圍爐 (已結業)

原以為這是一間火鍋店，原來是吃正宗順德菜。鍋貼大明蝦、炸子雞、大良炒鮮奶、焗西米布甸都是招牌菜，只可惜焗西米布甸是需要預訂的，如果訂座時能溫馨提示一下，那會好得多！本人一直很喜歡吃鳳城的鍋貼大明蝦，這裡的味道竟拍得上鳳城，後來發現大廚是在鳳城酒家學廚的。炸子雞炸得非常香脆可口，不過有些部位很鹹，不知是否醃製過程不太平均。大良炒鮮奶炒得很香滑，建議必須盡快完成這道菜，否則放久了便會很槳口，影響口感呢！

約了屋企人來這裡吃父親節午餐。訂位時候跟店員確認父親節是有點心和其他炒粉麵飯可以叫的，跟平常的餐牌無異。我們是親身來店跟店員面洽，所以沒有可能是我們聽錯。但當我們一家來到的時候，卻跟我們說餐牌只有”特定”的小菜和套餐可以點.其他的全部都冇，因為是父親節”特定”安排。還説是溝通錯誤。你冇就訂位時直接告訴我。來到一坐下就說沒有，浪費了我一家的時間。一心想試下點心，換來是空歡喜一場。如果不是我一家大小老幼已經坐下來，否則我一定離開。如果是節日，價錢比平常貴一點，我是可以理解。但明知沒有我們要求的東西，卻跟我說有，還跟我們再三確認。本來一家大小想飲茶吃點心過父親節，真是令人失望和憤怒😡只要做好自己的食品和宣傳，在天后這個人流充沛的地方，也不惆沒生意的。你可以選擇做不老實的食店,我也可以選擇去其他可靠的食店。

不寫不寫還是寫，只因值得讚友人幾乎日日報到，於是一試是否真的那麼好食。訂了7時，早到半個鐘已經近滿，心裡不禁嘩了一聲。地方不算太大，一眼見晒，三張大圓枱7-8張細方枱，沒有電視，不太嘈雜，可以專心食飯傾計，老闆滿場走，似乎大多是熟客。本想點冬瓜盅，原來要預定，失策！點了個鍋貼大明蝦（即是蝦多士），蝦是原隻去頭尾，炸得脆脆。記得要快食，否則麵包凍了變得很油。再來個蒜子大鱔煲，上枱香噴噴，出晒煙，除了蒜子還有冬菇燒肉豆腐果皮一齊炆，怪不得咁香。跟著炸子雞到，皮脆肉滑，幾乎枱枱都點是有道理的。接著是素菜和蟹拑，上菜速度很快，個口跟不上😂😂😂。素菜也煮得好，蟹拑漲卜卜眼看很吸引，食落覺得外皮厚了些，中間的肉比較散不爽，口感略為差一點。吃了蝦多士後這個蟹拑就比下去。追加多一個肉絲炒麵，不過不失，平平穩穩，但伴碟的辣椒醬就出奇地辣😅。甜品選了蓮蓉西米布甸（落單時要留定），焗得雖靚，但邊位過乾有點硬，幸好不太甜。

週末想同家人食中菜，又唔想去酒樓，天后,大坑出名多野食，就試下呢間。座位唔算多，好彩book 左檯。炸子雞最出名，肉質鮮嫩，有肉汁，醃料香得黎唔會太搶，皮當然好脆啦，對於減緊肥既我都值得用quota 一試。👍👍兒時的回憶--炸蟹鉗，蝦肉打成蝦膠，混入蟹肉，食得出係自家製，有蟹味，幾juicy. 當然，如果混入既蟹肉再有鮮蟹肉既甜梗係最好啦。椒鹽炸鱔球，魚肉唔會乾，椒鹽香得黎唔會太咸。但係切得太薄，粉漿變得好厚。再叫左雜菜煲甜品試唔到西米焗布丁，6：15到都比客人留晒。椰皇燉蛋白，沒有用椰皇上，但係好香，份量岩岩好。

成日經過想試下，今次就book咗臺啦。滑蛋炒蝦仁（$128）超重紹興酒味同埋太鹹😰，好勉強地食咗佢😓。蝦仁細粒，好明顯係解凍咗冇耐。又唔係好大份...黑椒一口牛（$138）味道唔錯但係好油膩😪，牛肉都腍嘅。豉汁炒鱔球（$138）又係味道唔錯但係好油膩😓，一定唔係鱔球，係好細粒嘅鱔😅。真係太油食唔曬。瑤柱琵琶豆腐（$88）味道唔錯，都有七舊，裏面都腍嘅。金勾瑤柱什菜煲（$98）唔考功夫什菜煲都還可以，蔬菜都青綠，但賣相可以改善😅環境唔係太吵，服務員態度都OK。但係食物質素唔係太好，比較油膩，真係要改善下💪🏻

今晚全家人提早同老豆慶祝生日，所以揀咗屋企附近嘅中菜館---圍爐。我覺得個名好特别，餐館座位不多，有私房菜的感覺，價錢很大眾化，整體看出店主很用心經營。此外，無論老闆及員工招呼都非常周到，令食客有賓至如歸嘅感覺。淨係呢點我已經俾佢爆哂分。有興趣嘅朋友記得要訂位，仲有一D特别嘅菜餚係要早兩日訂架。例如：菜膽龍鳳翼呢個考功夫，要拆咗雞翼D骨，再釀入蔬菜，喜歡清淡嘅朋友，不妨一試！煎釀鯪魚同樣係手工之作，喺屋企好難煮到，師傅好細心將醬汁分開上，使魚肉更加爽脆。黑椒一口牛做出一貫的水準，黑椒汁令牛柳粒食落更惹味，係好穩陣嘅菜式。海参红燒豆腐材料很足，海参大大件，賣相十分討好，可見店主毫不吝嗇。我十分欣賞呢碟豉汁炒鱔球，分量多不在話下，估唔到炒鳝球都可以咁入味，魚肉食落仲係脆口，調味嘅醬油又洽到好處，绝無油膩感，值得一試！簡單如蒜蓉炒豆苗也看到廚子嘅功力，首先賣相佳，色澤翠綠，有油光但绝不油膩。食味很清爽，完全沒有豆苗的苦涩味道，係非常出色的菜餚。總括而言，呢間中菜館喺天后呢區绝對係穩健之選，值得一試！

與好友去海洋公園玩，其中一位提議來吃晚飯，臨急訂位只能訂八點，而且很多餸菜也售罄。脆皮炸子雞皮脆肉嫩多汁，炸得剛剛好紅蘿蔔粟米西洋菜老火湯久違了的足料老火湯，好味道。紅燒琵琶豆腐甚少食店有琵琶豆腐，豆腐炸得剛好，加上西蘭花伴碟份外出色。生菜肉碎包肉碎切得細碎炒得剛剛好，配上新鮮生菜及醬汁，爽脆好味豉汁炒鱔片豉汁炒鱔片，再加上青椒，紅椒及冬菇，夠鑊氣。蒜蓉炒豆苗時令豆苗超嫩炒得夠鑊氣椰皇燉鮮奶濃香牛乳香甜吸引

今天晚上約了三位舊同事去天后的圍爐晚飯，因為是朋友訂枱，初時我以為圍爐是吃火鍋，原來是一間吃順德菜的小菜館，地方不太大，祗可容納數十人，朋友帶來紅酒，但收瓶費不太貴，祇收$80。我們點了脆皮炸子雞、蒜子大鱔煲、菠蘿咕嚕肉和杞子上湯浸豆苗，菜式簡簡單單，味道不錯，尤其炸子雞，皮脆肉嫩，大饍煲同樣出色，鱔新鮮無腥味，調味不太鹹，恰到好處，咕嚕肉雖則普通，但肉質鬆軟，肥瘦均勻，炸得不太亁身，酸甜汁亦冶味，上湯豆苗亦勝在豆苗鮮嫩。大家有說有笑，享受滿意的一餐。順帶一提，當晚來了一圍枱大律師，有幾位電視都見過，心諗莫非他們今晚圍爐收看無綫劇‘是咁的，法官閣下’。

外婆是順德人，可是從來沒見過她煮順德菜，日常她也只是瓜菜、蒸魚等的清茶淡飯，亦沒聽她提過家鄉菜！外婆回到天家不足一星期，我們跟返港忙了數天的姨及姨丈首聚，匆忙間想起常經過的「圍爐」！起初還以為「圍爐」是火鍋店，其後讀過報章報導才得悉「圍爐」主打順德菜！正好是外婆的家鄉菜，晚飯來得更有意思！當晚第一輪已爆滿，唯有等到八時才開飯吧！ 一行十人，難得在沒預訂下可嚐到老火湯，全頼其他客人的預訂，我們方可順便來一鍋。西洋菜陳腎湯（HK$168) 清而醇美，十足家裡的味道，大家都很喜歡！ 我們喜歡吃湯渣，在沒有預訂下，只能提供小小一碟，但也滿足矣！ 姨和姨丈打開餐牌即看上大良炒鮮奶（HK$108)。大良鮮奶炒得嫩滑，口感柔軟如棉花，最重要是不油不膩！ 再來是順德名菜之一的家鄉生魚卷（HK$148)，生魚卷滑溜，中間捲上冬菇和雲腿提味。調味輕淡，以便品嚐原食材的純撲！ 另一順德手工菜 — 煎釀鯪魚（HK$148)。先將鯪魚拆骨取肉，再把魚肉打製成彈牙的鯪魚膠，然後將魚膠釀回鯪魚中。最後將釀好鯪魚放鑊煎香，以豆豉芡汁伴之！沒有魚骨、且啖啖肉的鯪魚，外脆內彈，加上味道純美，讓人吃得暢快！ 弟婦是帶子粉絲

再次來到圍爐吃晚飯，今次又是生日飯。父母早2天已打去點菜，今次除了必吃的金錢雞、炸子雞和焗西米布丁外，竟然可以吃到蛋白花雕蒸蟹，鹽焗鮑魚，髮菜蠔士炆豬手，清蒸石班，雜菜花膠煲，冬瓜粒湯，生日仲有壽包吃添，好味

今晚在天后一間叫圍爐的小菜館和親友食晚飯，點了脆皮炸子鷄，咕嚕肉，煎釀鯪魚，蝦多士和椒鹽脆鱔。幾個小菜的水準都很好，价格也很合理。其後得知這裏的大㕑原來曾經在鳳城酒家服務多年，才明白為甚麼一間只在今年五月才新張的食店座無虚席。下個月有長輩生日，我都打算和親友們在這圍爐慶祝食生日飯。長話短說，兩個字，就是 like 和好!

同事聚會兼慶祝生日，奇怪訂了天后圍爐。一入去似是功夫菜老字號，同事更預訂馳名鹽焗雞及焗布甸。老闆更帶了一支紅酒🍷一支清酒，我們點了些出名菜色，咕嚕肉、炒鮮奶、雜菜煲，豬𦟌老火湯蝦🦐多士有點乾，唔夠香。炒鮮奶特色，比較嫩滑但未至於美味；咕嚕肉脆皮要趁熱食；雜菜煲足料。有點失望😞是鹽焗雞變了炸子雞⋯ 味道是酒樓菜。焗西米布甸有點過了火，唔夠香，比起鳳城的差很遠距離。但可能氣氛好，整餐飯總算愉快。

媽媽話天后開左一間新店，雜誌都有介紹，叫晒成家人去試新野，以我咁胃食，當然好啦！晚6:00到，原來媽早一天已訂好菜。懷舊金錢雞：平時的我吾吃這菜式，因為有一片厚厚嘅肥豬肉，但今次啱晒我口味，雞肝配叉燒及薄薄嘅肥豬肉+一片饅頭，雞肝好香，吾太肥膩，今次我歡喜，但爸爸始終都係話喜歡再肥D，唯有下次叫師傅特別整幾片肥的給他。囡囡仲好搞笑咁講，一片片既饅頭好似化妝棉咁軟綿綿。冬瓜粒湯+鹹菜苦瓜黃豆湯：好味，飲晒。鴨鬆生菜包：好味，生菜仲可以免費添椒鹽炸脆鱔：必吃！鱔炸完出來仍然嫩滑，椒鹽味可以再多D。懷舊蝦多士：Ok，唔太油膩。翡翠炒班球：Ok，魚嫩滑。金華火腿炒白菜仔：冇咩特別，菜爽口。吊燒雞：雞好嫩滑，好好味，我主要是吃雞胸，吾太乾，味道啱啱好，正！XO醬叉燒辦麵：屋企人話味道剛剛好。西米焗布甸：我至愛，吾太甜，必吃！

我和老婆住在天后，閒時都愛在天后電器道附近搵食。呢排發現以前食韓燒的舖位，變成一間叫“圍爐”的小菜館，於是入去幫襯下試下味道如何。老闆(？！)梁先生非常好客，每次點送都會介紹今日有咩靚和有咩當造，食完亦會問我哋覺得味道如何有無地方需要改善。重點係佢需要咁樣問，但我哋一d都唔記得有好hard sell的感覺，抵讚!至於食物味道亦係一絕，性價比很高。大廚為曾在鳳城工作，所以有焗布甸和大良炒鮮奶等名菜讓顧客品嚐，我哋就最喜歡菠蘿生炒骨和鱔煲啦。現在我和老婆每個禮拜平均幫襯一次，(so far都幫襯了4次了)，每次都無令我們失望，大家不妨都試下。

星期一晚上開完會已經筋疲力盡，好想食餐好。路過見到店鋪的名字很特別叫”圍爐 ”，門外放了menu 圖片也很吸引， 造就了今天遇上的經典懷舊菜。脆皮炸子雞：熱辣辣，皮脆肉嫩多汁， 最難得是連雞胸肉都能保持嫩滑， 簡單的一道炸子雞便能食出師傅的功力。菠蘿咕嚕肉： 炸得脆口肉嫩， 加上酸甜汁，酸酸甜甜很開胃。家鄉生魚卷：初看以為只是普通的甜豆、芹菜、木耳、炒生魚片，但細看才發現生魚卷中間包著 : 金華火腿絲、冬菇絲、筍絲……。 手工精緻的心機菜已經很難遇上， 一口接一口食不停。蛋白椰皇燉奶：椰皇水加上嫩滑牛奶蛋白蒸得剛剛好，入口即滑進喉嫩滑無比。焗蓮蓉西米布甸：布甸焗得微微起焦，蓮蓉滑溜不覺腻。