食好食既煲仔飯，基於對一次係食興記，所以今次就去左而度。每次黎而度或者經過而度我都係未試過冇見到人龍，今次唔單至冇人龍，入面都係得一半滿，咁好彩定..........基本上我一定係叫臘腸排骨煲仔飯，所以睇都唔洗睇就落左單，然後我咁岩見到隔離枱個飯好似好濕身，但係唔唸咁多啦。等左10分鐘黎到，一打開個蓋，個飯同平時屋企煮果d泰國米一樣白一樣色，食一口，根本就係一樣，冇溝過米，同蒸飯一樣，炒下個底睇下有冇飯焦，冇不特至，仲要d飯有d濕到痴埋一pat, 其實佢煲多陣肯肯定定唔會咁，唔知究竟個廚師換左人定新手，仲衰過自己煮！個排骨正常，條臘腸好乾身！ 而個54蚊既煲仔飯比起唐記30蚊有找既蒸飯仲差！其實佢明明同煲仔飯差好遠！老老實實唔知個老西為左減成本定係老西都會埋，有常識都唔可能咁樣整！而間野唔係退步咁簡單，難怪少左咁多人！PS 差d想叫蠔餅，好彩聽到有人話唔好食即刻作罷！

呢間煲仔飯好出名，所以一直都想去食，今日終於約到朋友食，結果，我地都好失望。一去到，環境一般，不過有冷氣都算好噶。我地兩個都係大食噶，所以每人各叫左一個煲仔飯，一份細蠔餅，一份生菜。蠔餅好快到，望落好似幾大份甘，原來呃人噶，兩塊蠔餅加埋都唔知有無5粒蠔仔，全部都係粉，空氣甘，而且又油。碟生菜都係，勁多油。戲肉係煲仔飯。我叫左個排骨滑雞煲仔飯。d飯完全仲係米離噶，o曬嘴，成煲都係生米。同個姐姐講，姐姐話幫我再煮下。唯有再等啦。朋友叫左個臘腸滑雞飯，區話完全無味道，所以落左好多豉油，但都係無麼味，區好夾硬甘食左一半，因為唔想浪費。再等左10分鐘左右，我個煲仔飯終於二次加煮完。立刻食一啖，完全食唔到，都係生米，點食阿。仲要勁乾，我唯有食曬d肉，但飯真係食唔到。呢間煲仔飯已經比我同朋友blacklist左，我地都話呢個係我地食過最難食噶煲仔飯。

經過見倒幾多人幫襯所以一試，叫左臘腸滑雞飯加鳳爪排骨飯，一黎到個鳳爪排骨飯嘅排骨係生嘅，成嚿排骨成透明狀，結果要阿姐攞去再煲。跟住臘腸滑雞飯的臘腸同滑雞尚可，不過飯完全像電飯煲煲出來的飯一樣，很濕很林，完全沒有煲仔飯的風味。然後鳳爪排骨飯回來了，誰知個飯比之前的臘腸滑雞飯更濕，完全沒有炭火的風味，鳳爪和排骨也不見得好食。排骨的骨很多，鳳爪亦唔好食。整體結果可謂相當失望，完全跟期望中的煲仔飯相差甚遠，雖說用炭火，但竟然沒有炭火效果，不知是否趕收工所以影響食物質素。我想我不會幫襯第2次。

Scoured the net like everyone hoping to find Hong Kong's best clay pot rice. Almost all results pointed to this restaurant, but I digress.First thing you notice near dinner time was a hole in the wall with plastic covers at the entrance, and a long queue formed. It left an impression of a makeshift quarantine station, but民間美食is usually found in the most unexpected of places, so we joined the bandwagon.Inside was super loud; you get an array of visitors from all over. I know I shouldn't be nosy,

由細細個已經係廟街食煲仔飯，到而家每年都食一次。今次早早去食，怕要排隊。好期待煲仔飯架味道，可惜今年得失望……先由蠔餅唔夠脆卜卜，煲仔飯既排骨無味道，最重要既飯焦呀……係無晒，失左蹤呀！！！好失望呀！！！變左係遊客味道，無左舊日風味，同價錢越黎越，遊客價……可惜，可惜。

天氣一凍就特別想食暖笠笠既煲仔飯，今次去廟街尋找煲仔飯，上網search過資料見呢間「四季煲仔飯」人氣比較旺，特登去試試。店內裝修比較簡陋，但仍然吸引不少客人。鴨蛋煎蠔餅($40)蠔餅炸得鬆脆，蠔仔粒尚算飽滿，但口感比較油膩。潤腸滑雞煲仔飯($53)一打開煲蓋香味四溢，潤腸既油香流落飯中，雞肉嫩滑，淋上豉油十分惹味，略嫌欠缺飯焦。腐乳通菜($20)通菜爽脆無渣，配上腐乳食帶點鹹香。是次消費$113，兩個人食到飽，非常抵食。

一心約朋友去試這間飯店，因為之前被傳媒推得太火熱吧……遠見大排長龍，滿心希望，排隊的時候，阿姐已比餐牌，供我們預先點餐，我同友人分別點選了白鱔煲及臘腸白鱔煲，再追加了“不能不吃的鴨蛋蠔仔餅~白鱔煲一開 吓，得4片比紙還薄的白鱔? 加幾粒麵鼓？竟收$70 元? 吓我有冇眼花，料少得可憐吧，飯也未見飯焦，比大X活還差！ 而比被推崇的鴨蛋蠔餅，更不值一提，蠔仔未見，得蠔孫吧～把鬼，一再中伏了……不會不會有下次，機會只留比對食客有良心的店舖吧。88四季

因為天氣凍咗，突然想食煲仔飯，經朋友介紹之下就去咗呢間鋪試o下，大約六點半鐘到，等咗十零分鐘就入到去，都算快， 地方唔好坐我預咗，唔會介意 。知道煲仔飯要等起碼20至30分鐘，所以一坐低就先order咗膶腸排骨煲仔飯，等緊煲仔飯嘅期間就叫咗蠔仔餅頂肚先， 碟蠔餅來到，筷子一夾D粉鬆曬，咬落去一口油 ， 唔明點解叫蠔仔餅囉！再叫多個金銀蛋芥菜豆腐湯就不過不失，都足料。到主角出場喇，煲仔飯一打開個蓋就已知中伏了，啲排骨係細細粒正方形好似五香肉丁咁嘅size， 零碎咁分散喺飯面上 ，完全係乾身， 冇醃過嘅痕跡 ，再食落去有雪味完全同好食 扯唔上關係。 是但走去一間連鎖快餐店整嘅煲仔飯都應該俾佢好食， 悲哀！！！！！！！！！！！！！！！！！！！！如果我自己開鋪整煲仔飯，一定頂死佢囉！(︶︹︺)

餐牌就在牆上，一目了然，許多人點鴨蛋蠔煎，似炸多D！煲仔飯最主要元素，飯焦，鼓油，都不合格。等了20分鈡，只得切片牛肉蒸飯，煲仔上！鼓油放在油菜太咸，放在飯冇味！真不知道為什麼過了六點需要排隊呢？

香港最地道的食店一定是在廟街每次經過都會想停底求其找間餐廳入去又吃又飲啤酒所以我約了我的好朋友在此邊吃飯邊吹水排了大約40分鐘隊 才能進去坐今次我嗌了一個臘腸滑雞飯來吃臘腸滑雞飯這實在是好吃我最滿意的是滑雞塊, 肥瘦比例適中!! 而且份量適中 雞肉再加上醬油, 令這個飯加了七、八分, 還有就是那件臘腸, 每次吃煲仔飯都要叫臘腸, 臘腸送飯真是會令人實在忍不到口想叫多碗飯來吃!!難怪每一天都咁多人來排隊吃這個煲仔飯